Sri Swarna Akarshana Bhairava Stotram

ශ්රී ස්වර්ණ ආකර්ෂණ භෛරව ස්තෝත්රම්

ශ්ලොක 1

ඕං අස්ය ශ්රී ස්වර්ණාකර්ෂණ භෛරව ස්තෝත්ර මහාමන්ත්රස්ය බ්රහ්ම ඍෂිඃ අනුෂ්ටුප් ඡන්දඃ ශ්රී ස්වර්ණාකර්ෂණ භෛරවෝ දේවතා හ්රීං බීජං ක්ලීං ශක්තිඃ සඃ කීලකං මම දාරිද්ර්ය නාශාර්ථේ පාඨේ විනියෝගඃ ..

ඍෂ්යාදි න්යාසඃ .

බ්රහ්මර්ෂයේ නමඃ ශිරසි .

අනුෂ්ටුප් ඡන්දසේ නමඃ මුඛේ .

ස්වර්ණාකර්ෂණ භෛරවාය නමඃ හෘදි .

හ්රීං බීජාය නමඃ ගුහ්යේ .

ක්ලීං ශක්තයේ නමඃ පාදයෝඃ .

සඃ කීලකාය නමඃ නාභෞ .

විනියොගාය නමඃ සර්වාඞ්ගේ .

හ්රාං හ්රීං හ්රූං ඉති කර ෂඩඞ්ගන්යාසඃ ..

ධ්යානම් .

පාරිජාතද්රුම කාන්තාරේ ස්ථිතේ මාණික්යමණ්ඩපේ .

සිංහාසනගතං වන්දේ භෛරවං ස්වර්ණදායකම් ..

ගාඞ්ගේය පාත්රං ඩමරූං ත්රිශූලං

වරං කරඃ සන්දධතං ත්රිනේත්රම් .

දේව්යායුතං තප්ත සුවර්ණවර්ණ

ස්වර්ණාකර්ෂණභෛරවමාශ්රයාමි ..

මන්ත්රඃ .

ඕං ඓං හ්රීං ශ්රීං ඓං ශ්රීං ආපදුද්ධාරණාය හ්රාං හ්රීං හ්රූං අජාමලවධ්යාය ලෝකේශ්වරාය ස්වර්ණාකර්ෂණභෛරවාය මම දාරිද්ර්ය විද්වේෂණාය මහාභෛරවාය නමඃ ශ්රීං හ්රීං ඓම් .

ස්තෝත්රම් .

නමස්තේ(අ)ස්තු භෛරවාය බ්රහ්මවිෂ්ණුශිවාත්මනේ .

නමස්ත්රෛලෝක්යවන්ද්යාය වරදාය පරාත්මනේ .. 1 ..

රත්නසිංහාසනස්ථාය දිව්යාභරණශෝභිනේ .

දිව්යමාල්යවිභූෂාය නමස්තේ දිව්යමූර්තයේ .. 2 ..

නමස්තේ(අ)නේකහස්තාය හ්යනේකශිරසේ නමඃ .

නමස්තේ(අ)නේකනේත්රාය හ්යනේකවිභවේ නමඃ .. 3 ..

නමස්තේ(අ)නේකකණ්ඨාය හ්යනේකාංශාය තේ නමඃ .

නමෝස්ත්වනේකෛශ්වර්යාය හ්යනේකදිව්යතේජසේ .. 4 ..

අනේකායුධයුක්තාය හ්යනේකසුරසේවිනේ .

අනේකගුණයුක්තාය මහාදේවාය තේ නමඃ .. 5 ..

නමෝ දාරිද්ර්යකාලාය මහාසම්පත්ප්රදායිනේ .

ශ්රීභෛරවීප්රයුක්තාය ත්රිලෝකේශාය තේ නමඃ .. 6 ..

දිගම්බර නමස්තුභ්යං දිගීශාය නමෝ නමඃ .

නමෝ(අ)ස්තු දෛත්යකාලාය පාපකාලාය තේ නමඃ .. 7 ..

සර්වජ්ඤාය නමස්තුභ්යං නමස්තේ දිව්යචක්ෂුෂේ .

අජිතාය නමස්තුභ්යං ජිතාමිත්රාය තේ නමඃ .. 8 ..

නමස්තේ රුද්රපුත්රාය ගණනාථාය තේ නමඃ .

නමස්තේ වීරවීරාය මහාවීරාය තේ නමඃ .. 9 ..

නමෝ(අ)ස්ත්වනන්තවීර්යාය මහාඝෝරාය තේ නමඃ .

නමස්තේ ඝෝරඝෝරාය විශ්වඝෝරාය තේ නමඃ .. 10 ..

නමඃ උග්රාය ශාන්තාය භක්තේභ්යඃ ශාන්තිදායිනේ .

ගුරවේ සර්වලෝකානාං නමඃ ප්රණව රූපිණේ .. 11 ..

නමස්තේ වාග්භවාඛ්යාය දීර්ඝකාමාය තේ නමඃ .

නමස්තේ කාමරාජාය යෝෂිත්කාමාය තේ නමඃ .. 12 ..

දීර්ඝමායාස්වරූපාය මහාමායාපතේ නමඃ .

සෘෂ්ටිමායාස්වරූපාය විසර්ගාය සම්යායිනේ .. 13 ..

රුද්රලෝකේශපූජ්යාය හ්යාපදුද්ධාරණාය ච .

නමෝ(අ)ජාමලබද්ධාය සුවර්ණාකර්ෂණාය තේ .. 14 ..

නමෝ නමෝ භෛරවාය මහාදාරිද්ර්යනාශිනේ .

උන්මූලනකර්මඨාය හ්යලක්ෂ්ම්යා සර්වදා නමඃ .. 15 ..

නමෝ ලෝකත්රයේශාය ස්වානන්දනිහිතාය තේ .

නමඃ ශ්රීබීජරූපාය සර්වකාමප්රදායිනේ .. 16 ..

නමෝ මහාභෛරවාය ශ්රීරූපාය නමෝ නමඃ .

ධනාධ්යක්ෂ නමස්තුභ්යං ශරණ්යාය නමෝ නමඃ .. 17 ..

නමඃ ප්රසන්නරූපාය හ්යාදිදේවාය තේ නමඃ .

නමස්තේ මන්ත්රරූපාය නමස්තේ රත්නරූපිණේ .. 18 ..

නමස්තේ ස්වර්ණරූපාය සුවර්ණාය නමෝ නමඃ .

නමඃ සුවර්ණවර්ණාය මහාපුණ්යාය තේ නමඃ .. 19 ..

නමඃ ශුද්ධාය බුද්ධාය නමඃ සංසාරතාරිණේ .

නමෝ දේවාය ගුහ්යාය ප්රබලාය නමෝ නමඃ .. 20 ..

නමස්තේ බලරූපාය පරේෂාං බලනාශිනේ .

නමස්තේ ස්වර්ගසංස්ථාය නමෝ භූර්ලෝකවාසිනේ .. 21 ..

නමඃ පාතාලවාසාය නිරාධාරාය තේ නමඃ .

නමෝ නමඃ ස්වතන්ත්රාය හ්යනන්තාය නමෝ නමඃ .. 22 ..

ද්විභුජාය නමස්තුභ්යං භුජත්රයසුශෝභිනේ .

නමෝ(අ)ණිමාදිසිද්ධාය ස්වර්ණහස්තාය තේ නමඃ .. 23 ..

පූර්ණචන්ද්රප්රතීකාශවදනාම්භෝජශෝභිනේ .

නමස්තේ ස්වර්ණරූපාය ස්වර්ණාලඞ්කාරශෝභිනේ .. 24 ..

නමඃ ස්වර්ණාකර්ෂණාය ස්වර්ණාභාය ච තේ නමඃ .

නමස්තේ ස්වර්ණකණ්ඨාය ස්වර්ණාලඞ්කාරධාරිණේ .. 25 ..

ස්වර්ණසිංහාසනස්ථාය ස්වර්ණපාදාය තේ නමඃ .

නමඃ ස්වර්ණාභපාරාය ස්වර්ණකාඤ්චීසුශෝභිනේ .. 26 ..

නමස්තේ ස්වර්ණජඞ්ඝාය භක්තකාමදුඝාත්මනේ .

නමස්තේ ස්වර්ණභක්තානාං කල්පවෘක්ෂස්වරූපිණේ .. 27 ..

චින්තාමණිස්වරූපාය නමෝ බ්රහ්මාදිසේවිනේ .

කල්පද්රුමාධඃසංස්ථාය බහුස්වර්ණප්රදායිනේ .. 28 ..

නමෝ හේමාදිකර්ෂාය භෛරවාය නමෝ නමඃ .

ස්තවේනානේන සන්තුෂ්ටෝ භව ලෝකේශභෛරව .. 29 ..

පශ්ය මාං කරුණාවිෂ්ට ශරණාගතවත්සල .

ශ්රීභෛරව ධනාධ්යක්ෂ ශරණං ත්වාං භජාම්යහම් .

ප්රසීද සකලාන් කාමාන් ප්රයච්ඡ මම සර්වදා .. 30 ..

ඵලශ්රුතිඃ

ශ්රීමහාභෛරවස්යේදං ස්තෝත්රසූක්තං සුදුර්ලභම් .

මන්ත්රාත්මකං මහාපුණ්යං සර්වෛශ්වර්යප්රදායකම් .. 31 ..

යඃ පඨේන්නිත්යමේකාග්රං පාතකෛඃ ස විමුච්යතේ .

ලභතේ චාමලාලක්ෂ්මීමෂ්ටෛශ්වර්යමවාප්නුයාත් .. 32 ..

චින්තාමණිමවාප්නෝති ධේනු කල්පතරුං ධෘවම් .

ස්වර්ණරාශිමවාප්නෝති සිද්ධිමේව ස මානවඃ .. 33 ..

සන්ධ්යායාං යඃ පඨේත් ස්තෝත්රං දශාවෘත්යා නරෝත්තමෛඃ .

ස්වප්නේ ශ්රීභෛරවස්තස්ය සාක්ෂාද්භූත්වා ජගද්ගුරුඃ .. 34 ..

ස්වර්ණරාශි දදාත්යේව තත්‍ක්ෂණාන්නාස්ති සංශයඃ .

සර්වදා යඃ පඨේත් ස්තෝත්රං භෛරවස්ය මහාත්මනඃ .. 35 ..

ලෝකත්රයං වශීකුර්යාදචලාං ශ්රියමවාප්නුයාත් .

න භයං ලභතේ ක්වාපි විඝ්නභූතාදිසම්භව .. 36 ..

ම්රියන්තේ ශත්රවෝ(අ)වශ්යමලක්ෂ්මීනාශමාප්නුයාත් .

අක්ෂයං ලභතේ සෞඛ්යං සර්වදා මානවෝත්තමඃ .. 37 ..

අෂ්ටපඤ්චාශතාණඪ්යෝ මන්ත්රරාජඃ ප්රකීර්තිතඃ .

දාරිද්ර්යදුඃඛශමනං ස්වර්ණාකර්ෂණකාරකඃ .. 38 ..

ය යේන සඤ්ජපේත් ධීමාන් ස්තෝත්රං වා ප්රපඨේත් සදා .

මහාභෛරවසායුජ්යං ස්වාන්තකාලේ භවේද්ධ්රුවම් .. 39 ..

ඉති රුද්රයාමල තන්ත්රේ ස්වර්ණාකර්ෂණ භෛරව ස්තෝත්රම් ..