Sri Swarna Akarshana Bhairava Stotram

zrI svarNa AkarSaNa bhairava stotram

zloka 1

OM asya zrI svarNAkarSaNa bhairava stotra mahAmantrasya brahma RSiH anuSTup chandaH zrI svarNAkarSaNa bhairavo devatA hrIM bIjaM klIM zaktiH saH kIlakaM mama dAridrya nAzArthe pAThe viniyogaH ||

RSyAdi nyAsaH |

brahmarSaye namaH zirasi |

anuSTup chandase namaH mukhe |

svarNAkarSaNa bhairavAya namaH hRdi |

hrIM bIjAya namaH guhye |

klIM zaktaye namaH pAdayoH |

saH kIlakAya namaH nAbhau |

viniyògAya namaH sarvAGge |

hrAM hrIM hrUM iti kara SaDaGganyAsaH ||

dhyAnam |

pArijAtadruma kAntAre sthite mANikyamaNDape |

siMhAsanagataM vande bhairavaM svarNadAyakam ||

gAGgeya pAtraM DamarUM trizUlaM

varaM karaH sandadhataM trinetram |

devyAyutaM tapta suvarNavarNa

svarNAkarSaNabhairavamAzrayAmi ||

mantraH |

OM aiM hrIM zrIM aiM zrIM ApaduddhAraNAya hrAM hrIM hrUM ajAmalavadhyAya lokezvarAya svarNAkarSaNabhairavAya mama dAridrya vidveSaNAya mahAbhairavAya namaH zrIM hrIM aim |

stotram |

namaste'stu bhairavAya brahmaviSNuzivAtmane |

namastrailokyavandyAya varadAya parAtmane || 1 ||

ratnasiMhAsanasthAya divyAbharaNazobhine |

divyamAlyavibhUSAya namaste divyamUrtaye || 2 ||

namaste'nekahastAya hyanekazirase namaH |

namaste'nekanetrAya hyanekavibhave namaH || 3 ||

namaste'nekakaNThAya hyanekAMzAya te namaH |

namostvanekaizvaryAya hyanekadivyatejase || 4 ||

anekAyudhayuktAya hyanekasurasevine |

anekaguNayuktAya mahAdevAya te namaH || 5 ||

namo dAridryakAlAya mahAsampatpradAyine |

zrIbhairavIprayuktAya trilokezAya te namaH || 6 ||

digambara namastubhyaM digIzAya namo namaH |

namo'stu daityakAlAya pApakAlAya te namaH || 7 ||

sarvajJAya namastubhyaM namaste divyacakSuSe |

ajitAya namastubhyaM jitAmitrAya te namaH || 8 ||

namaste rudraputrAya gaNanAthAya te namaH |

namaste vIravIrAya mahAvIrAya te namaH || 9 ||

namo'stvanantavIryAya mahAghorAya te namaH |

namaste ghoraghorAya vizvaghorAya te namaH || 10 ||

namaH ugrAya zAntAya bhaktebhyaH zAntidAyine |

gurave sarvalokAnAM namaH praNava rUpiNe || 11 ||

namaste vAgbhavAkhyAya dIrghakAmAya te namaH |

namaste kAmarAjAya yoSitkAmAya te namaH || 12 ||

dIrghamAyAsvarUpAya mahAmAyApate namaH |

sRSTimAyAsvarUpAya visargAya samyAyine || 13 ||

rudralokezapUjyAya hyApaduddhAraNAya ca |

namo'jAmalabaddhAya suvarNAkarSaNAya te || 14 ||

namo namo bhairavAya mahAdAridryanAzine |

unmUlanakarmaThAya hyalakSmyA sarvadA namaH || 15 ||

namo lokatrayezAya svAnandanihitAya te |

namaH zrIbIjarUpAya sarvakAmapradAyine || 16 ||

namo mahAbhairavAya zrIrUpAya namo namaH |

dhanAdhyakSa namastubhyaM zaraNyAya namo namaH || 17 ||

namaH prasannarUpAya hyAdidevAya te namaH |

namaste mantrarUpAya namaste ratnarUpiNe || 18 ||

namaste svarNarUpAya suvarNAya namo namaH |

namaH suvarNavarNAya mahApuNyAya te namaH || 19 ||

namaH zuddhAya buddhAya namaH saMsAratAriNe |

namo devAya guhyAya prabalAya namo namaH || 20 ||

namaste balarUpAya pareSAM balanAzine |

namaste svargasaMsthAya namo bhUrlokavAsine || 21 ||

namaH pAtAlavAsAya nirAdhArAya te namaH |

namo namaH svatantrAya hyanantAya namo namaH || 22 ||

dvibhujAya namastubhyaM bhujatrayasuzobhine |

namo'NimAdisiddhAya svarNahastAya te namaH || 23 ||

pUrNacandrapratIkAzavadanAmbhojazobhine |

namaste svarNarUpAya svarNAlaGkArazobhine || 24 ||

namaH svarNAkarSaNAya svarNAbhAya ca te namaH |

namaste svarNakaNThAya svarNAlaGkAradhAriNe || 25 ||

svarNasiMhAsanasthAya svarNapAdAya te namaH |

namaH svarNAbhapArAya svarNakAJcIsuzobhine || 26 ||

namaste svarNajaGghAya bhaktakAmadughAtmane |

namaste svarNabhaktAnAM kalpavRkSasvarUpiNe || 27 ||

cintAmaNisvarUpAya namo brahmAdisevine |

kalpadrumAdhaHsaMsthAya bahusvarNapradAyine || 28 ||

namo hemAdikarSAya bhairavAya namo namaH |

stavenAnena santuSTo bhava lokezabhairava || 29 ||

pazya mAM karuNAviSTa zaraNAgatavatsala |

zrIbhairava dhanAdhyakSa zaraNaM tvAM bhajAmyaham |

prasIda sakalAn kAmAn prayaccha mama sarvadA || 30 ||

phalazrutiH

zrImahAbhairavasyedaM stotrasUktaM sudurlabham |

mantrAtmakaM mahApuNyaM sarvaizvaryapradAyakam || 31 ||

yaH paThennityamekAgraM pAtakaiH sa vimucyate |

labhate cAmalAlakSmImaSTaizvaryamavApnuyAt || 32 ||

cintAmaNimavApnoti dhenu kalpataruM dhRvam |

svarNarAzimavApnoti siddhimeva sa mAnavaH || 33 ||

sandhyAyAM yaH paThet stotraM dazAvRtyA narottamaiH |

svapne zrIbhairavastasya sAkSAdbhUtvA jagadguruH || 34 ||

svarNarAzi dadAtyeva tat‍kSaNAnnAsti saMzayaH |

sarvadA yaH paThet stotraM bhairavasya mahAtmanaH || 35 ||

lokatrayaM vazIkuryAdacalAM zriyamavApnuyAt |

na bhayaM labhate kvApi vighnabhUtAdisambhava || 36 ||

mriyante zatravo'vazyamalakSmInAzamApnuyAt |

akSayaM labhate saukhyaM sarvadA mAnavottamaH || 37 ||

aSTapaJcAzatANaDhyo mantrarAjaH prakIrtitaH |

dAridryaduHkhazamanaM svarNAkarSaNakArakaH || 38 ||

ya yena saJjapet dhImAn stotraM vA prapaThet sadA |

mahAbhairavasAyujyaM svAntakAle bhaveddhruvam || 39 ||

iti rudrayAmala tantre svarNAkarSaNa bhairava stotram ||