Sri Subrahmanya Sahasra Nama Stotram
Sri Subrahmanya Sahasra Nama Stotram
শ্রী সুব্রহ্মণ্য সহস্র নাম স্তোত্রম্
শ্লোক 1
ঋষয ঊচুঃ ।
সর্বশাস্ত্রার্থতত্ত্বজ্ঞ সর্বলোকোপকারক ।
বযং চাতিথযঃ প্রাপ্তা আতিথেযোঽসি সুব্রত
শ্লোক 2
জ্ঞানদানেন সংসারসাগরাত্তারযস্ব নঃ ।
কলৌ কলুষচিত্তা যে নরাঃ পাপরতাঃ সদা
॥ 1 ॥
শ্লোক 3
কেন স্তোত্রেণ মুচ্যন্তে সর্বপাতকবন্ধনাত্ ।
ইষ্টসিদ্ধিকরং পুণ্যং দুঃখদারিদ্র্যনাশনম্
॥ 2 ॥
শ্লোক 4
সর্বরোগহরং স্তোত্রং সূত নো বক্তুমর্হসি ।
শ্রীসূত উবাচ ।
শৃণুধ্বং ঋষযঃ সর্বে নৈমিশারণ্যবাসিনঃ
॥ 3 ॥
শ্লোক 5
তত্ত্বজ্ঞানতপোনিষ্ঠাঃ সর্বশাস্ত্রবিশারদাঃ ।
স্বযম্ভুবা পুরা প্রোক্তং নারদায মহাত্মনে
॥ 4 ॥
শ্লোক 6
তদহং সম্প্রবক্ষ্যামি শ্রোতুং কৌতূহলং যদি ।
ঋষয ঊচুঃ ।
কিমাহ ভগবান্ব্রহ্মা নারদায মহাত্মনে
॥ 5 ॥
শ্লোক 7
সূতপুত্র মহাভাগ বক্তুমর্হসি সাম্প্রতম্ ।
শ্রীসূত উবাচ ।
দিব্যসিংহাসনাসীনং সর্বদেবৈরভিষ্টুতম্
॥ 6 ॥
শ্লোক 8
সাষ্টাঙ্গং প্রণিপত্যৈনং ব্রহ্মাণং ভুবনেশ্বরম্ ।
নারদঃ পরিপপ্রচ্ছ কৃতাঞ্জলিরুপস্থিতঃ
॥ 7 ॥
শ্লোক 9
নারদ উবাচ ।
লোকনাথ সুরশ্রেষ্ঠ সর্বজ্ঞ করুণাকর ।
ষণ্মুখস্য পরং স্তোত্রং পাবনং পাপনাশনম্
॥ 8 ॥
শ্লোক 10
হে ধাতঃ পুত্রবাত্সল্যাত্তদ্বদ প্রণতায মে ।
উপদিশ্য তু মামেবং রক্ষ রক্ষ কৃপানিধে
॥ 9 ॥
শ্লোক 11
ব্রহ্মোবাচ ।
শৃণু বক্ষ্যামি দেবর্ষে স্তবরাজমিদং পরম্ ।
মাতৃকামালিকাযুক্তং জ্ঞানমোক্ষসুখপ্রদম্
॥ 10 ॥
শ্লোক 12
সহস্রাণি চ নামানি ষণ্মুখস্য মহাত্মনঃ ।
যানি নামানি দিব্যানি দুঃখরোগহরাণি চ
॥ 11 ॥
শ্লোক 13
তানি নামানি বক্ষ্যামি কৃপযা ত্বযি নারদ ।
জপমাত্রেণ সিদ্ধ্যন্তি মনসা চিন্তিতান্যপি
॥ 12 ॥
শ্লোক 14
ইহামুত্র পরং ভোগং লভতে নাত্র সংশযঃ ।
ইদং স্তোত্রং পরং পুণ্যং কোটিযজ্ঞফলপ্রদম্ ।
সন্দেহো নাত্র কর্তব্যঃ শৃণু মে নিশ্চিতং বচঃ
॥ 13 ॥
শ্লোক 15
ওঁ অস্য শ্রীসুব্রহ্মণ্যসহস্রনামস্তোত্র মহামন্ত্রস্য ব্রহ্মা ঋষিঃ অনুষ্টুপ্ছন্দঃ সুব্রহ্মণ্যো দেবতা শরজন্মাক্ষয ইতি বীজং শক্তিধরোঽক্ষয কার্তিকেয ইতি শক্তিঃ ক্রৌঞ্চধর ইতি কীলকং শিখিবাহন ইতি কবচং ষণ্মুখায ইতি ধ্যানং শ্রীসুব্রহ্মণ্য প্রসাদসিদ্ধ্যর্থে জপে বিনিযোগঃ ।
করন্যাসঃ –
ওঁ শং ওঙ্কারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায অঙ্গুষ্ঠাভ্যাং নমঃ ।
ওঁ রং ষট্কোণমধ্যনিলযায ষট্কিরীটধরায শ্রীমতে ষডাধারায তর্জনীভ্যাং নমঃ ।
ওঁ বং ষণ্মুখায শরজন্মনে শুভলক্ষণায শিখিবাহনায মধ্যমাভ্যাং নমঃ ।
ওঁ ণং কৃশানুসম্ভবায কবচিনে কুক্কুটধ্বজায অনামিকাভ্যাং নমঃ ।
ওঁ ভং কন্দর্পকোটিদীপ্যমানায দ্বিষড্বাহবে দ্বাদশাক্ষায কনিষ্ঠিকাভ্যাং নমঃ ।
ওঁ বং খেটধরায খড্গিনে শক্তিহস্তায করতলকরপৃষ্ঠাভ্যাং নমঃ ।
হৃদযাদিন্যাসঃ –
ওঁ শং ওঙ্কারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায হৃদযায নমঃ ।
ওঁ রং ষট্কোণমধ্যনিলযায ষট্কিরীটধরায শ্রীমতে ষডাধারায শিরসে স্বাহা ।
ওঁ বং ষণ্মুখায শরজন্মনে শুভলক্ষণায শিখিবাহনায শিখাযৈ বষট্ ।
ওঁ ণং কৃশানুসম্ভবায কবচিনে কুক্কুটধ্বজায কবচায হুম্ ।
ওঁ ভং কন্দর্পকোটিদীপ্যমানায দ্বিষড্বাহবে দ্বাদশাক্ষায নেত্রত্রযায বৌষট্ ।
ওঁ বং খেটধরায খড্গিনে শক্তিহস্তায অস্ত্রায ফট্ ।
ভূর্ভুবস্সুবরোমিতি দিগ্বন্ধঃ ।
ধ্যানম্ ।
ধ্যাযেত্ষণ্মুখমিন্দুকোটিসদৃশং রত্নপ্রভাশোভিতং
বালার্কদ্যুতিষট্কিরীটবিলসত্কেযূরহারান্বিতম্ ।
কর্ণালম্বিতকুণ্ডলপ্রবিলসদ্গণ্ডস্থলাশোভিতং
কাঞ্চীকঙ্কণকিঙ্কিণীরবযুতং শৃঙ্গারসারোদযম্
॥ 14 ॥
শ্লোক 16
ধ্যাযেদীপ্সিতসিদ্ধিদং শিবসুতং শ্রীদ্বাদশাক্ষং গুহং
খেটং কুক্কুটমঙ্কুশং চ বরদং পাশং ধনুশ্চক্রকম্ ।
বজ্রং শক্তিমসিং চ শূলমভযং দোর্ভির্ধৃতং ষণ্মুখং
দেবং চিত্রমযূরবাহনগতং চিত্রাম্বরালঙ্কৃতম্
॥ 1 ॥
শ্লোক 17
স্তোত্রম্ ।
অচিন্ত্যশক্তিরনঘস্ত্বক্ষোভ্যস্ত্বপরাজিতঃ ।
অনাথবত্সলোঽমোঘস্ত্বশোকোঽপ্যজরোঽভযঃ
॥ 2 ॥
শ্লোক 18
অত্যুদারো হ্যঘহরস্ত্বগ্রগণ্যোঽদ্রিজাসুতঃ ।
অনন্তমহিমাঽপারোঽনন্তসৌখ্যপ্রদোঽব্যযঃ
॥ 1 ॥
শ্লোক 19
অনন্তমোক্ষদোঽনাদিরপ্রমেযোঽক্ষরোঽচ্যুতঃ ।
অকল্মষোঽভিরামোঽগ্রধুর্যশ্চামিতবিক্রমঃ
॥ 2 ॥
শ্লোক 20
অনাথনাথো হ্যমলো হ্যপ্রমত্তোঽমরপ্রভুঃ ।
অরিন্দমোঽখিলাধারস্ত্বণিমাদিগুণোঽগ্রণীঃ
॥ 3 ॥
শ্লোক 21
অচঞ্চলোঽমরস্তুত্যো হ্যকলঙ্কোঽমিতাশনঃ ।
অগ্নিভূরনবদ্যাঙ্গো হ্যদ্ভুতোঽভীষ্টদাযকঃ
॥ 4 ॥
শ্লোক 22
অতীন্দ্রিযোঽপ্রমেযাত্মা হ্যদৃশ্যোঽব্যক্তলক্ষণঃ ।
আপদ্বিনাশকস্ত্বার্য আঢ্য আগমসংস্তুতঃ
॥ 5 ॥
শ্লোক 23
আর্তসংরক্ষণস্ত্বাদ্য আনন্দস্ত্বার্যসেবিতঃ ।
আশ্রিতেষ্টার্থবরদ আনন্দ্যার্তফলপ্রদঃ
॥ 6 ॥
শ্লোক 24
আশ্চর্যরূপ আনন্দ আপন্নার্তিবিনাশনঃ ।
ইভবক্ত্রানুজস্ত্বিষ্ট ইভাসুরহরাত্মজঃ
॥ 7 ॥
শ্লোক 25
ইতিহাসশ্রুতিস্তুত্য ইন্দ্রভোগফলপ্রদঃ ।
ইষ্টাপূর্তফলপ্রাপ্তিরিষ্টেষ্টবরদাযকঃ
॥ 8 ॥
শ্লোক 26
ইহামুত্রেষ্টফলদ ইষ্টদস্ত্বিন্দ্রবন্দিতঃ ।
ঈডনীযস্ত্বীশপুত্র ঈপ্সিতার্থপ্রদাযকঃ
॥ 9 ॥
শ্লোক 27
ঈতিভীতিহরশ্চেড্য ঈষণাত্রযবর্জিতঃ ।
উদারকীর্তিরুদ্যোগী চোত্কৃষ্টোরুপরাক্রমঃ
॥ 10 ॥
শ্লোক 28
উত্কৃষ্টশক্তিরুত্সাহ উদারশ্চোত্সবপ্রিযঃ ।
উজ্জৃম্ভ উদ্ভবশ্চোগ্র উদগ্রশ্চোগ্রলোচনঃ
॥ 11 ॥
শ্লোক 29
উন্মত্ত উগ্রশমন উদ্বেগঘ্নোরগেশ্বরঃ ।
উরুপ্রভাবশ্চোদীর্ণ উমাপুত্র উদারধীঃ
॥ 12 ॥
শ্লোক 30
ঊর্ধ্বরেতঃসুতস্তূর্ধ্বগতিদস্তূর্জপালকঃ ।
ঊর্জিতস্তূর্ধ্বগস্তূর্ধ্ব ঊর্ধ্বলোকৈকনাযকঃ
॥ 13 ॥
শ্লোক 31
ঊর্জাবানূর্জিতোদার ঊর্জিতোর্জিতশাসনঃ ।
ঋষিদেবগণস্তুত্য ঋণত্রযবিমোচনঃ
॥ 14 ॥
শ্লোক 32
ঋজুরূপো হ্যৃজুকর ঋজুমার্গপ্রদর্শনঃ ।
ঋতম্ভরো হ্যৃজুপ্রীত ঋষভস্ত্বৃদ্ধিদস্ত্বৃতঃ
॥ 15 ॥
শ্লোক 33
লুলিতোদ্ধারকো লূতভবপাশপ্রভঞ্জনঃ ।
এণাঙ্কধরসত্পুত্র এক এনোবিনাশনঃ
॥ 16 ॥
শ্লোক 34
ঐশ্বর্যদশ্চৈন্দ্রভোগী চৈতিহ্যশ্চৈন্দ্রবন্দিতঃ ।
ওজস্বী চৌষধিস্থানমোজোদশ্চৌদনপ্রদঃ
॥ 17 ॥
শ্লোক 35
ঔদার্যশীল ঔমেয ঔগ্র ঔন্নত্যদাযকঃ ।
ঔদার্য ঔষধকর ঔষধং চৌষধাকরঃ
॥ 18 ॥
শ্লোক 36
অংশুমানংশুমালীড্য অম্বিকাতনযোঽন্নদঃ ।
অন্ধকারিসুতোঽন্ধত্বহারী চাম্বুজলোচনঃ
॥ 19 ॥
শ্লোক 37
অস্তমাযোঽমরাধীশো হ্যস্পষ্টোঽস্তোকপুণ্যদঃ ।
অস্তামিত্রোঽস্তরূপশ্চাস্খলত্সুগতিদাযকঃ
॥ 20 ॥
শ্লোক 38
কার্তিকেযঃ কামরূপঃ কুমারঃ ক্রৌঞ্চদারণঃ ।
কামদঃ কারণং কাম্যঃ কমনীযঃ কৃপাকরঃ
॥ 21 ॥
শ্লোক 39
কাঞ্চনাভঃ কান্তিযুক্তঃ কামী কামপ্রদঃ কবিঃ ।
কীর্তিকৃত্কুক্কুটধরঃ কূটস্থঃ কুবলেক্ষণঃ
॥ 22 ॥
শ্লোক 40
কুঙ্কুমাঙ্গঃ ক্লমহরঃ কুশলঃ কুক্কুটধ্বজঃ ।
কুশানুসম্ভবঃ ক্রূরঃ ক্রূরঘ্নঃ কলিতাপহৃত্
॥ 23 ॥
শ্লোক 41
কামরূপঃ কল্পতরুঃ কান্তঃ কামিতদাযকঃ ।
কল্যাণকৃত্ক্লেশনাশঃ কৃপালুঃ করুণাকরঃ
॥ 24 ॥
শ্লোক 42
কলুষঘ্নঃ ক্রিযাশক্তিঃ কঠোরঃ কবচী কৃতী ।
কোমলাঙ্গঃ কুশপ্রীতঃ কুত্সিতঘ্নঃ কলাধরঃ
॥ 25 ॥
শ্লোক 43
খ্যাতঃ খেটধরঃ খড্গী খট্বাঙ্গী খলনিগ্রহঃ ।
খ্যাতিপ্রদঃ খেচরেশঃ খ্যাতেহঃ খেচরস্তুতঃ
॥ 26 ॥
শ্লোক 44
খরতাপহরঃ স্বস্থঃ খেচরঃ খেচরাশ্রযঃ ।
খণ্ডেন্দুমৌলিতনযঃ খেলঃ খেচরপালকঃ
॥ 27 ॥
শ্লোক 45
খস্থলঃ খণ্ডিতার্কশ্চ খেচরীজনপূজিতঃ ।
গাঙ্গেযো গিরিজাপুত্রো গণনাথানুজো গুহঃ
॥ 28 ॥
শ্লোক 46
গোপ্তা গীর্বাণসংসেব্যো গুণাতীতো গুহাশ্রযঃ ।
গতিপ্রদো গুণনিধিঃ গম্ভীরো গিরিজাত্মজঃ
॥ 29 ॥
শ্লোক 47
গূঢরূপো গদহরো গুণাধীশো গুণাগ্রণীঃ ।
গোধরো গহনো গুপ্তো গর্বঘ্নো গুণবর্ধনঃ
॥ 30 ॥
শ্লোক 48
গুহ্যো গুণজ্ঞো গীতিজ্ঞো গতাতঙ্কো গুণাশ্রযঃ ।
গদ্যপদ্যপ্রিযো গুণ্যো গোস্তুতো গগনেচরঃ
॥ 31 ॥
শ্লোক 49
গণনীযচরিত্রশ্চ গতক্লেশো গুণার্ণবঃ ।
ঘূর্ণিতাক্ষো ঘৃণিনিধিঃ ঘনগম্ভীরঘোষণঃ
॥ 32 ॥
শ্লোক 50
ঘণ্টানাদপ্রিযো ঘোষো ঘোরাঘৌঘবিনাশনঃ ।
ঘনানন্দো ঘর্মহন্তা ঘৃণাবান্ ঘৃষ্টিপাতকঃ
॥ 33 ॥
শ্লোক 51
ঘৃণী ঘৃণাকরো ঘোরো ঘোরদৈত্যপ্রহারকঃ ।
ঘটিতৈশ্বর্যসন্দোহো ঘনার্থো ঘনসঙ্ক্রমঃ
॥ 34 ॥
শ্লোক 52
চিত্রকৃচ্চিত্রবর্ণশ্চ চঞ্চলশ্চপলদ্যুতিঃ ।
চিন্মযশ্চিত্স্বরূপশ্চ চিরানন্দশ্চিরন্তনঃ
॥ 35 ॥
শ্লোক 53
চিত্রকেলিশ্চিত্রতরশ্চিন্তনীযশ্চমত্কৃতিঃ ।
চোরঘ্নশ্চতুরশ্চারুশ্চামীকরবিভূষণঃ
॥ 36 ॥
শ্লোক 54
চন্দ্রার্ককোটিসদৃশশ্চন্দ্রমৌলিতনূভবঃ ।
ছাদিতাঙ্গশ্ছদ্মহন্তা ছেদিতাখিলপাতকঃ
॥ 37 ॥
শ্লোক 55
ছেদীকৃততমঃক্লেশশ্ছত্রীকৃতমহাযশাঃ ।
ছাদিতাশেষসন্তাপশ্ছুরিতামৃতসাগরঃ
॥ 38 ॥
শ্লোক 56
ছন্নত্রৈগুণ্যরূপশ্চ ছাতেহশ্ছিন্নসংশযঃ ।
ছন্দোমযশ্ছন্দগামী ছিন্নপাশশ্ছবিশ্ছদঃ
॥ 39 ॥
শ্লোক 57
জগদ্ধিতো জগত্পূজ্যো জগজ্জ্যেষ্ঠো জগন্মযঃ ।
জনকো জাহ্নবীসূনুর্জিতামিত্রো জগদ্গুরুঃ
॥ 40 ॥
শ্লোক 58
জযী জিতেন্দ্রিযো জৈত্রো জরামরণবর্জিতঃ ।
জ্যোতির্মযো জগন্নাথো জগজ্জীবো জনাশ্রযঃ
॥ 41 ॥
শ্লোক 59
জগত্সেব্যো জগত্কর্তা জগত্সাক্ষী জগত্প্রিযঃ ।
জম্ভারিবন্দ্যো জযদো জগজ্জনমনোহরঃ
॥ 42 ॥
শ্লোক 60
জগদানন্দজনকো জনজাড্যাপহারকঃ ।
জপাকুসুমসঙ্কাশো জনলোচনশোভনঃ
॥ 43 ॥
শ্লোক 61
জনেশ্বরো জিতক্রোধো জনজন্মনিবর্হণঃ ।
জযদো জন্তুতাপঘ্নো জিতদৈত্যমহাব্রজঃ
॥ 44 ॥
শ্লোক 62
জিতমাযো জিতক্রোধো জিতসঙ্গো জনপ্রিযঃ ।
ঝঞ্ঝানিলমহাবেগো ঝরিতাশেষপাতকঃ
॥ 45 ॥
শ্লোক 63
ঝর্ঝরীকৃতদৈত্যৌঘো ঝল্লরীবাদ্যসম্প্রিযঃ ।
জ্ঞানমূর্তির্জ্ঞানগম্যো জ্ঞানী জ্ঞানমহানিধিঃ
॥ 46 ॥
শ্লোক 64
টঙ্কারনৃত্তবিভবঃ টঙ্কবজ্রধ্বজাঙ্কিতঃ ।
টঙ্কিতাখিললোকশ্চ টঙ্কিতৈনস্তমোরবিঃ
॥ 47 ॥
শ্লোক 65
ডম্বরপ্রভবো ডম্ভো ডম্বো ডমরুকপ্রিযঃ । [ডমড্ড]
ডমরোত্কটসন্নাদো ডিম্ভরূপস্বরূপকঃ
॥ 48 ॥
শ্লোক 66
ঢক্কানাদপ্রীতিকরো ঢালিতাসুরসঙ্কুলঃ ।
ঢৌকিতামরসন্দোহো ঢুণ্ঢিবিঘ্নেশ্বরানুজঃ
॥ 49 ॥
শ্লোক 67
তত্ত্বজ্ঞস্তত্বগস্তীব্রস্তপোরূপস্তপোমযঃ ।
ত্রযীমযস্ত্রিকালজ্ঞস্ত্রিমূর্তিস্ত্রিগুণাত্মকঃ
॥ 50 ॥
শ্লোক 68
ত্রিদশেশস্তারকারিস্তাপঘ্নস্তাপসপ্রিযঃ ।
তুষ্টিদস্তুষ্টিকৃত্তীক্ষ্ণস্তপোরূপস্ত্রিকালবিত্
॥ 51 ॥
শ্লোক 69
স্তোতা স্তব্যঃ স্তবপ্রীতঃ স্তুতিঃ স্তোত্রং স্তুতিপ্রিযঃ ।
স্থিতঃ স্থাযী স্থাপকশ্চ স্থূলসূক্ষ্মপ্রদর্শকঃ
॥ 52 ॥
শ্লোক 70
স্থবিষ্ঠঃ স্থবিরঃ স্থূলঃ স্থানদঃ স্থৈর্যদঃ স্থিরঃ ।
দান্তো দযাপরো দাতা দুরিতঘ্নো দুরাসদঃ
॥ 53 ॥
শ্লোক 71
দর্শনীযো দযাসারো দেবদেবো দযানিধিঃ ।
দুরাধর্ষো দুর্বিগাহ্যো দক্ষো দর্পণশোভিতঃ
॥ 54 ॥
শ্লোক 72
দুর্ধরো দানশীলশ্চ দ্বাদশাক্ষো দ্বিষড্ভুজঃ ।
দ্বিষট্কর্ণো দ্বিষড্বাহুর্দীনসন্তাপনাশনঃ
॥ 55 ॥
শ্লোক 73
দন্দশূকেশ্বরো দেবো দিব্যো দিব্যাকৃতির্দমঃ ।
দীর্ঘবৃত্তো দীর্ঘবাহুর্দীর্ঘদৃষ্টির্দিবস্পতিঃ
॥ 56 ॥
শ্লোক 74
দণ্ডো দমযিতা দর্পো দেবসিংহো দৃঢব্রতঃ ।
দুর্লভো দুর্গমো দীপ্তো দুষ্প্রেক্ষ্যো দিব্যমণ্ডনঃ
॥ 57 ॥
শ্লোক 75
দুরোদরঘ্নো দুঃখঘ্নো দুরারিঘ্নো দিশাং পতিঃ ।
দুর্জযো দেবসেনেশো দুর্জ্ঞেযো দুরতিক্রমঃ
॥ 58 ॥
শ্লোক 76
দম্ভো দৃপ্তশ্চ দেবর্ষির্দৈবজ্ঞো দৈবচিন্তকঃ ।
ধুরন্ধরো ধর্মপরো ধনদো ধৃতিবর্ধনঃ
॥ 59 ॥
শ্লোক 77
ধর্মেশো ধর্মশাস্ত্রজ্ঞো ধন্বী ধর্মপরাযণঃ ।
ধনাধ্যক্ষো ধনপতির্ধৃতিমান্ধূতকিল্বিষঃ
॥ 60 ॥
শ্লোক 78
ধর্মহেতুর্ধর্মশূরো ধর্মকৃদ্ধর্মবিদ্ধ্রুবঃ ।
ধাতা ধীমান্ধর্মচারী ধন্যো ধুর্যো ধৃতব্রতঃ
॥ 61 ॥
শ্লোক 79
নিত্যোত্সবো নিত্যতৃপ্তো নির্লেপো নিশ্চলাত্মকঃ ।
নিরবদ্যো নিরাধারো নিষ্কলঙ্কো নিরঞ্জনঃ
॥ 62 ॥
শ্লোক 80
নির্মমো নিরহঙ্কারো নির্মোহো নিরুপদ্রবঃ ।
নিত্যানন্দো নিরাতঙ্কো নিষ্প্রপঞ্চো নিরামযঃ
॥ 63 ॥
শ্লোক 81
নিরবদ্যো নিরীহশ্চ নির্দর্শো নির্মলাত্মকঃ ।
নিত্যানন্দো নির্জরেশো নিঃসঙ্গো নিগমস্তুতঃ
॥ 64 ॥
শ্লোক 82
নিষ্কণ্টকো নিরালম্বো নিষ্প্রত্যূহো নিরুদ্ভবঃ ।
নিত্যো নিযতকল্যাণো নির্বিকল্পো নিরাশ্রযঃ
॥ 65 ॥
শ্লোক 83
নেতা নিধির্নৈকরূপো নিরাকারো নদীসুতঃ ।
পুলিন্দকন্যারমণঃ পুরুজিত্পরমপ্রিযঃ
॥ 66 ॥
শ্লোক 84
প্রত্যক্ষমূর্তিঃ প্রত্যক্ষঃ পরেশঃ পূর্ণপুণ্যদঃ ।
পুণ্যাকরঃ পুণ্যরূপঃ পুণ্যঃ পুণ্যপরাযণঃ
॥ 67 ॥
শ্লোক 85
পুণ্যোদযঃ পরং জ্যোতিঃ পুণ্যকৃত্পুণ্যবর্ধনঃ ।
পরানন্দঃ পরতরঃ পুণ্যকীর্তিঃ পুরাতনঃ
॥ 68 ॥
শ্লোক 86
প্রসন্নরূপঃ প্রাণেশঃ পন্নগঃ পাপনাশনঃ ।
প্রণতার্তিহরঃ পূর্ণঃ পার্বতীনন্দনঃ প্রভুঃ
॥ 69 ॥
শ্লোক 87
পূতাত্মা পুরুষঃ প্রাণঃ প্রভবঃ পুরুষোত্তমঃ ।
প্রসন্নঃ পরমস্পষ্টঃ পরঃ পরিবৃঢঃ পরঃ
॥ 70 ॥
শ্লোক 88
পরমাত্মা পরব্রহ্ম পরার্থঃ প্রিযদর্শনঃ ।
পবিত্রঃ পুষ্টিদঃ পূর্তিঃ পিঙ্গলঃ পুষ্টিবর্ধনঃ
॥ 71 ॥
শ্লোক 89
পাপহারী পাশধরঃ প্রমত্তাসুরশিক্ষকঃ ।
পাবনঃ পাবকঃ পূজ্যঃ পূর্ণানন্দঃ পরাত্পরঃ
॥ 72 ॥
শ্লোক 90
পুষ্কলঃ প্রবরঃ পূর্বঃ পিতৃভক্তঃ পুরোগমঃ ।
প্রাণদঃ প্রাণিজনকঃ প্রদিষ্টঃ পাবকোদ্ভবঃ
॥ 73 ॥
শ্লোক 91
পরব্রহ্মস্বরূপশ্চ পরমৈশ্বর্যকারণম্ ।
পরর্ধিদঃ পুষ্টিকরঃ প্রকাশাত্মা প্রতাপবান্
॥ 74 ॥
শ্লোক 92
প্রজ্ঞাপরঃ প্রকৃষ্টার্থঃ পৃথুঃ পৃথুপরাক্রমঃ ।
ফণীশ্বরঃ ফণিবরঃ ফণামণিবিভূষণঃ
॥ 75 ॥
শ্লোক 93
ফলদঃ ফলহস্তশ্চ ফুল্লাম্বুজবিলোচনঃ ।
ফডুচ্চাটিতপাপৌঘঃ ফণিলোকবিভূষণঃ
॥ 76 ॥
শ্লোক 94
বাহুলেযো বৃহদ্রূপো বলিষ্ঠো বলবান্ বলী ।
ব্রহ্মেশবিষ্ণুরূপশ্চ বুদ্ধো বুদ্ধিমতাং বরঃ
॥ 77 ॥
শ্লোক 95
বালরূপো ব্রহ্মগর্ভো ব্রহ্মচারী বুধপ্রিযঃ ।
বহুশ্রুতো বহুমতো ব্রহ্মণ্যো ব্রাহ্মণপ্রিযঃ
॥ 78 ॥
শ্লোক 96
বলপ্রমথনো ব্রহ্মা বহুরূপো বহুপ্রদঃ ।
বৃহদ্ভানুতনূদ্ভূতো বৃহত্সেনো বিলেশযঃ
॥ 79 ॥
শ্লোক 97
বহুবাহুর্বলশ্রীমান্ বহুদৈত্যবিনাশকঃ ।
বিলদ্বারান্তরালস্থো বৃহচ্ছক্তিধনুর্ধরঃ
॥ 80 ॥
শ্লোক 98
বালার্কদ্যুতিমান্ বালো বৃহদ্বক্ষা বৃহদ্ধনুঃ ।
ভব্যো ভোগীশ্বরো ভাব্যো ভবনাশো ভবপ্রিযঃ
॥ 81 ॥
শ্লোক 99
ভক্তিগম্যো ভযহরো ভাবজ্ঞো ভক্তসুপ্রিযঃ ।
ভুক্তিমুক্তিপ্রদো ভোগী ভগবান্ ভাগ্যবর্ধনঃ
॥ 82 ॥
শ্লোক 100
ভ্রাজিষ্ণুর্ভাবনো ভর্তা ভীমো ভীমপরাক্রমঃ ।
ভূতিদো ভূতিকৃদ্ভোক্তা ভূতাত্মা ভুবনেশ্বরঃ
॥ 83 ॥
শ্লোক 101
ভাবকো ভীকরো ভীষ্মো ভাবকেষ্টো ভবোদ্ভবঃ ।
ভবতাপপ্রশমনো ভোগবান্ ভূতভাবনঃ
॥ 84 ॥
শ্লোক 102
ভোজ্যপ্রদো ভ্রান্তিনাশো ভানুমান্ ভুবনাশ্রযঃ ।
ভূরিভোগপ্রদো ভদ্রো ভজনীযো ভিষগ্বরঃ
॥ 85 ॥
শ্লোক 103
মহাসেনো মহোদারো মহাশক্তির্মহাদ্যুতিঃ ।
মহাবুদ্ধির্মহাবীর্যো মহোত্সাহো মহাবলঃ
॥ 86 ॥
শ্লোক 104
মহাভোগী মহামাযী মেধাবী মেখলী মহান্ ।
মুনিস্তুতো মহামান্যো মহানন্দো মহাযশাঃ
॥ 87 ॥
শ্লোক 105
মহোর্জিতো মাননিধির্মনোরথফলপ্রদঃ ।
মহোদযো মহাপুণ্যো মহাবলপরাক্রমঃ
॥ 88 ॥
শ্লোক 106
মানদো মতিদো মালী মুক্তামালাবিভূষণঃ ।
মনোহরো মহামুখ্যো মহর্ধির্মূর্তিমান্মুনিঃ
॥ 89 ॥
শ্লোক 107
মহোত্তমো মহোপাযো মোক্ষদো মঙ্গলপ্রদঃ ।
মুদাকরো মুক্তিদাতা মহাভোগো মহোরগঃ
॥ 90 ॥
শ্লোক 108
যশস্করো যোগযোনির্যোগিষ্ঠো যমিনাং বরঃ ।
যশস্বী যোগপুরুষো যোগ্যো যোগনিধির্যমী
॥ 91 ॥
শ্লোক 109
যতিসেব্যো যোগযুক্তো যোগবিদ্যোগসিদ্ধিদঃ ।
যন্ত্রো যন্ত্রী চ যন্ত্রজ্ঞো যন্ত্রবান্যন্ত্রবাহকঃ
॥ 92 ॥
শ্লোক 110
যাতনারহিতো যোগী যোগীশো যোগিনাং বরঃ ।
রমণীযো রম্যরূপো রসজ্ঞো রসভাবনঃ
॥ 93 ॥
শ্লোক 111
রঞ্জনো রঞ্জিতো রাগী রুচিরো রুদ্রসম্ভবঃ ।
রণপ্রিযো রণোদারো রাগদ্বেষবিনাশনঃ
॥ 94 ॥
শ্লোক 112
রত্নার্চী রুচিরো রম্যো রূপলাবণ্যবিগ্রহঃ ।
রত্নাঙ্গদধরো রত্নভূষণো রমণীযকঃ
॥ 95 ॥
শ্লোক 113
রুচিকৃদ্রোচমানশ্চ রঞ্জিতো রোগনাশনঃ ।
রাজীবাক্ষো রাজরাজো রক্তমাল্যানুলেপনঃ
॥ 96 ॥
শ্লোক 114
রাজদ্বেদাগমস্তুত্যো রজঃসত্ত্বগুণান্বিতঃ ।
রজনীশকলারম্যো রত্নকুণ্ডলমণ্ডিতঃ
॥ 97 ॥
শ্লোক 115
রত্নসন্মৌলিশোভাঢ্যো রণন্মঞ্জীরভূষণঃ ।
লোকৈকনাথো লোকেশো ললিতো লোকনাযকঃ
॥ 98 ॥
শ্লোক 116
লোকরক্ষো লোকশিক্ষো লোকলোচনরঞ্জিতঃ ।
লোকবন্ধুর্লোকধাতা লোকত্রযমহাহিতঃ
॥ 99 ॥
শ্লোক 117
লোকচূডামণির্লোকবন্দ্যো লাবণ্যবিগ্রহঃ ।
লোকাধ্যক্ষস্তু লীলাবান্লোকোত্তরগুণান্বিতঃ
॥ 100 ॥
শ্লোক 118
বরিষ্ঠো বরদো বৈদ্যো বিশিষ্টো বিক্রমো বিভুঃ ।
বিবুধাগ্রচরো বশ্যো বিকল্পপরিবর্জিতঃ
॥ 101 ॥
শ্লোক 119
বিপাশো বিগতাতঙ্কো বিচিত্রাঙ্গো বিরোচনঃ ।
বিদ্যাধরো বিশুদ্ধাত্মা বেদাঙ্গো বিবুধপ্রিযঃ
॥ 102 ॥
শ্লোক 120
বচস্করো ব্যাপকশ্চ বিজ্ঞানী বিনযান্বিতঃ ।
বিদ্বত্তমো বিরোধিঘ্নো বীরো বিগতরাগবান্
॥ 103 ॥
শ্লোক 121
বীতভাবো বিনীতাত্মা বেদগর্ভো বসুপ্রদঃ ।
বিশ্বদীপ্তির্বিশালাক্ষো বিজিতাত্মা বিভাবনঃ
॥ 104 ॥
শ্লোক 122
বেদবেদ্যো বিধেযাত্মা বীতদোষশ্চ বেদবিত্ ।
বিশ্বকর্মা বীতভযো বাগীশো বাসবার্চিতঃ
॥ 105 ॥
শ্লোক 123
বীরধ্বংসো বিশ্বমূর্তির্বিশ্বরূপো বরাসনঃ ।
বিশাখো বিমলো বাগ্মী বিদ্বান্বেদধরো বটুঃ
॥ 106 ॥
শ্লোক 124
বীরচূডামণির্বীরো বিদ্যেশো বিবুধাশ্রযঃ ।
বিজযী বিনযী বেত্তা বরীযান্বিরজা বসুঃ
॥ 107 ॥
শ্লোক 125
বীরঘ্নো বিজ্বরো বেদ্যো বেগবান্বীর্যবান্বশী ।
বরশীলো বরগুণো বিশোকো বজ্রধারকঃ
॥ 108 ॥
শ্লোক 126
শরজন্মা শক্তিধরঃ শত্রুঘ্নঃ শিখিবাহনঃ ।
শ্রীমান্ শিষ্টঃ শুচিঃ শুদ্ধঃ শাশ্বতঃ শ্রুতিসাগরঃ
॥ 109 ॥
শ্লোক 127
শরণ্যঃ শুভদঃ শর্ম শিষ্টেষ্টঃ শুভলক্ষণঃ ।
শান্তঃ শূলধরঃ শ্রেষ্ঠঃ শুদ্ধাত্মা শঙ্করঃ শিবঃ
॥ 110 ॥
শ্লোক 128
শিতিকণ্ঠাত্মজঃ শূরঃ শান্তিদঃ শোকনাশনঃ ।
ষাণ্মাতুরঃ ষণ্মুখশ্চ ষড্গুণৈশ্বর্যসংযুতঃ
॥ 111 ॥
শ্লোক 129
ষট্চক্রস্থঃ ষডূর্মিঘ্নঃ ষডঙ্গশ্রুতিপারগঃ ।
ষড্ভাবরহিতঃ ষট্কঃ ষট্ছাস্ত্রস্মৃতিপারগঃ
॥ 112 ॥
শ্লোক 130
ষড্বর্গদাতা ষড্গ্রীবঃ ষডরিঘ্নঃ ষডাশ্রযঃ ।
ষট্কিরীটধরঃ শ্রীমান্ ষডাধারশ্চ ষট্ক্রমঃ
॥ 113 ॥
শ্লোক 131
ষট্কোণমধ্যনিলযঃ ষণ্ডত্বপরিহারকঃ ।
সেনানীঃ সুভগঃ স্কন্দঃ সুরানন্দঃ সতাং গতিঃ
॥ 114 ॥
শ্লোক 132
সুব্রহ্মণ্যঃ সুরাধ্যক্ষঃ সর্বজ্ঞঃ সর্বদঃ সুখী ।
সুলভঃ সিদ্ধিদঃ সৌম্যঃ সিদ্ধেশঃ সিদ্ধিসাধনঃ
॥ 115 ॥
শ্লোক 133
সিদ্ধার্থঃ সিদ্ধসঙ্কল্পঃ সিদ্ধসাধুঃ সুরেশ্বরঃ ।
সুভুজঃ সর্বদৃক্সাক্ষী সুপ্রসাদঃ সনাতনঃ
॥ 116 ॥
শ্লোক 134
সুধাপতিঃ স্বযঞ্জ্যোতিঃ স্বযম্ভূঃ সর্বতোমুখঃ ।
সমর্থঃ সত্কৃতিঃ সূক্ষ্মঃ সুঘোষঃ সুখদঃ সুহৃত্
॥ 117 ॥
শ্লোক 135
সুপ্রসন্নঃ সুরশ্রেষ্ঠঃ সুশীলঃ সত্যসাধকঃ ।
সম্ভাব্যঃ সুমনাঃ সেব্যঃ সকলাগমপারগঃ
॥ 118 ॥
শ্লোক 136
সুব্যক্তঃ সচ্চিদানন্দঃ সুবীরঃ সুজনাশ্রযঃ ।
সর্বলক্ষণসম্পন্নঃ সত্যধর্মপরাযণঃ
॥ 119 ॥
শ্লোক 137
সর্বদেবমযঃ সত্যঃ সদা মৃষ্টান্নদাযকঃ ।
সুধাপী সুমতিঃ সত্যঃ সর্ববিঘ্নবিনাশনঃ
॥ 120 ॥
শ্লোক 138
সর্বদুঃখপ্রশমনঃ সুকুমারঃ সুলোচনঃ ।
সুগ্রীবঃ সুধৃতিঃ সারঃ সুরারাধ্যঃ সুবিক্রমঃ
॥ 121 ॥
শ্লোক 139
সুরারিঘ্নঃ স্বর্ণবর্ণঃ সর্পরাজঃ সদা শুচিঃ ।
সপ্তার্চির্ভূঃ সুরবরঃ সর্বাযুধবিশারদঃ
॥ 122 ॥
শ্লোক 140
হস্তিচর্মাম্বরসুতো হস্তিবাহনসেবিতঃ ।
হস্তচিত্রাযুধধরো হৃতাঘো হসিতাননঃ
॥ 123 ॥
শ্লোক 141
হেমভূষো হরিদ্বর্ণো হৃষ্টিদো হৃষ্টিবর্ধনঃ ।
হেমাদ্রিভিদ্ধংসরূপো হুঙ্কারহতকিল্বিষঃ
॥ 124 ॥
শ্লোক 142
হিমাদ্রিজাতাতনুজো হরিকেশো হিরণ্মযঃ ।
হৃদ্যো হৃষ্টো হরিসখো হংসো হংসগতির্হবিঃ
॥ 125 ॥
শ্লোক 143
হিরণ্যবর্ণো হিতকৃদ্ধর্ষদো হেমভূষণঃ ।
হরপ্রিযো হিতকরো হতপাপো হরোদ্ভবঃ
॥ 126 ॥
শ্লোক 144
ক্ষেমদঃ ক্ষেমকৃত্ক্ষেম্যঃ ক্ষেত্রজ্ঞঃ ক্ষামবর্জিতঃ ।
ক্ষেত্রপালঃ ক্ষমাধারঃ ক্ষেমক্ষেত্রঃ ক্ষমাকরঃ
॥ 127 ॥
শ্লোক 145
ক্ষুদ্রঘ্নঃ ক্ষান্তিদঃ ক্ষেমঃ ক্ষিতিভূষঃ ক্ষমাশ্রযঃ ।
ক্ষালিতাঘঃ ক্ষিতিধরঃ ক্ষীণসংরক্ষণক্ষমঃ
॥ 128 ॥
শ্লোক 146
ক্ষণভঙ্গুরসন্নদ্ধঘনশোভিকপর্দকঃ ।
ক্ষিতিভৃন্নাথতনযামুখপঙ্কজভাস্করঃ
॥ 129 ॥
শ্লোক 147
ক্ষতাহিতঃ ক্ষরঃ ক্ষন্তা ক্ষতদোষঃ ক্ষমানিধিঃ ।
ক্ষপিতাখিলসন্তাপঃ ক্ষপানাথসমাননঃ
॥ 130 ॥
শ্লোক 148
উত্তর ন্যাসঃ ।
করন্যাসঃ –
ওঁ শং ওঙ্কারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায অঙ্গুষ্ঠাভ্যাং নমঃ ।
ওঁ রং ষট্কোণমধ্যনিলযায ষট্কিরীটধরায শ্রীমতে ষডাধারায তর্জনীভ্যাং নমঃ ।
ওঁ বং ষণ্মুখায শরজন্মনে শুভলক্ষণায শিখিবাহনায মধ্যমাভ্যাং নমঃ ।
ওঁ ণং কৃশানুসম্ভবায কবচিনে কুক্কুটধ্বজায অনামিকাভ্যাং নমঃ ।
ওঁ ভং কন্দর্পকোটিদীপ্যমানায দ্বিষড্বাহবে দ্বাদশাক্ষায কনিষ্ঠিকাভ্যাং নমঃ ।
ওঁ বং খেটধরায খড্গিনে শক্তিহস্তায করতলকরপৃষ্ঠাভ্যাং নমঃ ।
হৃদযাদিন্যাসঃ –
ওঁ শং ওঙ্কারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায হৃদযায নমঃ ।
ওঁ রং ষট্কোণমধ্যনিলযায ষট্কিরীটধরায শ্রীমতে ষডাধারায শিরসে স্বাহা ।
ওঁ বং ষণ্মুখায শরজন্মনে শুভলক্ষণায শিখিবাহনায শিখাযৈ বষট্ ।
ওঁ ণং কৃশানুসম্ভবায কবচিনে কুক্কুটধ্বজায কবচায হুম্ ।
ওঁ ভং কন্দর্পকোটিদীপ্যমানায দ্বিষড্বাহবে দ্বাদশাক্ষায নেত্রত্রযায বৌষট্ ।
ওঁ বং খেটধরায খড্গিনে শক্তিহস্তায অস্ত্রায ফট্ ।
ভূর্ভুবস্সুবরোমিতি দিগ্বিমোকঃ ।
ফলশ্রুতি ।
ইতি নাম্নাং সহস্রাণি ষণ্মুখস্য চ নারদ ।
যঃ পঠেচ্ছৃণুযাদ্বাপি ভক্তিযুক্তেন চেতসা
॥ 131 ॥
শ্লোক 149
স সদ্যো মুচ্যতে পাপৈর্মনোবাক্কাযসম্ভবৈঃ ।
আযুর্বৃদ্ধিকরং পুংসাং স্থৈর্যবীর্যবিবর্ধনম্
॥ 1 ॥
শ্লোক 150
বাক্যেনৈকেন বক্ষ্যামি বাঞ্ছিতার্থং প্রযচ্ছতি ।
তস্মাত্সর্বাত্মনা ব্রহ্মন্নিযমেন জপেত্সুধীঃ
॥ 2 ॥
শ্লোক 151
ইতি স্কন্দপুরাণে ঈশ্বরপ্রোক্তে ব্রহ্মনারদসংবাদে শ্রী সুব্রহ্মণ্য সহস্রনাম স্তোত্রম্ ।