Sri Subrahmanya Sahasra Nama Stotram
ಶ್ರೀ ಸುಬ್ರಹ್ಮಣ್ಯ ಸಹಸ್ರ ನಾಮ ಸ್ತೋತ್ರಮ್
Sri Subrahmanya Sahasra Nama Stotram
ಶ್ರೀ ಸುಬ್ರಹ್ಮಣ್ಯ ಸಹಸ್ರ ನಾಮ ಸ್ತೋತ್ರಮ್
ಋಷಯ ಊಚುಃ ।
ಸರ್ವಶಾಸ್ತ್ರಾರ್ಥತತ್ತ್ವಜ್ಞ ಸರ್ವಲೋಕೋಪಕಾರಕ ।
ವಯಂ ಚಾತಿಥಯಃ ಪ್ರಾಪ್ತಾ ಆತಿಥೇಯೋಽಸಿ ಸುವ್ರತ ॥ 1 ॥
ಜ್ಞಾನದಾನೇನ ಸಂಸಾರಸಾಗರಾತ್ತಾರಯಸ್ವ ನಃ ।
ಕಲೌ ಕಲುಷಚಿತ್ತಾ ಯೇ ನರಾಃ ಪಾಪರತಾಃ ಸದಾ ॥ 2 ॥
ಕೇನ ಸ್ತೋತ್ರೇಣ ಮುಚ್ಯನ್ತೇ ಸರ್ವಪಾತಕಬನ್ಧನಾತ್ ।
ಇಷ್ಟಸಿದ್ಧಿಕರಂ ಪುಣ್ಯಂ ದುಃಖದಾರಿದ್ರ್ಯನಾಶನಮ್ ॥ 3 ॥
ಸರ್ವರೋಗಹರಂ ಸ್ತೋತ್ರಂ ಸೂತ ನೋ ವಕ್ತುಮರ್ಹಸಿ ।
ಶ್ರೀಸೂತ ಉವಾಚ ।
ಶೃಣುಧ್ವಂ ಋಷಯಃ ಸರ್ವೇ ನೈಮಿಶಾರಣ್ಯವಾಸಿನಃ ॥ 4 ॥
ತತ್ತ್ವಜ್ಞಾನತಪೋನಿಷ್ಠಾಃ ಸರ್ವಶಾಸ್ತ್ರವಿಶಾರದಾಃ ।
ಸ್ವಯಮ್ಭುವಾ ಪುರಾ ಪ್ರೋಕ್ತಂ ನಾರದಾಯ ಮಹಾತ್ಮನೇ ॥ 5 ॥
ತದಹಂ ಸಮ್ಪ್ರವಕ್ಷ್ಯಾಮಿ ಶ್ರೋತುಂ ಕೌತೂಹಲಂ ಯದಿ ।
ಋಷಯ ಊಚುಃ ।
ಕಿಮಾಹ ಭಗವಾನ್ಬ್ರಹ್ಮಾ ನಾರದಾಯ ಮಹಾತ್ಮನೇ ॥ 6 ॥
ಸೂತಪುತ್ರ ಮಹಾಭಾಗ ವಕ್ತುಮರ್ಹಸಿ ಸಾಮ್ಪ್ರತಮ್ ।
ಶ್ರೀಸೂತ ಉವಾಚ ।
ದಿವ್ಯಸಿಂಹಾಸನಾಸೀನಂ ಸರ್ವದೇವೈರಭಿಷ್ಟುತಮ್ ॥ 7 ॥
ಸಾಷ್ಟಾಙ್ಗಂ ಪ್ರಣಿಪತ್ಯೈನಂ ಬ್ರಹ್ಮಾಣಂ ಭುವನೇಶ್ವರಮ್ ।
ನಾರದಃ ಪರಿಪಪ್ರಚ್ಛ ಕೃತಾಞ್ಜಲಿರುಪಸ್ಥಿತಃ ॥ 8 ॥
ನಾರದ ಉವಾಚ ।
ಲೋಕನಾಥ ಸುರಶ್ರೇಷ್ಠ ಸರ್ವಜ್ಞ ಕರುಣಾಕರ ।
ಷಣ್ಮುಖಸ್ಯ ಪರಂ ಸ್ತೋತ್ರಂ ಪಾವನಂ ಪಾಪನಾಶನಮ್ ॥ 9 ॥
ಹೇ ಧಾತಃ ಪುತ್ರವಾತ್ಸಲ್ಯಾತ್ತದ್ವದ ಪ್ರಣತಾಯ ಮೇ ।
ಉಪದಿಶ್ಯ ತು ಮಾಮೇವಂ ರಕ್ಷ ರಕ್ಷ ಕೃಪಾನಿಧೇ ॥ 10 ॥
ಬ್ರಹ್ಮೋವಾಚ ।
ಶೃಣು ವಕ್ಷ್ಯಾಮಿ ದೇವರ್ಷೇ ಸ್ತವರಾಜಮಿದಂ ಪರಮ್ ।
ಮಾತೃಕಾಮಾಲಿಕಾಯುಕ್ತಂ ಜ್ಞಾನಮೋಕ್ಷಸುಖಪ್ರದಮ್ ॥ 11 ॥
ಸಹಸ್ರಾಣಿ ಚ ನಾಮಾನಿ ಷಣ್ಮುಖಸ್ಯ ಮಹಾತ್ಮನಃ ।
ಯಾನಿ ನಾಮಾನಿ ದಿವ್ಯಾನಿ ದುಃಖರೋಗಹರಾಣಿ ಚ ॥ 12 ॥
ತಾನಿ ನಾಮಾನಿ ವಕ್ಷ್ಯಾಮಿ ಕೃಪಯಾ ತ್ವಯಿ ನಾರದ ।
ಜಪಮಾತ್ರೇಣ ಸಿದ್ಧ್ಯನ್ತಿ ಮನಸಾ ಚಿನ್ತಿತಾನ್ಯಪಿ ॥ 13 ॥
ಇಹಾಮುತ್ರ ಪರಂ ಭೋಗಂ ಲಭತೇ ನಾತ್ರ ಸಂಶಯಃ ।
ಇದಂ ಸ್ತೋತ್ರಂ ಪರಂ ಪುಣ್ಯಂ ಕೋಟಿಯಜ್ಞಫಲಪ್ರದಮ್ ।
ಸನ್ದೇಹೋ ನಾತ್ರ ಕರ್ತವ್ಯಃ ಶೃಣು ಮೇ ನಿಶ್ಚಿತಂ ವಚಃ ॥ 14 ॥
ಓಂ ಅಸ್ಯ ಶ್ರೀಸುಬ್ರಹ್ಮಣ್ಯಸಹಸ್ರನಾಮಸ್ತೋತ್ರ ಮಹಾಮನ್ತ್ರಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ಛನ್ದಃ ಸುಬ್ರಹ್ಮಣ್ಯೋ ದೇವತಾ ಶರಜನ್ಮಾಕ್ಷಯ ಇತಿ ಬೀಜಂ ಶಕ್ತಿಧರೋಽಕ್ಷಯ ಕಾರ್ತಿಕೇಯ ಇತಿ ಶಕ್ತಿಃ ಕ್ರೌಞ್ಚಧರ ಇತಿ ಕೀಲಕಂ ಶಿಖಿವಾಹನ ಇತಿ ಕವಚಂ ಷಣ್ಮುಖಾಯ ಇತಿ ಧ್ಯಾನಂ ಶ್ರೀಸುಬ್ರಹ್ಮಣ್ಯ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಕರನ್ಯಾಸಃ –
ಓಂ ಶಂ ಓಙ್ಕಾರಸ್ವರೂಪಾಯ ಓಜೋಧರಾಯ ಓಜಸ್ವಿನೇ ಸುಹೃದಯಾಯ ಹೃಷ್ಟಚಿತ್ತಾತ್ಮನೇ ಭಾಸ್ವರರೂಪಾಯ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ರಂ ಷಟ್ಕೋಣಮಧ್ಯನಿಲಯಾಯ ಷಟ್ಕಿರೀಟಧರಾಯ ಶ್ರೀಮತೇ ಷಡಾಧಾರಾಯ ತರ್ಜನೀಭ್ಯಾಂ ನಮಃ ।
ಓಂ ವಂ ಷಣ್ಮುಖಾಯ ಶರಜನ್ಮನೇ ಶುಭಲಕ್ಷಣಾಯ ಶಿಖಿವಾಹನಾಯ ಮಧ್ಯಮಾಭ್ಯಾಂ ನಮಃ ।
ಓಂ ಣಂ ಕೃಶಾನುಸಮ್ಭವಾಯ ಕವಚಿನೇ ಕುಕ್ಕುಟಧ್ವಜಾಯ ಅನಾಮಿಕಾಭ್ಯಾಂ ನಮಃ ।
ಓಂ ಭಂ ಕನ್ದರ್ಪಕೋಟಿದೀಪ್ಯಮಾನಾಯ ದ್ವಿಷಡ್ಬಾಹವೇ ದ್ವಾದಶಾಕ್ಷಾಯ ಕನಿಷ್ಠಿಕಾಭ್ಯಾಂ ನಮಃ ।
ಓಂ ವಂ ಖೇಟಧರಾಯ ಖಡ್ಗಿನೇ ಶಕ್ತಿಹಸ್ತಾಯ ಕರತಲಕರಪೃಷ್ಠಾಭ್ಯಾಂ ನಮಃ ।
ಹೃದಯಾದಿನ್ಯಾಸಃ –
ಓಂ ಶಂ ಓಙ್ಕಾರಸ್ವರೂಪಾಯ ಓಜೋಧರಾಯ ಓಜಸ್ವಿನೇ ಸುಹೃದಯಾಯ ಹೃಷ್ಟಚಿತ್ತಾತ್ಮನೇ ಭಾಸ್ವರರೂಪಾಯ ಹೃದಯಾಯ ನಮಃ ।
ಓಂ ರಂ ಷಟ್ಕೋಣಮಧ್ಯನಿಲಯಾಯ ಷಟ್ಕಿರೀಟಧರಾಯ ಶ್ರೀಮತೇ ಷಡಾಧಾರಾಯ ಶಿರಸೇ ಸ್ವಾಹಾ ।
ಓಂ ವಂ ಷಣ್ಮುಖಾಯ ಶರಜನ್ಮನೇ ಶುಭಲಕ್ಷಣಾಯ ಶಿಖಿವಾಹನಾಯ ಶಿಖಾಯೈ ವಷಟ್ ।
ಓಂ ಣಂ ಕೃಶಾನುಸಮ್ಭವಾಯ ಕವಚಿನೇ ಕುಕ್ಕುಟಧ್ವಜಾಯ ಕವಚಾಯ ಹುಮ್ ।
ಓಂ ಭಂ ಕನ್ದರ್ಪಕೋಟಿದೀಪ್ಯಮಾನಾಯ ದ್ವಿಷಡ್ಬಾಹವೇ ದ್ವಾದಶಾಕ್ಷಾಯ ನೇತ್ರತ್ರಯಾಯ ವೌಷಟ್ ।
ಓಂ ವಂ ಖೇಟಧರಾಯ ಖಡ್ಗಿನೇ ಶಕ್ತಿಹಸ್ತಾಯ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ।
ಧ್ಯಾನಮ್ ।
ಧ್ಯಾಯೇತ್ಷಣ್ಮುಖಮಿನ್ದುಕೋಟಿಸದೃಶಂ ರತ್ನಪ್ರಭಾಶೋಭಿತಂ
ಬಾಲಾರ್ಕದ್ಯುತಿಷಟ್ಕಿರೀಟವಿಲಸತ್ಕೇಯೂರಹಾರಾನ್ವಿತಮ್ ।
ಕರ್ಣಾಲಮ್ಬಿತಕುಣ್ಡಲಪ್ರವಿಲಸದ್ಗಣ್ಡಸ್ಥಲಾಶೋಭಿತಂ
ಕಾಞ್ಚೀಕಙ್ಕಣಕಿಙ್ಕಿಣೀರವಯುತಂ ಶೃಙ್ಗಾರಸಾರೋದಯಮ್ ॥ 1 ॥
ಧ್ಯಾಯೇದೀಪ್ಸಿತಸಿದ್ಧಿದಂ ಶಿವಸುತಂ ಶ್ರೀದ್ವಾದಶಾಕ್ಷಂ ಗುಹಂ
ಖೇಟಂ ಕುಕ್ಕುಟಮಙ್ಕುಶಂ ಚ ವರದಂ ಪಾಶಂ ಧನುಶ್ಚಕ್ರಕಮ್ ।
ವಜ್ರಂ ಶಕ್ತಿಮಸಿಂ ಚ ಶೂಲಮಭಯಂ ದೋರ್ಭಿರ್ಧೃತಂ ಷಣ್ಮುಖಂ
ದೇವಂ ಚಿತ್ರಮಯೂರವಾಹನಗತಂ ಚಿತ್ರಾಮ್ಬರಾಲಙ್ಕೃತಮ್ ॥ 2 ॥
ಸ್ತೋತ್ರಮ್ ।
ಅಚಿನ್ತ್ಯಶಕ್ತಿರನಘಸ್ತ್ವಕ್ಷೋಭ್ಯಸ್ತ್ವಪರಾಜಿತಃ ।
ಅನಾಥವತ್ಸಲೋಽಮೋಘಸ್ತ್ವಶೋಕೋಽಪ್ಯಜರೋಽಭಯಃ ॥ 1 ॥
ಅತ್ಯುದಾರೋ ಹ್ಯಘಹರಸ್ತ್ವಗ್ರಗಣ್ಯೋಽದ್ರಿಜಾಸುತಃ ।
ಅನನ್ತಮಹಿಮಾಽಪಾರೋಽನನ್ತಸೌಖ್ಯಪ್ರದೋಽವ್ಯಯಃ ॥ 2 ॥
ಅನನ್ತಮೋಕ್ಷದೋಽನಾದಿರಪ್ರಮೇಯೋಽಕ್ಷರೋಽಚ್ಯುತಃ ।
ಅಕಲ್ಮಷೋಽಭಿರಾಮೋಽಗ್ರಧುರ್ಯಶ್ಚಾಮಿತವಿಕ್ರಮಃ ॥ 3 ॥
ಅನಾಥನಾಥೋ ಹ್ಯಮಲೋ ಹ್ಯಪ್ರಮತ್ತೋಽಮರಪ್ರಭುಃ ।
ಅರಿನ್ದಮೋಽಖಿಲಾಧಾರಸ್ತ್ವಣಿಮಾದಿಗುಣೋಽಗ್ರಣೀಃ ॥ 4 ॥
ಅಚಞ್ಚಲೋಽಮರಸ್ತುತ್ಯೋ ಹ್ಯಕಲಙ್ಕೋಽಮಿತಾಶನಃ ।
ಅಗ್ನಿಭೂರನವದ್ಯಾಙ್ಗೋ ಹ್ಯದ್ಭುತೋಽಭೀಷ್ಟದಾಯಕಃ ॥ 5 ॥
ಅತೀನ್ದ್ರಿಯೋಽಪ್ರಮೇಯಾತ್ಮಾ ಹ್ಯದೃಶ್ಯೋಽವ್ಯಕ್ತಲಕ್ಷಣಃ ।
ಆಪದ್ವಿನಾಶಕಸ್ತ್ವಾರ್ಯ ಆಢ್ಯ ಆಗಮಸಂಸ್ತುತಃ ॥ 6 ॥
ಆರ್ತಸಂರಕ್ಷಣಸ್ತ್ವಾದ್ಯ ಆನನ್ದಸ್ತ್ವಾರ್ಯಸೇವಿತಃ ।
ಆಶ್ರಿತೇಷ್ಟಾರ್ಥವರದ ಆನನ್ದ್ಯಾರ್ತಫಲಪ್ರದಃ ॥ 7 ॥
ಆಶ್ಚರ್ಯರೂಪ ಆನನ್ದ ಆಪನ್ನಾರ್ತಿವಿನಾಶನಃ ।
ಇಭವಕ್ತ್ರಾನುಜಸ್ತ್ವಿಷ್ಟ ಇಭಾಸುರಹರಾತ್ಮಜಃ ॥ 8 ॥
ಇತಿಹಾಸಶ್ರುತಿಸ್ತುತ್ಯ ಇನ್ದ್ರಭೋಗಫಲಪ್ರದಃ ।
ಇಷ್ಟಾಪೂರ್ತಫಲಪ್ರಾಪ್ತಿರಿಷ್ಟೇಷ್ಟವರದಾಯಕಃ ॥ 9 ॥
ಇಹಾಮುತ್ರೇಷ್ಟಫಲದ ಇಷ್ಟದಸ್ತ್ವಿನ್ದ್ರವನ್ದಿತಃ ।
ಈಡನೀಯಸ್ತ್ವೀಶಪುತ್ರ ಈಪ್ಸಿತಾರ್ಥಪ್ರದಾಯಕಃ ॥ 10 ॥
ಈತಿಭೀತಿಹರಶ್ಚೇಡ್ಯ ಈಷಣಾತ್ರಯವರ್ಜಿತಃ ।
ಉದಾರಕೀರ್ತಿರುದ್ಯೋಗೀ ಚೋತ್ಕೃಷ್ಟೋರುಪರಾಕ್ರಮಃ ॥ 11 ॥
ಉತ್ಕೃಷ್ಟಶಕ್ತಿರುತ್ಸಾಹ ಉದಾರಶ್ಚೋತ್ಸವಪ್ರಿಯಃ ।
ಉಜ್ಜೃಮ್ಭ ಉದ್ಭವಶ್ಚೋಗ್ರ ಉದಗ್ರಶ್ಚೋಗ್ರಲೋಚನಃ ॥ 12 ॥
ಉನ್ಮತ್ತ ಉಗ್ರಶಮನ ಉದ್ವೇಗಘ್ನೋರಗೇಶ್ವರಃ ।
ಉರುಪ್ರಭಾವಶ್ಚೋದೀರ್ಣ ಉಮಾಪುತ್ರ ಉದಾರಧೀಃ ॥ 13 ॥
ಊರ್ಧ್ವರೇತಃಸುತಸ್ತೂರ್ಧ್ವಗತಿದಸ್ತೂರ್ಜಪಾಲಕಃ ।
ಊರ್ಜಿತಸ್ತೂರ್ಧ್ವಗಸ್ತೂರ್ಧ್ವ ಊರ್ಧ್ವಲೋಕೈಕನಾಯಕಃ ॥ 14 ॥
ಊರ್ಜಾವಾನೂರ್ಜಿತೋದಾರ ಊರ್ಜಿತೋರ್ಜಿತಶಾಸನಃ ।
ಋಷಿದೇವಗಣಸ್ತುತ್ಯ ಋಣತ್ರಯವಿಮೋಚನಃ ॥ 15 ॥
ಋಜುರೂಪೋ ಹ್ಯೃಜುಕರ ಋಜುಮಾರ್ಗಪ್ರದರ್ಶನಃ ।
ಋತಮ್ಭರೋ ಹ್ಯೃಜುಪ್ರೀತ ಋಷಭಸ್ತ್ವೃದ್ಧಿದಸ್ತ್ವೃತಃ ॥ 16 ॥
ಲುಲಿತೋದ್ಧಾರಕೋ ಲೂತಭವಪಾಶಪ್ರಭಞ್ಜನಃ ।
ಏಣಾಙ್ಕಧರಸತ್ಪುತ್ರ ಏಕ ಏನೋವಿನಾಶನಃ ॥ 17 ॥
ಐಶ್ವರ್ಯದಶ್ಚೈನ್ದ್ರಭೋಗೀ ಚೈತಿಹ್ಯಶ್ಚೈನ್ದ್ರವನ್ದಿತಃ ।
ಓಜಸ್ವೀ ಚೌಷಧಿಸ್ಥಾನಮೋಜೋದಶ್ಚೌದನಪ್ರದಃ ॥ 18 ॥
ಔದಾರ್ಯಶೀಲ ಔಮೇಯ ಔಗ್ರ ಔನ್ನತ್ಯದಾಯಕಃ ।
ಔದಾರ್ಯ ಔಷಧಕರ ಔಷಧಂ ಚೌಷಧಾಕರಃ ॥ 19 ॥
ಅಂಶುಮಾನಂಶುಮಾಲೀಡ್ಯ ಅಮ್ಬಿಕಾತನಯೋಽನ್ನದಃ ।
ಅನ್ಧಕಾರಿಸುತೋಽನ್ಧತ್ವಹಾರೀ ಚಾಮ್ಬುಜಲೋಚನಃ ॥ 20 ॥
ಅಸ್ತಮಾಯೋಽಮರಾಧೀಶೋ ಹ್ಯಸ್ಪಷ್ಟೋಽಸ್ತೋಕಪುಣ್ಯದಃ ।
ಅಸ್ತಾಮಿತ್ರೋಽಸ್ತರೂಪಶ್ಚಾಸ್ಖಲತ್ಸುಗತಿದಾಯಕಃ ॥ 21 ॥
ಕಾರ್ತಿಕೇಯಃ ಕಾಮರೂಪಃ ಕುಮಾರಃ ಕ್ರೌಞ್ಚದಾರಣಃ ।
ಕಾಮದಃ ಕಾರಣಂ ಕಾಮ್ಯಃ ಕಮನೀಯಃ ಕೃಪಾಕರಃ ॥ 22 ॥
ಕಾಞ್ಚನಾಭಃ ಕಾನ್ತಿಯುಕ್ತಃ ಕಾಮೀ ಕಾಮಪ್ರದಃ ಕವಿಃ ।
ಕೀರ್ತಿಕೃತ್ಕುಕ್ಕುಟಧರಃ ಕೂಟಸ್ಥಃ ಕುವಲೇಕ್ಷಣಃ ॥ 23 ॥
ಕುಙ್ಕುಮಾಙ್ಗಃ ಕ್ಲಮಹರಃ ಕುಶಲಃ ಕುಕ್ಕುಟಧ್ವಜಃ ।
ಕುಶಾನುಸಮ್ಭವಃ ಕ್ರೂರಃ ಕ್ರೂರಘ್ನಃ ಕಲಿತಾಪಹೃತ್ ॥ 24 ॥
ಕಾಮರೂಪಃ ಕಲ್ಪತರುಃ ಕಾನ್ತಃ ಕಾಮಿತದಾಯಕಃ ।
ಕಲ್ಯಾಣಕೃತ್ಕ್ಲೇಶನಾಶಃ ಕೃಪಾಲುಃ ಕರುಣಾಕರಃ ॥ 25 ॥
ಕಲುಷಘ್ನಃ ಕ್ರಿಯಾಶಕ್ತಿಃ ಕಠೋರಃ ಕವಚೀ ಕೃತೀ ।
ಕೋಮಲಾಙ್ಗಃ ಕುಶಪ್ರೀತಃ ಕುತ್ಸಿತಘ್ನಃ ಕಲಾಧರಃ ॥ 26 ॥
ಖ್ಯಾತಃ ಖೇಟಧರಃ ಖಡ್ಗೀ ಖಟ್ವಾಙ್ಗೀ ಖಲನಿಗ್ರಹಃ ।
ಖ್ಯಾತಿಪ್ರದಃ ಖೇಚರೇಶಃ ಖ್ಯಾತೇಹಃ ಖೇಚರಸ್ತುತಃ ॥ 27 ॥
ಖರತಾಪಹರಃ ಸ್ವಸ್ಥಃ ಖೇಚರಃ ಖೇಚರಾಶ್ರಯಃ ।
ಖಣ್ಡೇನ್ದುಮೌಲಿತನಯಃ ಖೇಲಃ ಖೇಚರಪಾಲಕಃ ॥ 28 ॥
ಖಸ್ಥಲಃ ಖಣ್ಡಿತಾರ್ಕಶ್ಚ ಖೇಚರೀಜನಪೂಜಿತಃ ।
ಗಾಙ್ಗೇಯೋ ಗಿರಿಜಾಪುತ್ರೋ ಗಣನಾಥಾನುಜೋ ಗುಹಃ ॥ 29 ॥
ಗೋಪ್ತಾ ಗೀರ್ವಾಣಸಂಸೇವ್ಯೋ ಗುಣಾತೀತೋ ಗುಹಾಶ್ರಯಃ ।
ಗತಿಪ್ರದೋ ಗುಣನಿಧಿಃ ಗಮ್ಭೀರೋ ಗಿರಿಜಾತ್ಮಜಃ ॥ 30 ॥
ಗೂಢರೂಪೋ ಗದಹರೋ ಗುಣಾಧೀಶೋ ಗುಣಾಗ್ರಣೀಃ ।
ಗೋಧರೋ ಗಹನೋ ಗುಪ್ತೋ ಗರ್ವಘ್ನೋ ಗುಣವರ್ಧನಃ ॥ 31 ॥
ಗುಹ್ಯೋ ಗುಣಜ್ಞೋ ಗೀತಿಜ್ಞೋ ಗತಾತಙ್ಕೋ ಗುಣಾಶ್ರಯಃ ।
ಗದ್ಯಪದ್ಯಪ್ರಿಯೋ ಗುಣ್ಯೋ ಗೋಸ್ತುತೋ ಗಗನೇಚರಃ ॥ 32 ॥
ಗಣನೀಯಚರಿತ್ರಶ್ಚ ಗತಕ್ಲೇಶೋ ಗುಣಾರ್ಣವಃ ।
ಘೂರ್ಣಿತಾಕ್ಷೋ ಘೃಣಿನಿಧಿಃ ಘನಗಮ್ಭೀರಘೋಷಣಃ ॥ 33 ॥
ಘಣ್ಟಾನಾದಪ್ರಿಯೋ ಘೋಷೋ ಘೋರಾಘೌಘವಿನಾಶನಃ ।
ಘನಾನನ್ದೋ ಘರ್ಮಹನ್ತಾ ಘೃಣಾವಾನ್ ಘೃಷ್ಟಿಪಾತಕಃ ॥ 34 ॥
ಘೃಣೀ ಘೃಣಾಕರೋ ಘೋರೋ ಘೋರದೈತ್ಯಪ್ರಹಾರಕಃ ।
ಘಟಿತೈಶ್ವರ್ಯಸನ್ದೋಹೋ ಘನಾರ್ಥೋ ಘನಸಙ್ಕ್ರಮಃ ॥ 35 ॥
ಚಿತ್ರಕೃಚ್ಚಿತ್ರವರ್ಣಶ್ಚ ಚಞ್ಚಲಶ್ಚಪಲದ್ಯುತಿಃ ।
ಚಿನ್ಮಯಶ್ಚಿತ್ಸ್ವರೂಪಶ್ಚ ಚಿರಾನನ್ದಶ್ಚಿರನ್ತನಃ ॥ 36 ॥
ಚಿತ್ರಕೇಲಿಶ್ಚಿತ್ರತರಶ್ಚಿನ್ತನೀಯಶ್ಚಮತ್ಕೃತಿಃ ।
ಚೋರಘ್ನಶ್ಚತುರಶ್ಚಾರುಶ್ಚಾಮೀಕರವಿಭೂಷಣಃ ॥ 37 ॥
ಚನ್ದ್ರಾರ್ಕಕೋಟಿಸದೃಶಶ್ಚನ್ದ್ರಮೌಲಿತನೂಭವಃ ।
ಛಾದಿತಾಙ್ಗಶ್ಛದ್ಮಹನ್ತಾ ಛೇದಿತಾಖಿಲಪಾತಕಃ ॥ 38 ॥
ಛೇದೀಕೃತತಮಃಕ್ಲೇಶಶ್ಛತ್ರೀಕೃತಮಹಾಯಶಾಃ ।
ಛಾದಿತಾಶೇಷಸನ್ತಾಪಶ್ಛುರಿತಾಮೃತಸಾಗರಃ ॥ 39 ॥
ಛನ್ನತ್ರೈಗುಣ್ಯರೂಪಶ್ಚ ಛಾತೇಹಶ್ಛಿನ್ನಸಂಶಯಃ ।
ಛನ್ದೋಮಯಶ್ಛನ್ದಗಾಮೀ ಛಿನ್ನಪಾಶಶ್ಛವಿಶ್ಛದಃ ॥ 40 ॥
ಜಗದ್ಧಿತೋ ಜಗತ್ಪೂಜ್ಯೋ ಜಗಜ್ಜ್ಯೇಷ್ಠೋ ಜಗನ್ಮಯಃ ।
ಜನಕೋ ಜಾಹ್ನವೀಸೂನುರ್ಜಿತಾಮಿತ್ರೋ ಜಗದ್ಗುರುಃ ॥ 41 ॥
ಜಯೀ ಜಿತೇನ್ದ್ರಿಯೋ ಜೈತ್ರೋ ಜರಾಮರಣವರ್ಜಿತಃ ।
ಜ್ಯೋತಿರ್ಮಯೋ ಜಗನ್ನಾಥೋ ಜಗಜ್ಜೀವೋ ಜನಾಶ್ರಯಃ ॥ 42 ॥
ಜಗತ್ಸೇವ್ಯೋ ಜಗತ್ಕರ್ತಾ ಜಗತ್ಸಾಕ್ಷೀ ಜಗತ್ಪ್ರಿಯಃ ।
ಜಮ್ಭಾರಿವನ್ದ್ಯೋ ಜಯದೋ ಜಗಜ್ಜನಮನೋಹರಃ ॥ 43 ॥
ಜಗದಾನನ್ದಜನಕೋ ಜನಜಾಡ್ಯಾಪಹಾರಕಃ ।
ಜಪಾಕುಸುಮಸಙ್ಕಾಶೋ ಜನಲೋಚನಶೋಭನಃ ॥ 44 ॥
ಜನೇಶ್ವರೋ ಜಿತಕ್ರೋಧೋ ಜನಜನ್ಮನಿಬರ್ಹಣಃ ।
ಜಯದೋ ಜನ್ತುತಾಪಘ್ನೋ ಜಿತದೈತ್ಯಮಹಾವ್ರಜಃ ॥ 45 ॥
ಜಿತಮಾಯೋ ಜಿತಕ್ರೋಧೋ ಜಿತಸಙ್ಗೋ ಜನಪ್ರಿಯಃ ।
ಝಞ್ಝಾನಿಲಮಹಾವೇಗೋ ಝರಿತಾಶೇಷಪಾತಕಃ ॥ 46 ॥
ಝರ್ಝರೀಕೃತದೈತ್ಯೌಘೋ ಝಲ್ಲರೀವಾದ್ಯಸಮ್ಪ್ರಿಯಃ ।
ಜ್ಞಾನಮೂರ್ತಿರ್ಜ್ಞಾನಗಮ್ಯೋ ಜ್ಞಾನೀ ಜ್ಞಾನಮಹಾನಿಧಿಃ ॥ 47 ॥
ಟಙ್ಕಾರನೃತ್ತವಿಭವಃ ಟಙ್ಕವಜ್ರಧ್ವಜಾಙ್ಕಿತಃ ।
ಟಙ್ಕಿತಾಖಿಲಲೋಕಶ್ಚ ಟಙ್ಕಿತೈನಸ್ತಮೋರವಿಃ ॥ 48 ॥
ಡಮ್ಬರಪ್ರಭವೋ ಡಮ್ಭೋ ಡಮ್ಬೋ ಡಮರುಕಪ್ರಿಯಃ । [ಡಮಡ್ಡ]
ಡಮರೋತ್ಕಟಸನ್ನಾದೋ ಡಿಮ್ಭರೂಪಸ್ವರೂಪಕಃ ॥ 49 ॥
ಢಕ್ಕಾನಾದಪ್ರೀತಿಕರೋ ಢಾಲಿತಾಸುರಸಙ್ಕುಲಃ ।
ಢೌಕಿತಾಮರಸನ್ದೋಹೋ ಢುಣ್ಢಿವಿಘ್ನೇಶ್ವರಾನುಜಃ ॥ 50 ॥
ತತ್ತ್ವಜ್ಞಸ್ತತ್ವಗಸ್ತೀವ್ರಸ್ತಪೋರೂಪಸ್ತಪೋಮಯಃ ।
ತ್ರಯೀಮಯಸ್ತ್ರಿಕಾಲಜ್ಞಸ್ತ್ರಿಮೂರ್ತಿಸ್ತ್ರಿಗುಣಾತ್ಮಕಃ ॥ 51 ॥
ತ್ರಿದಶೇಶಸ್ತಾರಕಾರಿಸ್ತಾಪಘ್ನಸ್ತಾಪಸಪ್ರಿಯಃ ।
ತುಷ್ಟಿದಸ್ತುಷ್ಟಿಕೃತ್ತೀಕ್ಷ್ಣಸ್ತಪೋರೂಪಸ್ತ್ರಿಕಾಲವಿತ್ ॥ 52 ॥
ಸ್ತೋತಾ ಸ್ತವ್ಯಃ ಸ್ತವಪ್ರೀತಃ ಸ್ತುತಿಃ ಸ್ತೋತ್ರಂ ಸ್ತುತಿಪ್ರಿಯಃ ।
ಸ್ಥಿತಃ ಸ್ಥಾಯೀ ಸ್ಥಾಪಕಶ್ಚ ಸ್ಥೂಲಸೂಕ್ಷ್ಮಪ್ರದರ್ಶಕಃ ॥ 53 ॥
ಸ್ಥವಿಷ್ಠಃ ಸ್ಥವಿರಃ ಸ್ಥೂಲಃ ಸ್ಥಾನದಃ ಸ್ಥೈರ್ಯದಃ ಸ್ಥಿರಃ ।
ದಾನ್ತೋ ದಯಾಪರೋ ದಾತಾ ದುರಿತಘ್ನೋ ದುರಾಸದಃ ॥ 54 ॥
ದರ್ಶನೀಯೋ ದಯಾಸಾರೋ ದೇವದೇವೋ ದಯಾನಿಧಿಃ ।
ದುರಾಧರ್ಷೋ ದುರ್ವಿಗಾಹ್ಯೋ ದಕ್ಷೋ ದರ್ಪಣಶೋಭಿತಃ ॥ 55 ॥
ದುರ್ಧರೋ ದಾನಶೀಲಶ್ಚ ದ್ವಾದಶಾಕ್ಷೋ ದ್ವಿಷಡ್ಭುಜಃ ।
ದ್ವಿಷಟ್ಕರ್ಣೋ ದ್ವಿಷಡ್ಬಾಹುರ್ದೀನಸನ್ತಾಪನಾಶನಃ ॥ 56 ॥
ದನ್ದಶೂಕೇಶ್ವರೋ ದೇವೋ ದಿವ್ಯೋ ದಿವ್ಯಾಕೃತಿರ್ದಮಃ ।
ದೀರ್ಘವೃತ್ತೋ ದೀರ್ಘಬಾಹುರ್ದೀರ್ಘದೃಷ್ಟಿರ್ದಿವಸ್ಪತಿಃ ॥ 57 ॥
ದಣ್ಡೋ ದಮಯಿತಾ ದರ್ಪೋ ದೇವಸಿಂಹೋ ದೃಢವ್ರತಃ ।
ದುರ್ಲಭೋ ದುರ್ಗಮೋ ದೀಪ್ತೋ ದುಷ್ಪ್ರೇಕ್ಷ್ಯೋ ದಿವ್ಯಮಣ್ಡನಃ ॥ 58 ॥
ದುರೋದರಘ್ನೋ ದುಃಖಘ್ನೋ ದುರಾರಿಘ್ನೋ ದಿಶಾಂ ಪತಿಃ ।
ದುರ್ಜಯೋ ದೇವಸೇನೇಶೋ ದುರ್ಜ್ಞೇಯೋ ದುರತಿಕ್ರಮಃ ॥ 59 ॥
ದಮ್ಭೋ ದೃಪ್ತಶ್ಚ ದೇವರ್ಷಿರ್ದೈವಜ್ಞೋ ದೈವಚಿನ್ತಕಃ ।
ಧುರನ್ಧರೋ ಧರ್ಮಪರೋ ಧನದೋ ಧೃತಿವರ್ಧನಃ ॥ 60 ॥
ಧರ್ಮೇಶೋ ಧರ್ಮಶಾಸ್ತ್ರಜ್ಞೋ ಧನ್ವೀ ಧರ್ಮಪರಾಯಣಃ ।
ಧನಾಧ್ಯಕ್ಷೋ ಧನಪತಿರ್ಧೃತಿಮಾನ್ಧೂತಕಿಲ್ಬಿಷಃ ॥ 61 ॥
ಧರ್ಮಹೇತುರ್ಧರ್ಮಶೂರೋ ಧರ್ಮಕೃದ್ಧರ್ಮವಿದ್ಧ್ರುವಃ ।
ಧಾತಾ ಧೀಮಾನ್ಧರ್ಮಚಾರೀ ಧನ್ಯೋ ಧುರ್ಯೋ ಧೃತವ್ರತಃ ॥ 62 ॥
ನಿತ್ಯೋತ್ಸವೋ ನಿತ್ಯತೃಪ್ತೋ ನಿರ್ಲೇಪೋ ನಿಶ್ಚಲಾತ್ಮಕಃ ।
ನಿರವದ್ಯೋ ನಿರಾಧಾರೋ ನಿಷ್ಕಲಙ್ಕೋ ನಿರಞ್ಜನಃ ॥ 63 ॥
ನಿರ್ಮಮೋ ನಿರಹಙ್ಕಾರೋ ನಿರ್ಮೋಹೋ ನಿರುಪದ್ರವಃ ।
ನಿತ್ಯಾನನ್ದೋ ನಿರಾತಙ್ಕೋ ನಿಷ್ಪ್ರಪಞ್ಚೋ ನಿರಾಮಯಃ ॥ 64 ॥
ನಿರವದ್ಯೋ ನಿರೀಹಶ್ಚ ನಿರ್ದರ್ಶೋ ನಿರ್ಮಲಾತ್ಮಕಃ ।
ನಿತ್ಯಾನನ್ದೋ ನಿರ್ಜರೇಶೋ ನಿಃಸಙ್ಗೋ ನಿಗಮಸ್ತುತಃ ॥ 65 ॥
ನಿಷ್ಕಣ್ಟಕೋ ನಿರಾಲಮ್ಬೋ ನಿಷ್ಪ್ರತ್ಯೂಹೋ ನಿರುದ್ಭವಃ ।
ನಿತ್ಯೋ ನಿಯತಕಲ್ಯಾಣೋ ನಿರ್ವಿಕಲ್ಪೋ ನಿರಾಶ್ರಯಃ ॥ 66 ॥
ನೇತಾ ನಿಧಿರ್ನೈಕರೂಪೋ ನಿರಾಕಾರೋ ನದೀಸುತಃ ।
ಪುಲಿನ್ದಕನ್ಯಾರಮಣಃ ಪುರುಜಿತ್ಪರಮಪ್ರಿಯಃ ॥ 67 ॥
ಪ್ರತ್ಯಕ್ಷಮೂರ್ತಿಃ ಪ್ರತ್ಯಕ್ಷಃ ಪರೇಶಃ ಪೂರ್ಣಪುಣ್ಯದಃ ।
ಪುಣ್ಯಾಕರಃ ಪುಣ್ಯರೂಪಃ ಪುಣ್ಯಃ ಪುಣ್ಯಪರಾಯಣಃ ॥ 68 ॥
ಪುಣ್ಯೋದಯಃ ಪರಂ ಜ್ಯೋತಿಃ ಪುಣ್ಯಕೃತ್ಪುಣ್ಯವರ್ಧನಃ ।
ಪರಾನನ್ದಃ ಪರತರಃ ಪುಣ್ಯಕೀರ್ತಿಃ ಪುರಾತನಃ ॥ 69 ॥
ಪ್ರಸನ್ನರೂಪಃ ಪ್ರಾಣೇಶಃ ಪನ್ನಗಃ ಪಾಪನಾಶನಃ ।
ಪ್ರಣತಾರ್ತಿಹರಃ ಪೂರ್ಣಃ ಪಾರ್ವತೀನನ್ದನಃ ಪ್ರಭುಃ ॥ 70 ॥
ಪೂತಾತ್ಮಾ ಪುರುಷಃ ಪ್ರಾಣಃ ಪ್ರಭವಃ ಪುರುಷೋತ್ತಮಃ ।
ಪ್ರಸನ್ನಃ ಪರಮಸ್ಪಷ್ಟಃ ಪರಃ ಪರಿಬೃಢಃ ಪರಃ ॥ 71 ॥
ಪರಮಾತ್ಮಾ ಪರಬ್ರಹ್ಮ ಪರಾರ್ಥಃ ಪ್ರಿಯದರ್ಶನಃ ।
ಪವಿತ್ರಃ ಪುಷ್ಟಿದಃ ಪೂರ್ತಿಃ ಪಿಙ್ಗಲಃ ಪುಷ್ಟಿವರ್ಧನಃ ॥ 72 ॥
ಪಾಪಹಾರೀ ಪಾಶಧರಃ ಪ್ರಮತ್ತಾಸುರಶಿಕ್ಷಕಃ ।
ಪಾವನಃ ಪಾವಕಃ ಪೂಜ್ಯಃ ಪೂರ್ಣಾನನ್ದಃ ಪರಾತ್ಪರಃ ॥ 73 ॥
ಪುಷ್ಕಲಃ ಪ್ರವರಃ ಪೂರ್ವಃ ಪಿತೃಭಕ್ತಃ ಪುರೋಗಮಃ ।
ಪ್ರಾಣದಃ ಪ್ರಾಣಿಜನಕಃ ಪ್ರದಿಷ್ಟಃ ಪಾವಕೋದ್ಭವಃ ॥ 74 ॥
ಪರಬ್ರಹ್ಮಸ್ವರೂಪಶ್ಚ ಪರಮೈಶ್ವರ್ಯಕಾರಣಮ್ ।
ಪರರ್ಧಿದಃ ಪುಷ್ಟಿಕರಃ ಪ್ರಕಾಶಾತ್ಮಾ ಪ್ರತಾಪವಾನ್ ॥ 75 ॥
ಪ್ರಜ್ಞಾಪರಃ ಪ್ರಕೃಷ್ಟಾರ್ಥಃ ಪೃಥುಃ ಪೃಥುಪರಾಕ್ರಮಃ ।
ಫಣೀಶ್ವರಃ ಫಣಿವರಃ ಫಣಾಮಣಿವಿಭೂಷಣಃ ॥ 76 ॥
ಫಲದಃ ಫಲಹಸ್ತಶ್ಚ ಫುಲ್ಲಾಮ್ಬುಜವಿಲೋಚನಃ ।
ಫಡುಚ್ಚಾಟಿತಪಾಪೌಘಃ ಫಣಿಲೋಕವಿಭೂಷಣಃ ॥ 77 ॥
ಬಾಹುಲೇಯೋ ಬೃಹದ್ರೂಪೋ ಬಲಿಷ್ಠೋ ಬಲವಾನ್ ಬಲೀ ।
ಬ್ರಹ್ಮೇಶವಿಷ್ಣುರೂಪಶ್ಚ ಬುದ್ಧೋ ಬುದ್ಧಿಮತಾಂ ವರಃ ॥ 78 ॥
ಬಾಲರೂಪೋ ಬ್ರಹ್ಮಗರ್ಭೋ ಬ್ರಹ್ಮಚಾರೀ ಬುಧಪ್ರಿಯಃ ।
ಬಹುಶ್ರುತೋ ಬಹುಮತೋ ಬ್ರಹ್ಮಣ್ಯೋ ಬ್ರಾಹ್ಮಣಪ್ರಿಯಃ ॥ 79 ॥
ಬಲಪ್ರಮಥನೋ ಬ್ರಹ್ಮಾ ಬಹುರೂಪೋ ಬಹುಪ್ರದಃ ।
ಬೃಹದ್ಭಾನುತನೂದ್ಭೂತೋ ಬೃಹತ್ಸೇನೋ ಬಿಲೇಶಯಃ ॥ 80 ॥
ಬಹುಬಾಹುರ್ಬಲಶ್ರೀಮಾನ್ ಬಹುದೈತ್ಯವಿನಾಶಕಃ ।
ಬಿಲದ್ವಾರಾನ್ತರಾಲಸ್ಥೋ ಬೃಹಚ್ಛಕ್ತಿಧನುರ್ಧರಃ ॥ 81 ॥
ಬಾಲಾರ್ಕದ್ಯುತಿಮಾನ್ ಬಾಲೋ ಬೃಹದ್ವಕ್ಷಾ ಬೃಹದ್ಧನುಃ ।
ಭವ್ಯೋ ಭೋಗೀಶ್ವರೋ ಭಾವ್ಯೋ ಭವನಾಶೋ ಭವಪ್ರಿಯಃ ॥ 82 ॥
ಭಕ್ತಿಗಮ್ಯೋ ಭಯಹರೋ ಭಾವಜ್ಞೋ ಭಕ್ತಸುಪ್ರಿಯಃ ।
ಭುಕ್ತಿಮುಕ್ತಿಪ್ರದೋ ಭೋಗೀ ಭಗವಾನ್ ಭಾಗ್ಯವರ್ಧನಃ ॥ 83 ॥
ಭ್ರಾಜಿಷ್ಣುರ್ಭಾವನೋ ಭರ್ತಾ ಭೀಮೋ ಭೀಮಪರಾಕ್ರಮಃ ।
ಭೂತಿದೋ ಭೂತಿಕೃದ್ಭೋಕ್ತಾ ಭೂತಾತ್ಮಾ ಭುವನೇಶ್ವರಃ ॥ 84 ॥
ಭಾವಕೋ ಭೀಕರೋ ಭೀಷ್ಮೋ ಭಾವಕೇಷ್ಟೋ ಭವೋದ್ಭವಃ ।
ಭವತಾಪಪ್ರಶಮನೋ ಭೋಗವಾನ್ ಭೂತಭಾವನಃ ॥ 85 ॥
ಭೋಜ್ಯಪ್ರದೋ ಭ್ರಾನ್ತಿನಾಶೋ ಭಾನುಮಾನ್ ಭುವನಾಶ್ರಯಃ ।
ಭೂರಿಭೋಗಪ್ರದೋ ಭದ್ರೋ ಭಜನೀಯೋ ಭಿಷಗ್ವರಃ ॥ 86 ॥
ಮಹಾಸೇನೋ ಮಹೋದಾರೋ ಮಹಾಶಕ್ತಿರ್ಮಹಾದ್ಯುತಿಃ ।
ಮಹಾಬುದ್ಧಿರ್ಮಹಾವೀರ್ಯೋ ಮಹೋತ್ಸಾಹೋ ಮಹಾಬಲಃ ॥ 87 ॥
ಮಹಾಭೋಗೀ ಮಹಾಮಾಯೀ ಮೇಧಾವೀ ಮೇಖಲೀ ಮಹಾನ್ ।
ಮುನಿಸ್ತುತೋ ಮಹಾಮಾನ್ಯೋ ಮಹಾನನ್ದೋ ಮಹಾಯಶಾಃ ॥ 88 ॥
ಮಹೋರ್ಜಿತೋ ಮಾನನಿಧಿರ್ಮನೋರಥಫಲಪ್ರದಃ ।
ಮಹೋದಯೋ ಮಹಾಪುಣ್ಯೋ ಮಹಾಬಲಪರಾಕ್ರಮಃ ॥ 89 ॥
ಮಾನದೋ ಮತಿದೋ ಮಾಲೀ ಮುಕ್ತಾಮಾಲಾವಿಭೂಷಣಃ ।
ಮನೋಹರೋ ಮಹಾಮುಖ್ಯೋ ಮಹರ್ಧಿರ್ಮೂರ್ತಿಮಾನ್ಮುನಿಃ ॥ 90 ॥
ಮಹೋತ್ತಮೋ ಮಹೋಪಾಯೋ ಮೋಕ್ಷದೋ ಮಙ್ಗಲಪ್ರದಃ ।
ಮುದಾಕರೋ ಮುಕ್ತಿದಾತಾ ಮಹಾಭೋಗೋ ಮಹೋರಗಃ ॥ 91 ॥
ಯಶಸ್ಕರೋ ಯೋಗಯೋನಿರ್ಯೋಗಿಷ್ಠೋ ಯಮಿನಾಂ ವರಃ ।
ಯಶಸ್ವೀ ಯೋಗಪುರುಷೋ ಯೋಗ್ಯೋ ಯೋಗನಿಧಿರ್ಯಮೀ ॥ 92 ॥
ಯತಿಸೇವ್ಯೋ ಯೋಗಯುಕ್ತೋ ಯೋಗವಿದ್ಯೋಗಸಿದ್ಧಿದಃ ।
ಯನ್ತ್ರೋ ಯನ್ತ್ರೀ ಚ ಯನ್ತ್ರಜ್ಞೋ ಯನ್ತ್ರವಾನ್ಯನ್ತ್ರವಾಹಕಃ ॥ 93 ॥
ಯಾತನಾರಹಿತೋ ಯೋಗೀ ಯೋಗೀಶೋ ಯೋಗಿನಾಂ ವರಃ ।
ರಮಣೀಯೋ ರಮ್ಯರೂಪೋ ರಸಜ್ಞೋ ರಸಭಾವನಃ ॥ 94 ॥
ರಞ್ಜನೋ ರಞ್ಜಿತೋ ರಾಗೀ ರುಚಿರೋ ರುದ್ರಸಮ್ಭವಃ ।
ರಣಪ್ರಿಯೋ ರಣೋದಾರೋ ರಾಗದ್ವೇಷವಿನಾಶನಃ ॥ 95 ॥
ರತ್ನಾರ್ಚೀ ರುಚಿರೋ ರಮ್ಯೋ ರೂಪಲಾವಣ್ಯವಿಗ್ರಹಃ ।
ರತ್ನಾಙ್ಗದಧರೋ ರತ್ನಭೂಷಣೋ ರಮಣೀಯಕಃ ॥ 96 ॥
ರುಚಿಕೃದ್ರೋಚಮಾನಶ್ಚ ರಞ್ಜಿತೋ ರೋಗನಾಶನಃ ।
ರಾಜೀವಾಕ್ಷೋ ರಾಜರಾಜೋ ರಕ್ತಮಾಲ್ಯಾನುಲೇಪನಃ ॥ 97 ॥
ರಾಜದ್ವೇದಾಗಮಸ್ತುತ್ಯೋ ರಜಃಸತ್ತ್ವಗುಣಾನ್ವಿತಃ ।
ರಜನೀಶಕಲಾರಮ್ಯೋ ರತ್ನಕುಣ್ಡಲಮಣ್ಡಿತಃ ॥ 98 ॥
ರತ್ನಸನ್ಮೌಲಿಶೋಭಾಢ್ಯೋ ರಣನ್ಮಞ್ಜೀರಭೂಷಣಃ ।
ಲೋಕೈಕನಾಥೋ ಲೋಕೇಶೋ ಲಲಿತೋ ಲೋಕನಾಯಕಃ ॥ 99 ॥
ಲೋಕರಕ್ಷೋ ಲೋಕಶಿಕ್ಷೋ ಲೋಕಲೋಚನರಞ್ಜಿತಃ ।
ಲೋಕಬನ್ಧುರ್ಲೋಕಧಾತಾ ಲೋಕತ್ರಯಮಹಾಹಿತಃ ॥ 100 ॥
ಲೋಕಚೂಡಾಮಣಿರ್ಲೋಕವನ್ದ್ಯೋ ಲಾವಣ್ಯವಿಗ್ರಹಃ ।
ಲೋಕಾಧ್ಯಕ್ಷಸ್ತು ಲೀಲಾವಾನ್ಲೋಕೋತ್ತರಗುಣಾನ್ವಿತಃ ॥ 101 ॥
ವರಿಷ್ಠೋ ವರದೋ ವೈದ್ಯೋ ವಿಶಿಷ್ಟೋ ವಿಕ್ರಮೋ ವಿಭುಃ ।
ವಿಬುಧಾಗ್ರಚರೋ ವಶ್ಯೋ ವಿಕಲ್ಪಪರಿವರ್ಜಿತಃ ॥ 102 ॥
ವಿಪಾಶೋ ವಿಗತಾತಙ್ಕೋ ವಿಚಿತ್ರಾಙ್ಗೋ ವಿರೋಚನಃ ।
ವಿದ್ಯಾಧರೋ ವಿಶುದ್ಧಾತ್ಮಾ ವೇದಾಙ್ಗೋ ವಿಬುಧಪ್ರಿಯಃ ॥ 103 ॥
ವಚಸ್ಕರೋ ವ್ಯಾಪಕಶ್ಚ ವಿಜ್ಞಾನೀ ವಿನಯಾನ್ವಿತಃ ।
ವಿದ್ವತ್ತಮೋ ವಿರೋಧಿಘ್ನೋ ವೀರೋ ವಿಗತರಾಗವಾನ್ ॥ 104 ॥
ವೀತಭಾವೋ ವಿನೀತಾತ್ಮಾ ವೇದಗರ್ಭೋ ವಸುಪ್ರದಃ ।
ವಿಶ್ವದೀಪ್ತಿರ್ವಿಶಾಲಾಕ್ಷೋ ವಿಜಿತಾತ್ಮಾ ವಿಭಾವನಃ ॥ 105 ॥
ವೇದವೇದ್ಯೋ ವಿಧೇಯಾತ್ಮಾ ವೀತದೋಷಶ್ಚ ವೇದವಿತ್ ।
ವಿಶ್ವಕರ್ಮಾ ವೀತಭಯೋ ವಾಗೀಶೋ ವಾಸವಾರ್ಚಿತಃ ॥ 106 ॥
ವೀರಧ್ವಂಸೋ ವಿಶ್ವಮೂರ್ತಿರ್ವಿಶ್ವರೂಪೋ ವರಾಸನಃ ।
ವಿಶಾಖೋ ವಿಮಲೋ ವಾಗ್ಮೀ ವಿದ್ವಾನ್ವೇದಧರೋ ವಟುಃ ॥ 107 ॥
ವೀರಚೂಡಾಮಣಿರ್ವೀರೋ ವಿದ್ಯೇಶೋ ವಿಬುಧಾಶ್ರಯಃ ।
ವಿಜಯೀ ವಿನಯೀ ವೇತ್ತಾ ವರೀಯಾನ್ವಿರಜಾ ವಸುಃ ॥ 108 ॥
ವೀರಘ್ನೋ ವಿಜ್ವರೋ ವೇದ್ಯೋ ವೇಗವಾನ್ವೀರ್ಯವಾನ್ವಶೀ ।
ವರಶೀಲೋ ವರಗುಣೋ ವಿಶೋಕೋ ವಜ್ರಧಾರಕಃ ॥ 109 ॥
ಶರಜನ್ಮಾ ಶಕ್ತಿಧರಃ ಶತ್ರುಘ್ನಃ ಶಿಖಿವಾಹನಃ ।
ಶ್ರೀಮಾನ್ ಶಿಷ್ಟಃ ಶುಚಿಃ ಶುದ್ಧಃ ಶಾಶ್ವತಃ ಶ್ರುತಿಸಾಗರಃ ॥ 110 ॥
ಶರಣ್ಯಃ ಶುಭದಃ ಶರ್ಮ ಶಿಷ್ಟೇಷ್ಟಃ ಶುಭಲಕ್ಷಣಃ ।
ಶಾನ್ತಃ ಶೂಲಧರಃ ಶ್ರೇಷ್ಠಃ ಶುದ್ಧಾತ್ಮಾ ಶಙ್ಕರಃ ಶಿವಃ ॥ 111 ॥
ಶಿತಿಕಣ್ಠಾತ್ಮಜಃ ಶೂರಃ ಶಾನ್ತಿದಃ ಶೋಕನಾಶನಃ ।
ಷಾಣ್ಮಾತುರಃ ಷಣ್ಮುಖಶ್ಚ ಷಡ್ಗುಣೈಶ್ವರ್ಯಸಂಯುತಃ ॥ 112 ॥
ಷಟ್ಚಕ್ರಸ್ಥಃ ಷಡೂರ್ಮಿಘ್ನಃ ಷಡಙ್ಗಶ್ರುತಿಪಾರಗಃ ।
ಷಡ್ಭಾವರಹಿತಃ ಷಟ್ಕಃ ಷಟ್ಛಾಸ್ತ್ರಸ್ಮೃತಿಪಾರಗಃ ॥ 113 ॥
ಷಡ್ವರ್ಗದಾತಾ ಷಡ್ಗ್ರೀವಃ ಷಡರಿಘ್ನಃ ಷಡಾಶ್ರಯಃ ।
ಷಟ್ಕಿರೀಟಧರಃ ಶ್ರೀಮಾನ್ ಷಡಾಧಾರಶ್ಚ ಷಟ್ಕ್ರಮಃ ॥ 114 ॥
ಷಟ್ಕೋಣಮಧ್ಯನಿಲಯಃ ಷಣ್ಡತ್ವಪರಿಹಾರಕಃ ।
ಸೇನಾನೀಃ ಸುಭಗಃ ಸ್ಕನ್ದಃ ಸುರಾನನ್ದಃ ಸತಾಂ ಗತಿಃ ॥ 115 ॥
ಸುಬ್ರಹ್ಮಣ್ಯಃ ಸುರಾಧ್ಯಕ್ಷಃ ಸರ್ವಜ್ಞಃ ಸರ್ವದಃ ಸುಖೀ ।
ಸುಲಭಃ ಸಿದ್ಧಿದಃ ಸೌಮ್ಯಃ ಸಿದ್ಧೇಶಃ ಸಿದ್ಧಿಸಾಧನಃ ॥ 116 ॥
ಸಿದ್ಧಾರ್ಥಃ ಸಿದ್ಧಸಙ್ಕಲ್ಪಃ ಸಿದ್ಧಸಾಧುಃ ಸುರೇಶ್ವರಃ ।
ಸುಭುಜಃ ಸರ್ವದೃಕ್ಸಾಕ್ಷೀ ಸುಪ್ರಸಾದಃ ಸನಾತನಃ ॥ 117 ॥
ಸುಧಾಪತಿಃ ಸ್ವಯಞ್ಜ್ಯೋತಿಃ ಸ್ವಯಮ್ಭೂಃ ಸರ್ವತೋಮುಖಃ ।
ಸಮರ್ಥಃ ಸತ್ಕೃತಿಃ ಸೂಕ್ಷ್ಮಃ ಸುಘೋಷಃ ಸುಖದಃ ಸುಹೃತ್ ॥ 118 ॥
ಸುಪ್ರಸನ್ನಃ ಸುರಶ್ರೇಷ್ಠಃ ಸುಶೀಲಃ ಸತ್ಯಸಾಧಕಃ ।
ಸಮ್ಭಾವ್ಯಃ ಸುಮನಾಃ ಸೇವ್ಯಃ ಸಕಲಾಗಮಪಾರಗಃ ॥ 119 ॥
ಸುವ್ಯಕ್ತಃ ಸಚ್ಚಿದಾನನ್ದಃ ಸುವೀರಃ ಸುಜನಾಶ್ರಯಃ ।
ಸರ್ವಲಕ್ಷಣಸಮ್ಪನ್ನಃ ಸತ್ಯಧರ್ಮಪರಾಯಣಃ ॥ 120 ॥
ಸರ್ವದೇವಮಯಃ ಸತ್ಯಃ ಸದಾ ಮೃಷ್ಟಾನ್ನದಾಯಕಃ ।
ಸುಧಾಪೀ ಸುಮತಿಃ ಸತ್ಯಃ ಸರ್ವವಿಘ್ನವಿನಾಶನಃ ॥ 121 ॥
ಸರ್ವದುಃಖಪ್ರಶಮನಃ ಸುಕುಮಾರಃ ಸುಲೋಚನಃ ।
ಸುಗ್ರೀವಃ ಸುಧೃತಿಃ ಸಾರಃ ಸುರಾರಾಧ್ಯಃ ಸುವಿಕ್ರಮಃ ॥ 122 ॥
ಸುರಾರಿಘ್ನಃ ಸ್ವರ್ಣವರ್ಣಃ ಸರ್ಪರಾಜಃ ಸದಾ ಶುಚಿಃ ।
ಸಪ್ತಾರ್ಚಿರ್ಭೂಃ ಸುರವರಃ ಸರ್ವಾಯುಧವಿಶಾರದಃ ॥ 123 ॥
ಹಸ್ತಿಚರ್ಮಾಮ್ಬರಸುತೋ ಹಸ್ತಿವಾಹನಸೇವಿತಃ ।
ಹಸ್ತಚಿತ್ರಾಯುಧಧರೋ ಹೃತಾಘೋ ಹಸಿತಾನನಃ ॥ 124 ॥
ಹೇಮಭೂಷೋ ಹರಿದ್ವರ್ಣೋ ಹೃಷ್ಟಿದೋ ಹೃಷ್ಟಿವರ್ಧನಃ ।
ಹೇಮಾದ್ರಿಭಿದ್ಧಂಸರೂಪೋ ಹುಙ್ಕಾರಹತಕಿಲ್ಬಿಷಃ ॥ 125 ॥
ಹಿಮಾದ್ರಿಜಾತಾತನುಜೋ ಹರಿಕೇಶೋ ಹಿರಣ್ಮಯಃ ।
ಹೃದ್ಯೋ ಹೃಷ್ಟೋ ಹರಿಸಖೋ ಹಂಸೋ ಹಂಸಗತಿರ್ಹವಿಃ ॥ 126 ॥
ಹಿರಣ್ಯವರ್ಣೋ ಹಿತಕೃದ್ಧರ್ಷದೋ ಹೇಮಭೂಷಣಃ ।
ಹರಪ್ರಿಯೋ ಹಿತಕರೋ ಹತಪಾಪೋ ಹರೋದ್ಭವಃ ॥ 127 ॥
ಕ್ಷೇಮದಃ ಕ್ಷೇಮಕೃತ್ಕ್ಷೇಮ್ಯಃ ಕ್ಷೇತ್ರಜ್ಞಃ ಕ್ಷಾಮವರ್ಜಿತಃ ।
ಕ್ಷೇತ್ರಪಾಲಃ ಕ್ಷಮಾಧಾರಃ ಕ್ಷೇಮಕ್ಷೇತ್ರಃ ಕ್ಷಮಾಕರಃ ॥ 128 ॥
ಕ್ಷುದ್ರಘ್ನಃ ಕ್ಷಾನ್ತಿದಃ ಕ್ಷೇಮಃ ಕ್ಷಿತಿಭೂಷಃ ಕ್ಷಮಾಶ್ರಯಃ ।
ಕ್ಷಾಲಿತಾಘಃ ಕ್ಷಿತಿಧರಃ ಕ್ಷೀಣಸಂರಕ್ಷಣಕ್ಷಮಃ ॥ 129 ॥
ಕ್ಷಣಭಙ್ಗುರಸನ್ನದ್ಧಘನಶೋಭಿಕಪರ್ದಕಃ ।
ಕ್ಷಿತಿಭೃನ್ನಾಥತನಯಾಮುಖಪಙ್ಕಜಭಾಸ್ಕರಃ ॥ 130 ॥
ಕ್ಷತಾಹಿತಃ ಕ್ಷರಃ ಕ್ಷನ್ತಾ ಕ್ಷತದೋಷಃ ಕ್ಷಮಾನಿಧಿಃ ।
ಕ್ಷಪಿತಾಖಿಲಸನ್ತಾಪಃ ಕ್ಷಪಾನಾಥಸಮಾನನಃ ॥ 131 ॥
ಉತ್ತರ ನ್ಯಾಸಃ ।
ಕರನ್ಯಾಸಃ –
ಓಂ ಶಂ ಓಙ್ಕಾರಸ್ವರೂಪಾಯ ಓಜೋಧರಾಯ ಓಜಸ್ವಿನೇ ಸುಹೃದಯಾಯ ಹೃಷ್ಟಚಿತ್ತಾತ್ಮನೇ ಭಾಸ್ವರರೂಪಾಯ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ರಂ ಷಟ್ಕೋಣಮಧ್ಯನಿಲಯಾಯ ಷಟ್ಕಿರೀಟಧರಾಯ ಶ್ರೀಮತೇ ಷಡಾಧಾರಾಯ ತರ್ಜನೀಭ್ಯಾಂ ನಮಃ ।
ಓಂ ವಂ ಷಣ್ಮುಖಾಯ ಶರಜನ್ಮನೇ ಶುಭಲಕ್ಷಣಾಯ ಶಿಖಿವಾಹನಾಯ ಮಧ್ಯಮಾಭ್ಯಾಂ ನಮಃ ।
ಓಂ ಣಂ ಕೃಶಾನುಸಮ್ಭವಾಯ ಕವಚಿನೇ ಕುಕ್ಕುಟಧ್ವಜಾಯ ಅನಾಮಿಕಾಭ್ಯಾಂ ನಮಃ ।
ಓಂ ಭಂ ಕನ್ದರ್ಪಕೋಟಿದೀಪ್ಯಮಾನಾಯ ದ್ವಿಷಡ್ಬಾಹವೇ ದ್ವಾದಶಾಕ್ಷಾಯ ಕನಿಷ್ಠಿಕಾಭ್ಯಾಂ ನಮಃ ।
ಓಂ ವಂ ಖೇಟಧರಾಯ ಖಡ್ಗಿನೇ ಶಕ್ತಿಹಸ್ತಾಯ ಕರತಲಕರಪೃಷ್ಠಾಭ್ಯಾಂ ನಮಃ ।
ಹೃದಯಾದಿನ್ಯಾಸಃ –
ಓಂ ಶಂ ಓಙ್ಕಾರಸ್ವರೂಪಾಯ ಓಜೋಧರಾಯ ಓಜಸ್ವಿನೇ ಸುಹೃದಯಾಯ ಹೃಷ್ಟಚಿತ್ತಾತ್ಮನೇ ಭಾಸ್ವರರೂಪಾಯ ಹೃದಯಾಯ ನಮಃ ।
ಓಂ ರಂ ಷಟ್ಕೋಣಮಧ್ಯನಿಲಯಾಯ ಷಟ್ಕಿರೀಟಧರಾಯ ಶ್ರೀಮತೇ ಷಡಾಧಾರಾಯ ಶಿರಸೇ ಸ್ವಾಹಾ ।
ಓಂ ವಂ ಷಣ್ಮುಖಾಯ ಶರಜನ್ಮನೇ ಶುಭಲಕ್ಷಣಾಯ ಶಿಖಿವಾಹನಾಯ ಶಿಖಾಯೈ ವಷಟ್ ।
ಓಂ ಣಂ ಕೃಶಾನುಸಮ್ಭವಾಯ ಕವಚಿನೇ ಕುಕ್ಕುಟಧ್ವಜಾಯ ಕವಚಾಯ ಹುಮ್ ।
ಓಂ ಭಂ ಕನ್ದರ್ಪಕೋಟಿದೀಪ್ಯಮಾನಾಯ ದ್ವಿಷಡ್ಬಾಹವೇ ದ್ವಾದಶಾಕ್ಷಾಯ ನೇತ್ರತ್ರಯಾಯ ವೌಷಟ್ ।
ಓಂ ವಂ ಖೇಟಧರಾಯ ಖಡ್ಗಿನೇ ಶಕ್ತಿಹಸ್ತಾಯ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ವಿಮೋಕಃ ।
ಫಲಶ್ರುತಿ ।
ಇತಿ ನಾಮ್ನಾಂ ಸಹಸ್ರಾಣಿ ಷಣ್ಮುಖಸ್ಯ ಚ ನಾರದ ।
ಯಃ ಪಠೇಚ್ಛೃಣುಯಾದ್ವಾಪಿ ಭಕ್ತಿಯುಕ್ತೇನ ಚೇತಸಾ ॥ 1 ॥
ಸ ಸದ್ಯೋ ಮುಚ್ಯತೇ ಪಾಪೈರ್ಮನೋವಾಕ್ಕಾಯಸಮ್ಭವೈಃ ।
ಆಯುರ್ವೃದ್ಧಿಕರಂ ಪುಂಸಾಂ ಸ್ಥೈರ್ಯವೀರ್ಯವಿವರ್ಧನಮ್ ॥ 2 ॥
ವಾಕ್ಯೇನೈಕೇನ ವಕ್ಷ್ಯಾಮಿ ವಾಞ್ಛಿತಾರ್ಥಂ ಪ್ರಯಚ್ಛತಿ ।
ತಸ್ಮಾತ್ಸರ್ವಾತ್ಮನಾ ಬ್ರಹ್ಮನ್ನಿಯಮೇನ ಜಪೇತ್ಸುಧೀಃ ॥ 3 ॥
ಇತಿ ಸ್ಕನ್ದಪುರಾಣೇ ಈಶ್ವರಪ್ರೋಕ್ತೇ ಬ್ರಹ್ಮನಾರದಸಂವಾದೇ ಶ್ರೀ ಸುಬ್ರಹ್ಮಣ್ಯ ಸಹಸ್ರನಾಮ ಸ್ತೋತ್ರಮ್ ।
About This Stotram
Overview
Sri Subrahmanya Sahasra Nama Stotram is a Sanskrit stotram enumerating 1,000 names of Lord Subrahmanya (Kartikeya, Skanda, Murugan) in 150 verses. The text is presented in a Puranic dialogue format in which sages ask for a hymn capable of liberating beings in the Kali Yuga. It belongs to the Shaiva Puranic tradition and is closely associated with the Skanda Purana.
What are the benefits of chanting Sri Subrahmanya Sahasra Nama Stotram?
- Recitation is said to liberate from sins and grant spiritual merit.
- Devotees chant it for attainment of desired goals (Ishta Siddhi).
- It is used on Skanda Shashti and Krittika Purnima for special observances.
- Regular chanting is associated with knowledge, wisdom, and spiritual protection.
When is the best time to recite this?
Sri Subrahmanya Sahasra Nama Stotram is recited on Skanda Shashti, Krittika Purnima, and other festivals dedicated to Lord Subrahmanya. Morning and evening worship are suitable times. Daily recitation is recommended by the text for continuous spiritual benefit.
Historical and traditional background
Sahasra Nama Stotrams became a significant genre in Puranic and post-Puranic Hindu literature, with the Skanda Purana being the primary source for Subrahmanya's glorification. The dialogue structure — sages questioning and receiving divine wisdom — is a standard Puranic narrative convention. This stotram belongs to the South Indian Shaiva tradition and has been recited in Subrahmanya temples, particularly in Tamil Nadu and Karnataka. The specific compiler is not recorded.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Subrahmanya Sahasra Namavali — the namavali form of the thousand names, used for direct chanting with "Om ... Namaha."
- Sri Subrahmanya Kavacha Stotram — a protective kavacham for Subrahmanya recited in the same tradition.