Sri Swarna Akarshana Bhairava Stotram

ଶ୍ରୀ ସ୍ଵର୍ଣ ଆକର୍ଷଣ ଭୈରଵ ସ୍ତୋତ୍ରମ୍

ଶ୍ଲୋକ 1

ଓଁ ଅସ୍ଯ ଶ୍ରୀ ସ୍ଵର୍ଣାକର୍ଷଣ ଭୈରଵ ସ୍ତୋତ୍ର ମହାମନ୍ତ୍ରସ୍ଯ ବ୍ରହ୍ମ ଋଷିଃ ଅନୁଷ୍ଟୁପ୍ ଛନ୍ଦଃ ଶ୍ରୀ ସ୍ଵର୍ଣାକର୍ଷଣ ଭୈରଵୋ ଦେଵତା ହ୍ରୀଂ ବୀଜଂ କ୍ଲୀଂ ଶକ୍ତିଃ ସଃ କୀଲକଂ ମମ ଦାରିଦ୍ର୍ଯ ନାଶାର୍ଥେ ପାଠେ ଵିନିଯୋଗଃ ॥

ଋଷ୍ଯାଦି ନ୍ଯାସଃ ।

ବ୍ରହ୍ମର୍ଷଯେ ନମଃ ଶିରସି ।

ଅନୁଷ୍ଟୁପ୍ ଛନ୍ଦସେ ନମଃ ମୁଖେ ।

ସ୍ଵର୍ଣାକର୍ଷଣ ଭୈରଵାଯ ନମଃ ହୃଦି ।

ହ୍ରୀଂ ବୀଜାଯ ନମଃ ଗୁହ୍ଯେ ।

କ୍ଲୀଂ ଶକ୍ତଯେ ନମଃ ପାଦଯୋଃ ।

ସଃ କୀଲକାଯ ନମଃ ନାଭୌ ।

ଵିନିଯॊଗାଯ ନମଃ ସର୍ଵାଙ୍ଗେ ।

ହ୍ରାଂ ହ୍ରୀଂ ହ୍ରୂଂ ଇତି କର ଷଡଙ୍ଗନ୍ଯାସଃ ॥

ଧ୍ଯାନମ୍ ।

ପାରିଜାତଦ୍ରୁମ କାନ୍ତାରେ ସ୍ଥିତେ ମାଣିକ୍ଯମଣ୍ଡପେ ।

ସିଂହାସନଗତଂ ଵନ୍ଦେ ଭୈରଵଂ ସ୍ଵର୍ଣଦାଯକମ୍ ॥

ଗାଙ୍ଗେଯ ପାତ୍ରଂ ଡମରୂଂ ତ୍ରିଶୂଲଂ

ଵରଂ କରଃ ସନ୍ଦଧତଂ ତ୍ରିନେତ୍ରମ୍ ।

ଦେଵ୍ଯାଯୁତଂ ତପ୍ତ ସୁଵର୍ଣଵର୍ଣ

ସ୍ଵର୍ଣାକର୍ଷଣଭୈରଵମାଶ୍ରଯାମି ॥

ମନ୍ତ୍ରଃ ।

ଓଁ ଐଂ ହ୍ରୀଂ ଶ୍ରୀଂ ଐଂ ଶ୍ରୀଂ ଆପଦୁଦ୍ଧାରଣାଯ ହ୍ରାଂ ହ୍ରୀଂ ହ୍ରୂଂ ଅଜାମଲଵଧ୍ଯାଯ ଲୋକେଶ୍ଵରାଯ ସ୍ଵର୍ଣାକର୍ଷଣଭୈରଵାଯ ମମ ଦାରିଦ୍ର୍ଯ ଵିଦ୍ଵେଷଣାଯ ମହାଭୈରଵାଯ ନମଃ ଶ୍ରୀଂ ହ୍ରୀଂ ଐମ୍ ।

ସ୍ତୋତ୍ରମ୍ ।

ନମସ୍ତେଽସ୍ତୁ ଭୈରଵାଯ ବ୍ରହ୍ମଵିଷ୍ଣୁଶିଵାତ୍ମନେ ।

ନମସ୍ତ୍ରୈଲୋକ୍ଯଵନ୍ଦ୍ଯାଯ ଵରଦାଯ ପରାତ୍ମନେ

ଶ୍ଲୋକ 2

ରତ୍ନସିଂହାସନସ୍ଥାଯ ଦିଵ୍ଯାଭରଣଶୋଭିନେ ।

ଦିଵ୍ଯମାଲ୍ଯଵିଭୂଷାଯ ନମସ୍ତେ ଦିଵ୍ଯମୂର୍ତଯେ

॥ 1 ॥

ଶ୍ଲୋକ 3

ନମସ୍ତେଽନେକହସ୍ତାଯ ହ୍ଯନେକଶିରସେ ନମଃ ।

ନମସ୍ତେଽନେକନେତ୍ରାଯ ହ୍ଯନେକଵିଭଵେ ନମଃ

॥ 2 ॥

ଶ୍ଲୋକ 4

ନମସ୍ତେଽନେକକଣ୍ଠାଯ ହ୍ଯନେକାଂଶାଯ ତେ ନମଃ ।

ନମୋସ୍ତ୍ଵନେକୈଶ୍ଵର୍ଯାଯ ହ୍ଯନେକଦିଵ୍ଯତେଜସେ

॥ 3 ॥

ଶ୍ଲୋକ 5

ଅନେକାଯୁଧଯୁକ୍ତାଯ ହ୍ଯନେକସୁରସେଵିନେ ।

ଅନେକଗୁଣଯୁକ୍ତାଯ ମହାଦେଵାଯ ତେ ନମଃ

॥ 4 ॥

ଶ୍ଲୋକ 6

ନମୋ ଦାରିଦ୍ର୍ଯକାଲାଯ ମହାସମ୍ପତ୍ପ୍ରଦାଯିନେ ।

ଶ୍ରୀଭୈରଵୀପ୍ରଯୁକ୍ତାଯ ତ୍ରିଲୋକେଶାଯ ତେ ନମଃ

॥ 5 ॥

ଶ୍ଲୋକ 7

ଦିଗମ୍ବର ନମସ୍ତୁଭ୍ଯଂ ଦିଗୀଶାଯ ନମୋ ନମଃ ।

ନମୋଽସ୍ତୁ ଦୈତ୍ଯକାଲାଯ ପାପକାଲାଯ ତେ ନମଃ

॥ 6 ॥

ଶ୍ଲୋକ 8

ସର୍ଵଜ୍ଞାଯ ନମସ୍ତୁଭ୍ଯଂ ନମସ୍ତେ ଦିଵ୍ଯଚକ୍ଷୁଷେ ।

ଅଜିତାଯ ନମସ୍ତୁଭ୍ଯଂ ଜିତାମିତ୍ରାଯ ତେ ନମଃ

॥ 7 ॥

ଶ୍ଲୋକ 9

ନମସ୍ତେ ରୁଦ୍ରପୁତ୍ରାଯ ଗଣନାଥାଯ ତେ ନମଃ ।

ନମସ୍ତେ ଵୀରଵୀରାଯ ମହାଵୀରାଯ ତେ ନମଃ

॥ 8 ॥

ଶ୍ଲୋକ 10

ନମୋଽସ୍ତ୍ଵନନ୍ତଵୀର୍ଯାଯ ମହାଘୋରାଯ ତେ ନମଃ ।

ନମସ୍ତେ ଘୋରଘୋରାଯ ଵିଶ୍ଵଘୋରାଯ ତେ ନମଃ

॥ 9 ॥

ଶ୍ଲୋକ 11

ନମଃ ଉଗ୍ରାଯ ଶାନ୍ତାଯ ଭକ୍ତେଭ୍ଯଃ ଶାନ୍ତିଦାଯିନେ ।

ଗୁରଵେ ସର୍ଵଲୋକାନାଂ ନମଃ ପ୍ରଣଵ ରୂପିଣେ

॥ 10 ॥

ଶ୍ଲୋକ 12

ନମସ୍ତେ ଵାଗ୍ଭଵାଖ୍ଯାଯ ଦୀର୍ଘକାମାଯ ତେ ନମଃ ।

ନମସ୍ତେ କାମରାଜାଯ ଯୋଷିତ୍କାମାଯ ତେ ନମଃ

॥ 11 ॥

ଶ୍ଲୋକ 13

ଦୀର୍ଘମାଯାସ୍ଵରୂପାଯ ମହାମାଯାପତେ ନମଃ ।

ସୃଷ୍ଟିମାଯାସ୍ଵରୂପାଯ ଵିସର୍ଗାଯ ସମ୍ଯାଯିନେ

॥ 12 ॥

ଶ୍ଲୋକ 14

ରୁଦ୍ରଲୋକେଶପୂଜ୍ଯାଯ ହ୍ଯାପଦୁଦ୍ଧାରଣାଯ ଚ ।

ନମୋଽଜାମଲବଦ୍ଧାଯ ସୁଵର୍ଣାକର୍ଷଣାଯ ତେ

॥ 13 ॥

ଶ୍ଲୋକ 15

ନମୋ ନମୋ ଭୈରଵାଯ ମହାଦାରିଦ୍ର୍ଯନାଶିନେ ।

ଉନ୍ମୂଲନକର୍ମଠାଯ ହ୍ଯଲକ୍ଷ୍ମ୍ଯା ସର୍ଵଦା ନମଃ

॥ 14 ॥

ଶ୍ଲୋକ 16

ନମୋ ଲୋକତ୍ରଯେଶାଯ ସ୍ଵାନନ୍ଦନିହିତାଯ ତେ ।

ନମଃ ଶ୍ରୀବୀଜରୂପାଯ ସର୍ଵକାମପ୍ରଦାଯିନେ

॥ 15 ॥

ଶ୍ଲୋକ 17

ନମୋ ମହାଭୈରଵାଯ ଶ୍ରୀରୂପାଯ ନମୋ ନମଃ ।

ଧନାଧ୍ଯକ୍ଷ ନମସ୍ତୁଭ୍ଯଂ ଶରଣ୍ଯାଯ ନମୋ ନମଃ

॥ 16 ॥

ଶ୍ଲୋକ 18

ନମଃ ପ୍ରସନ୍ନରୂପାଯ ହ୍ଯାଦିଦେଵାଯ ତେ ନମଃ ।

ନମସ୍ତେ ମନ୍ତ୍ରରୂପାଯ ନମସ୍ତେ ରତ୍ନରୂପିଣେ

॥ 17 ॥

ଶ୍ଲୋକ 19

ନମସ୍ତେ ସ୍ଵର୍ଣରୂପାଯ ସୁଵର୍ଣାଯ ନମୋ ନମଃ ।

ନମଃ ସୁଵର୍ଣଵର୍ଣାଯ ମହାପୁଣ୍ଯାଯ ତେ ନମଃ

॥ 18 ॥

ଶ୍ଲୋକ 20

ନମଃ ଶୁଦ୍ଧାଯ ବୁଦ୍ଧାଯ ନମଃ ସଂସାରତାରିଣେ ।

ନମୋ ଦେଵାଯ ଗୁହ୍ଯାଯ ପ୍ରବଲାଯ ନମୋ ନମଃ

॥ 19 ॥

ଶ୍ଲୋକ 21

ନମସ୍ତେ ବଲରୂପାଯ ପରେଷାଂ ବଲନାଶିନେ ।

ନମସ୍ତେ ସ୍ଵର୍ଗସଂସ୍ଥାଯ ନମୋ ଭୂର୍ଲୋକଵାସିନେ

॥ 20 ॥

ଶ୍ଲୋକ 22

ନମଃ ପାତାଲଵାସାଯ ନିରାଧାରାଯ ତେ ନମଃ ।

ନମୋ ନମଃ ସ୍ଵତନ୍ତ୍ରାଯ ହ୍ଯନନ୍ତାଯ ନମୋ ନମଃ

॥ 21 ॥

ଶ୍ଲୋକ 23

ଦ୍ଵିଭୁଜାଯ ନମସ୍ତୁଭ୍ଯଂ ଭୁଜତ୍ରଯସୁଶୋଭିନେ ।

ନମୋଽଣିମାଦିସିଦ୍ଧାଯ ସ୍ଵର୍ଣହସ୍ତାଯ ତେ ନମଃ

॥ 22 ॥

ଶ୍ଲୋକ 24

ପୂର୍ଣଚନ୍ଦ୍ରପ୍ରତୀକାଶଵଦନାମ୍ଭୋଜଶୋଭିନେ ।

ନମସ୍ତେ ସ୍ଵର୍ଣରୂପାଯ ସ୍ଵର୍ଣାଲଙ୍କାରଶୋଭିନେ

॥ 23 ॥

ଶ୍ଲୋକ 25

ନମଃ ସ୍ଵର୍ଣାକର୍ଷଣାଯ ସ୍ଵର୍ଣାଭାଯ ଚ ତେ ନମଃ ।

ନମସ୍ତେ ସ୍ଵର୍ଣକଣ୍ଠାଯ ସ୍ଵର୍ଣାଲଙ୍କାରଧାରିଣେ

॥ 24 ॥

ଶ୍ଲୋକ 26

ସ୍ଵର୍ଣସିଂହାସନସ୍ଥାଯ ସ୍ଵର୍ଣପାଦାଯ ତେ ନମଃ ।

ନମଃ ସ୍ଵର୍ଣାଭପାରାଯ ସ୍ଵର୍ଣକାଞ୍ଚୀସୁଶୋଭିନେ

॥ 25 ॥

ଶ୍ଲୋକ 27

ନମସ୍ତେ ସ୍ଵର୍ଣଜଙ୍ଘାଯ ଭକ୍ତକାମଦୁଘାତ୍ମନେ ।

ନମସ୍ତେ ସ୍ଵର୍ଣଭକ୍ତାନାଂ କଲ୍ପଵୃକ୍ଷସ୍ଵରୂପିଣେ

॥ 26 ॥

ଶ୍ଲୋକ 28

ଚିନ୍ତାମଣିସ୍ଵରୂପାଯ ନମୋ ବ୍ରହ୍ମାଦିସେଵିନେ ।

କଲ୍ପଦ୍ରୁମାଧଃସଂସ୍ଥାଯ ବହୁସ୍ଵର୍ଣପ୍ରଦାଯିନେ

॥ 27 ॥

ଶ୍ଲୋକ 29

ନମୋ ହେମାଦିକର୍ଷାଯ ଭୈରଵାଯ ନମୋ ନମଃ ।

ସ୍ତଵେନାନେନ ସନ୍ତୁଷ୍ଟୋ ଭଵ ଲୋକେଶଭୈରଵ

॥ 28 ॥

ଶ୍ଲୋକ 30

ପଶ୍ଯ ମାଂ କରୁଣାଵିଷ୍ଟ ଶରଣାଗତଵତ୍ସଲ ।

ଶ୍ରୀଭୈରଵ ଧନାଧ୍ଯକ୍ଷ ଶରଣଂ ତ୍ଵାଂ ଭଜାମ୍ଯହମ୍ ।

ପ୍ରସୀଦ ସକଲାନ୍ କାମାନ୍ ପ୍ରଯଚ୍ଛ ମମ ସର୍ଵଦା

॥ 29 ॥

ଶ୍ଲୋକ 31

ଫଲଶ୍ରୁତିଃ

ଶ୍ରୀମହାଭୈରଵସ୍ଯେଦଂ ସ୍ତୋତ୍ରସୂକ୍ତଂ ସୁଦୁର୍ଲଭମ୍ ।

ମନ୍ତ୍ରାତ୍ମକଂ ମହାପୁଣ୍ଯଂ ସର୍ଵୈଶ୍ଵର୍ଯପ୍ରଦାଯକମ୍

॥ 30 ॥

ଶ୍ଲୋକ 32

ଯଃ ପଠେନ୍ନିତ୍ଯମେକାଗ୍ରଂ ପାତକୈଃ ସ ଵିମୁଚ୍ଯତେ ।

ଲଭତେ ଚାମଲାଲକ୍ଷ୍ମୀମଷ୍ଟୈଶ୍ଵର୍ଯମଵାପ୍ନୁଯାତ୍

॥ 31 ॥

ଶ୍ଲୋକ 33

ଚିନ୍ତାମଣିମଵାପ୍ନୋତି ଧେନୁ କଲ୍ପତରୁଂ ଧୃଵମ୍ ।

ସ୍ଵର୍ଣରାଶିମଵାପ୍ନୋତି ସିଦ୍ଧିମେଵ ସ ମାନଵଃ

॥ 32 ॥

ଶ୍ଲୋକ 34

ସନ୍ଧ୍ଯାଯାଂ ଯଃ ପଠେତ୍ ସ୍ତୋତ୍ରଂ ଦଶାଵୃତ୍ଯା ନରୋତ୍ତମୈଃ ।

ସ୍ଵପ୍ନେ ଶ୍ରୀଭୈରଵସ୍ତସ୍ଯ ସାକ୍ଷାଦ୍ଭୂତ୍ଵା ଜଗଦ୍ଗୁରୁଃ

॥ 33 ॥

ଶ୍ଲୋକ 35

ସ୍ଵର୍ଣରାଶି ଦଦାତ୍ଯେଵ ତତ୍‍କ୍ଷଣାନ୍ନାସ୍ତି ସଂଶଯଃ ।

ସର୍ଵଦା ଯଃ ପଠେତ୍ ସ୍ତୋତ୍ରଂ ଭୈରଵସ୍ଯ ମହାତ୍ମନଃ

॥ 34 ॥

ଶ୍ଲୋକ 36

ଲୋକତ୍ରଯଂ ଵଶୀକୁର୍ଯାଦଚଲାଂ ଶ୍ରିଯମଵାପ୍ନୁଯାତ୍ ।

ନ ଭଯଂ ଲଭତେ କ୍ଵାପି ଵିଘ୍ନଭୂତାଦିସମ୍ଭଵ

॥ 35 ॥

ଶ୍ଲୋକ 37

ମ୍ରିଯନ୍ତେ ଶତ୍ରଵୋଽଵଶ୍ଯମଲକ୍ଷ୍ମୀନାଶମାପ୍ନୁଯାତ୍ ।

ଅକ୍ଷଯଂ ଲଭତେ ସୌଖ୍ଯଂ ସର୍ଵଦା ମାନଵୋତ୍ତମଃ

॥ 36 ॥

ଶ୍ଲୋକ 38

ଅଷ୍ଟପଞ୍ଚାଶତାଣଢ୍ଯୋ ମନ୍ତ୍ରରାଜଃ ପ୍ରକୀର୍ତିତଃ ।

ଦାରିଦ୍ର୍ଯଦୁଃଖଶମନଂ ସ୍ଵର୍ଣାକର୍ଷଣକାରକଃ

॥ 37 ॥

ଶ୍ଲୋକ 39

ଯ ଯେନ ସଞ୍ଜପେତ୍ ଧୀମାନ୍ ସ୍ତୋତ୍ରଂ ଵା ପ୍ରପଠେତ୍ ସଦା ।

ମହାଭୈରଵସାଯୁଜ୍ଯଂ ସ୍ଵାନ୍ତକାଲେ ଭଵେଦ୍ଧ୍ରୁଵମ୍

॥ 38 ॥

ଶ୍ଲୋକ 40

ଇତି ରୁଦ୍ରଯାମଲ ତନ୍ତ୍ରେ ସ୍ଵର୍ଣାକର୍ଷଣ ଭୈରଵ ସ୍ତୋତ୍ରମ୍ ॥