Sri Subrahmanya Mangalashtakam

zrI subrahmaNya maGgalASTakam

zloka 1

zivayostanujAyAstu zritamandArazAkhine |

zikhivaryaturaGgAya subrahmaNyAya maGgalam || 1 ||

bhaktAbhISTapradAyAstu bhavarogavinAzine |

rAjarAjAdivandyAya raNadhIrAya maGgalam || 2 ||

zUrapadmAdidaiteyatamisrakulabhAnave |

tArakAsurakAlAya bAlakAyAstu maGgalam || 3 ||

vallIvadanarAjIva madhupAya mahAtmane |

ullasanmaNikoTIrabhAsurAyAstu maGgalam || 4 ||

kandarpakoTilAvaNyanidhaye kAmadAyine |

kulizAyudhahastAya kumArAyAstu maGgalam || 5 ||

muktAhAralasatkaNTharAjaye muktidAyine |

devasenAsametAya daivatAyAstu maGgalam || 6 ||

kanakAmbarasaMzobhikaTaye kalihAriNe |

kamalApativandyAya kArtikeyAya maGgalam || 7 ||

zarakAnanajAtAya zUrAya zubhadAyine |

zItabhAnusamAsyAya zaraNyAyAstu maGgalam || 8 ||

maGgalASTakametadye mahAsenasya mAnavAH |

paThantI pratyahaM bhaktyA prApnuyuste parAM zriyam || 9 ||

iti zrI subrahmaNya maGgalASTakam |