ಶ್ರೀ ಸುಬ್ರಹ್ಮಣ್ಯ ಕವಚ ಸ್ತೋತ್ರಮ್

ಶ್ಲೋಕ 1

ಅಸ್ಯ ಶ್ರೀಸುಬ್ರಹ್ಮಣ್ಯಕವಚಸ್ತೋತ್ರಮಹಾಮನ್ತ್ರಸ್ಯ, ಬ್ರಹ್ಮಾ ಋಷಿಃ, ಅನುಷ್ಟುಪ್ಛನ್ದಃ, ಶ್ರೀಸುಬ್ರಹ್ಮಣ್ಯೋ ದೇವತಾ, ಓಂ ನಮ ಇತಿ ಬೀಜಂ, ಭಗವತ ಇತಿ ಶಕ್ತಿಃ, ಸುಬ್ರಹ್ಮಣ್ಯಾಯೇತಿ ಕೀಲಕಂ, ಶ್ರೀಸುಬ್ರಹ್ಮಣ್ಯ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

ಕರನ್ಯಾಸಃ –

ಓಂ ಸಾಂ ಅಙ್ಗುಷ್ಠಾಭ್ಯಾಂ ನಮಃ ।

ಓಂ ಸೀಂ ತರ್ಜನೀಭ್ಯಾಂ ನಮಃ ।

ಓಂ ಸೂಂ ಮಧ್ಯಮಾಭ್ಯಾಂ ನಮಃ ।

ಓಂ ಸೈಂ ಅನಾಮಿಕಾಭ್ಯಾಂ ನಮಃ ।

ಓಂ ಸೌಂ ಕನಿಷ್ಠಿಕಾಭ್ಯಾಂ ನಮಃ ।

ಓಂ ಸಃ ಕರತಲಕರಪೃಷ್ಠಾಭ್ಯಾಂ ನಮಃ ॥

ಅಙ್ಗನ್ಯಾಸಃ –

ಓಂ ಸಾಂ ಹೃದಯಾಯ ನಮಃ ।

ಓಂ ಸೀಂ ಶಿರಸೇ ಸ್ವಾಹಾ ।

ಓಂ ಸೂಂ ಶಿಖಾಯೈ ವಷಟ್ ।

ಓಂ ಸೈಂ ಕವಚಾಯ ಹುಮ್ ।

ಓಂ ಸೌಂ ನೇತ್ರತ್ರಯಾಯ ವೌಷಟ್ ।

ಓಂ ಸಃ ಅಸ್ತ್ರಾಯ ಫಟ್ ।

ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ॥

ಧ್ಯಾನಮ್ ।

ಸಿನ್ದೂರಾರುಣಮಿನ್ದುಕಾನ್ತಿವದನಂ ಕೇಯೂರಹಾರಾದಿಭಿಃ

ದಿವ್ಯೈರಾಭರಣೈರ್ವಿಭೂಷಿತತನುಂ ಸ್ವರ್ಗಾದಿಸೌಖ್ಯಪ್ರದಮ್ ।

ಅಮ್ಭೋಜಾಭಯಶಕ್ತಿಕುಕ್ಕುಟಧರಂ ರಕ್ತಾಙ್ಗರಾಗೋಜ್ಜ್ವಲಂ

ಸುಬ್ರಹ್ಮಣ್ಯಮುಪಾಸ್ಮಹೇ ಪ್ರಣಮತಾಂ ಸರ್ವಾರ್ಥಸಿದ್ಧಿಪ್ರದಮ್ ॥ [ಭೀತಿಪ್ರಣಾಶೋದ್ಯತಮ್]

ಲಮಿತ್ಯಾದಿ ಪಞ್ಚಪೂಜಾ ।

ಓಂ ಲಂ ಪೃಥಿವ್ಯಾತ್ಮನೇ ಸುಬ್ರಹ್ಮಣ್ಯಾಯ ಗನ್ಧಂ ಸಮರ್ಪಯಾಮಿ ।

ಓಂ ಹಂ ಆಕಾಶಾತ್ಮನೇ ಸುಬ್ರಹ್ಮಣ್ಯಾಯ ಪುಷ್ಪಾಣಿ ಸಮರ್ಪಯಾಮಿ ।

ಓಂ ಯಂ ವಾಯ್ವಾತ್ಮನೇ ಸುಬ್ರಹ್ಮಣ್ಯಾಯ ಧೂಪಮಾಘ್ರಾಪಯಾಮಿ ।

ಓಂ ರಂ ಅಗ್ನ್ಯಾತ್ಮನೇ ಸುಬ್ರಹ್ಮಣ್ಯಾಯ ದೀಪಂ ದರ್ಶಯಾಮಿ ।

ಓಂ ವಂ ಅಮೃತಾತ್ಮನೇ ಸುಬ್ರಹ್ಮಣ್ಯಾಯ ಸ್ವಾದನ್ನಂ ನಿವೇದಯಾಮಿ ।

ಓಂ ಸಂ ಸರ್ವಾತ್ಮನೇ ಸುಬ್ರಹ್ಮಣ್ಯಾಯ ಸರ್ವೋಪಚಾರಾನ್ ಸಮರ್ಪಯಾಮಿ ।

ಕವಚಮ್ ।

ಸುಬ್ರಹ್ಮಣ್ಯೋಽಗ್ರತಃ ಪಾತು ಸೇನಾನೀಃ ಪಾತು ಪೃಷ್ಠತಃ ।

ಗುಹೋ ಮಾಂ ದಕ್ಷಿಣೇ ಪಾತು ವಹ್ನಿಜಃ ಪಾತು ವಾಮತಃ

ಶ್ಲೋಕ 2

ಶಿರಃ ಪಾತು ಮಹಾಸೇನಃ ಸ್ಕನ್ದೋ ರಕ್ಷೇಲ್ಲಲಾಟಕಮ್ ।

ನೇತ್ರೇ ಮೇ ದ್ವಾದಶಾಕ್ಷಶ್ಚ ಶ್ರೋತ್ರೇ ರಕ್ಷತು ವಿಶ್ವಭೃತ್

॥ 1 ॥

ಶ್ಲೋಕ 3

ಮುಖಂ ಮೇ ಷಣ್ಮುಖಃ ಪಾತು ನಾಸಿಕಾಂ ಶಙ್ಕರಾತ್ಮಜಃ ।

ಓಷ್ಠೌ ವಲ್ಲೀಪತಿಃ ಪಾತು ಜಿಹ್ವಾಂ ಪಾತು ಷಡಾನನಃ

॥ 2 ॥

ಶ್ಲೋಕ 4

ದೇವಸೇನಾಪತಿರ್ದನ್ತಾನ್ ಚಿಬುಕಂ ಬಹುಲೋದ್ಭವಃ ।

ಕಣ್ಠಂ ತಾರಕಜಿತ್ಪಾತು ಬಾಹೂ ದ್ವಾದಶಬಾಹುಕಃ

॥ 3 ॥

ಶ್ಲೋಕ 5

ಹಸ್ತೌ ಶಕ್ತಿಧರಃ ಪಾತು ವಕ್ಷಃ ಪಾತು ಶರೋದ್ಭವಃ ।

ಹೃದಯಂ ವಹ್ನಿಭೂಃ ಪಾತು ಕುಕ್ಷಿಂ ಪಾತ್ವಮ್ಬಿಕಾಸುತಃ

॥ 4 ॥

ಶ್ಲೋಕ 6

ನಾಭಿಂ ಶಮ್ಭುಸುತಃ ಪಾತು ಕಟಿಂ ಪಾತು ಹರಾತ್ಮಜಃ ।

ಊರೂ ಪಾತು ಗಜಾರೂಢೋ ಜಾನೂ ಮೇ ಜಾಹ್ನವೀಸುತಃ

॥ 5 ॥

ಶ್ಲೋಕ 7

ಜಙ್ಘೇ ವಿಶಾಖೋ ಮೇ ಪಾತು ಪಾದೌ ಮೇ ಶಿಖಿವಾಹನಃ ।

ಸರ್ವಾಣ್ಯಙ್ಗಾನಿ ಭೂತೇಶಃ ಸರ್ವಧಾತೂಂಶ್ಚ ಪಾವಕಿಃ

॥ 6 ॥

ಶ್ಲೋಕ 8

ಸನ್ಧ್ಯಾಕಾಲೇ ನಿಶೀಥಿನ್ಯಾಂ ದಿವಾ ಪ್ರಾತರ್ಜಲೇಽಗ್ನಿಷು ।

ದುರ್ಗಮೇ ಚ ಮಹಾರಣ್ಯೇ ರಾಜದ್ವಾರೇ ಮಹಾಭಯೇ

॥ 7 ॥

ಶ್ಲೋಕ 9

ತುಮುಲೇ ರಣ್ಯಮಧ್ಯೇ ಚ ಸರ್ವದುಷ್ಟಮೃಗಾದಿಷು ।

ಚೋರಾದಿಸಾಧ್ವಸೇಽಭೇದ್ಯೇ ಜ್ವರಾದಿವ್ಯಾಧಿಪೀಡನೇ

॥ 8 ॥

ಶ್ಲೋಕ 10

ದುಷ್ಟಗ್ರಹಾದಿಭೀತೌ ಚ ದುರ್ನಿಮಿತ್ತಾದಿಭೀಷಣೇ ।

ಅಸ್ತ್ರಶಸ್ತ್ರನಿಪಾತೇ ಚ ಪಾತು ಮಾಂ ಕ್ರೌಞ್ಚರನ್ಧ್ರಕೃತ್

॥ 9 ॥

ಶ್ಲೋಕ 11

ಯಃ ಸುಬ್ರಹ್ಮಣ್ಯಕವಚಂ ಇಷ್ಟಸಿದ್ಧಿಪ್ರದಂ ಪಠೇತ್ ।

ತಸ್ಯ ತಾಪತ್ರಯಂ ನಾಸ್ತಿ ಸತ್ಯಂ ಸತ್ಯಂ ವದಾಮ್ಯಹಮ್

॥ 10 ॥

ಶ್ಲೋಕ 12

ಧರ್ಮಾರ್ಥೀ ಲಭತೇ ಧರ್ಮಮರ್ಥಾರ್ಥೀ ಚಾರ್ಥಮಾಪ್ನುಯಾತ್ ।

ಕಾಮಾರ್ಥೀ ಲಭತೇ ಕಾಮಂ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್

॥ 11 ॥

ಶ್ಲೋಕ 13

ಯತ್ರ ಯತ್ರ ಜಪೇದ್ಭಕ್ತ್ಯಾ ತತ್ರ ಸನ್ನಿಹಿತೋ ಗುಹಃ ।

ಪೂಜಾಪ್ರತಿಷ್ಠಾಕಾಲೇ ಚ ಜಪಕಾಲೇ ಪಠೇದಿದಮ್

॥ 12 ॥

ಶ್ಲೋಕ 14

ತೇಷಾಮೇವ ಫಲಾವಾಪ್ತಿಃ ಮಹಾಪಾತಕನಾಶನಮ್ ।

ಯಃ ಪಠೇಚ್ಛೃಣುಯಾದ್ಭಕ್ತ್ಯಾ ನಿತ್ಯಂ ದೇವಸ್ಯ ಸನ್ನಿಧೌ ।

ಸರ್ವಾನ್ಕಾಮಾನಿಹ ಪ್ರಾಪ್ಯ ಸೋಽನ್ತೇ ಸ್ಕನ್ದಪುರಂ ವ್ರಜೇತ್

॥ 13 ॥

ಶ್ಲೋಕ 15

ಉತ್ತರನ್ಯಾಸಃ ॥