Sri Veda Vyasa Stuti

zrI veda vyAsa stuti

zloka 1

vyAsaM vasiSThanaptAraM zakteH pautramakalmaSam |

parAzarAtmajaM vande zukatAtaM taponidhim || 1

vyAsAya viSNurUpAya vyAsarUpAya viSNave |

namo vai brahmanidhaye vAsiSThAya namo namaH || 2

kRSNadvaipAyanaM vyAsaM sarvalokahite ratam |

vedAbjabhAskaraM vande zamAdinilayaM munim || 3

vedavyAsaM svAtmarUpaM satyasandhaM parAyaNam |

zAntaM jitendriyakrodhaM saziSyaM praNamAmyaham || 4

acaturvadano brahmA dvibAhuraparo hariH |

aphAlalocanaH zambhuH bhagavAn bAdarAyaNaH || 5

zaGkaraM zaGkarAcAryaM kezavaM bAdarAyaNam |

sUtrabhASyakRtau vande bhagavantau punaH punaH || 6

brahmasUtrakRte tasmai vedavyAsAya vedhase |

jJAnazaktyavatArAya namo bhagavato hareH || 7

vyAsaH samastadharmANAM vaktA munivareDitaH |

ciraJjIvI dIrghamAyurdadAtu jaTilo mama || 8

prajJAbalena tapasA caturvedavibhAjakaH |

kRSNadvaipAyano yazca tasmai zrIgurave namaH || 9

jaTAdharastaponiSThaH zuddhayogo jitendriyaH |

kRSNAjinadharaH kRSNastasmai zrIgurave namaH || 10

bhAratasya vidhAtA ca dvitIya iva yo hariH |

haribhaktiparo yazca tasmai zrIgurave namaH || 11

jayati parAzarasUnuH satyavatI hRdayanandano vyAsaH |

yasyAsya kamalagalitaM bhAratamamRtaM jagatpibati || 12

vedavibhAgavidhAtre vimalAya brahmaNe namo vizvadRze |

sakaladhRtihetusAdhanasUtrasRje satyavatyabhivyakti mate || 13

vedAntavAkyakusumAni samAni cAru

jagrantha sUtranicayena manohareNa |

mokSArthilokahitakAmanayA muniryaH

taM bAdarAyaNamahaM praNamAmi bhaktyA || 14

iti zrI vedavyAsa stutiH |