Sri Venkatesha Mangalasasanam

shrI veNkaTesha maNgalAshAsanam

shloka 1

shriyaH kAntAya kalyANanidhaye nidhaye.arthinAm |

shrIveNkaTa nivAsAya shrInivAsAya maNgalam || 1 ||

lakShmI savibhramAloka subhrU vibhrama chakShuShe |

chakShuShe sarvalokAnAM veNkaTeshAya maNgalam || 2 ||

shrIveNkaTAdri shRRiNgAgra maNgalAbharaNANghraye |

maNgalAnAM nivAsAya shrInivAsAya maNgalam || 3 ||

sarvAvayava saundarya sampadA sarvachetasAm |

sadA sammohanAyAstu veNkaTeshAya maNgalam || 4 ||

nityAya niravadyAya satyAnanda chidAtmane |

sarvAntarAtmane shrImad-veNkaTeshAya maNgalam || 5 ||

svata ssarvavide sarva shaktaye sarvasheShiNe |

sulabhAya sushIlAya veNkaTeshAya maNgalam || 6 ||

parasmai brahmaNe pUrNakAmAya paramAtmane |

prayunje paratattvAya veNkaTeshAya ma~Ngalam || 7 ||

AkAlatattva mashrAnta mAtmanA manupashyatAm |

atRRiptyamRRita rUpAya veNkaTeshAya maNgalam || 8 ||

prAyaH svacharaNau puMsAM sharaNyatvena pANinA |

kRRipayA.a.adishate shrImad-veNkaTeshAya maNgalam || 9 ||

dayA.amRRita taraNgiNyA staraNgairiva shItalaiH |

apANgai ssinchate vishvaM veNkaTeshAya maNgalam || 10 ||

srag-bhUShAmbara hetInAM suShamA.a.avahamUrtaye |

sarvArti shamanAyAstu veNkaTeshAya maNgalam || 11 ||

shrIvaikuNTha viraktAya svAmi puShkariNItaTe |

ramayA ramamANAya veNkaTeshAya maNgalam || 12 ||

shrImat-sundarajA mAtRRimuni mAnasavAsine |

sarvaloka nivAsAya shrInivAsAya ma~Ngalam || 13 ||

ma~NgalA shAsanaparair-madAchArya purogamaiH |

sarvaishcha pUrvairAchAryaiH satkRRitAyAstu ma~Ngalam || 14 ||

shrI padmAvatI sameta shrI shrInivAsa parabrahmaNe namaH