SrI Srisaila Mallikarjuna Suprabhatam

ଶ୍ରୀ ଶ୍ରୀଶୈଲ ମଲ୍ଲିକାର୍ଜୁନ ସୁପ୍ରଭାତମ୍

ଶ୍ଲୋକ 1

ପ୍ରାତସ୍ସ୍ମରାମି ଗଣନାଥମନାଥବନ୍ଧୁଂ

ସିନ୍ଦୂରପୂରପରିଶୋଭିତଗଣ୍ଡଯୁଗ୍ମମ୍ ।

ଉଦ୍ଦଣ୍ଡଵିଘ୍ନପରିଖଣ୍ଡନଚଣ୍ଡଦଣ୍ଡ-

ମାଖଣ୍ଡଲାଦିସୁରନାଯକଵୃନ୍ଦଵନ୍ଦ୍ଯମ୍

ଶ୍ଲୋକ 2

କଲାଭ୍ଯାଂ ଚୂଡାଲଙ୍କୃତଶଶିକଲାଭ୍ଯାଂ ନିଜତପଃ

ଫଲାଭ୍ଯାଂ ଭକ୍ତେଷୁ ପ୍ରକଟିତଫଲାଭ୍ଯାଂ ଭଵତୁ ମେ ।

ଶିଵାଭ୍ଯାମାସ୍ତୀକତ୍ରିଭୁଵନଶିଵାଭ୍ଯାଂ ହୃଦି ପୁନ-

ର୍ଭଵାଭ୍ଯାମାନନ୍ଦସ୍ଫୁରଦନୁଭଵାଭ୍ଯାଂ ନତିରିଯମ୍

॥ 1॥

ଶ୍ଲୋକ 3

ନମସ୍ତେ ନମସ୍ତେ ମହାଦେଵ! ଶମ୍ଭୋ!

ନମସ୍ତେ ନମସ୍ତେ ଦଯାପୂର୍ଣସିନ୍ଧୋ!

ନମସ୍ତେ ନମସ୍ତେ ପ୍ରପନ୍ନାତ୍ମବନ୍ଧୋ!

ନମସ୍ତେ ନମସ୍ତେ ନମସ୍ତେ ମହେଶ

॥ 2॥

ଶ୍ଲୋକ 4

ଶଶ୍ଵଚ୍ଛ୍ରୀଗିରିମୂର୍ଧନି ତ୍ରିଜଗତାଂ ରକ୍ଷାକୃତୌ ଲକ୍ଷିତାଂ

ସାକ୍ଷାଦକ୍ଷତସତ୍କଟାକ୍ଷସରଣିଶ୍ରୀମତ୍ସୁଧାଵର୍ଷିଣୀମ୍ ।

ସୋମାର୍ଧାଙ୍କିତମସ୍ତକାଂ ପ୍ରଣମତାଂ ନିସ୍ସୀମସମ୍ପତ୍ପ୍ରଦାଂ

ସୁଶ୍ଲୋକାଂ ଭ୍ରମରାମ୍ବିକାଂ ସ୍ମିତମୁଖୀଂ ଶମ୍ଭୋସ୍ସଖୀଂ ତ୍ଵାଂ ସ୍ତୁମଃ

॥ 3॥

ଶ୍ଲୋକ 5

ମାତଃ! ପ୍ରସୀଦ, ସଦଯା ଭଵ, ଭଵ୍ଯଶୀଲେ !

ଲୀଲାଲଵାକୁଲିତଦୈତ୍ଯକୁଲାପହାରେ !

ଶ୍ରୀଚକ୍ରରାଜନିଲଯେ ! ଶ୍ରୁତିଗୀତକୀର୍ତେ !

ଶ୍ରୀଶୈଲନାଥଦଯିତେ ! ତଵ ସୁପ୍ରଭାତମ୍

॥ 4॥

ଶ୍ଲୋକ 6

ଶମ୍ଭୋ ! ସୁରେନ୍ଦ୍ରନୁତ ! ଶଙ୍କର ! ଶୂଲପାଣେ !

ଚନ୍ଦ୍ରାଵତଂସ ! ଶିଵ ! ଶର୍ଵ ! ପିନାକପାଣେ !

ଗଙ୍ଗାଧର ! କ୍ରତୁପତେ ! ଗରୁଡଧ୍ଵଜାପ୍ତ !

ଶ୍ରୀମଲ୍ଲିକାର୍ଜୁନ ଵିଭୋ ! ତଵ ସୁପ୍ରଭାତମ୍

॥ 5॥

ଶ୍ଲୋକ 7

ଵିଶ୍ଵେଶ ! ଵିଶ୍ଵଜନସେଵିତ ! ଵିଶ୍ଵମୂର୍ତେ !

ଵିଶ୍ଵମ୍ଭର ! ତ୍ରିପୁରଭେଦନ ! ଵିଶ୍ଵଯୋନେ !

ଫାଲାକ୍ଷ ! ଭଵ୍ଯଗୁଣ ! ଭୋଗିଵିଭୂଷଣେଶ !

ଶ୍ରୀମଲ୍ଲିକାର୍ଜୁନ ଵିଭୋ ! ତଵ ସୁପ୍ରଭାତମ୍

॥ 6॥

ଶ୍ଲୋକ 8

କଲ୍ଯାଣରୂପ ! କରୁଣାକର ! କାଲକଣ୍ଠ !

କଲ୍ପଦ୍ରୁମପ୍ରସଵପୂଜିତ ! କାମଦାଯିନ୍ !

ଦୁର୍ନୀତିଦୈତ୍ଯଦଲନୋଦ୍ଯତ ! ଦେଵ ଦେଵ !

ଶ୍ରୀମଲ୍ଲିକାର୍ଜୁନ ଵିଭୋ ! ତଵ ସୁପ୍ରଭାତମ୍

॥ 7॥

ଶ୍ଲୋକ 9

ଗୌରୀମନୋହର ! ଗଣେଶ୍ଵରସେଵିତାଙ୍ଘ୍ରେ !

ଗନ୍ଧର୍ଵଯକ୍ଷସୁରକିନ୍ନରଗୀତକୀର୍ତେ !

ଗଣ୍ଡାଵଲମ୍ବିଫଣିକୁଣ୍ଡଲମଣ୍ଡିତାସ୍ଯ !

ଶ୍ରୀମଲ୍ଲିକାର୍ଜୁନ ଵିଭୋ ! ତଵ ସୁପ୍ରଭାତମ୍

॥ 8॥

ଶ୍ଲୋକ 10

ନାଗେନ୍ଦ୍ରଭୂଷଣ ! ନିରୀହିତ ! ନିର୍ଵିକାର !

ନିର୍ମାଯ ! ନିଶ୍ଚଲ ! ନିରର୍ଗଲ ! ନାଗଭେଦିନ୍ ।

ନାରାଯଣୀପ୍ରିଯ ! ନତେଷ୍ଟଦ ! ନିର୍ମଲାତ୍ମନ୍ !

ଶ୍ରୀପର୍ଵତାଧିପ ! ଵିଭୋ ! ତଵ ସୁପ୍ରଭାତମ୍

॥ 9॥

ଶ୍ଲୋକ 11

ସୃଷ୍ଟଂ ତ୍ଵଯୈଵ ଜଗଦେତଦଶେଷମୀଶ !

ରକ୍ଷାଵିଧିଶ୍ଚ ଵିଧିଗୋଚର ! ତାଵକୀନଃ ।

ସଂହାରଶକ୍ତିରପି ଶଙ୍କର ! କିଙ୍କରୀ ତେ

ଶ୍ରୀଶୈଲଶେଖର ଵିଭୋ ! ତଵ ସୁପ୍ରଭାତମ୍

॥ 10॥

ଶ୍ଲୋକ 12

ଏକସ୍ତ୍ଵମେଵ ବହୁଧା ଭଵ ! ଭାସି ଲୋକେ

ନିଶ୍ଶଙ୍କଧୀର୍ଵୃଷଭକେତନ ! ମଲ୍ଲିନାଥ !

ଶ୍ରୀଭ୍ରାମରୀପ୍ରଯ ! ସୁଖାଶ୍ରଯ ! ଲୋକନାଥ !

ଶ୍ରୀଶୈଲଶେଖର ଵିଭୋ ! ତଵ ସୁପ୍ରଭାତମ୍

॥ 11॥

ଶ୍ଲୋକ 13

ପାତାଲଗାଙ୍ଗଜଲମଜ୍ଜନନିର୍ମଲାଙ୍ଗାଃ

ଭସ୍ମତ୍ରିପୁଣ୍ଡ୍ରସମଲଙ୍କୃତଫାଲଭାଗାଃ ।

ଗାଯନ୍ତି ଦେଵମୁନିଭକ୍ତଜନା ଭଵନ୍ତଂ

ଶ୍ରୀମଲ୍ଲିକାର୍ଜୁନ ଵିଭୋ ! ତଵ ସୁପ୍ରଭାତମ୍

॥ 12॥

ଶ୍ଲୋକ 14

ସାରସ୍ଵତାମ୍ବୁଯୁତଭୋଗଵତୀଶ୍ରିତାଯାଃ

ବ୍ରହ୍ମେଶଵିଷ୍ଣୁଗିରିଚୁମ୍ବିତକୃଷ୍ଣଵେଣ୍ଯାଃ ।

ସୋପାନମାର୍ଗମଧିରୁହ୍ଯ ଭଜନ୍ତି ଭକ୍ତାଃ

ଶ୍ରୀମଲ୍ଲିକାର୍ଜୁନ ଵିଭୋ ! ତଵ ସୁପ୍ରଭାତମ୍

॥ 13॥

ଶ୍ଲୋକ 15

ଶ୍ରୀମଲ୍ଲିକାର୍ଜୁନମହେଶ୍ଵରସୁପ୍ରଭାତ-

ସ୍ତୋତ୍ରଂ ପଠନ୍ତି ଭୁଵି ଯେ ମନୁଜାଃ ପ୍ରଭାତେ ।

ତେ ସର୍ଵ ସୌଖ୍ଯମନୁଭୂଯ ପରାନଵାପ୍ଯଂ

ଶ୍ରୀଶାମ୍ଭଵଂ ପଦମଵାପ୍ଯ ମୁଦଂ ଲଭନ୍ତେ

॥ 14॥

ଶ୍ଲୋକ 16

ଇତି ଶ୍ରୀମଲ୍ଲିକାର୍ଜୁନସୁପ୍ରଭାତଂ ସମ୍ପୂର୍ଣମ୍ ।