SrI Srisaila Mallikarjuna Suprabhatam

shrI shrIshaila mallikArjuna suprabhAtam

shloka 1

prAtassmarAmi gaNanAthamanAthabandhuM

sindUrapUraparishobhitagaNDayugmam |

uddaNDavighnaparikhaNDanachaNDadaNDa-

mAkhaNDalAdisuranAyakavRRindavandyam || 1||

kalAbhyAM chUDAla~NkRRitashashikalAbhyAM nijatapaH

phalAbhyAM bhakteShu prakaTitaphalAbhyAM bhavatu me |

shivAbhyAmAstIkatribhuvanashivAbhyAM hRRidi puna-

rbhavAbhyAmAnandasphuradanubhavAbhyAM natiriyam || 2||

namaste namaste mahAdeva! shambho!

namaste namaste dayApUrNasindho!

namaste namaste prapannAtmabandho!

namaste namaste namaste mahesha || 3||

shashvachChrIgirimUrdhani trijagatAM rakShAkRRitau lakShitAM

sAkShAdakShatasatkaTAkShasaraNishrImatsudhAvarShiNIm |

somArdhA~NkitamastakAM praNamatAM nissImasampatpradAM

sushlokAM bhramarAmbikAM smitamukhIM shambhossakhIM tvAM stumaH || 4||

mAtaH! prasIda, sadayA bhava, bhavyashIle !

lIlAlavAkulitadaityakulApahAre !

shrIchakrarAjanilaye ! shrutigItakIrte !

shrIshailanAthadayite ! tava suprabhAtam || 5||

shambho ! surendranuta ! sha~Nkara ! shUlapANe !

chandrAvataMsa ! shiva ! sharva ! pinAkapANe !

ga~NgAdhara ! kratupate ! garuDadhvajApta !

shrImallikArjuna vibho ! tava suprabhAtam || 6||

vishvesha ! vishvajanasevita ! vishvamUrte !

vishvambhara ! tripurabhedana ! vishvayone !

phAlAkSha ! bhavyaguNa ! bhogivibhUShaNesha !

shrImallikArjuna vibho ! tava suprabhAtam || 7||

kalyANarUpa ! karuNAkara ! kAlakaNTha !

kalpadrumaprasavapUjita ! kAmadAyin !

durnItidaityadalanodyata ! deva deva !

shrImallikArjuna vibho ! tava suprabhAtam || 8||

gaurImanohara ! gaNeshvarasevitA~Nghre !

gandharvayakShasurakinnaragItakIrte !

gaNDAvalambiphaNikuNDalamaNDitAsya !

shrImallikArjuna vibho ! tava suprabhAtam || 9||

nAgendrabhUShaNa ! nirIhita ! nirvikAra !

nirmAya ! nishchala ! nirargala ! nAgabhedin |

nArAyaNIpriya ! nateShTada ! nirmalAtman !

shrIparvatAdhipa ! vibho ! tava suprabhAtam || 10||

sRRiShTaM tvayaiva jagadetadasheShamIsha !

rakShAvidhishcha vidhigochara ! tAvakInaH |

saMhArashaktirapi shaNkara ! kiNkarI te

shrIshailashekhara vibho ! tava suprabhAtam || 11||

ekastvameva bahudhA bhava ! bhAsi loke

nishsha~NkadhIrvRRiShabhaketana ! mallinAtha !

shrIbhrAmarIpraya ! sukhAshraya ! lokanAtha !

shrIshailashekhara vibho ! tava suprabhAtam || 12||

pAtAlagANgajalamajjananirmalANgAH

bhasmatripuNDrasamala~NkRRitaphAlabhAgAH |

gAyanti devamunibhaktajanA bhavantaM

shrImallikArjuna vibho ! tava suprabhAtam || 13||

sArasvatAmbuyutabhogavatIshritAyAH

brahmeshaviShNugirichumbitakRRiShNaveNyAH |

sopAnamArgamadhiruhya bhajanti bhaktAH

shrImallikArjuna vibho ! tava suprabhAtam || 14||

shrImallikArjunamaheshvarasuprabhAta-

stotraM paThanti bhuvi ye manujAH prabhAte |

te sarva saukhyamanubhUya parAnavApyaM

shrIshAmbhavaM padamavApya mudaM labhante || 15||

iti shrImallikArjunasuprabhAtaM sampUrNam |