Sri Veda Vyasa Stuti

śrī veda vyāsa stuti

Śloka 1

vyāsaṃ vasiṣṭhanaptāraṃ śakteḥ pautramakalmaṣam |

parāśarātmajaṃ vande śukatātaṃ taponidhim || 1

vyāsāya viṣṇurūpāya vyāsarūpāya viṣṇave |

namo vai brahmanidhaye vāsiṣṭhāya namo namaḥ || 2

kṛṣṇadvaipāyanaṃ vyāsaṃ sarvalokahite ratam |

vedābjabhāskaraṃ vande śamādinilayaṃ munim || 3

vedavyāsaṃ svātmarūpaṃ satyasandhaṃ parāyaṇam |

śāntaṃ jitendriyakrodhaṃ saśiṣyaṃ praṇamāmyaham || 4

acaturvadano brahmā dvibāhuraparo hariḥ |

aphālalocanaḥ śambhuḥ bhagavān bādarāyaṇaḥ || 5

śaṅkaraṃ śaṅkarācāryaṃ keśavaṃ bādarāyaṇam |

sūtrabhāṣyakṛtau vande bhagavantau punaḥ punaḥ || 6

brahmasūtrakṛte tasmai vedavyāsāya vedhase |

jñānaśaktyavatārāya namo bhagavato hareḥ || 7

vyāsaḥ samastadharmāṇāṃ vaktā munivareḍitaḥ |

cirañjīvī dīrghamāyurdadātu jaṭilo mama || 8

prajñābalena tapasā caturvedavibhājakaḥ |

kṛṣṇadvaipāyano yaśca tasmai śrīgurave namaḥ || 9

jaṭādharastaponiṣṭhaḥ śuddhayogo jitendriyaḥ |

kṛṣṇājinadharaḥ kṛṣṇastasmai śrīgurave namaḥ || 10

bhāratasya vidhātā ca dvitīya iva yo hariḥ |

haribhaktiparo yaśca tasmai śrīgurave namaḥ || 11

jayati parāśarasūnuḥ satyavatī hṛdayanandano vyāsaḥ |

yasyāsya kamalagalitaṃ bhāratamamṛtaṃ jagatpibati || 12

vedavibhāgavidhātre vimalāya brahmaṇe namo viśvadṛśe |

sakaladhṛtihetusādhanasūtrasṛje satyavatyabhivyakti mate || 13

vedāntavākyakusumāni samāni cāru

jagrantha sūtranicayena manohareṇa |

mokṣārthilokahitakāmanayā muniryaḥ

taṃ bādarāyaṇamahaṃ praṇamāmi bhaktyā || 14

iti śrī vedavyāsa stutiḥ |