Sri Subrahmanya Sahasra Nama Stotram
Sri Subrahmanya Sahasra Nama Stotram
ଶ୍ରୀ ସୁବ୍ରହ୍ମଣ୍ଯ ସହସ୍ର ନାମ ସ୍ତୋତ୍ରମ୍
ଋଷଯ ଊଚୁଃ ।
ସର୍ଵଶାସ୍ତ୍ରାର୍ଥତତ୍ତ୍ଵଜ୍ଞ ସର୍ଵଲୋକୋପକାରକ ।
ଵଯଂ ଚାତିଥଯଃ ପ୍ରାପ୍ତା ଆତିଥେଯୋଽସି ସୁଵ୍ରତ ॥ 1 ॥
ଜ୍ଞାନଦାନେନ ସଂସାରସାଗରାତ୍ତାରଯସ୍ଵ ନଃ ।
କଲୌ କଲୁଷଚିତ୍ତା ଯେ ନରାଃ ପାପରତାଃ ସଦା ॥ 2 ॥
କେନ ସ୍ତୋତ୍ରେଣ ମୁଚ୍ଯନ୍ତେ ସର୍ଵପାତକବନ୍ଧନାତ୍ ।
ଇଷ୍ଟସିଦ୍ଧିକରଂ ପୁଣ୍ଯଂ ଦୁଃଖଦାରିଦ୍ର୍ଯନାଶନମ୍ ॥ 3 ॥
ସର୍ଵରୋଗହରଂ ସ୍ତୋତ୍ରଂ ସୂତ ନୋ ଵକ୍ତୁମର୍ହସି ।
ଶ୍ରୀସୂତ ଉଵାଚ ।
ଶୃଣୁଧ୍ଵଂ ଋଷଯଃ ସର୍ଵେ ନୈମିଶାରଣ୍ଯଵାସିନଃ ॥ 4 ॥
ତତ୍ତ୍ଵଜ୍ଞାନତପୋନିଷ୍ଠାଃ ସର୍ଵଶାସ୍ତ୍ରଵିଶାରଦାଃ ।
ସ୍ଵଯମ୍ଭୁଵା ପୁରା ପ୍ରୋକ୍ତଂ ନାରଦାଯ ମହାତ୍ମନେ ॥ 5 ॥
ତଦହଂ ସମ୍ପ୍ରଵକ୍ଷ୍ଯାମି ଶ୍ରୋତୁଂ କୌତୂହଲଂ ଯଦି ।
ଋଷଯ ଊଚୁଃ ।
କିମାହ ଭଗଵାନ୍ବ୍ରହ୍ମା ନାରଦାଯ ମହାତ୍ମନେ ॥ 6 ॥
ସୂତପୁତ୍ର ମହାଭାଗ ଵକ୍ତୁମର୍ହସି ସାମ୍ପ୍ରତମ୍ ।
ଶ୍ରୀସୂତ ଉଵାଚ ।
ଦିଵ୍ଯସିଂହାସନାସୀନଂ ସର୍ଵଦେଵୈରଭିଷ୍ଟୁତମ୍ ॥ 7 ॥
ସାଷ୍ଟାଙ୍ଗଂ ପ୍ରଣିପତ୍ଯୈନଂ ବ୍ରହ୍ମାଣଂ ଭୁଵନେଶ୍ଵରମ୍ ।
ନାରଦଃ ପରିପପ୍ରଚ୍ଛ କୃତାଞ୍ଜଲିରୁପସ୍ଥିତଃ ॥ 8 ॥
ନାରଦ ଉଵାଚ ।
ଲୋକନାଥ ସୁରଶ୍ରେଷ୍ଠ ସର୍ଵଜ୍ଞ କରୁଣାକର ।
ଷଣ୍ମୁଖସ୍ଯ ପରଂ ସ୍ତୋତ୍ରଂ ପାଵନଂ ପାପନାଶନମ୍ ॥ 9 ॥
ହେ ଧାତଃ ପୁତ୍ରଵାତ୍ସଲ୍ଯାତ୍ତଦ୍ଵଦ ପ୍ରଣତାଯ ମେ ।
ଉପଦିଶ୍ଯ ତୁ ମାମେଵଂ ରକ୍ଷ ରକ୍ଷ କୃପାନିଧେ ॥ 10 ॥
ବ୍ରହ୍ମୋଵାଚ ।
ଶୃଣୁ ଵକ୍ଷ୍ଯାମି ଦେଵର୍ଷେ ସ୍ତଵରାଜମିଦଂ ପରମ୍ ।
ମାତୃକାମାଲିକାଯୁକ୍ତଂ ଜ୍ଞାନମୋକ୍ଷସୁଖପ୍ରଦମ୍ ॥ 11 ॥
ସହସ୍ରାଣି ଚ ନାମାନି ଷଣ୍ମୁଖସ୍ଯ ମହାତ୍ମନଃ ।
ଯାନି ନାମାନି ଦିଵ୍ଯାନି ଦୁଃଖରୋଗହରାଣି ଚ ॥ 12 ॥
ତାନି ନାମାନି ଵକ୍ଷ୍ଯାମି କୃପଯା ତ୍ଵଯି ନାରଦ ।
ଜପମାତ୍ରେଣ ସିଦ୍ଧ୍ଯନ୍ତି ମନସା ଚିନ୍ତିତାନ୍ଯପି ॥ 13 ॥
ଇହାମୁତ୍ର ପରଂ ଭୋଗଂ ଲଭତେ ନାତ୍ର ସଂଶଯଃ ।
ଇଦଂ ସ୍ତୋତ୍ରଂ ପରଂ ପୁଣ୍ଯଂ କୋଟିଯଜ୍ଞଫଲପ୍ରଦମ୍ ।
ସନ୍ଦେହୋ ନାତ୍ର କର୍ତଵ୍ଯଃ ଶୃଣୁ ମେ ନିଶ୍ଚିତଂ ଵଚଃ ॥ 14 ॥
ଓଁ ଅସ୍ଯ ଶ୍ରୀସୁବ୍ରହ୍ମଣ୍ଯସହସ୍ରନାମସ୍ତୋତ୍ର ମହାମନ୍ତ୍ରସ୍ଯ ବ୍ରହ୍ମା ଋଷିଃ ଅନୁଷ୍ଟୁପ୍ଛନ୍ଦଃ ସୁବ୍ରହ୍ମଣ୍ଯୋ ଦେଵତା ଶରଜନ୍ମାକ୍ଷଯ ଇତି ବୀଜଂ ଶକ୍ତିଧରୋଽକ୍ଷଯ କାର୍ତିକେଯ ଇତି ଶକ୍ତିଃ କ୍ରୌଞ୍ଚଧର ଇତି କୀଲକଂ ଶିଖିଵାହନ ଇତି କଵଚଂ ଷଣ୍ମୁଖାଯ ଇତି ଧ୍ଯାନଂ ଶ୍ରୀସୁବ୍ରହ୍ମଣ୍ଯ ପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ ।
କରନ୍ଯାସଃ –
ଓଁ ଶଂ ଓଙ୍କାରସ୍ଵରୂପାଯ ଓଜୋଧରାଯ ଓଜସ୍ଵିନେ ସୁହୃଦଯାଯ ହୃଷ୍ଟଚିତ୍ତାତ୍ମନେ ଭାସ୍ଵରରୂପାଯ ଅଙ୍ଗୁଷ୍ଠାଭ୍ଯାଂ ନମଃ ।
ଓଁ ରଂ ଷଟ୍କୋଣମଧ୍ଯନିଲଯାଯ ଷଟ୍କିରୀଟଧରାଯ ଶ୍ରୀମତେ ଷଡାଧାରାଯ ତର୍ଜନୀଭ୍ଯାଂ ନମଃ ।
ଓଁ ଵଂ ଷଣ୍ମୁଖାଯ ଶରଜନ୍ମନେ ଶୁଭଲକ୍ଷଣାଯ ଶିଖିଵାହନାଯ ମଧ୍ଯମାଭ୍ଯାଂ ନମଃ ।
ଓଁ ଣଂ କୃଶାନୁସମ୍ଭଵାଯ କଵଚିନେ କୁକ୍କୁଟଧ୍ଵଜାଯ ଅନାମିକାଭ୍ଯାଂ ନମଃ ।
ଓଁ ଭଂ କନ୍ଦର୍ପକୋଟିଦୀପ୍ଯମାନାଯ ଦ୍ଵିଷଡ୍ବାହଵେ ଦ୍ଵାଦଶାକ୍ଷାଯ କନିଷ୍ଠିକାଭ୍ଯାଂ ନମଃ ।
ଓଁ ଵଂ ଖେଟଧରାଯ ଖଡ୍ଗିନେ ଶକ୍ତିହସ୍ତାଯ କରତଲକରପୃଷ୍ଠାଭ୍ଯାଂ ନମଃ ।
ହୃଦଯାଦିନ୍ଯାସଃ –
ଓଁ ଶଂ ଓଙ୍କାରସ୍ଵରୂପାଯ ଓଜୋଧରାଯ ଓଜସ୍ଵିନେ ସୁହୃଦଯାଯ ହୃଷ୍ଟଚିତ୍ତାତ୍ମନେ ଭାସ୍ଵରରୂପାଯ ହୃଦଯାଯ ନମଃ ।
ଓଁ ରଂ ଷଟ୍କୋଣମଧ୍ଯନିଲଯାଯ ଷଟ୍କିରୀଟଧରାଯ ଶ୍ରୀମତେ ଷଡାଧାରାଯ ଶିରସେ ସ୍ଵାହା ।
ଓଁ ଵଂ ଷଣ୍ମୁଖାଯ ଶରଜନ୍ମନେ ଶୁଭଲକ୍ଷଣାଯ ଶିଖିଵାହନାଯ ଶିଖାଯୈ ଵଷଟ୍ ।
ଓଁ ଣଂ କୃଶାନୁସମ୍ଭଵାଯ କଵଚିନେ କୁକ୍କୁଟଧ୍ଵଜାଯ କଵଚାଯ ହୁମ୍ ।
ଓଁ ଭଂ କନ୍ଦର୍ପକୋଟିଦୀପ୍ଯମାନାଯ ଦ୍ଵିଷଡ୍ବାହଵେ ଦ୍ଵାଦଶାକ୍ଷାଯ ନେତ୍ରତ୍ରଯାଯ ଵୌଷଟ୍ ।
ଓଁ ଵଂ ଖେଟଧରାଯ ଖଡ୍ଗିନେ ଶକ୍ତିହସ୍ତାଯ ଅସ୍ତ୍ରାଯ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ବନ୍ଧଃ ।
ଧ୍ଯାନମ୍ ।
ଧ୍ଯାଯେତ୍ଷଣ୍ମୁଖମିନ୍ଦୁକୋଟିସଦୃଶଂ ରତ୍ନପ୍ରଭାଶୋଭିତଂ
ବାଲାର୍କଦ୍ଯୁତିଷଟ୍କିରୀଟଵିଲସତ୍କେଯୂରହାରାନ୍ଵିତମ୍ ।
କର୍ଣାଲମ୍ବିତକୁଣ୍ଡଲପ୍ରଵିଲସଦ୍ଗଣ୍ଡସ୍ଥଲାଶୋଭିତଂ
କାଞ୍ଚୀକଙ୍କଣକିଙ୍କିଣୀରଵଯୁତଂ ଶୃଙ୍ଗାରସାରୋଦଯମ୍ ॥ 1 ॥
ଧ୍ଯାଯେଦୀପ୍ସିତସିଦ୍ଧିଦଂ ଶିଵସୁତଂ ଶ୍ରୀଦ୍ଵାଦଶାକ୍ଷଂ ଗୁହଂ
ଖେଟଂ କୁକ୍କୁଟମଙ୍କୁଶଂ ଚ ଵରଦଂ ପାଶଂ ଧନୁଶ୍ଚକ୍ରକମ୍ ।
ଵଜ୍ରଂ ଶକ୍ତିମସିଂ ଚ ଶୂଲମଭଯଂ ଦୋର୍ଭିର୍ଧୃତଂ ଷଣ୍ମୁଖଂ
ଦେଵଂ ଚିତ୍ରମଯୂରଵାହନଗତଂ ଚିତ୍ରାମ୍ବରାଲଙ୍କୃତମ୍ ॥ 2 ॥
ସ୍ତୋତ୍ରମ୍ ।
ଅଚିନ୍ତ୍ଯଶକ୍ତିରନଘସ୍ତ୍ଵକ୍ଷୋଭ୍ଯସ୍ତ୍ଵପରାଜିତଃ ।
ଅନାଥଵତ୍ସଲୋଽମୋଘସ୍ତ୍ଵଶୋକୋଽପ୍ଯଜରୋଽଭଯଃ ॥ 1 ॥
ଅତ୍ଯୁଦାରୋ ହ୍ଯଘହରସ୍ତ୍ଵଗ୍ରଗଣ୍ଯୋଽଦ୍ରିଜାସୁତଃ ।
ଅନନ୍ତମହିମାଽପାରୋଽନନ୍ତସୌଖ୍ଯପ୍ରଦୋଽଵ୍ଯଯଃ ॥ 2 ॥
ଅନନ୍ତମୋକ୍ଷଦୋଽନାଦିରପ୍ରମେଯୋଽକ୍ଷରୋଽଚ୍ଯୁତଃ ।
ଅକଲ୍ମଷୋଽଭିରାମୋଽଗ୍ରଧୁର୍ଯଶ୍ଚାମିତଵିକ୍ରମଃ ॥ 3 ॥
ଅନାଥନାଥୋ ହ୍ଯମଲୋ ହ୍ଯପ୍ରମତ୍ତୋଽମରପ୍ରଭୁଃ ।
ଅରିନ୍ଦମୋଽଖିଲାଧାରସ୍ତ୍ଵଣିମାଦିଗୁଣୋଽଗ୍ରଣୀଃ ॥ 4 ॥
ଅଚଞ୍ଚଲୋଽମରସ୍ତୁତ୍ଯୋ ହ୍ଯକଲଙ୍କୋଽମିତାଶନଃ ।
ଅଗ୍ନିଭୂରନଵଦ୍ଯାଙ୍ଗୋ ହ୍ଯଦ୍ଭୁତୋଽଭୀଷ୍ଟଦାଯକଃ ॥ 5 ॥
ଅତୀନ୍ଦ୍ରିଯୋଽପ୍ରମେଯାତ୍ମା ହ୍ଯଦୃଶ୍ଯୋଽଵ୍ଯକ୍ତଲକ୍ଷଣଃ ।
ଆପଦ୍ଵିନାଶକସ୍ତ୍ଵାର୍ଯ ଆଢ୍ଯ ଆଗମସଂସ୍ତୁତଃ ॥ 6 ॥
ଆର୍ତସଂରକ୍ଷଣସ୍ତ୍ଵାଦ୍ଯ ଆନନ୍ଦସ୍ତ୍ଵାର୍ଯସେଵିତଃ ।
ଆଶ୍ରିତେଷ୍ଟାର୍ଥଵରଦ ଆନନ୍ଦ୍ଯାର୍ତଫଲପ୍ରଦଃ ॥ 7 ॥
ଆଶ୍ଚର୍ଯରୂପ ଆନନ୍ଦ ଆପନ୍ନାର୍ତିଵିନାଶନଃ ।
ଇଭଵକ୍ତ୍ରାନୁଜସ୍ତ୍ଵିଷ୍ଟ ଇଭାସୁରହରାତ୍ମଜଃ ॥ 8 ॥
ଇତିହାସଶ୍ରୁତିସ୍ତୁତ୍ଯ ଇନ୍ଦ୍ରଭୋଗଫଲପ୍ରଦଃ ।
ଇଷ୍ଟାପୂର୍ତଫଲପ୍ରାପ୍ତିରିଷ୍ଟେଷ୍ଟଵରଦାଯକଃ ॥ 9 ॥
ଇହାମୁତ୍ରେଷ୍ଟଫଲଦ ଇଷ୍ଟଦସ୍ତ୍ଵିନ୍ଦ୍ରଵନ୍ଦିତଃ ।
ଈଡନୀଯସ୍ତ୍ଵୀଶପୁତ୍ର ଈପ୍ସିତାର୍ଥପ୍ରଦାଯକଃ ॥ 10 ॥
ଈତିଭୀତିହରଶ୍ଚେଡ୍ଯ ଈଷଣାତ୍ରଯଵର୍ଜିତଃ ।
ଉଦାରକୀର୍ତିରୁଦ୍ଯୋଗୀ ଚୋତ୍କୃଷ୍ଟୋରୁପରାକ୍ରମଃ ॥ 11 ॥
ଉତ୍କୃଷ୍ଟଶକ୍ତିରୁତ୍ସାହ ଉଦାରଶ୍ଚୋତ୍ସଵପ୍ରିଯଃ ।
ଉଜ୍ଜୃମ୍ଭ ଉଦ୍ଭଵଶ୍ଚୋଗ୍ର ଉଦଗ୍ରଶ୍ଚୋଗ୍ରଲୋଚନଃ ॥ 12 ॥
ଉନ୍ମତ୍ତ ଉଗ୍ରଶମନ ଉଦ୍ଵେଗଘ୍ନୋରଗେଶ୍ଵରଃ ।
ଉରୁପ୍ରଭାଵଶ୍ଚୋଦୀର୍ଣ ଉମାପୁତ୍ର ଉଦାରଧୀଃ ॥ 13 ॥
ଊର୍ଧ୍ଵରେତଃସୁତସ୍ତୂର୍ଧ୍ଵଗତିଦସ୍ତୂର୍ଜପାଲକଃ ।
ଊର୍ଜିତସ୍ତୂର୍ଧ୍ଵଗସ୍ତୂର୍ଧ୍ଵ ଊର୍ଧ୍ଵଲୋକୈକନାଯକଃ ॥ 14 ॥
ଊର୍ଜାଵାନୂର୍ଜିତୋଦାର ଊର୍ଜିତୋର୍ଜିତଶାସନଃ ।
ଋଷିଦେଵଗଣସ୍ତୁତ୍ଯ ଋଣତ୍ରଯଵିମୋଚନଃ ॥ 15 ॥
ଋଜୁରୂପୋ ହ୍ଯୃଜୁକର ଋଜୁମାର୍ଗପ୍ରଦର୍ଶନଃ ।
ଋତମ୍ଭରୋ ହ୍ଯୃଜୁପ୍ରୀତ ଋଷଭସ୍ତ୍ଵୃଦ୍ଧିଦସ୍ତ୍ଵୃତଃ ॥ 16 ॥
ଲୁଲିତୋଦ୍ଧାରକୋ ଲୂତଭଵପାଶପ୍ରଭଞ୍ଜନଃ ।
ଏଣାଙ୍କଧରସତ୍ପୁତ୍ର ଏକ ଏନୋଵିନାଶନଃ ॥ 17 ॥
ଐଶ୍ଵର୍ଯଦଶ୍ଚୈନ୍ଦ୍ରଭୋଗୀ ଚୈତିହ୍ଯଶ୍ଚୈନ୍ଦ୍ରଵନ୍ଦିତଃ ।
ଓଜସ୍ଵୀ ଚୌଷଧିସ୍ଥାନମୋଜୋଦଶ୍ଚୌଦନପ୍ରଦଃ ॥ 18 ॥
ଔଦାର୍ଯଶୀଲ ଔମେଯ ଔଗ୍ର ଔନ୍ନତ୍ଯଦାଯକଃ ।
ଔଦାର୍ଯ ଔଷଧକର ଔଷଧଂ ଚୌଷଧାକରଃ ॥ 19 ॥
ଅଂଶୁମାନଂଶୁମାଲୀଡ୍ଯ ଅମ୍ବିକାତନଯୋଽନ୍ନଦଃ ।
ଅନ୍ଧକାରିସୁତୋଽନ୍ଧତ୍ଵହାରୀ ଚାମ୍ବୁଜଲୋଚନଃ ॥ 20 ॥
ଅସ୍ତମାଯୋଽମରାଧୀଶୋ ହ୍ଯସ୍ପଷ୍ଟୋଽସ୍ତୋକପୁଣ୍ଯଦଃ ।
ଅସ୍ତାମିତ୍ରୋଽସ୍ତରୂପଶ୍ଚାସ୍ଖଲତ୍ସୁଗତିଦାଯକଃ ॥ 21 ॥
କାର୍ତିକେଯଃ କାମରୂପଃ କୁମାରଃ କ୍ରୌଞ୍ଚଦାରଣଃ ।
କାମଦଃ କାରଣଂ କାମ୍ଯଃ କମନୀଯଃ କୃପାକରଃ ॥ 22 ॥
କାଞ୍ଚନାଭଃ କାନ୍ତିଯୁକ୍ତଃ କାମୀ କାମପ୍ରଦଃ କଵିଃ ।
କୀର୍ତିକୃତ୍କୁକ୍କୁଟଧରଃ କୂଟସ୍ଥଃ କୁଵଲେକ୍ଷଣଃ ॥ 23 ॥
କୁଙ୍କୁମାଙ୍ଗଃ କ୍ଲମହରଃ କୁଶଲଃ କୁକ୍କୁଟଧ୍ଵଜଃ ।
କୁଶାନୁସମ୍ଭଵଃ କ୍ରୂରଃ କ୍ରୂରଘ୍ନଃ କଲିତାପହୃତ୍ ॥ 24 ॥
କାମରୂପଃ କଲ୍ପତରୁଃ କାନ୍ତଃ କାମିତଦାଯକଃ ।
କଲ୍ଯାଣକୃତ୍କ୍ଲେଶନାଶଃ କୃପାଲୁଃ କରୁଣାକରଃ ॥ 25 ॥
କଲୁଷଘ୍ନଃ କ୍ରିଯାଶକ୍ତିଃ କଠୋରଃ କଵଚୀ କୃତୀ ।
କୋମଲାଙ୍ଗଃ କୁଶପ୍ରୀତଃ କୁତ୍ସିତଘ୍ନଃ କଲାଧରଃ ॥ 26 ॥
ଖ୍ଯାତଃ ଖେଟଧରଃ ଖଡ୍ଗୀ ଖଟ୍ଵାଙ୍ଗୀ ଖଲନିଗ୍ରହଃ ।
ଖ୍ଯାତିପ୍ରଦଃ ଖେଚରେଶଃ ଖ୍ଯାତେହଃ ଖେଚରସ୍ତୁତଃ ॥ 27 ॥
ଖରତାପହରଃ ସ୍ଵସ୍ଥଃ ଖେଚରଃ ଖେଚରାଶ୍ରଯଃ ।
ଖଣ୍ଡେନ୍ଦୁମୌଲିତନଯଃ ଖେଲଃ ଖେଚରପାଲକଃ ॥ 28 ॥
ଖସ୍ଥଲଃ ଖଣ୍ଡିତାର୍କଶ୍ଚ ଖେଚରୀଜନପୂଜିତଃ ।
ଗାଙ୍ଗେଯୋ ଗିରିଜାପୁତ୍ରୋ ଗଣନାଥାନୁଜୋ ଗୁହଃ ॥ 29 ॥
ଗୋପ୍ତା ଗୀର୍ଵାଣସଂସେଵ୍ଯୋ ଗୁଣାତୀତୋ ଗୁହାଶ୍ରଯଃ ।
ଗତିପ୍ରଦୋ ଗୁଣନିଧିଃ ଗମ୍ଭୀରୋ ଗିରିଜାତ୍ମଜଃ ॥ 30 ॥
ଗୂଢରୂପୋ ଗଦହରୋ ଗୁଣାଧୀଶୋ ଗୁଣାଗ୍ରଣୀଃ ।
ଗୋଧରୋ ଗହନୋ ଗୁପ୍ତୋ ଗର୍ଵଘ୍ନୋ ଗୁଣଵର୍ଧନଃ ॥ 31 ॥
ଗୁହ୍ଯୋ ଗୁଣଜ୍ଞୋ ଗୀତିଜ୍ଞୋ ଗତାତଙ୍କୋ ଗୁଣାଶ୍ରଯଃ ।
ଗଦ୍ଯପଦ୍ଯପ୍ରିଯୋ ଗୁଣ୍ଯୋ ଗୋସ୍ତୁତୋ ଗଗନେଚରଃ ॥ 32 ॥
ଗଣନୀଯଚରିତ୍ରଶ୍ଚ ଗତକ୍ଲେଶୋ ଗୁଣାର୍ଣଵଃ ।
ଘୂର୍ଣିତାକ୍ଷୋ ଘୃଣିନିଧିଃ ଘନଗମ୍ଭୀରଘୋଷଣଃ ॥ 33 ॥
ଘଣ୍ଟାନାଦପ୍ରିଯୋ ଘୋଷୋ ଘୋରାଘୌଘଵିନାଶନଃ ।
ଘନାନନ୍ଦୋ ଘର୍ମହନ୍ତା ଘୃଣାଵାନ୍ ଘୃଷ୍ଟିପାତକଃ ॥ 34 ॥
ଘୃଣୀ ଘୃଣାକରୋ ଘୋରୋ ଘୋରଦୈତ୍ଯପ୍ରହାରକଃ ।
ଘଟିତୈଶ୍ଵର୍ଯସନ୍ଦୋହୋ ଘନାର୍ଥୋ ଘନସଙ୍କ୍ରମଃ ॥ 35 ॥
ଚିତ୍ରକୃଚ୍ଚିତ୍ରଵର୍ଣଶ୍ଚ ଚଞ୍ଚଲଶ୍ଚପଲଦ୍ଯୁତିଃ ।
ଚିନ୍ମଯଶ୍ଚିତ୍ସ୍ଵରୂପଶ୍ଚ ଚିରାନନ୍ଦଶ୍ଚିରନ୍ତନଃ ॥ 36 ॥
ଚିତ୍ରକେଲିଶ୍ଚିତ୍ରତରଶ୍ଚିନ୍ତନୀଯଶ୍ଚମତ୍କୃତିଃ ।
ଚୋରଘ୍ନଶ୍ଚତୁରଶ୍ଚାରୁଶ୍ଚାମୀକରଵିଭୂଷଣଃ ॥ 37 ॥
ଚନ୍ଦ୍ରାର୍କକୋଟିସଦୃଶଶ୍ଚନ୍ଦ୍ରମୌଲିତନୂଭଵଃ ।
ଛାଦିତାଙ୍ଗଶ୍ଛଦ୍ମହନ୍ତା ଛେଦିତାଖିଲପାତକଃ ॥ 38 ॥
ଛେଦୀକୃତତମଃକ୍ଲେଶଶ୍ଛତ୍ରୀକୃତମହାଯଶାଃ ।
ଛାଦିତାଶେଷସନ୍ତାପଶ୍ଛୁରିତାମୃତସାଗରଃ ॥ 39 ॥
ଛନ୍ନତ୍ରୈଗୁଣ୍ଯରୂପଶ୍ଚ ଛାତେହଶ୍ଛିନ୍ନସଂଶଯଃ ।
ଛନ୍ଦୋମଯଶ୍ଛନ୍ଦଗାମୀ ଛିନ୍ନପାଶଶ୍ଛଵିଶ୍ଛଦଃ ॥ 40 ॥
ଜଗଦ୍ଧିତୋ ଜଗତ୍ପୂଜ୍ଯୋ ଜଗଜ୍ଜ୍ଯେଷ୍ଠୋ ଜଗନ୍ମଯଃ ।
ଜନକୋ ଜାହ୍ନଵୀସୂନୁର୍ଜିତାମିତ୍ରୋ ଜଗଦ୍ଗୁରୁଃ ॥ 41 ॥
ଜଯୀ ଜିତେନ୍ଦ୍ରିଯୋ ଜୈତ୍ରୋ ଜରାମରଣଵର୍ଜିତଃ ।
ଜ୍ଯୋତିର୍ମଯୋ ଜଗନ୍ନାଥୋ ଜଗଜ୍ଜୀଵୋ ଜନାଶ୍ରଯଃ ॥ 42 ॥
ଜଗତ୍ସେଵ୍ଯୋ ଜଗତ୍କର୍ତା ଜଗତ୍ସାକ୍ଷୀ ଜଗତ୍ପ୍ରିଯଃ ।
ଜମ୍ଭାରିଵନ୍ଦ୍ଯୋ ଜଯଦୋ ଜଗଜ୍ଜନମନୋହରଃ ॥ 43 ॥
ଜଗଦାନନ୍ଦଜନକୋ ଜନଜାଡ୍ଯାପହାରକଃ ।
ଜପାକୁସୁମସଙ୍କାଶୋ ଜନଲୋଚନଶୋଭନଃ ॥ 44 ॥
ଜନେଶ୍ଵରୋ ଜିତକ୍ରୋଧୋ ଜନଜନ୍ମନିବର୍ହଣଃ ।
ଜଯଦୋ ଜନ୍ତୁତାପଘ୍ନୋ ଜିତଦୈତ୍ଯମହାଵ୍ରଜଃ ॥ 45 ॥
ଜିତମାଯୋ ଜିତକ୍ରୋଧୋ ଜିତସଙ୍ଗୋ ଜନପ୍ରିଯଃ ।
ଝଞ୍ଝାନିଲମହାଵେଗୋ ଝରିତାଶେଷପାତକଃ ॥ 46 ॥
ଝର୍ଝରୀକୃତଦୈତ୍ଯୌଘୋ ଝଲ୍ଲରୀଵାଦ୍ଯସମ୍ପ୍ରିଯଃ ।
ଜ୍ଞାନମୂର୍ତିର୍ଜ୍ଞାନଗମ୍ଯୋ ଜ୍ଞାନୀ ଜ୍ଞାନମହାନିଧିଃ ॥ 47 ॥
ଟଙ୍କାରନୃତ୍ତଵିଭଵଃ ଟଙ୍କଵଜ୍ରଧ୍ଵଜାଙ୍କିତଃ ।
ଟଙ୍କିତାଖିଲଲୋକଶ୍ଚ ଟଙ୍କିତୈନସ୍ତମୋରଵିଃ ॥ 48 ॥
ଡମ୍ବରପ୍ରଭଵୋ ଡମ୍ଭୋ ଡମ୍ବୋ ଡମରୁକପ୍ରିଯଃ । [ଡମଡ୍ଡ]
ଡମରୋତ୍କଟସନ୍ନାଦୋ ଡିମ୍ଭରୂପସ୍ଵରୂପକଃ ॥ 49 ॥
ଢକ୍କାନାଦପ୍ରୀତିକରୋ ଢାଲିତାସୁରସଙ୍କୁଲଃ ।
ଢୌକିତାମରସନ୍ଦୋହୋ ଢୁଣ୍ଢିଵିଘ୍ନେଶ୍ଵରାନୁଜଃ ॥ 50 ॥
ତତ୍ତ୍ଵଜ୍ଞସ୍ତତ୍ଵଗସ୍ତୀଵ୍ରସ୍ତପୋରୂପସ୍ତପୋମଯଃ ।
ତ୍ରଯୀମଯସ୍ତ୍ରିକାଲଜ୍ଞସ୍ତ୍ରିମୂର୍ତିସ୍ତ୍ରିଗୁଣାତ୍ମକଃ ॥ 51 ॥
ତ୍ରିଦଶେଶସ୍ତାରକାରିସ୍ତାପଘ୍ନସ୍ତାପସପ୍ରିଯଃ ।
ତୁଷ୍ଟିଦସ୍ତୁଷ୍ଟିକୃତ୍ତୀକ୍ଷ୍ଣସ୍ତପୋରୂପସ୍ତ୍ରିକାଲଵିତ୍ ॥ 52 ॥
ସ୍ତୋତା ସ୍ତଵ୍ଯଃ ସ୍ତଵପ୍ରୀତଃ ସ୍ତୁତିଃ ସ୍ତୋତ୍ରଂ ସ୍ତୁତିପ୍ରିଯଃ ।
ସ୍ଥିତଃ ସ୍ଥାଯୀ ସ୍ଥାପକଶ୍ଚ ସ୍ଥୂଲସୂକ୍ଷ୍ମପ୍ରଦର୍ଶକଃ ॥ 53 ॥
ସ୍ଥଵିଷ୍ଠଃ ସ୍ଥଵିରଃ ସ୍ଥୂଲଃ ସ୍ଥାନଦଃ ସ୍ଥୈର୍ଯଦଃ ସ୍ଥିରଃ ।
ଦାନ୍ତୋ ଦଯାପରୋ ଦାତା ଦୁରିତଘ୍ନୋ ଦୁରାସଦଃ ॥ 54 ॥
ଦର୍ଶନୀଯୋ ଦଯାସାରୋ ଦେଵଦେଵୋ ଦଯାନିଧିଃ ।
ଦୁରାଧର୍ଷୋ ଦୁର୍ଵିଗାହ୍ଯୋ ଦକ୍ଷୋ ଦର୍ପଣଶୋଭିତଃ ॥ 55 ॥
ଦୁର୍ଧରୋ ଦାନଶୀଲଶ୍ଚ ଦ୍ଵାଦଶାକ୍ଷୋ ଦ୍ଵିଷଡ୍ଭୁଜଃ ।
ଦ୍ଵିଷଟ୍କର୍ଣୋ ଦ୍ଵିଷଡ୍ବାହୁର୍ଦୀନସନ୍ତାପନାଶନଃ ॥ 56 ॥
ଦନ୍ଦଶୂକେଶ୍ଵରୋ ଦେଵୋ ଦିଵ୍ଯୋ ଦିଵ୍ଯାକୃତିର୍ଦମଃ ।
ଦୀର୍ଘଵୃତ୍ତୋ ଦୀର୍ଘବାହୁର୍ଦୀର୍ଘଦୃଷ୍ଟିର୍ଦିଵସ୍ପତିଃ ॥ 57 ॥
ଦଣ୍ଡୋ ଦମଯିତା ଦର୍ପୋ ଦେଵସିଂହୋ ଦୃଢଵ୍ରତଃ ।
ଦୁର୍ଲଭୋ ଦୁର୍ଗମୋ ଦୀପ୍ତୋ ଦୁଷ୍ପ୍ରେକ୍ଷ୍ଯୋ ଦିଵ୍ଯମଣ୍ଡନଃ ॥ 58 ॥
ଦୁରୋଦରଘ୍ନୋ ଦୁଃଖଘ୍ନୋ ଦୁରାରିଘ୍ନୋ ଦିଶାଂ ପତିଃ ।
ଦୁର୍ଜଯୋ ଦେଵସେନେଶୋ ଦୁର୍ଜ୍ଞେଯୋ ଦୁରତିକ୍ରମଃ ॥ 59 ॥
ଦମ୍ଭୋ ଦୃପ୍ତଶ୍ଚ ଦେଵର୍ଷିର୍ଦୈଵଜ୍ଞୋ ଦୈଵଚିନ୍ତକଃ ।
ଧୁରନ୍ଧରୋ ଧର୍ମପରୋ ଧନଦୋ ଧୃତିଵର୍ଧନଃ ॥ 60 ॥
ଧର୍ମେଶୋ ଧର୍ମଶାସ୍ତ୍ରଜ୍ଞୋ ଧନ୍ଵୀ ଧର୍ମପରାଯଣଃ ।
ଧନାଧ୍ଯକ୍ଷୋ ଧନପତିର୍ଧୃତିମାନ୍ଧୂତକିଲ୍ବିଷଃ ॥ 61 ॥
ଧର୍ମହେତୁର୍ଧର୍ମଶୂରୋ ଧର୍ମକୃଦ୍ଧର୍ମଵିଦ୍ଧ୍ରୁଵଃ ।
ଧାତା ଧୀମାନ୍ଧର୍ମଚାରୀ ଧନ୍ଯୋ ଧୁର୍ଯୋ ଧୃତଵ୍ରତଃ ॥ 62 ॥
ନିତ୍ଯୋତ୍ସଵୋ ନିତ୍ଯତୃପ୍ତୋ ନିର୍ଲେପୋ ନିଶ୍ଚଲାତ୍ମକଃ ।
ନିରଵଦ୍ଯୋ ନିରାଧାରୋ ନିଷ୍କଲଙ୍କୋ ନିରଞ୍ଜନଃ ॥ 63 ॥
ନିର୍ମମୋ ନିରହଙ୍କାରୋ ନିର୍ମୋହୋ ନିରୁପଦ୍ରଵଃ ।
ନିତ୍ଯାନନ୍ଦୋ ନିରାତଙ୍କୋ ନିଷ୍ପ୍ରପଞ୍ଚୋ ନିରାମଯଃ ॥ 64 ॥
ନିରଵଦ୍ଯୋ ନିରୀହଶ୍ଚ ନିର୍ଦର୍ଶୋ ନିର୍ମଲାତ୍ମକଃ ।
ନିତ୍ଯାନନ୍ଦୋ ନିର୍ଜରେଶୋ ନିଃସଙ୍ଗୋ ନିଗମସ୍ତୁତଃ ॥ 65 ॥
ନିଷ୍କଣ୍ଟକୋ ନିରାଲମ୍ବୋ ନିଷ୍ପ୍ରତ୍ଯୂହୋ ନିରୁଦ୍ଭଵଃ ।
ନିତ୍ଯୋ ନିଯତକଲ୍ଯାଣୋ ନିର୍ଵିକଲ୍ପୋ ନିରାଶ୍ରଯଃ ॥ 66 ॥
ନେତା ନିଧିର୍ନୈକରୂପୋ ନିରାକାରୋ ନଦୀସୁତଃ ।
ପୁଲିନ୍ଦକନ୍ଯାରମଣଃ ପୁରୁଜିତ୍ପରମପ୍ରିଯଃ ॥ 67 ॥
ପ୍ରତ୍ଯକ୍ଷମୂର୍ତିଃ ପ୍ରତ୍ଯକ୍ଷଃ ପରେଶଃ ପୂର୍ଣପୁଣ୍ଯଦଃ ।
ପୁଣ୍ଯାକରଃ ପୁଣ୍ଯରୂପଃ ପୁଣ୍ଯଃ ପୁଣ୍ଯପରାଯଣଃ ॥ 68 ॥
ପୁଣ୍ଯୋଦଯଃ ପରଂ ଜ୍ଯୋତିଃ ପୁଣ୍ଯକୃତ୍ପୁଣ୍ଯଵର୍ଧନଃ ।
ପରାନନ୍ଦଃ ପରତରଃ ପୁଣ୍ଯକୀର୍ତିଃ ପୁରାତନଃ ॥ 69 ॥
ପ୍ରସନ୍ନରୂପଃ ପ୍ରାଣେଶଃ ପନ୍ନଗଃ ପାପନାଶନଃ ।
ପ୍ରଣତାର୍ତିହରଃ ପୂର୍ଣଃ ପାର୍ଵତୀନନ୍ଦନଃ ପ୍ରଭୁଃ ॥ 70 ॥
ପୂତାତ୍ମା ପୁରୁଷଃ ପ୍ରାଣଃ ପ୍ରଭଵଃ ପୁରୁଷୋତ୍ତମଃ ।
ପ୍ରସନ୍ନଃ ପରମସ୍ପଷ୍ଟଃ ପରଃ ପରିବୃଢଃ ପରଃ ॥ 71 ॥
ପରମାତ୍ମା ପରବ୍ରହ୍ମ ପରାର୍ଥଃ ପ୍ରିଯଦର୍ଶନଃ ।
ପଵିତ୍ରଃ ପୁଷ୍ଟିଦଃ ପୂର୍ତିଃ ପିଙ୍ଗଲଃ ପୁଷ୍ଟିଵର୍ଧନଃ ॥ 72 ॥
ପାପହାରୀ ପାଶଧରଃ ପ୍ରମତ୍ତାସୁରଶିକ୍ଷକଃ ।
ପାଵନଃ ପାଵକଃ ପୂଜ୍ଯଃ ପୂର୍ଣାନନ୍ଦଃ ପରାତ୍ପରଃ ॥ 73 ॥
ପୁଷ୍କଲଃ ପ୍ରଵରଃ ପୂର୍ଵଃ ପିତୃଭକ୍ତଃ ପୁରୋଗମଃ ।
ପ୍ରାଣଦଃ ପ୍ରାଣିଜନକଃ ପ୍ରଦିଷ୍ଟଃ ପାଵକୋଦ୍ଭଵଃ ॥ 74 ॥
ପରବ୍ରହ୍ମସ୍ଵରୂପଶ୍ଚ ପରମୈଶ୍ଵର୍ଯକାରଣମ୍ ।
ପରର୍ଧିଦଃ ପୁଷ୍ଟିକରଃ ପ୍ରକାଶାତ୍ମା ପ୍ରତାପଵାନ୍ ॥ 75 ॥
ପ୍ରଜ୍ଞାପରଃ ପ୍ରକୃଷ୍ଟାର୍ଥଃ ପୃଥୁଃ ପୃଥୁପରାକ୍ରମଃ ।
ଫଣୀଶ୍ଵରଃ ଫଣିଵରଃ ଫଣାମଣିଵିଭୂଷଣଃ ॥ 76 ॥
ଫଲଦଃ ଫଲହସ୍ତଶ୍ଚ ଫୁଲ୍ଲାମ୍ବୁଜଵିଲୋଚନଃ ।
ଫଡୁଚ୍ଚାଟିତପାପୌଘଃ ଫଣିଲୋକଵିଭୂଷଣଃ ॥ 77 ॥
ବାହୁଲେଯୋ ବୃହଦ୍ରୂପୋ ବଲିଷ୍ଠୋ ବଲଵାନ୍ ବଲୀ ।
ବ୍ରହ୍ମେଶଵିଷ୍ଣୁରୂପଶ୍ଚ ବୁଦ୍ଧୋ ବୁଦ୍ଧିମତାଂ ଵରଃ ॥ 78 ॥
ବାଲରୂପୋ ବ୍ରହ୍ମଗର୍ଭୋ ବ୍ରହ୍ମଚାରୀ ବୁଧପ୍ରିଯଃ ।
ବହୁଶ୍ରୁତୋ ବହୁମତୋ ବ୍ରହ୍ମଣ୍ଯୋ ବ୍ରାହ୍ମଣପ୍ରିଯଃ ॥ 79 ॥
ବଲପ୍ରମଥନୋ ବ୍ରହ୍ମା ବହୁରୂପୋ ବହୁପ୍ରଦଃ ।
ବୃହଦ୍ଭାନୁତନୂଦ୍ଭୂତୋ ବୃହତ୍ସେନୋ ବିଲେଶଯଃ ॥ 80 ॥
ବହୁବାହୁର୍ବଲଶ୍ରୀମାନ୍ ବହୁଦୈତ୍ଯଵିନାଶକଃ ।
ବିଲଦ୍ଵାରାନ୍ତରାଲସ୍ଥୋ ବୃହଚ୍ଛକ୍ତିଧନୁର୍ଧରଃ ॥ 81 ॥
ବାଲାର୍କଦ୍ଯୁତିମାନ୍ ବାଲୋ ବୃହଦ୍ଵକ୍ଷା ବୃହଦ୍ଧନୁଃ ।
ଭଵ୍ଯୋ ଭୋଗୀଶ୍ଵରୋ ଭାଵ୍ଯୋ ଭଵନାଶୋ ଭଵପ୍ରିଯଃ ॥ 82 ॥
ଭକ୍ତିଗମ୍ଯୋ ଭଯହରୋ ଭାଵଜ୍ଞୋ ଭକ୍ତସୁପ୍ରିଯଃ ।
ଭୁକ୍ତିମୁକ୍ତିପ୍ରଦୋ ଭୋଗୀ ଭଗଵାନ୍ ଭାଗ୍ଯଵର୍ଧନଃ ॥ 83 ॥
ଭ୍ରାଜିଷ୍ଣୁର୍ଭାଵନୋ ଭର୍ତା ଭୀମୋ ଭୀମପରାକ୍ରମଃ ।
ଭୂତିଦୋ ଭୂତିକୃଦ୍ଭୋକ୍ତା ଭୂତାତ୍ମା ଭୁଵନେଶ୍ଵରଃ ॥ 84 ॥
ଭାଵକୋ ଭୀକରୋ ଭୀଷ୍ମୋ ଭାଵକେଷ୍ଟୋ ଭଵୋଦ୍ଭଵଃ ।
ଭଵତାପପ୍ରଶମନୋ ଭୋଗଵାନ୍ ଭୂତଭାଵନଃ ॥ 85 ॥
ଭୋଜ୍ଯପ୍ରଦୋ ଭ୍ରାନ୍ତିନାଶୋ ଭାନୁମାନ୍ ଭୁଵନାଶ୍ରଯଃ ।
ଭୂରିଭୋଗପ୍ରଦୋ ଭଦ୍ରୋ ଭଜନୀଯୋ ଭିଷଗ୍ଵରଃ ॥ 86 ॥
ମହାସେନୋ ମହୋଦାରୋ ମହାଶକ୍ତିର୍ମହାଦ୍ଯୁତିଃ ।
ମହାବୁଦ୍ଧିର୍ମହାଵୀର୍ଯୋ ମହୋତ୍ସାହୋ ମହାବଲଃ ॥ 87 ॥
ମହାଭୋଗୀ ମହାମାଯୀ ମେଧାଵୀ ମେଖଲୀ ମହାନ୍ ।
ମୁନିସ୍ତୁତୋ ମହାମାନ୍ଯୋ ମହାନନ୍ଦୋ ମହାଯଶାଃ ॥ 88 ॥
ମହୋର୍ଜିତୋ ମାନନିଧିର୍ମନୋରଥଫଲପ୍ରଦଃ ।
ମହୋଦଯୋ ମହାପୁଣ୍ଯୋ ମହାବଲପରାକ୍ରମଃ ॥ 89 ॥
ମାନଦୋ ମତିଦୋ ମାଲୀ ମୁକ୍ତାମାଲାଵିଭୂଷଣଃ ।
ମନୋହରୋ ମହାମୁଖ୍ଯୋ ମହର୍ଧିର୍ମୂର୍ତିମାନ୍ମୁନିଃ ॥ 90 ॥
ମହୋତ୍ତମୋ ମହୋପାଯୋ ମୋକ୍ଷଦୋ ମଙ୍ଗଲପ୍ରଦଃ ।
ମୁଦାକରୋ ମୁକ୍ତିଦାତା ମହାଭୋଗୋ ମହୋରଗଃ ॥ 91 ॥
ଯଶସ୍କରୋ ଯୋଗଯୋନିର୍ଯୋଗିଷ୍ଠୋ ଯମିନାଂ ଵରଃ ।
ଯଶସ୍ଵୀ ଯୋଗପୁରୁଷୋ ଯୋଗ୍ଯୋ ଯୋଗନିଧିର୍ଯମୀ ॥ 92 ॥
ଯତିସେଵ୍ଯୋ ଯୋଗଯୁକ୍ତୋ ଯୋଗଵିଦ୍ଯୋଗସିଦ୍ଧିଦଃ ।
ଯନ୍ତ୍ରୋ ଯନ୍ତ୍ରୀ ଚ ଯନ୍ତ୍ରଜ୍ଞୋ ଯନ୍ତ୍ରଵାନ୍ଯନ୍ତ୍ରଵାହକଃ ॥ 93 ॥
ଯାତନାରହିତୋ ଯୋଗୀ ଯୋଗୀଶୋ ଯୋଗିନାଂ ଵରଃ ।
ରମଣୀଯୋ ରମ୍ଯରୂପୋ ରସଜ୍ଞୋ ରସଭାଵନଃ ॥ 94 ॥
ରଞ୍ଜନୋ ରଞ୍ଜିତୋ ରାଗୀ ରୁଚିରୋ ରୁଦ୍ରସମ୍ଭଵଃ ।
ରଣପ୍ରିଯୋ ରଣୋଦାରୋ ରାଗଦ୍ଵେଷଵିନାଶନଃ ॥ 95 ॥
ରତ୍ନାର୍ଚୀ ରୁଚିରୋ ରମ୍ଯୋ ରୂପଲାଵଣ୍ଯଵିଗ୍ରହଃ ।
ରତ୍ନାଙ୍ଗଦଧରୋ ରତ୍ନଭୂଷଣୋ ରମଣୀଯକଃ ॥ 96 ॥
ରୁଚିକୃଦ୍ରୋଚମାନଶ୍ଚ ରଞ୍ଜିତୋ ରୋଗନାଶନଃ ।
ରାଜୀଵାକ୍ଷୋ ରାଜରାଜୋ ରକ୍ତମାଲ୍ଯାନୁଲେପନଃ ॥ 97 ॥
ରାଜଦ୍ଵେଦାଗମସ୍ତୁତ୍ଯୋ ରଜଃସତ୍ତ୍ଵଗୁଣାନ୍ଵିତଃ ।
ରଜନୀଶକଲାରମ୍ଯୋ ରତ୍ନକୁଣ୍ଡଲମଣ୍ଡିତଃ ॥ 98 ॥
ରତ୍ନସନ୍ମୌଲିଶୋଭାଢ୍ଯୋ ରଣନ୍ମଞ୍ଜୀରଭୂଷଣଃ ।
ଲୋକୈକନାଥୋ ଲୋକେଶୋ ଲଲିତୋ ଲୋକନାଯକଃ ॥ 99 ॥
ଲୋକରକ୍ଷୋ ଲୋକଶିକ୍ଷୋ ଲୋକଲୋଚନରଞ୍ଜିତଃ ।
ଲୋକବନ୍ଧୁର୍ଲୋକଧାତା ଲୋକତ୍ରଯମହାହିତଃ ॥ 100 ॥
ଲୋକଚୂଡାମଣିର୍ଲୋକଵନ୍ଦ୍ଯୋ ଲାଵଣ୍ଯଵିଗ୍ରହଃ ।
ଲୋକାଧ୍ଯକ୍ଷସ୍ତୁ ଲୀଲାଵାନ୍ଲୋକୋତ୍ତରଗୁଣାନ୍ଵିତଃ ॥ 101 ॥
ଵରିଷ୍ଠୋ ଵରଦୋ ଵୈଦ୍ଯୋ ଵିଶିଷ୍ଟୋ ଵିକ୍ରମୋ ଵିଭୁଃ ।
ଵିବୁଧାଗ୍ରଚରୋ ଵଶ୍ଯୋ ଵିକଲ୍ପପରିଵର୍ଜିତଃ ॥ 102 ॥
ଵିପାଶୋ ଵିଗତାତଙ୍କୋ ଵିଚିତ୍ରାଙ୍ଗୋ ଵିରୋଚନଃ ।
ଵିଦ୍ଯାଧରୋ ଵିଶୁଦ୍ଧାତ୍ମା ଵେଦାଙ୍ଗୋ ଵିବୁଧପ୍ରିଯଃ ॥ 103 ॥
ଵଚସ୍କରୋ ଵ୍ଯାପକଶ୍ଚ ଵିଜ୍ଞାନୀ ଵିନଯାନ୍ଵିତଃ ।
ଵିଦ୍ଵତ୍ତମୋ ଵିରୋଧିଘ୍ନୋ ଵୀରୋ ଵିଗତରାଗଵାନ୍ ॥ 104 ॥
ଵୀତଭାଵୋ ଵିନୀତାତ୍ମା ଵେଦଗର୍ଭୋ ଵସୁପ୍ରଦଃ ।
ଵିଶ୍ଵଦୀପ୍ତିର୍ଵିଶାଲାକ୍ଷୋ ଵିଜିତାତ୍ମା ଵିଭାଵନଃ ॥ 105 ॥
ଵେଦଵେଦ୍ଯୋ ଵିଧେଯାତ୍ମା ଵୀତଦୋଷଶ୍ଚ ଵେଦଵିତ୍ ।
ଵିଶ୍ଵକର୍ମା ଵୀତଭଯୋ ଵାଗୀଶୋ ଵାସଵାର୍ଚିତଃ ॥ 106 ॥
ଵୀରଧ୍ଵଂସୋ ଵିଶ୍ଵମୂର୍ତିର୍ଵିଶ୍ଵରୂପୋ ଵରାସନଃ ।
ଵିଶାଖୋ ଵିମଲୋ ଵାଗ୍ମୀ ଵିଦ୍ଵାନ୍ଵେଦଧରୋ ଵଟୁଃ ॥ 107 ॥
ଵୀରଚୂଡାମଣିର୍ଵୀରୋ ଵିଦ୍ଯେଶୋ ଵିବୁଧାଶ୍ରଯଃ ।
ଵିଜଯୀ ଵିନଯୀ ଵେତ୍ତା ଵରୀଯାନ୍ଵିରଜା ଵସୁଃ ॥ 108 ॥
ଵୀରଘ୍ନୋ ଵିଜ୍ଵରୋ ଵେଦ୍ଯୋ ଵେଗଵାନ୍ଵୀର୍ଯଵାନ୍ଵଶୀ ।
ଵରଶୀଲୋ ଵରଗୁଣୋ ଵିଶୋକୋ ଵଜ୍ରଧାରକଃ ॥ 109 ॥
ଶରଜନ୍ମା ଶକ୍ତିଧରଃ ଶତ୍ରୁଘ୍ନଃ ଶିଖିଵାହନଃ ।
ଶ୍ରୀମାନ୍ ଶିଷ୍ଟଃ ଶୁଚିଃ ଶୁଦ୍ଧଃ ଶାଶ୍ଵତଃ ଶ୍ରୁତିସାଗରଃ ॥ 110 ॥
ଶରଣ୍ଯଃ ଶୁଭଦଃ ଶର୍ମ ଶିଷ୍ଟେଷ୍ଟଃ ଶୁଭଲକ୍ଷଣଃ ।
ଶାନ୍ତଃ ଶୂଲଧରଃ ଶ୍ରେଷ୍ଠଃ ଶୁଦ୍ଧାତ୍ମା ଶଙ୍କରଃ ଶିଵଃ ॥ 111 ॥
ଶିତିକଣ୍ଠାତ୍ମଜଃ ଶୂରଃ ଶାନ୍ତିଦଃ ଶୋକନାଶନଃ ।
ଷାଣ୍ମାତୁରଃ ଷଣ୍ମୁଖଶ୍ଚ ଷଡ୍ଗୁଣୈଶ୍ଵର୍ଯସଂଯୁତଃ ॥ 112 ॥
ଷଟ୍ଚକ୍ରସ୍ଥଃ ଷଡୂର୍ମିଘ୍ନଃ ଷଡଙ୍ଗଶ୍ରୁତିପାରଗଃ ।
ଷଡ୍ଭାଵରହିତଃ ଷଟ୍କଃ ଷଟ୍ଛାସ୍ତ୍ରସ୍ମୃତିପାରଗଃ ॥ 113 ॥
ଷଡ୍ଵର୍ଗଦାତା ଷଡ୍ଗ୍ରୀଵଃ ଷଡରିଘ୍ନଃ ଷଡାଶ୍ରଯଃ ।
ଷଟ୍କିରୀଟଧରଃ ଶ୍ରୀମାନ୍ ଷଡାଧାରଶ୍ଚ ଷଟ୍କ୍ରମଃ ॥ 114 ॥
ଷଟ୍କୋଣମଧ୍ଯନିଲଯଃ ଷଣ୍ଡତ୍ଵପରିହାରକଃ ।
ସେନାନୀଃ ସୁଭଗଃ ସ୍କନ୍ଦଃ ସୁରାନନ୍ଦଃ ସତାଂ ଗତିଃ ॥ 115 ॥
ସୁବ୍ରହ୍ମଣ୍ଯଃ ସୁରାଧ୍ଯକ୍ଷଃ ସର୍ଵଜ୍ଞଃ ସର୍ଵଦଃ ସୁଖୀ ।
ସୁଲଭଃ ସିଦ୍ଧିଦଃ ସୌମ୍ଯଃ ସିଦ୍ଧେଶଃ ସିଦ୍ଧିସାଧନଃ ॥ 116 ॥
ସିଦ୍ଧାର୍ଥଃ ସିଦ୍ଧସଙ୍କଲ୍ପଃ ସିଦ୍ଧସାଧୁଃ ସୁରେଶ୍ଵରଃ ।
ସୁଭୁଜଃ ସର୍ଵଦୃକ୍ସାକ୍ଷୀ ସୁପ୍ରସାଦଃ ସନାତନଃ ॥ 117 ॥
ସୁଧାପତିଃ ସ୍ଵଯଞ୍ଜ୍ଯୋତିଃ ସ୍ଵଯମ୍ଭୂଃ ସର୍ଵତୋମୁଖଃ ।
ସମର୍ଥଃ ସତ୍କୃତିଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁହୃତ୍ ॥ 118 ॥
ସୁପ୍ରସନ୍ନଃ ସୁରଶ୍ରେଷ୍ଠଃ ସୁଶୀଲଃ ସତ୍ଯସାଧକଃ ।
ସମ୍ଭାଵ୍ଯଃ ସୁମନାଃ ସେଵ୍ଯଃ ସକଲାଗମପାରଗଃ ॥ 119 ॥
ସୁଵ୍ଯକ୍ତଃ ସଚ୍ଚିଦାନନ୍ଦଃ ସୁଵୀରଃ ସୁଜନାଶ୍ରଯଃ ।
ସର୍ଵଲକ୍ଷଣସମ୍ପନ୍ନଃ ସତ୍ଯଧର୍ମପରାଯଣଃ ॥ 120 ॥
ସର୍ଵଦେଵମଯଃ ସତ୍ଯଃ ସଦା ମୃଷ୍ଟାନ୍ନଦାଯକଃ ।
ସୁଧାପୀ ସୁମତିଃ ସତ୍ଯଃ ସର୍ଵଵିଘ୍ନଵିନାଶନଃ ॥ 121 ॥
ସର୍ଵଦୁଃଖପ୍ରଶମନଃ ସୁକୁମାରଃ ସୁଲୋଚନଃ ।
ସୁଗ୍ରୀଵଃ ସୁଧୃତିଃ ସାରଃ ସୁରାରାଧ୍ଯଃ ସୁଵିକ୍ରମଃ ॥ 122 ॥
ସୁରାରିଘ୍ନଃ ସ୍ଵର୍ଣଵର୍ଣଃ ସର୍ପରାଜଃ ସଦା ଶୁଚିଃ ।
ସପ୍ତାର୍ଚିର୍ଭୂଃ ସୁରଵରଃ ସର୍ଵାଯୁଧଵିଶାରଦଃ ॥ 123 ॥
ହସ୍ତିଚର୍ମାମ୍ବରସୁତୋ ହସ୍ତିଵାହନସେଵିତଃ ।
ହସ୍ତଚିତ୍ରାଯୁଧଧରୋ ହୃତାଘୋ ହସିତାନନଃ ॥ 124 ॥
ହେମଭୂଷୋ ହରିଦ୍ଵର୍ଣୋ ହୃଷ୍ଟିଦୋ ହୃଷ୍ଟିଵର୍ଧନଃ ।
ହେମାଦ୍ରିଭିଦ୍ଧଂସରୂପୋ ହୁଙ୍କାରହତକିଲ୍ବିଷଃ ॥ 125 ॥
ହିମାଦ୍ରିଜାତାତନୁଜୋ ହରିକେଶୋ ହିରଣ୍ମଯଃ ।
ହୃଦ୍ଯୋ ହୃଷ୍ଟୋ ହରିସଖୋ ହଂସୋ ହଂସଗତିର୍ହଵିଃ ॥ 126 ॥
ହିରଣ୍ଯଵର୍ଣୋ ହିତକୃଦ୍ଧର୍ଷଦୋ ହେମଭୂଷଣଃ ।
ହରପ୍ରିଯୋ ହିତକରୋ ହତପାପୋ ହରୋଦ୍ଭଵଃ ॥ 127 ॥
କ୍ଷେମଦଃ କ୍ଷେମକୃତ୍କ୍ଷେମ୍ଯଃ କ୍ଷେତ୍ରଜ୍ଞଃ କ୍ଷାମଵର୍ଜିତଃ ।
କ୍ଷେତ୍ରପାଲଃ କ୍ଷମାଧାରଃ କ୍ଷେମକ୍ଷେତ୍ରଃ କ୍ଷମାକରଃ ॥ 128 ॥
କ୍ଷୁଦ୍ରଘ୍ନଃ କ୍ଷାନ୍ତିଦଃ କ୍ଷେମଃ କ୍ଷିତିଭୂଷଃ କ୍ଷମାଶ୍ରଯଃ ।
କ୍ଷାଲିତାଘଃ କ୍ଷିତିଧରଃ କ୍ଷୀଣସଂରକ୍ଷଣକ୍ଷମଃ ॥ 129 ॥
କ୍ଷଣଭଙ୍ଗୁରସନ୍ନଦ୍ଧଘନଶୋଭିକପର୍ଦକଃ ।
କ୍ଷିତିଭୃନ୍ନାଥତନଯାମୁଖପଙ୍କଜଭାସ୍କରଃ ॥ 130 ॥
କ୍ଷତାହିତଃ କ୍ଷରଃ କ୍ଷନ୍ତା କ୍ଷତଦୋଷଃ କ୍ଷମାନିଧିଃ ।
କ୍ଷପିତାଖିଲସନ୍ତାପଃ କ୍ଷପାନାଥସମାନନଃ ॥ 131 ॥
ଉତ୍ତର ନ୍ଯାସଃ ।
କରନ୍ଯାସଃ –
ଓଁ ଶଂ ଓଙ୍କାରସ୍ଵରୂପାଯ ଓଜୋଧରାଯ ଓଜସ୍ଵିନେ ସୁହୃଦଯାଯ ହୃଷ୍ଟଚିତ୍ତାତ୍ମନେ ଭାସ୍ଵରରୂପାଯ ଅଙ୍ଗୁଷ୍ଠାଭ୍ଯାଂ ନମଃ ।
ଓଁ ରଂ ଷଟ୍କୋଣମଧ୍ଯନିଲଯାଯ ଷଟ୍କିରୀଟଧରାଯ ଶ୍ରୀମତେ ଷଡାଧାରାଯ ତର୍ଜନୀଭ୍ଯାଂ ନମଃ ।
ଓଁ ଵଂ ଷଣ୍ମୁଖାଯ ଶରଜନ୍ମନେ ଶୁଭଲକ୍ଷଣାଯ ଶିଖିଵାହନାଯ ମଧ୍ଯମାଭ୍ଯାଂ ନମଃ ।
ଓଁ ଣଂ କୃଶାନୁସମ୍ଭଵାଯ କଵଚିନେ କୁକ୍କୁଟଧ୍ଵଜାଯ ଅନାମିକାଭ୍ଯାଂ ନମଃ ।
ଓଁ ଭଂ କନ୍ଦର୍ପକୋଟିଦୀପ୍ଯମାନାଯ ଦ୍ଵିଷଡ୍ବାହଵେ ଦ୍ଵାଦଶାକ୍ଷାଯ କନିଷ୍ଠିକାଭ୍ଯାଂ ନମଃ ।
ଓଁ ଵଂ ଖେଟଧରାଯ ଖଡ୍ଗିନେ ଶକ୍ତିହସ୍ତାଯ କରତଲକରପୃଷ୍ଠାଭ୍ଯାଂ ନମଃ ।
ହୃଦଯାଦିନ୍ଯାସଃ –
ଓଁ ଶଂ ଓଙ୍କାରସ୍ଵରୂପାଯ ଓଜୋଧରାଯ ଓଜସ୍ଵିନେ ସୁହୃଦଯାଯ ହୃଷ୍ଟଚିତ୍ତାତ୍ମନେ ଭାସ୍ଵରରୂପାଯ ହୃଦଯାଯ ନମଃ ।
ଓଁ ରଂ ଷଟ୍କୋଣମଧ୍ଯନିଲଯାଯ ଷଟ୍କିରୀଟଧରାଯ ଶ୍ରୀମତେ ଷଡାଧାରାଯ ଶିରସେ ସ୍ଵାହା ।
ଓଁ ଵଂ ଷଣ୍ମୁଖାଯ ଶରଜନ୍ମନେ ଶୁଭଲକ୍ଷଣାଯ ଶିଖିଵାହନାଯ ଶିଖାଯୈ ଵଷଟ୍ ।
ଓଁ ଣଂ କୃଶାନୁସମ୍ଭଵାଯ କଵଚିନେ କୁକ୍କୁଟଧ୍ଵଜାଯ କଵଚାଯ ହୁମ୍ ।
ଓଁ ଭଂ କନ୍ଦର୍ପକୋଟିଦୀପ୍ଯମାନାଯ ଦ୍ଵିଷଡ୍ବାହଵେ ଦ୍ଵାଦଶାକ୍ଷାଯ ନେତ୍ରତ୍ରଯାଯ ଵୌଷଟ୍ ।
ଓଁ ଵଂ ଖେଟଧରାଯ ଖଡ୍ଗିନେ ଶକ୍ତିହସ୍ତାଯ ଅସ୍ତ୍ରାଯ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ଵିମୋକଃ ।
ଫଲଶ୍ରୁତି ।
ଇତି ନାମ୍ନାଂ ସହସ୍ରାଣି ଷଣ୍ମୁଖସ୍ଯ ଚ ନାରଦ ।
ଯଃ ପଠେଚ୍ଛୃଣୁଯାଦ୍ଵାପି ଭକ୍ତିଯୁକ୍ତେନ ଚେତସା ॥ 1 ॥
ସ ସଦ୍ଯୋ ମୁଚ୍ଯତେ ପାପୈର୍ମନୋଵାକ୍କାଯସମ୍ଭଵୈଃ ।
ଆଯୁର୍ଵୃଦ୍ଧିକରଂ ପୁଂସାଂ ସ୍ଥୈର୍ଯଵୀର୍ଯଵିଵର୍ଧନମ୍ ॥ 2 ॥
ଵାକ୍ଯେନୈକେନ ଵକ୍ଷ୍ଯାମି ଵାଞ୍ଛିତାର୍ଥଂ ପ୍ରଯଚ୍ଛତି ।
ତସ୍ମାତ୍ସର୍ଵାତ୍ମନା ବ୍ରହ୍ମନ୍ନିଯମେନ ଜପେତ୍ସୁଧୀଃ ॥ 3 ॥
ଇତି ସ୍କନ୍ଦପୁରାଣେ ଈଶ୍ଵରପ୍ରୋକ୍ତେ ବ୍ରହ୍ମନାରଦସଂଵାଦେ ଶ୍ରୀ ସୁବ୍ରହ୍ମଣ୍ଯ ସହସ୍ରନାମ ସ୍ତୋତ୍ରମ୍ ।
About This Stotram
Overview
Sri Subrahmanya Sahasra Nama Stotram is a Sanskrit stotram enumerating 1,000 names of Lord Subrahmanya (Kartikeya, Skanda, Murugan) in 150 verses. The text is presented in a Puranic dialogue format in which sages ask for a hymn capable of liberating beings in the Kali Yuga. It belongs to the Shaiva Puranic tradition and is closely associated with the Skanda Purana.
What are the benefits of chanting Sri Subrahmanya Sahasra Nama Stotram?
- Recitation is said to liberate from sins and grant spiritual merit.
- Devotees chant it for attainment of desired goals (Ishta Siddhi).
- It is used on Skanda Shashti and Krittika Purnima for special observances.
- Regular chanting is associated with knowledge, wisdom, and spiritual protection.
When is the best time to recite this?
Sri Subrahmanya Sahasra Nama Stotram is recited on Skanda Shashti, Krittika Purnima, and other festivals dedicated to Lord Subrahmanya. Morning and evening worship are suitable times. Daily recitation is recommended by the text for continuous spiritual benefit.
Historical and traditional background
Sahasra Nama Stotrams became a significant genre in Puranic and post-Puranic Hindu literature, with the Skanda Purana being the primary source for Subrahmanya's glorification. The dialogue structure — sages questioning and receiving divine wisdom — is a standard Puranic narrative convention. This stotram belongs to the South Indian Shaiva tradition and has been recited in Subrahmanya temples, particularly in Tamil Nadu and Karnataka. The specific compiler is not recorded.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Subrahmanya Sahasra Namavali — the namavali form of the thousand names, used for direct chanting with "Om ... Namaha."
- Sri Subrahmanya Kavacha Stotram — a protective kavacham for Subrahmanya recited in the same tradition.