Sri Srinivasa Gadyam

śrī śrīnivāsa gadyam

Śloka 1

śrīmadakhilamahīmaṇḍalamaṇḍanadharaṇīdhara maṇḍalākhaṇḍalasya,

vānikhilasurāsuravandita varāhakṣetra vibhūṣaṇasya,

śeṣācala garuḍācala siṃhācala vṛṣabhācala nārāyaṇācalāñjanācalādi śikharimālākulasya,

nāthamukha bodhanidhivīthiguṇasābharaṇa sattvanidhi tattvanidhi bhaktiguṇapūrṇa śrīśailapūrṇa

guṇavaśaṃvada paramapuruṣakṛpāpūra vibhramadatuṅgaśṛṅga galadgaganagaṅgāsamāliṅgitasya,

sīmātiga guṇa rāmānujamuni nāmāṅkita bahu bhūmāśraya suradhāmālaya vanarāmāyata vanasīmāparivṛta viśaṅkaṭataṭa

nirantara vijṛmbhita bhaktirasa nirgharānantāryāhārya prasravaṇadhārāpūra vibhramada salilabharabharita mahātaṭāka maṇḍitasya,

kalikardama malamardana kalitodyama vilasadyama niyamādima munigaṇaniṣevyamāṇa

pratyakṣībhavannijasalila samajjana namajjana nikhilapāpanāśanā pāpanāśana tīrthādhyāsitasya,

murārisevaka jarādipīḍita nirārtijīvana nirāśa bhūsura varātisundara surāṅganārati karāṅgasauṣṭhava

kumāratākṛti kumāratāraka samāpanodaya danūnapātaka mahāpadāmaya vihāpanodita sakalabhuvana vidita kumāradhārābhidhāna tīrthādhiṣṭhitasya,

dharaṇitala gatasakala hatakalila śubhasalila gatabahula vividhamala haticatura

ruciratara vilokanamātra vidalita vividha mahāpātaka svāmipuṣkariṇī sametasya,

bahusaṅkaṭa narakāvaṭa patadutkaṭa kalikaṅkaṭa kaluṣodbhaṭa janapātaka vinipātaka

rucināṭaka karahāṭaka kalaśāhṛta kamalārata śubhamañjana jalasajjana

bharabharita nijadurita hatinirata janasatata nirastanirargala pepīyamāna salila sambhṛta viśaṅkaṭa kaṭāhatīrtha vibhūṣitasya,

evamādima bhūrimañjima sarvapātaka garvahāpaka sindhuḍambara hāriśambara vividhavipula puṇyatīrthanivaha nivāsasya,

śrīmato veṅkaṭācalasya śikharaśekharamahākalpaśākhī,

kharvībhavadati garvīkṛta gurumervīśagiri mukhorvīdhara kuladarvīkara dayitorvīdhara śikharorvī

satata sadūrvīkṛti caraṇaghana garvacarvaṇanipuṇa tanukiraṇamasṛṇita giriśikhara śekharatarunikara timiraḥ,

vāṇīpatiśarvāṇī dayitendrāṇiśvara mukha nāṇīyorasaveṇī

nibhaśubhavāṇī nutamahimāṇī ya stana koṇī bhavadakhila bhuvanabhavanodaraḥ,

vaimānikaguru bhūmādhika guṇa rāmānuja kṛtadhāmākara karadhāmāri daralalāmācchakanaka

dāmāyita nijarāmālaya navakisalayamaya toraṇamālāyita vanamālādharaḥ,

kālāmbuda mālānibha nīlālaka jālāvṛta bālābja salīlāmala phālāṅkasamūlāmṛta

dhārādvayāvadhīraṇa dhīralalitatara viśadatara ghana ghanasāra mayordhvapuṇḍra rekhādvayaruciraḥ,

suvikasvara dalabhāsvara kamalodara gatamedura navakesara tatibhāsura

paripiñjara kanakāmbara kalitādara lalitodara tadālamba jambharipu maṇistambha

gambhīrimadambhastambha samujjṛmbhamāṇa pīvaroruyugala tadālamba pṛthula

kadalī mukula madaharaṇajaṅghāla jaṅghāyugalaḥ,

navyadala bhavyamala pītamala śoṇimalasanmṛdula satkisalayāśrujalakāri bala śoṇatala

padakamala nijāśraya balabandīkṛta śaradindumaṇḍalī

vibhramadādabhra śubhra punarbhavādhiṣṭhitāṅgulīgāḍha nipīḍita padmāvanaḥ,

jānutalāvadhi lamba viḍambita vāraṇa śuṇḍādaṇḍa vijṛmbhita nīlamaṇimaya kalpakaśākhā

vibhramadāyi mṛṇālalatāyita samujjvalatara kanakavalaya vellitaikatara bāhudaṇḍayugalaḥ,

yugapadudita koṭi kharakara himakara maṇḍala jājvalyamāna sudarśana pāñcajanya

samuttuṅgita śṛṅgāpara bāhuyugalaḥ,

abhinavaśāṇa samuttejita mahāmahā nīlakhaṇḍa madakhaṇḍana nipuṇa

navīna paritapta kārtasvara kavacita mahanīya pṛthula sālagrāma paramparā gumbhita

nābhimaṇḍala paryanta lambamāna prālambadīpti samālambita viśāla vakṣaḥsthalaḥ,

gaṅgājhara tuṅgākṛti bhaṅgāvali bhaṅgāvaha saudhāvali bādhāvaha dhārā

nibha hārāvali dūrāhata gehāntara mohāvaha mahima masṛṇita mahātimiraḥ,

piṅgākṛti bhṛṅgāra nibhāṅgāra dalāṅgāmala niṣkāsita duṣkāryagha

niṣkāvali dīpaprabha nīpacchavi tāpaprada kanakamālikā piśaṅgita sarvāṅgaḥ,

navadalita dalavalita mṛdulalita kamalatati madavihati caturatara

pṛthulatara sarasatara kanakasaramaya rucirakaṇṭhikā kamanīyakaṇṭhaḥ,

vātāśanādhipati śayana kamana paricaraṇa ratisametākhila phaṇadhara

tati matikaravara kanakamaya nāgābharaṇa parivītākhilāṅgā vagamita śayana bhūtāhirāja jātātiśayaḥ,

ravikoṭī paripāṭī dharakoṭī ravarāṭī kitavīṭī rasadhāṭī

dharamaṇigaṇakiraṇa visaraṇa satatavidhuta timiramoha gārbhagehaḥ,

aparimita vividhabhuvana bharitākhaṇḍa brahmāṇḍamaṇḍala picaṇḍilaḥ,

āryadhuryānantārya pavitra khanitrapāta pātrīkṛta

nijacubuka gatavraṇakiṇa vibhūṣaṇa vahanasūcita śritajana vatsalatātiśayaḥ,

maḍḍuḍiṇḍima ḍhamaru jarghara kāhalī paṭahāvalī mṛdumaddalādi mṛdaṅga dundubhi

ḍhakkikāmukha hṛdya vādyaka madhuramaṅgala nādamedura

nāṭārabhi bhūpāla bilahari māyāmālava gaula asāverī sāverī śuddhasāverī devagāndhārī

dhanyāsī begaḍa hindustānī kāpī toḍi nāṭakuruñjī śrīrāga

sahana aṭhāṇa sāraṅgī darbāru pantuvarālī varālī kalyāṇī bhūrikalyāṇī yamunākalyāṇī

huśenī jañjhoṭhī kaumārī kannaḍa kharaharapriyā

kalahaṃsa nādanāmakriyā mukhārī toḍī punnāgavarālī kāmbhojī bhairavī

yadukulakāmbhojī ānandabhairavī śaṅkarābharaṇa mohana reguptī saurāṣṭrī nīlāmbarī guṇakriyā

meghagarjanī haṃsadhvani śokavarālī madhyamāvatī jeñjuruṭī suraṭī dvijāvantī malayāmbarī

kāpīparaśu dhanāsirī deśikatoḍī āhirī vasantagaulī santu kedāragaula

kanakāṅgī ratnāṅgī gānamūrtī vanaspatī vācaspatī dānavatī mānarūpī senāpatī

hanumattoḍī dhenukā nāṭakapriyā kokilapriyā rūpavatī gāyakapriyā

vakulābharaṇa cakravāka sūryakānta hāṭakāmbarī

jhaṅkāradhvanī naṭabhairavī kīravāṇī harikāmbhodī dhīraśaṅkarābharaṇa nāgānandinī yāgapriyādi

visṛmara sarasa gānarucira santata santanyamāna nityotsava pakṣotsava māsotsava

saṃvatsarotsavādi vividhotsava kṛtānandaḥ śrīmadānandanilaya vimānavāsaḥ,

satata padmālayā padapadmareṇu sañcitavakṣastala paṭavāsaḥ,

śrīśrīnivāsaḥ suprasanno vijayatāṃ.

śrī​alarmelmaṅgā nāyikāsametaḥ śrīśrīnivāsa svāmī suprītaḥ suprasanno varado bhūtvā, pavana pāṭalī pālāśa bilva punnāga cūta kadalī candana campaka mañjula mandāra hiñjulādi tilaka mātuluṅga nārikela krauñcāśoka mādhūkāmalaka hinduka nāgaketaka pūrṇakunda pūrṇagandha rasa kanda vana vañjula kharjūra sāla kovidāra hintāla panasa vikaṭa vaikasavaruṇa tarughamaraṇa viculaṅkāśvattha yakṣa vasudha varmādha mantriṇī tintriṇī bodha nyagrodha ghaṭavaṭala jambūmatallī vīratacullī vasati vāsatī jīvanī poṣaṇī pramukha nikhila sandoha tamāla mālā mahita virājamāna caṣaka mayūra haṃsa bhāradvāja kokila cakravāka kapota garuḍa nārāyaṇa nānāvidha pakṣijāti samūha brahma kṣatriya vaiśya śūdra nānājātyudbhava devatā nirmāṇa māṇikya vajra vaiḍhūrya gomedhika puṣyarāga padmarāgendra nīla pravālamauktika sphaṭika hema ratnakhacita dhagaddhagāyamāna ratha gaja turaga padāti senā samūha bherī maddala muravaka jhallarī śaṅkha kāhala nṛtyagīta tālavādya kumbhavādya pañcamukhavādya ahamīmārgannaṭīvādya kiṭikuntalavādya suraṭīcauṇḍovādya timilakavitālavādya takkarāgravādya ghaṇṭātāḍana brahmatāla samatāla kòṭṭarītāla ḍhakkarītāla èkkāla dhārāvādya paṭahakāṃsyavādya bharatanāṭyālaṅkāra kinnèra kimpuruṣa rudravīṇā mukhavīṇā vāyuvīṇā tumburuvīṇā gāndharvavīṇā nāradavīṇā svaramaṇḍala rāvaṇahastavīṇāstakriyālaṅkriyālaṅkṛtānekavidhavādya vāpīkūpataṭākādi gaṅgāyamunā revāvaruṇā

śoṇanadīśobhanadī suvarṇamukhī vegavatī vetravatī kṣīranadī bāhunadī garuḍanadī kāverī tāmraparṇī pramukhāḥ mahāpuṇyanadyaḥ sajalatīrthaiḥ sahobhayakūlaṅgata sadāpravāha ṛgyajussāmātharvaṇa vedaśāstretihāsa purāṇa sakalavidyāghoṣa bhānukoṭiprakāśa candrakoṭi samāna nityakalyāṇa paramparottarottarābhivṛddhirbhūyāditi bhavanto mahāntoznugṛhṇantu, brahmaṇyo rājā dhārmikozstu, deśoyaṃ nirupadravozstu, sarve sādhujanāssukhino vilasantu, samastasanmaṅgalāni santu, uttarottarābhivṛddhirastu, sakalakalyāṇa samṛddhirastu ||

hariḥ om ||