Sri Veda Vyasa Stuti

shrI veda vyAsa stuti

shloka 1

vyAsaM vasiShThanaptAraM shakteH pautramakalmaSham |

parAsharAtmajaM vande shukatAtaM taponidhim || 1

vyAsAya viShNurUpAya vyAsarUpAya viShNave |

namo vai brahmanidhaye vAsiShThAya namo namaH || 2

kRRiShNadvaipAyanaM vyAsaM sarvalokahite ratam |

vedAbjabhAskaraM vande shamAdinilayaM munim || 3

vedavyAsaM svAtmarUpaM satyasandhaM parAyaNam |

shAntaM jitendriyakrodhaM sashiShyaM praNamAmyaham || 4

achaturvadano brahmA dvibAhuraparo hariH |

aphAlalochanaH shambhuH bhagavAn bAdarAyaNaH || 5

shaNkaraM shaNkarAchAryaM keshavaM bAdarAyaNam |

sUtrabhAShyakRRitau vande bhagavantau punaH punaH || 6

brahmasUtrakRRite tasmai vedavyAsAya vedhase |

j~nAnashaktyavatArAya namo bhagavato hareH || 7

vyAsaH samastadharmANAM vaktA munivareDitaH |

chira~njIvI dIrghamAyurdadAtu jaTilo mama || 8

praj~nAbalena tapasA chaturvedavibhAjakaH |

kRRiShNadvaipAyano yashcha tasmai shrIgurave namaH || 9

jaTAdharastaponiShThaH shuddhayogo jitendriyaH |

kRRiShNAjinadharaH kRRiShNastasmai shrIgurave namaH || 10

bhAratasya vidhAtA cha dvitIya iva yo hariH |

haribhaktiparo yashcha tasmai shrIgurave namaH || 11

jayati parAsharasUnuH satyavatI hRRidayanandano vyAsaH |

yasyAsya kamalagalitaM bhAratamamRRitaM jagatpibati || 12

vedavibhAgavidhAtre vimalAya brahmaNe namo vishvadRRishe |

sakaladhRRitihetusAdhanasUtrasRRije satyavatyabhivyakti mate || 13

vedAntavAkyakusumAni samAni chAru

jagrantha sUtranichayena manohareNa |

mokShArthilokahitakAmanayA muniryaH

taM bAdarAyaNamahaM praNamAmi bhaktyA || 14

iti shrI vedavyAsa stutiH |