Sri Suktam
শ্রী সূক্তম্
Sri Suktam
শ্রী সূক্তম্
শ্লোক 1
ওম্ ॥ হির॑ণ্যবর্ণাং॒ হরি॑ণীং সু॒বর্ণ॑রজ॒তস্র॑জাম্ ।
চ॒ন্দ্রাং হি॒রণ্ম॑যীং-লঁ॒ক্ষ্মী-ঞ্জাত॑বেদো ম॒মাব॑হ ॥
তা-ম্ম॒ আব॑হ॒ জাত॑বেদো ল॒ক্ষ্মীমন॑পগা॒মিনী᳚ম্ ।
যস্যাং॒ হির॑ণ্যং-বিঁ॒ন্দেয॒-ঙ্গামশ্ব॒-ম্পুরু॑ষান॒হম্ ॥
অ॒শ্ব॒পূ॒র্বাং র॑থম॒ধ্যাং হ॒স্তিনা॑দ-প্র॒বোধি॑নীম্ ।
শ্রিয॑-ন্দে॒বীমুপ॑হ্বযে॒ শ্রীর্মা॑ দে॒বীর্জু॑ষতাম্ ॥
কাং॒সো᳚স্মি॒ তাং হির॑ণ্যপ্রা॒কারা॑মা॒র্দ্রা-ঞ্জ্বল॑ন্তী-ন্তৃ॒প্তা-ন্ত॒র্পয॑ন্তীম্ ।
প॒দ্মে॒ স্থি॒তা-ম্প॒দ্মব॑র্ণা॒-ন্তামি॒হোপ॑হ্বযে॒ শ্রিযম্ ॥
চ॒ন্দ্রা-ম্প্র॑ভা॒সাং-যঁ॒শসা॒ জ্বল॑ন্তীং॒ শ্রিযং॑-লোঁ॒কে দে॒বজু॑ষ্টামুদা॒রাম্ ।
তা-ম্প॒দ্মিনী॑মীং॒ শর॑ণম॒হ-ম্প্রপ॑দ্যে-ঽল॒ক্ষ্মীর্মে॑ নশ্যতা॒-ন্ত্বাং-বৃঁ॑ণে ॥
আ॒দি॒ত্যব॑র্ণে॒ তপ॒সো-ঽধি॑জা॒তো বন॒স্পতি॒স্তব॑ বৃ॒ক্ষো-ঽথ॑ বি॒ল্বঃ ।
তস্য॒ ফলা॑নি॒ তপ॒সানু॑দন্তু মা॒যান্ত॑রা॒যাশ্চ॑ বা॒হ্যা অ॑ল॒ক্ষ্মীঃ ॥
উপৈ॑তু॒ মা-ন্দে॑বস॒খঃ কী॒র্তিশ্চ॒ মণি॑না স॒হ ।
প্রা॒দু॒র্ভূ॒তো-ঽস্মি॑ রাষ্ট্রে॒-ঽস্মিন্ কী॒র্তি॒মৃ॑দ্ধি-ন্দ॒দাতু॑ মে ॥
ক্ষু॒ত্পি॒পা॒সাম॑লা-ঞ্জ্যে॒ষ্ঠাম॒ল॒ক্ষী-র্না॑শযা॒ম্যহম্ ।
অভূ॑তি॒মস॑মৃদ্ধি॒-ঞ্চ স॒র্বা॒-ন্নির্ণু॑দ মে॒ গৃহাত্ ॥
গ॒ন্ধ॒দ্বা॒রা-ন্দু॑রাধ॒র্ষা॒-ন্নি॒ত্যপু॑ষ্টা-ঙ্করী॒ষিণী᳚ম্ ।
ঈ॒শ্বরীগ্ং॑ সর্ব॑ভূতা॒না॒-ন্তামি॒হোপ॑হ্বযে॒ শ্রিযম্ ॥
মন॑সঃ॒ কাম॒মাকূ॑তিং-বাঁ॒চ-স্স॒ত্যম॑শীমহি ।
প॒শূ॒নাগ্ং রূ॒পমন্য॑স্য॒ মযি॒ শ্রী-শ্শ্র॑যতাং॒-যঁশঃ॑ ॥
ক॒র্দমে॑ন প্র॑জাভূ॒তা॒ ম॒যি॒ সম্ভ॑ব ক॒র্দম ।
শ্রিযং॑-বাঁ॒সয॑ মে কু॒লে॒ মা॒তর॑-ম্পদ্ম॒মালি॑নীম্ ॥
আপঃ॑ সৃ॒জন্তু॑ স্নি॒গ্ধা॒নি॒ চি॒ক্লী॒ত ব॑স মে॒ গৃহে ।
নি চ॑ দে॒বী-ম্মা॒তরং॒ শ্রিযং॑-বাঁ॒সয॑ মে কু॒লে ॥
আ॒র্দ্রা-ম্পু॒ষ্করি॑ণী-ম্পু॒ষ্টিং॒ পি॒ঙ্গ॒লা-ম্প॑দ্মমা॒লিনীম্ ।
চ॒ন্দ্রাং হি॒রণ্ম॑যীং-লঁ॒ক্ষ্মী-ঞ্জাত॑বেদো ম॒মাব॑হ ॥
আ॒র্দ্রাং-যঁঃ॒ করি॑ণীং-যঁ॒ষ্টিং॒ সু॒ব॒র্ণাং হে॑মমা॒লিনীম্ ।
সূ॒র্যাং হি॒রণ্ম॑যীং-লঁ॒ক্ষ্মী॒-ঞ্জাত॑বেদো ম॒মাব॑হ ॥
তা-ম্ম॒ আব॑হ॒ জাত॑বেদো ল॒ক্ষীমন॑পগা॒মিনী᳚ম্ ।
যস্যাং॒ হির॑ণ্য॒-ম্প্রভূ॑ত॒-ঙ্গাবো॑ দা॒স্যো-ঽশ্বা᳚ন্, বি॒ন্দেয॒-ম্পুরু॑ষান॒হম্ ॥
যশ্শুচিঃ॑ প্রযতো ভূ॒ত্বা॒ জু॒হুযা॑-দাজ্য॒-মন্ব॑হম্ ।
শ্রিযঃ॑ প॒ঞ্চদ॑শর্চ-ঞ্চ শ্রী॒কাম॑স্সত॒ত॒-ঞ্জ॑পেত্ ॥
আনন্দঃ কর্দ॑মশ্চৈ॒ব চিক্লী॒ত ই॑তি বি॒শ্রুতাঃ ।
ঋষ॑য॒স্তে ত্র॑যঃ পুত্রা-স্স্ব॒যং॒ শ্রীরে॑ব দে॒বতা ॥
পদ্মাননে প॑দ্ম ঊ॒রূ॒ প॒দ্মাক্ষী প॑দ্মস॒ম্ভবে ।
ত্ব-ম্মা᳚-ম্ভ॒জস্ব॑ পদ্মা॒ক্ষী যে॒ন সৌখ্যং॑-লঁভা॒ম্যহম্ ॥
অ॒শ্বদা॑যী চ গোদা॒যী॒ ধ॒নদা॑যী ম॒হাধ॑নে ।
ধন॑-ম্মে॒ জুষ॑তা-ন্দে॒বী স॒র্বকা॑মার্থ॒ সিদ্ধ॑যে ॥
পুত্রপৌত্র ধন-ন্ধান্যং হস্ত্যশ্বাজাবিগো রথম্ ।
প্রজানা-ম্ভবসি মাতা আযুষ্মন্ত-ঙ্করোতু মাম্ ॥
চন্দ্রাভাং-লঁক্ষ্মীমীশানাং সূর্যাভাং᳚ শ্রিযমীশ্বরীম্ ।
চন্দ্র সূর্যাগ্নি সর্বাভাং শ্রী মহালক্ষ্মী-মুপাস্মহে ॥
ধন-মগ্নি-র্ধনং-বাঁযু-র্ধনং সূর্যো॑ ধনং-বঁসুঃ ।
ধনমিন্দ্রো বৃহস্পতি-র্বরু॑ণ-ন্ধনম॑শ্নুতে ॥
বৈনতেয সোম-ম্পিব সোম॑-ম্পিবতু বৃত্রহা ।
সোম॒-ন্ধনস্য সোমিনো॒ মহ্য॑-ন্দদাতু সোমিনী॑ ॥
ন ক্রোধো ন চ মাত্স॒র্য-ন্ন লোভো॑ নাশুভা মতিঃ ।
ভবন্তি কৃত পুণ্যানা-ম্ভ॒ক্তানাং শ্রী সূ᳚ক্ত-ঞ্জপেত্সদা ॥
বর্ষ᳚ন্তু॒ তে বি॑ভাব॒রি॒ দি॒বো অভ্রস্য বিদ্যু॑তঃ ।
রোহ᳚ন্তু সর্ব॑বীজান্যব ব্রহ্ম দ্বি॒ষো᳚ জ॑হি ॥
পদ্মপ্রিযে পদ্মিনি পদ্মহস্তে পদ্মালযে পদ্ম-দলাযতাক্ষী ।
বিশ্বপ্রিযে বিষ্ণু মনোনুকূলে ত্বত্পাদপদ্ম-ম্মযি সন্নিধত্স্ব ॥
যা সা পদ্মাসনস্থা বিপুলকটিতটী পদ্মপত্রাযতাক্ষী ।
গম্ভীরা বর্তনাভি-স্স্তনভরনমিতা শুভ্র বস্তোত্তরীযা ॥
লক্ষ্মী-র্দিব্যৈ-র্গজেন্দ্রৈ-র্মণিগণ খচিতৈ-স্স্নাপিতা হেমকুম্ভৈঃ ।
নিত্যং সা পদ্মহস্তা মম বসতু গৃহে সর্ব মাঙ্গল্যযুক্তা ॥
লক্ষ্মী-ঙ্ক্ষীর সমুদ্র রাজতনযাং শ্রীরঙ্গ ধামেশ্বরীম্ ।
দাসীভূত সমস্ত দেব বনিতাং-লোঁকৈক দীপাঙ্কুরাম্ ।
শ্রীমন্মন্দ কটাক্ষ লব্ধ বিভব ব্রহ্মেন্দ্র গঙ্গাধরাম্ ।
ত্বা-ন্ত্রৈলোক্য কুটুম্বিনীং সরসিজাং-বঁন্দে মুকুন্দপ্রিযাম্ ॥
সিদ্ধলক্ষ্মী-র্মোক্ষলক্ষ্মী-র্জযলক্ষ্মী-স্সরস্বতী ।
শ্রীলক্ষ্মী-র্বরলক্ষ্মীশ্চ প্রসন্না মম সর্বদা ॥
বরাঙ্কুশৌ পাশমভীতি মুদ্রাম্ ।
করৈর্বহন্তী-ঙ্কমলাসনস্থাম্ ।
বালার্ককোটি প্রতিভা-ন্ত্রিনেত্রাম্ ।
ভজে-ঽহমম্বা-ঞ্জগদীশ্বরী-ন্তাম্ ॥
সর্বমঙ্গল মাঙ্গল্যে শিবে সর্বার্থ সাধিকে ।
শরণ্যে ত্য্রম্বকে দেবী নারাযণি নমোস্তুতে ॥
ও-ম্ম॒হা॒দে॒ব্যৈ চ॑ বি॒দ্মহে॑ বিষ্ণুপ॒ত্নী চ॑ ধীমহি ।
তন্নো॑ লক্ষ্মীঃ প্রচো॒দযা᳚ত্ ॥
শ্রী-র্বর্চ॑স্ব॒-মাযু॑ষ্য॒-মারো᳚গ্য॒-মাবী॑ধা॒ত্-শোভ॑মান-ম্মহী॒যতে᳚ ।
ধা॒ন্য-ন্ধ॒ন-ম্প॒শু-ম্ব॒হুপু॑ত্রলা॒ভং শ॒তসং᳚বঁত্স॒র-ন্দী॒র্ঘমাযুঃ॑ ॥
ওঁ শান্তি॒-শ্শান্তি॒-শ্শান্তিঃ॑ ॥