Sri Venkatesha Mangalasasanam

zrI veGkaTeza maGgalAzAsanam

zloka 1

zriyaH kAntAya kalyANanidhaye nidhaye'rthinAm |

zrIveGkaTa nivAsAya zrInivAsAya maGgalam || 1 ||

lakSmI savibhramAloka subhrU vibhrama cakSuSe |

cakSuSe sarvalokAnAM veGkaTezAya maGgalam || 2 ||

zrIveGkaTAdri zRGgAgra maGgalAbharaNAGghraye |

maGgalAnAM nivAsAya zrInivAsAya maGgalam || 3 ||

sarvAvayava saundarya sampadA sarvacetasAm |

sadA sammohanAyAstu veGkaTezAya maGgalam || 4 ||

nityAya niravadyAya satyAnanda cidAtmane |

sarvAntarAtmane zrImad-veGkaTezAya maGgalam || 5 ||

svata ssarvavide sarva zaktaye sarvazeSiNe |

sulabhAya suzIlAya veGkaTezAya maGgalam || 6 ||

parasmai brahmaNe pUrNakAmAya paramAtmane |

prayuJje paratattvAya veGkaTezAya maGgalam || 7 ||

AkAlatattva mazrAnta mAtmanA manupazyatAm |

atRptyamRta rUpAya veGkaTezAya maGgalam || 8 ||

prAyaH svacaraNau puMsAM zaraNyatvena pANinA |

kRpayA''dizate zrImad-veGkaTezAya maGgalam || 9 ||

dayA'mRta taraGgiNyA staraGgairiva zItalaiH |

apAGgai ssiJcate vizvaM veGkaTezAya maGgalam || 10 ||

srag-bhUSAmbara hetInAM suSamA''vahamUrtaye |

sarvArti zamanAyAstu veGkaTezAya maGgalam || 11 ||

zrIvaikuNTha viraktAya svAmi puSkariNItaTe |

ramayA ramamANAya veGkaTezAya maGgalam || 12 ||

zrImat-sundarajA mAtRmuni mAnasavAsine |

sarvaloka nivAsAya zrInivAsAya maGgalam || 13 ||

maGgalA zAsanaparair-madAcArya purogamaiH |

sarvaizca pUrvairAcAryaiH satkRtAyAstu maGgalam || 14 ||

zrI padmAvatI sameta zrI zrInivAsa parabrahmaNe namaH