শ্রী বেঙ্কটেশ্বর প্রপত্তি

শ্রী বেঙ্কটেশ্বর প্রপত্তি

শ্লোক 1

ঈশানাং জগতোঽস্য বেঙ্কটপতে র্বিষ্ণোঃ পরাং প্রেযসীং

তদ্বক্ষঃস্থল নিত্যবাসরসিকাং তত্-ক্ষান্তি সংবর্ধিনীম্ ।

পদ্মালঙ্কৃত পাণিপল্লবযুগাং পদ্মাসনস্থাং শ্রিযং

বাত্সল্যাদি গুণোজ্জ্বলাং ভগবতীং বন্দে জগন্মাতরম্ ॥

শ্রীমন্ কৃপাজলনিধে কৃতসর্বলোক

সর্বজ্ঞ শক্ত নতবত্সল সর্বশেষিন্ ।

স্বামিন্ সুশীল সুল ভাশ্রিত পারিজাত

শ্রীবেঙ্কটেশচরণৌ শরণং প্রপদ্যে

শ্লোক 2

আনূপুরার্চিত সুজাত সুগন্ধি পুষ্প

সৌরভ্য সৌরভকরৌ সমসন্নিবেশৌ ।

সৌম্যৌ সদানুভনেঽপি নবানুভাব্যৌ

শ্রীবেঙ্কটেশ চরণৌ শরণং প্রপদ্যে

॥ 2 ॥

শ্লোক 3

সদ্যোবিকাসি সমুদিত্ত্বর সান্দ্ররাগ

সৌরভ্যনির্ভর সরোরুহ সাম্যবার্তাম্ ।

সম্যক্ষু সাহসপদেষু বিলেখযন্তৌ

শ্রীবেঙ্কটেশ চরণৌ শরণং প্রপদ্যে

॥ 3 ॥

শ্লোক 4

রেখাময ধ্বজ সুধাকলশাতপত্র

বজ্রাঙ্কুশাম্বুরুহ কল্পক শঙ্খচক্রৈঃ ।

ভব্যৈরলঙ্কৃততলৌ পরতত্ত্ব চিহ্নৈঃ

শ্রীবেঙ্কটেশ চরণৌ শরণং প্রপদ্যে

॥ 4 ॥

শ্লোক 5

তাম্রোদরদ্যুতি পরাজিত পদ্মরাগৌ

বাহ্যৈর্-মহোভি রভিভূত মহেন্দ্রনীলৌ ।

উদ্য ন্নখাংশুভি রুদস্ত শশাঙ্ক ভাসৌ

শ্রীবেঙ্কটেশ চরণৌ শরণং প্রপদ্যে

॥ 5 ॥

শ্লোক 6

স প্রেমভীতি কমলাকর পল্লবাভ্যাং

সংবাহনেঽপি সপদি ক্লম মাধধানৌ ।

কান্তা নবাঙ্মানস গোচর সৌকুমার্যৌ

শ্রীবেঙ্কটেশ চরণৌ শরণং প্রপদ্যে

॥ 6 ॥

শ্লোক 7

লক্ষ্মী মহী তদনুরূপ নিজানুভাব

নীলাদি দিব্য মহিষী করপল্লবানাম্ ।

আরুণ্য সঙ্ক্রমণতঃ কিল সান্দ্ররাগৌ

শ্রীবেঙ্কটেশ চরণৌ শরণং প্রপদ্যে

॥ 7 ॥

শ্লোক 8

নিত্যানমদ্বিধি শিবাদি কিরীটকোটি

প্রত্যুপ্ত দীপ্ত নবরত্নমহঃ প্ররোহৈঃ ।

নীরাজনাবিধি মুদার মুপাদধানৌ

শ্রীবেঙ্কটেশ চরণৌ শরণং প্রপদ্যে

॥ 8 ॥

শ্লোক 9

"বিষ্ণোঃ পদে পরম" ইত্যুদিত প্রশংসৌ

যৌ "মধ্ব উত্স" ইতি ভোগ্য তযাঽপ্যুপাত্তৌ ।

ভূযস্তথেতি তব পাণিতল প্রদিষ্টৌ

শ্রীবেঙ্কটেশ চরণৌ শরণং প্রপদ্যে

॥ 9 ॥

শ্লোক 10

পার্থায তত্-সদৃশ সারধিনা ত্বযৈব

যৌ দর্শিতৌ স্বচরণৌ শরণং ব্রজেতি ।

ভূযোঽপি মহ্য মিহ তৌ করদর্শিতৌ তে

শ্রীবেঙ্কটেশ চরণৌ শরণং প্রপদ্যে

॥ 10 ॥

শ্লোক 11

মন্মূর্থ্নি কালিযফনে বিকটাটবীষু

শ্রীবেঙ্কটাদ্রি শিখরে শিরসি শ্রুতীনাম্ ।

চিত্তেঽপ্যনন্য মনসাং সমমাহিতৌ তে

শ্রীবেঙ্কটেশ চরণৌ শরণং প্রপদ্যে

॥ 11 ॥

শ্লোক 12

অম্লান হৃষ্য দবনীতল কীর্ণপুষ্পৌ

শ্রীবেঙ্কটাদ্রি শিখরাভরণায-মানৌ ।

আনন্দিতাখিল মনো নযনৌ তবৈ তৌ

শ্রীবেঙ্কটেশ চরণৌ শরণং প্রপদ্যে

॥ 12 ॥

শ্লোক 13

প্রাযঃ প্রপন্ন জনতা প্রথমাবগাহ্যৌ

মাতুঃ স্তনাবিব শিশো রমৃতাযমাণৌ ।

প্রাপ্তৌ পরস্পর তুলা মতুলান্তরৌ তে

শ্রীবেঙ্কটেশ চরণৌ শরণং প্রপদ্যে

॥ 13 ॥

শ্লোক 14

সত্ত্বোত্তরৈঃ সতত সেব্যপদাম্বুজেন

সংসার তারক দযার্দ্র দৃগঞ্চলেন ।

সৌম্যোপযন্তৃ মুনিনা মম দর্শিতৌ তে

শ্রীবেঙ্কটেশ চরণৌ শরণং প্রপদ্যে

॥ 14 ॥

শ্লোক 15

শ্রীশ শ্রিযা ঘটিকযা ত্বদুপায ভাবে

প্রাপ্যেত্বযি স্বযমুপেয তযা স্ফুরন্ত্যা ।

নিত্যাশ্রিতায নিরবদ্য গুণায তুভ্যং

স্যাং কিঙ্করো বৃষগিরীশ ন জাতু মহ্যম্

॥ 15 ॥

শ্লোক 16

ইতি শ্রীবেঙ্কটেশ প্রপত্তিঃ