Sri Subrahmanya Kavacha Stotram

ශ්රී සුබ්රහ්මණ්ය කවච ස්තෝත්රම්

ශ්ලොක 1

අස්ය ශ්රීසුබ්රහ්මණ්යකවචස්තෝත්රමහාමන්ත්රස්ය, බ්රහ්මා ඍෂිඃ, අනුෂ්ටුප්ඡන්දඃ, ශ්රීසුබ්රහ්මණ්යෝ දේවතා, ඕං නම ඉති බීජං, භගවත ඉති ශක්තිඃ, සුබ්රහ්මණ්යායේති කීලකං, ශ්රීසුබ්රහ්මණ්ය ප්රසාදසිද්ධ්යර්ථේ ජපේ විනියෝගඃ ..

කරන්යාසඃ –

ඕං සාං අඞ්ගුෂ්ඨාභ්යාං නමඃ .

ඕං සීං තර්ජනීභ්යාං නමඃ .

ඕං සූං මධ්යමාභ්යාං නමඃ .

ඕං සෛං අනාමිකාභ්යාං නමඃ .

ඕං සෞං කනිෂ්ඨිකාභ්යාං නමඃ .

ඕං සඃ කරතලකරපෘෂ්ඨාභ්යාං නමඃ ..

අඞ්ගන්යාසඃ –

ඕං සාං හෘදයාය නමඃ .

ඕං සීං ශිරසේ ස්වාහා .

ඕං සූං ශිඛායෛ වෂට් .

ඕං සෛං කවචාය හුම් .

ඕං සෞං නේත්රත්රයාය වෞෂට් .

ඕං සඃ අස්ත්රාය ඵට් .

භූර්භුවස්සුවරෝමිති දිග්බන්ධඃ ..

ධ්යානම් .

සින්දූරාරුණමින්දුකාන්තිවදනං කේයූරහාරාදිභිඃ

දිව්යෛරාභරණෛර්විභූෂිතතනුං ස්වර්ගාදිසෞඛ්යප්රදම් .

අම්භෝජාභයශක්තිකුක්කුටධරං රක්තාඞ්ගරාගෝජ්ජ්වලං

සුබ්රහ්මණ්යමුපාස්මහේ ප්රණමතාං සර්වාර්ථසිද්ධිප්රදම් .. [භීතිප්රණාශෝද්යතම්]

ලමිත්යාදි පඤ්චපූජා .

ඕං ලං පෘථිව්යාත්මනේ සුබ්රහ්මණ්යාය ගන්ධං සමර්පයාමි .

ඕං හං ආකාශාත්මනේ සුබ්රහ්මණ්යාය පුෂ්පාණි සමර්පයාමි .

ඕං යං වාය්වාත්මනේ සුබ්රහ්මණ්යාය ධූපමාඝ්රාපයාමි .

ඕං රං අග්න්යාත්මනේ සුබ්රහ්මණ්යාය දීපං දර්ශයාමි .

ඕං වං අමෘතාත්මනේ සුබ්රහ්මණ්යාය ස්වාදන්නං නිවේදයාමි .

ඕං සං සර්වාත්මනේ සුබ්රහ්මණ්යාය සර්වෝපචාරාන් සමර්පයාමි .

කවචම් .

සුබ්රහ්මණ්යෝ(අ)ග්රතඃ පාතු සේනානීඃ පාතු පෘෂ්ඨතඃ .

ගුහෝ මාං දක්ෂිණේ පාතු වහ්නිජඃ පාතු වාමතඃ .. 1 ..

ශිරඃ පාතු මහාසේනඃ ස්කන්දෝ රක්ෂේල්ලලාටකම් .

නේත්රේ මේ ද්වාදශාක්ෂශ්ච ශ්රෝත්රේ රක්ෂතු විශ්වභෘත් .. 2 ..

මුඛං මේ ෂණ්මුඛඃ පාතු නාසිකාං ශඞ්කරාත්මජඃ .

ඕෂ්ඨෞ වල්ලීපතිඃ පාතු ජිහ්වාං පාතු ෂඩානනඃ .. 3 ..

දේවසේනාපතිර්දන්තාන් චිබුකං බහුලෝද්භවඃ .

කණ්ඨං තාරකජිත්පාතු බාහූ ද්වාදශබාහුකඃ .. 4 ..

හස්තෞ ශක්තිධරඃ පාතු වක්ෂඃ පාතු ශරෝද්භවඃ .

හෘදයං වහ්නිභූඃ පාතු කුක්ෂිං පාත්වම්බිකාසුතඃ .. 5 ..

නාභිං ශම්භුසුතඃ පාතු කටිං පාතු හරාත්මජඃ .

ඌරූ පාතු ගජාරූඪෝ ජානූ මේ ජාහ්නවීසුතඃ .. 6 ..

ජඞ්ඝේ විශාඛෝ මේ පාතු පාදෞ මේ ශිඛිවාහනඃ .

සර්වාණ්යඞ්ගානි භූතේශඃ සර්වධාතූංශ්ච පාවකිඃ .. 7 ..

සන්ධ්යාකාලේ නිශීථින්යාං දිවා ප්රාතර්ජලේ(අ)ග්නිෂු .

දුර්ගමේ ච මහාරණ්යේ රාජද්වාරේ මහාභයේ .. 8 ..

තුමුලේ රණ්යමධ්යේ ච සර්වදුෂ්ටමෘගාදිෂු .

චෝරාදිසාධ්වසේ(අ)භේද්යේ ජ්වරාදිව්යාධිපීඩනේ .. 9 ..

දුෂ්ටග්රහාදිභීතෞ ච දුර්නිමිත්තාදිභීෂණේ .

අස්ත්රශස්ත්රනිපාතේ ච පාතු මාං ක්රෞඤ්චරන්ධ්රකෘත් .. 10 ..

යඃ සුබ්රහ්මණ්යකවචං ඉෂ්ටසිද්ධිප්රදං පඨේත් .

තස්ය තාපත්රයං නාස්ති සත්යං සත්යං වදාම්යහම් .. 11 ..

ධර්මාර්ථී ලභතේ ධර්මමර්ථාර්ථී චාර්ථමාප්නුයාත් .

කාමාර්ථී ලභතේ කාමං මෝක්ෂාර්ථී මෝක්ෂමාප්නුයාත් .. 12 ..

යත්ර යත්ර ජපේද්භක්ත්යා තත්ර සන්නිහිතෝ ගුහඃ .

පූජාප්රතිෂ්ඨාකාලේ ච ජපකාලේ පඨේදිදම් .. 13 ..

තේෂාමේව ඵලාවාප්තිඃ මහාපාතකනාශනම් .

යඃ පඨේච්ඡෘණුයාද්භක්ත්යා නිත්යං දේවස්ය සන්නිධෞ .

සර්වාන්කාමානිහ ප්රාප්ය සෝ(අ)න්තේ ස්කන්දපුරං ව්රජේත් .. 14 ..

උත්තරන්යාසඃ ..

කරන්යාසඃ –

ඕං සාං අඞ්ගුෂ්ඨාභ්යාං නමඃ .

ඕං සීං තර්ජනීභ්යාං නමඃ .

ඕං සූං මධ්යමාභ්යාං නමඃ .

ඕං සෛං අනාමිකාභ්යාං නමඃ .

ඕං සෞං කනිෂ්ඨිකාභ්යාං නමඃ .

ඕං සඃ කරතලකරපෘෂ්ඨාභ්යාං නමඃ ..

අඞ්ගන්යාසඃ –

ඕං සාං හෘදයාය නමඃ .

ඕං සීං ශිරසේ ස්වාහා .

ඕං සූං ශිඛායෛ වෂට් .

ඕං සෛං කවචාය හුම් .

ඕං සෞං නේත්රත්රයාය වෞෂට් .

ඕං සඃ අස්ත්රාය ඵට් .

භූර්භුවස්සුවරෝමිති දිග්විමෝකඃ ..

ඉති ශ්රී සුබ්රහ්මණ්ය කවච ස්තෝත්රම් .