Sri Subrahmanya Mangalashtakam

śrī subrahmaṇya maṅgalāṣṭakam

Śloka 1

śivayostanujāyāstu śritamandāraśākhine |

śikhivaryaturaṅgāya subrahmaṇyāya maṅgalam || 1 ||

bhaktābhīṣṭapradāyāstu bhavarogavināśine |

rājarājādivandyāya raṇadhīrāya maṅgalam || 2 ||

śūrapadmādidaiteyatamisrakulabhānave |

tārakāsurakālāya bālakāyāstu maṅgalam || 3 ||

vallīvadanarājīva madhupāya mahātmane |

ullasanmaṇikoṭīrabhāsurāyāstu maṅgalam || 4 ||

kandarpakoṭilāvaṇyanidhaye kāmadāyine |

kuliśāyudhahastāya kumārāyāstu maṅgalam || 5 ||

muktāhāralasatkaṇṭharājaye muktidāyine |

devasenāsametāya daivatāyāstu maṅgalam || 6 ||

kanakāmbarasaṃśobhikaṭaye kalihāriṇe |

kamalāpativandyāya kārtikeyāya maṅgalam || 7 ||

śarakānanajātāya śūrāya śubhadāyine |

śītabhānusamāsyāya śaraṇyāyāstu maṅgalam || 8 ||

maṅgalāṣṭakametadye mahāsenasya mānavāḥ |

paṭhantī pratyahaṃ bhaktyā prāpnuyuste parāṃ śriyam || 9 ||

iti śrī subrahmaṇya maṅgalāṣṭakam |