Sri Suktam

ଶ୍ରୀ ସୂକ୍ତମ୍

ଶ୍ଲୋକ 1

ଓମ୍ ॥ ହିର॑ଣ୍ଯଵର୍ଣାଂ॒ ହରି॑ଣୀଂ ସୁ॒ଵର୍ଣ॑ରଜ॒ତସ୍ର॑ଜାମ୍ ।

ଚ॒ନ୍ଦ୍ରାଂ ହି॒ରଣ୍ମ॑ଯୀଂ-ଲଁ॒କ୍ଷ୍ମୀ-ଞ୍ଜାତ॑ଵେଦୋ ମ॒ମାଵ॑ହ ॥

ତା-ମ୍ମ॒ ଆଵ॑ହ॒ ଜାତ॑ଵେଦୋ ଲ॒କ୍ଷ୍ମୀମନ॑ପଗା॒ମିନୀ᳚ମ୍ ।

ଯସ୍ଯାଂ॒ ହିର॑ଣ୍ଯଂ-ଵିଁ॒ନ୍ଦେଯ॒-ଙ୍ଗାମଶ୍ଵ॒-ମ୍ପୁରୁ॑ଷାନ॒ହମ୍ ॥

ଅ॒ଶ୍ଵ॒ପୂ॒ର୍ଵାଂ ର॑ଥମ॒ଧ୍ଯାଂ ହ॒ସ୍ତିନା॑ଦ-ପ୍ର॒ବୋଧି॑ନୀମ୍ ।

ଶ୍ରିଯ॑-ନ୍ଦେ॒ଵୀମୁପ॑ହ୍ଵଯେ॒ ଶ୍ରୀର୍ମା॑ ଦେ॒ଵୀର୍ଜୁ॑ଷତାମ୍ ॥

କାଂ॒ସୋ᳚ସ୍ମି॒ ତାଂ ହିର॑ଣ୍ଯପ୍ରା॒କାରା॑ମା॒ର୍ଦ୍ରା-ଞ୍ଜ୍ଵଲ॑ନ୍ତୀ-ନ୍ତୃ॒ପ୍ତା-ନ୍ତ॒ର୍ପଯ॑ନ୍ତୀମ୍ ।

ପ॒ଦ୍ମେ॒ ସ୍ଥି॒ତା-ମ୍ପ॒ଦ୍ମଵ॑ର୍ଣା॒-ନ୍ତାମି॒ହୋପ॑ହ୍ଵଯେ॒ ଶ୍ରିଯମ୍ ॥

ଚ॒ନ୍ଦ୍ରା-ମ୍ପ୍ର॑ଭା॒ସାଂ-ଯଁ॒ଶସା॒ ଜ୍ଵଲ॑ନ୍ତୀଂ॒ ଶ୍ରିଯଂ॑-ଲୋଁ॒କେ ଦେ॒ଵଜୁ॑ଷ୍ଟାମୁଦା॒ରାମ୍ ।

ତା-ମ୍ପ॒ଦ୍ମିନୀ॑ମୀଂ॒ ଶର॑ଣମ॒ହ-ମ୍ପ୍ରପ॑ଦ୍ଯେ-ଽଲ॒କ୍ଷ୍ମୀର୍ମେ॑ ନଶ୍ଯତା॒-ନ୍ତ୍ଵାଂ-ଵୃଁ॑ଣେ ॥

ଆ॒ଦି॒ତ୍ଯଵ॑ର୍ଣେ॒ ତପ॒ସୋ-ଽଧି॑ଜା॒ତୋ ଵନ॒ସ୍ପତି॒ସ୍ତଵ॑ ଵୃ॒କ୍ଷୋ-ଽଥ॑ ବି॒ଲ୍ଵଃ ।

ତସ୍ଯ॒ ଫଲା॑ନି॒ ତପ॒ସାନୁ॑ଦନ୍ତୁ ମା॒ଯାନ୍ତ॑ରା॒ଯାଶ୍ଚ॑ ବା॒ହ୍ଯା ଅ॑ଲ॒କ୍ଷ୍ମୀଃ ॥

ଉପୈ॑ତୁ॒ ମା-ନ୍ଦେ॑ଵସ॒ଖଃ କୀ॒ର୍ତିଶ୍ଚ॒ ମଣି॑ନା ସ॒ହ ।

ପ୍ରା॒ଦୁ॒ର୍ଭୂ॒ତୋ-ଽସ୍ମି॑ ରାଷ୍ଟ୍ରେ॒-ଽସ୍ମିନ୍ କୀ॒ର୍ତି॒ମୃ॑ଦ୍ଧି-ନ୍ଦ॒ଦାତୁ॑ ମେ ॥

କ୍ଷୁ॒ତ୍ପି॒ପା॒ସାମ॑ଲା-ଞ୍ଜ୍ଯେ॒ଷ୍ଠାମ॒ଲ॒କ୍ଷୀ-ର୍ନା॑ଶଯା॒ମ୍ଯହମ୍ ।

ଅଭୂ॑ତି॒ମସ॑ମୃଦ୍ଧି॒-ଞ୍ଚ ସ॒ର୍ଵା॒-ନ୍ନିର୍ଣୁ॑ଦ ମେ॒ ଗୃହାତ୍ ॥

ଗ॒ନ୍ଧ॒ଦ୍ଵା॒ରା-ନ୍ଦୁ॑ରାଧ॒ର୍​ଷା॒-ନ୍ନି॒ତ୍ଯପୁ॑ଷ୍ଟା-ଙ୍କରୀ॒ଷିଣୀ᳚ମ୍ ।

ଈ॒ଶ୍ଵରୀଗ୍ଂ॑ ସର୍ଵ॑ଭୂତା॒ନା॒-ନ୍ତାମି॒ହୋପ॑ହ୍ଵଯେ॒ ଶ୍ରିଯମ୍ ॥

ମନ॑ସଃ॒ କାମ॒ମାକୂ॑ତିଂ-ଵାଁ॒ଚ-ସ୍ସ॒ତ୍ଯମ॑ଶୀମହି ।

ପ॒ଶୂ॒ନାଗ୍ଂ ରୂ॒ପମନ୍ଯ॑ସ୍ଯ॒ ମଯି॒ ଶ୍ରୀ-ଶ୍ଶ୍ର॑ଯତାଂ॒-ଯଁଶଃ॑ ॥

କ॒ର୍ଦମେ॑ନ ପ୍ର॑ଜାଭୂ॒ତା॒ ମ॒ଯି॒ ସମ୍ଭ॑ଵ କ॒ର୍ଦମ ।

ଶ୍ରିଯଂ॑-ଵାଁ॒ସଯ॑ ମେ କୁ॒ଲେ॒ ମା॒ତର॑-ମ୍ପଦ୍ମ॒ମାଲି॑ନୀମ୍ ॥

ଆପଃ॑ ସୃ॒ଜନ୍ତୁ॑ ସ୍ନି॒ଗ୍ଧା॒ନି॒ ଚି॒କ୍ଲୀ॒ତ ଵ॑ସ ମେ॒ ଗୃହେ ।

ନି ଚ॑ ଦେ॒ଵୀ-ମ୍ମା॒ତରଂ॒ ଶ୍ରିଯଂ॑-ଵାଁ॒ସଯ॑ ମେ କୁ॒ଲେ ॥

ଆ॒ର୍ଦ୍ରା-ମ୍ପୁ॒ଷ୍କରି॑ଣୀ-ମ୍ପୁ॒ଷ୍ଟିଂ॒ ପି॒ଙ୍ଗ॒ଲା-ମ୍ପ॑ଦ୍ମମା॒ଲିନୀମ୍ ।

ଚ॒ନ୍ଦ୍ରାଂ ହି॒ରଣ୍ମ॑ଯୀଂ-ଲଁ॒କ୍ଷ୍ମୀ-ଞ୍ଜାତ॑ଵେଦୋ ମ॒ମାଵ॑ହ ॥

ଆ॒ର୍ଦ୍ରାଂ-ଯଁଃ॒ କରି॑ଣୀଂ-ଯଁ॒ଷ୍ଟିଂ॒ ସୁ॒ଵ॒ର୍ଣାଂ ହେ॑ମମା॒ଲିନୀମ୍ ।

ସୂ॒ର୍ଯାଂ ହି॒ରଣ୍ମ॑ଯୀଂ-ଲଁ॒କ୍ଷ୍ମୀ॒-ଞ୍ଜାତ॑ଵେଦୋ ମ॒ମାଵ॑ହ ॥

ତା-ମ୍ମ॒ ଆଵ॑ହ॒ ଜାତ॑ଵେଦୋ ଲ॒କ୍ଷୀମନ॑ପଗା॒ମିନୀ᳚ମ୍ ।

ଯସ୍ଯାଂ॒ ହିର॑ଣ୍ଯ॒-ମ୍ପ୍ରଭୂ॑ତ॒-ଙ୍ଗାଵୋ॑ ଦା॒ସ୍ଯୋ-ଽଶ୍ଵା᳚ନ୍, ଵି॒ନ୍ଦେଯ॒-ମ୍ପୁରୁ॑ଷାନ॒ହମ୍ ॥

---

ଯଶ୍ଶୁଚିଃ॑ ପ୍ରଯତୋ ଭୂ॒ତ୍ଵା॒ ଜୁ॒ହୁଯା॑-ଦାଜ୍ଯ॒-ମନ୍ଵ॑ହମ୍ ।

ଶ୍ରିଯଃ॑ ପ॒ଞ୍ଚଦ॑ଶର୍ଚ-ଞ୍ଚ ଶ୍ରୀ॒କାମ॑ସ୍ସତ॒ତ॒-ଞ୍ଜ॑ପେତ୍ ॥

ଆନନ୍ଦଃ କର୍ଦ॑ମଶ୍ଚୈ॒ଵ ଚିକ୍ଲୀ॒ତ ଇ॑ତି ଵି॒ଶ୍ରୁତାଃ ।

ଋଷ॑ଯ॒ସ୍ତେ ତ୍ର॑ଯଃ ପୁତ୍ରା-ସ୍ସ୍ଵ॒ଯଂ॒ ଶ୍ରୀରେ॑ଵ ଦେ॒ଵତା ॥

ପଦ୍ମାନନେ ପ॑ଦ୍ମ ଊ॒ରୂ॒ ପ॒ଦ୍ମାକ୍ଷୀ ପ॑ଦ୍ମସ॒ମ୍ଭଵେ ।

ତ୍ଵ-ମ୍ମା᳚-ମ୍ଭ॒ଜସ୍ଵ॑ ପଦ୍ମା॒କ୍ଷୀ ଯେ॒ନ ସୌଖ୍ଯଂ॑-ଲଁଭା॒ମ୍ଯହମ୍ ॥

ଅ॒ଶ୍ଵଦା॑ଯୀ ଚ ଗୋଦା॒ଯୀ॒ ଧ॒ନଦା॑ଯୀ ମ॒ହାଧ॑ନେ ।

ଧନ॑-ମ୍ମେ॒ ଜୁଷ॑ତା-ନ୍ଦେ॒ଵୀ ସ॒ର୍ଵକା॑ମାର୍ଥ॒ ସିଦ୍ଧ॑ଯେ ॥

ପୁତ୍ରପୌତ୍ର ଧନ-ନ୍ଧାନ୍ଯଂ ହସ୍ତ୍ଯଶ୍ଵାଜାଵିଗୋ ରଥମ୍ ।

ପ୍ରଜାନା-ମ୍ଭଵସି ମାତା ଆଯୁଷ୍ମନ୍ତ-ଙ୍କରୋତୁ ମାମ୍ ॥

ଚନ୍ଦ୍ରାଭାଂ-ଲଁକ୍ଷ୍ମୀମୀଶାନାଂ ସୂର୍ଯାଭାଂ᳚ ଶ୍ରିଯମୀଶ୍ଵରୀମ୍ ।

ଚନ୍ଦ୍ର ସୂର୍ଯାଗ୍ନି ସର୍ଵାଭାଂ ଶ୍ରୀ ମହାଲକ୍ଷ୍ମୀ-ମୁପାସ୍ମହେ ॥

ଧନ-ମଗ୍ନି-ର୍ଧନଂ-ଵାଁଯୁ-ର୍ଧନଂ ସୂର୍ଯୋ॑ ଧନଂ-ଵଁସୁଃ ।

ଧନମିନ୍ଦ୍ରୋ ବୃହସ୍ପତି-ର୍ଵରୁ॑ଣ-ନ୍ଧନମ॑ଶ୍ନୁତେ ॥

ଵୈନତେଯ ସୋମ-ମ୍ପିବ ସୋମ॑-ମ୍ପିବତୁ ଵୃତ୍ରହା ।

ସୋମ॒-ନ୍ଧନସ୍ଯ ସୋମିନୋ॒ ମହ୍ଯ॑-ନ୍ଦଦାତୁ ସୋମିନୀ॑ ॥

ନ କ୍ରୋଧୋ ନ ଚ ମାତ୍ସ॒ର୍ଯ-ନ୍ନ ଲୋଭୋ॑ ନାଶୁଭା ମତିଃ ।

ଭଵନ୍ତି କୃତ ପୁଣ୍ଯାନା-ମ୍ଭ॒କ୍ତାନାଂ ଶ୍ରୀ ସୂ᳚କ୍ତ-ଞ୍ଜପେତ୍ସଦା ॥

ଵର୍​ଷ᳚ନ୍ତୁ॒ ତେ ଵି॑ଭାଵ॒ରି॒ ଦି॒ଵୋ ଅଭ୍ରସ୍ଯ ଵିଦ୍ଯୁ॑ତଃ ।

ରୋହ᳚ନ୍ତୁ ସର୍ଵ॑ବୀଜାନ୍ଯଵ ବ୍ରହ୍ମ ଦ୍ଵି॒ଷୋ᳚ ଜ॑ହି ॥

ପଦ୍ମପ୍ରିଯେ ପଦ୍ମିନି ପଦ୍ମହସ୍ତେ ପଦ୍ମାଲଯେ ପଦ୍ମ-ଦଲାଯତାକ୍ଷୀ ।

ଵିଶ୍ଵପ୍ରିଯେ ଵିଷ୍ଣୁ ମନୋନୁକୂଲେ ତ୍ଵତ୍ପାଦପଦ୍ମ-ମ୍ମଯି ସନ୍ନିଧତ୍ସ୍ଵ ॥

ଯା ସା ପଦ୍ମାସନସ୍ଥା ଵିପୁଲକଟିତଟୀ ପଦ୍ମପତ୍ରାଯତାକ୍ଷୀ ।

ଗମ୍ଭୀରା ଵର୍ତନାଭି-ସ୍ସ୍ତନଭରନମିତା ଶୁଭ୍ର ଵସ୍ତୋତ୍ତରୀଯା ॥

ଲକ୍ଷ୍ମୀ-ର୍ଦିଵ୍ଯୈ-ର୍ଗଜେନ୍ଦ୍ରୈ-ର୍ମଣିଗଣ ଖଚିତୈ-ସ୍ସ୍ନାପିତା ହେମକୁମ୍ଭୈଃ ।

ନିତ୍ଯଂ ସା ପଦ୍ମହସ୍ତା ମମ ଵସତୁ ଗୃହେ ସର୍ଵ ମାଙ୍ଗଲ୍ଯଯୁକ୍ତା ॥

ଲକ୍ଷ୍ମୀ-ଙ୍କ୍ଷୀର ସମୁଦ୍ର ରାଜତନଯାଂ ଶ୍ରୀରଙ୍ଗ ଧାମେଶ୍ଵରୀମ୍ ।

ଦାସୀଭୂତ ସମସ୍ତ ଦେଵ ଵନିତାଂ-ଲୋଁକୈକ ଦୀପାଙ୍କୁରାମ୍ ।

ଶ୍ରୀମନ୍ମନ୍ଦ କଟାକ୍ଷ ଲବ୍ଧ ଵିଭଵ ବ୍ରହ୍ମେନ୍ଦ୍ର ଗଙ୍ଗାଧରାମ୍ ।

ତ୍ଵା-ନ୍ତ୍ରୈଲୋକ୍ଯ କୁଟୁମ୍ବିନୀଂ ସରସିଜାଂ-ଵଁନ୍ଦେ ମୁକୁନ୍ଦପ୍ରିଯାମ୍ ॥

ସିଦ୍ଧଲକ୍ଷ୍ମୀ-ର୍ମୋକ୍ଷଲକ୍ଷ୍ମୀ-ର୍ଜଯଲକ୍ଷ୍ମୀ-ସ୍ସରସ୍ଵତୀ ।

ଶ୍ରୀଲକ୍ଷ୍ମୀ-ର୍ଵରଲକ୍ଷ୍ମୀଶ୍ଚ ପ୍ରସନ୍ନା ମମ ସର୍ଵଦା ॥

ଵରାଙ୍କୁଶୌ ପାଶମଭୀତି ମୁଦ୍ରାମ୍ ।

କରୈର୍ଵହନ୍ତୀ-ଙ୍କମଲାସନସ୍ଥାମ୍ ।

ବାଲାର୍କକୋଟି ପ୍ରତିଭା-ନ୍ତ୍ରିନେତ୍ରାମ୍ ।

ଭଜେ-ଽହମମ୍ବା-ଞ୍ଜଗଦୀଶ୍ଵରୀ-ନ୍ତାମ୍ ॥

ସର୍ଵମଙ୍ଗଲ ମାଙ୍ଗଲ୍ଯେ ଶିଵେ ସର୍ଵାର୍ଥ ସାଧିକେ ।

ଶରଣ୍ଯେ ତ୍ଯ୍ରମ୍ବକେ ଦେଵୀ ନାରାଯଣି ନମୋସ୍ତୁତେ ॥

ଓ-ମ୍ମ॒ହା॒ଦେ॒ଵ୍ଯୈ ଚ॑ ଵି॒ଦ୍ମହେ॑ ଵିଷ୍ଣୁପ॒ତ୍ନୀ ଚ॑ ଧୀମହି ।

ତନ୍ନୋ॑ ଲକ୍ଷ୍ମୀଃ ପ୍ରଚୋ॒ଦଯା᳚ତ୍ ॥

ଶ୍ରୀ-ର୍ଵର୍ଚ॑ସ୍ଵ॒-ମାଯୁ॑ଷ୍ଯ॒-ମାରୋ᳚ଗ୍ଯ॒-ମାଵୀ॑ଧା॒ତ୍-ଶୋଭ॑ମାନ-ମ୍ମହୀ॒ଯତେ᳚ ।

ଧା॒ନ୍ଯ-ନ୍ଧ॒ନ-ମ୍ପ॒ଶୁ-ମ୍ବ॒ହୁପୁ॑ତ୍ରଲା॒ଭଂ ଶ॒ତସଂ᳚​ଵଁତ୍ସ॒ର-ନ୍ଦୀ॒ର୍ଘମାଯୁଃ॑ ॥

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥