Sri Suktam
ശ്രീ സൂക്തമ്
Sri Suktam
ശ്രീ സൂക്തമ്
ശ്ലോക 1
ഓമ് ॥ ഹിര॑ണ്യവര്ണാം॒ ഹരി॑ണീം സു॒വര്ണ॑രജ॒തസ്ര॑ജാമ് ।
ച॒ന്ദ്രാം ഹി॒രണ്മ॑യീം-ലഁ॒ക്ഷ്മീ-ഞ്ജാത॑വേദോ മ॒മാവ॑ഹ ॥
താ-മ്മ॒ ആവ॑ഹ॒ ജാത॑വേദോ ല॒ക്ഷ്മീമന॑പഗാ॒മിനീ᳚മ് ।
യസ്യാം॒ ഹിര॑ണ്യം-വിഁ॒ന്ദേയ॒-ങ്ഗാമശ്വ॒-മ്പുരു॑ഷാന॒ഹമ് ॥
അ॒ശ്വ॒പൂ॒ര്വാം ര॑ഥമ॒ധ്യാം ഹ॒സ്തിനാ॑ദ-പ്ര॒ബോധി॑നീമ് ।
ശ്രിയ॑-ന്ദേ॒വീമുപ॑ഹ്വയേ॒ ശ്രീര്മാ॑ ദേ॒വീര്ജു॑ഷതാമ് ॥
കാം॒സോ᳚സ്മി॒ താം ഹിര॑ണ്യപ്രാ॒കാരാ॑മാ॒ര്ദ്രാ-ഞ്ജ്വല॑ന്തീ-ന്തൃ॒പ്താ-ന്ത॒ര്പയ॑ന്തീമ് ।
പ॒ദ്മേ॒ സ്ഥി॒താ-മ്പ॒ദ്മവ॑ര്ണാ॒-ന്താമി॒ഹോപ॑ഹ്വയേ॒ ശ്രിയമ് ॥
ച॒ന്ദ്രാ-മ്പ്ര॑ഭാ॒സാം-യഁ॒ശസാ॒ ജ്വല॑ന്തീം॒ ശ്രിയം॑-ലോഁ॒കേ ദേ॒വജു॑ഷ്ടാമുദാ॒രാമ് ।
താ-മ്പ॒ദ്മിനീ॑മീം॒ ശര॑ണമ॒ഹ-മ്പ്രപ॑ദ്യേ-ഽല॒ക്ഷ്മീര്മേ॑ നശ്യതാ॒-ന്ത്വാം-വൃഁ॑ണേ ॥
ആ॒ദി॒ത്യവ॑ര്ണേ॒ തപ॒സോ-ഽധി॑ജാ॒തോ വന॒സ്പതി॒സ്തവ॑ വൃ॒ക്ഷോ-ഽഥ॑ ബി॒ല്വഃ ।
തസ്യ॒ ഫലാ॑നി॒ തപ॒സാനു॑ദന്തു മാ॒യാന്ത॑രാ॒യാശ്ച॑ ബാ॒ഹ്യാ അ॑ല॒ക്ഷ്മീഃ ॥
ഉപൈ॑തു॒ മാ-ന്ദേ॑വസ॒ഖഃ കീ॒ര്തിശ്ച॒ മണി॑നാ സ॒ഹ ।
പ്രാ॒ദു॒ര്ഭൂ॒തോ-ഽസ്മി॑ രാഷ്ട്രേ॒-ഽസ്മിന് കീ॒ര്തി॒മൃ॑ദ്ധി-ന്ദ॒ദാതു॑ മേ ॥
ക്ഷു॒ത്പി॒പാ॒സാമ॑ലാ-ഞ്ജ്യേ॒ഷ്ഠാമ॒ല॒ക്ഷീ-ര്നാ॑ശയാ॒മ്യഹമ് ।
അഭൂ॑തി॒മസ॑മൃദ്ധി॒-ഞ്ച സ॒ര്വാ॒-ന്നിര്ണു॑ദ മേ॒ ഗൃഹാത് ॥
ഗ॒ന്ധ॒ദ്വാ॒രാ-ന്ദു॑രാധ॒ര്ഷാ॒-ന്നി॒ത്യപു॑ഷ്ടാ-ങ്കരീ॒ഷിണീ᳚മ് ।
ഈ॒ശ്വരീഗ്ം॑ സര്വ॑ഭൂതാ॒നാ॒-ന്താമി॒ഹോപ॑ഹ്വയേ॒ ശ്രിയമ് ॥
മന॑സഃ॒ കാമ॒മാകൂ॑തിം-വാഁ॒ച-സ്സ॒ത്യമ॑ശീമഹി ।
പ॒ശൂ॒നാഗ്ം രൂ॒പമന്യ॑സ്യ॒ മയി॒ ശ്രീ-ശ്ശ്ര॑യതാം॒-യഁശഃ॑ ॥
ക॒ര്ദമേ॑ന പ്ര॑ജാഭൂ॒താ॒ മ॒യി॒ സമ്ഭ॑വ ക॒ര്ദമ ।
ശ്രിയം॑-വാഁ॒സയ॑ മേ കു॒ലേ॒ മാ॒തര॑-മ്പദ്മ॒മാലി॑നീമ് ॥
ആപഃ॑ സൃ॒ജന്തു॑ സ്നി॒ഗ്ധാ॒നി॒ ചി॒ക്ലീ॒ത വ॑സ മേ॒ ഗൃഹേ ।
നി ച॑ ദേ॒വീ-മ്മാ॒തരം॒ ശ്രിയം॑-വാഁ॒സയ॑ മേ കു॒ലേ ॥
ആ॒ര്ദ്രാ-മ്പു॒ഷ്കരി॑ണീ-മ്പു॒ഷ്ടിം॒ പി॒ങ്ഗ॒ലാ-മ്പ॑ദ്മമാ॒ലിനീമ് ।
ച॒ന്ദ്രാം ഹി॒രണ്മ॑യീം-ലഁ॒ക്ഷ്മീ-ഞ്ജാത॑വേദോ മ॒മാവ॑ഹ ॥
ആ॒ര്ദ്രാം-യഁഃ॒ കരി॑ണീം-യഁ॒ഷ്ടിം॒ സു॒വ॒ര്ണാം ഹേ॑മമാ॒ലിനീമ് ।
സൂ॒ര്യാം ഹി॒രണ്മ॑യീം-ലഁ॒ക്ഷ്മീ॒-ഞ്ജാത॑വേദോ മ॒മാവ॑ഹ ॥
താ-മ്മ॒ ആവ॑ഹ॒ ജാത॑വേദോ ല॒ക്ഷീമന॑പഗാ॒മിനീ᳚മ് ।
യസ്യാം॒ ഹിര॑ണ്യ॒-മ്പ്രഭൂ॑ത॒-ങ്ഗാവോ॑ ദാ॒സ്യോ-ഽശ്വാ᳚ന്, വി॒ന്ദേയ॒-മ്പുരു॑ഷാന॒ഹമ് ॥
യശ്ശുചിഃ॑ പ്രയതോ ഭൂ॒ത്വാ॒ ജു॒ഹുയാ॑-ദാജ്യ॒-മന്വ॑ഹമ് ।
ശ്രിയഃ॑ പ॒ഞ്ചദ॑ശര്ച-ഞ്ച ശ്രീ॒കാമ॑സ്സത॒ത॒-ഞ്ജ॑പേത് ॥
ആനന്ദഃ കര്ദ॑മശ്ചൈ॒വ ചിക്ലീ॒ത ഇ॑തി വി॒ശ്രുതാഃ ।
ഋഷ॑യ॒സ്തേ ത്ര॑യഃ പുത്രാ-സ്സ്വ॒യം॒ ശ്രീരേ॑വ ദേ॒വതാ ॥
പദ്മാനനേ പ॑ദ്മ ഊ॒രൂ॒ പ॒ദ്മാക്ഷീ പ॑ദ്മസ॒മ്ഭവേ ।
ത്വ-മ്മാ᳚-മ്ഭ॒ജസ്വ॑ പദ്മാ॒ക്ഷീ യേ॒ന സൌഖ്യം॑-ലഁഭാ॒മ്യഹമ് ॥
അ॒ശ്വദാ॑യീ ച ഗോദാ॒യീ॒ ധ॒നദാ॑യീ മ॒ഹാധ॑നേ ।
ധന॑-മ്മേ॒ ജുഷ॑താ-ന്ദേ॒വീ സ॒ര്വകാ॑മാര്ഥ॒ സിദ്ധ॑യേ ॥
പുത്രപൌത്ര ധന-ന്ധാന്യം ഹസ്ത്യശ്വാജാവിഗോ രഥമ് ।
പ്രജാനാ-മ്ഭവസി മാതാ ആയുഷ്മന്ത-ങ്കരോതു മാമ് ॥
ചന്ദ്രാഭാം-ലഁക്ഷ്മീമീശാനാം സൂര്യാഭാം᳚ ശ്രിയമീശ്വരീമ് ।
ചന്ദ്ര സൂര്യാഗ്നി സര്വാഭാം ശ്രീ മഹാലക്ഷ്മീ-മുപാസ്മഹേ ॥
ധന-മഗ്നി-ര്ധനം-വാഁയു-ര്ധനം സൂര്യോ॑ ധനം-വഁസുഃ ।
ധനമിന്ദ്രോ ബൃഹസ്പതി-ര്വരു॑ണ-ന്ധനമ॑ശ്നുതേ ॥
വൈനതേയ സോമ-മ്പിബ സോമ॑-മ്പിബതു വൃത്രഹാ ।
സോമ॒-ന്ധനസ്യ സോമിനോ॒ മഹ്യ॑-ന്ദദാതു സോമിനീ॑ ॥
ന ക്രോധോ ന ച മാത്സ॒ര്യ-ന്ന ലോഭോ॑ നാശുഭാ മതിഃ ।
ഭവന്തി കൃത പുണ്യാനാ-മ്ഭ॒ക്താനാം ശ്രീ സൂ᳚ക്ത-ഞ്ജപേത്സദാ ॥
വര്ഷ᳚ന്തു॒ തേ വി॑ഭാവ॒രി॒ ദി॒വോ അഭ്രസ്യ വിദ്യു॑തഃ ।
രോഹ᳚ന്തു സര്വ॑ബീജാന്യവ ബ്രഹ്മ ദ്വി॒ഷോ᳚ ജ॑ഹി ॥
പദ്മപ്രിയേ പദ്മിനി പദ്മഹസ്തേ പദ്മാലയേ പദ്മ-ദലായതാക്ഷീ ।
വിശ്വപ്രിയേ വിഷ്ണു മനോനുകൂലേ ത്വത്പാദപദ്മ-മ്മയി സന്നിധത്സ്വ ॥
യാ സാ പദ്മാസനസ്ഥാ വിപുലകടിതടീ പദ്മപത്രായതാക്ഷീ ।
ഗമ്ഭീരാ വര്തനാഭി-സ്സ്തനഭരനമിതാ ശുഭ്ര വസ്തോത്തരീയാ ॥
ലക്ഷ്മീ-ര്ദിവ്യൈ-ര്ഗജേന്ദ്രൈ-ര്മണിഗണ ഖചിതൈ-സ്സ്നാപിതാ ഹേമകുമ്ഭൈഃ ।
നിത്യം സാ പദ്മഹസ്താ മമ വസതു ഗൃഹേ സര്വ മാങ്ഗല്യയുക്താ ॥
ലക്ഷ്മീ-ങ്ക്ഷീര സമുദ്ര രാജതനയാം ശ്രീരങ്ഗ ധാമേശ്വരീമ് ।
ദാസീഭൂത സമസ്ത ദേവ വനിതാം-ലോഁകൈക ദീപാങ്കുരാമ് ।
ശ്രീമന്മന്ദ കടാക്ഷ ലബ്ധ വിഭവ ബ്രഹ്മേന്ദ്ര ഗങ്ഗാധരാമ് ।
ത്വാ-ന്ത്രൈലോക്യ കുടുമ്ബിനീം സരസിജാം-വഁന്ദേ മുകുന്ദപ്രിയാമ് ॥
സിദ്ധലക്ഷ്മീ-ര്മോക്ഷലക്ഷ്മീ-ര്ജയലക്ഷ്മീ-സ്സരസ്വതീ ।
ശ്രീലക്ഷ്മീ-ര്വരലക്ഷ്മീശ്ച പ്രസന്നാ മമ സര്വദാ ॥
വരാങ്കുശൌ പാശമഭീതി മുദ്രാമ് ।
കരൈര്വഹന്തീ-ങ്കമലാസനസ്ഥാമ് ।
ബാലാര്കകോടി പ്രതിഭാ-ന്ത്രിനേത്രാമ് ।
ഭജേ-ഽഹമമ്ബാ-ഞ്ജഗദീശ്വരീ-ന്താമ് ॥
സര്വമങ്ഗല മാങ്ഗല്യേ ശിവേ സര്വാര്ഥ സാധികേ ।
ശരണ്യേ ത്യ്രമ്ബകേ ദേവീ നാരായണി നമോസ്തുതേ ॥
ഓ-മ്മ॒ഹാ॒ദേ॒വ്യൈ ച॑ വി॒ദ്മഹേ॑ വിഷ്ണുപ॒ത്നീ ച॑ ധീമഹി ।
തന്നോ॑ ലക്ഷ്മീഃ പ്രചോ॒ദയാ᳚ത് ॥
ശ്രീ-ര്വര്ച॑സ്വ॒-മായു॑ഷ്യ॒-മാരോ᳚ഗ്യ॒-മാവീ॑ധാ॒ത്-ശോഭ॑മാന-മ്മഹീ॒യതേ᳚ ।
ധാ॒ന്യ-ന്ധ॒ന-മ്പ॒ശു-മ്ബ॒ഹുപു॑ത്രലാ॒ഭം ശ॒തസം᳚വഁത്സ॒ര-ന്ദീ॒ര്ഘമായുഃ॑ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥