Sri Siddha Lakshmi Stotram

ශ්රී සිද්ධලක්ෂ්මී ස්තෝත්රම්

ශ්ලොක 1

අස්ය ශ්රීසිද්ධලක්ෂ්මීස්තෝත්රමන්ත්රස්ය හිරණ්යගර්භ ඍෂිඃ අනුෂ්ටුප් ඡන්දඃ, ශ්රීමහාකාලීමහාලක්ෂ්මීමහාසරස්වත්යෝ දේවතාඃ ශ්රීං බීජං හ්රීං ශක්තිඃ ක්ලීං කීලකං මම සර්වක්ලේශපීඩාපරිහාරාර්ථං සර්වදුඃඛදාරිද්ර්යනාශනාර්ථං සර්වකාර්යසිද්ධ්යර්ථං ශ්රීසිද්ධිලක්ෂ්මීස්තෝත්ර පාඨේ විනියෝගඃ ..

ඍෂ්යාදින්යාසඃ

ඕං හිරණ්යගර්භ ඍෂයේ නමඃ ශිරසි .

අනුෂ්ටුප්ඡන්දසේ නමෝ මුඛේ .

ශ්රීමහාකාලීමහාලක්ෂ්මීමහාසරස්වතීදේවතාභ්යෝ නමෝ හෘදිඃ .

ශ්රීං බීජාය නමෝ ගුහ්යේ .

හ්රීං ශක්තයේ නමඃ පාදයෝඃ .

ක්ලීං කීලකාය නමෝ නාභෞ .

විනියෝගාය නමඃ සර්වාඞ්ගේෂු ..

කරන්යාසඃ

ඕං ශ්රීං සිද්ධලක්ෂ්ම්යෛ අඞ්ගුෂ්ඨාභ්යාං නමඃ .

ඕං හ්රීං විෂ්ණුතේජසේ තර්ජනීභ්යාං නමඃ .

ඕං ක්ලීං අමෘතානන්දායෛ මධ්යමාභ්යාං නමඃ .

ඕං ශ්රීං දෛත්යමාලින්යෛ අනාමිකාභ්යාං නමඃ .

ඕං හ්රීං තේජඃ ප්රකාශින්යෛ කනිෂ්ඨිකාභ්යාං නමඃ .

ඕං ක්ලීං බ්රාහ්ම්යෛ වෛෂ්ණව්යෛ රුද්රාණ්යෛ කරතල කරපෘෂ්ඨාභ්යාං නමඃ ..

අඞ්ගන්යාසඃ

ඕං ශ්රීං සිද්ධලක්ෂ්ම්යෛ හෘදයාය නමඃ .

ඕං හ්රීං විෂ්ණුතේජසේ ශිරසේ ස්වාහා .

ඕං ක්ලීං අමෘතානන්දායෛ ශිඛායෛ වෂට් .

ඕං ශ්රීං දෛත්යමාලින්යෛ කවචාය හුම් .

ඕං හ්රීං තේජඃ ප්රකාශින්යෛ නේත්රත්රයාය වෞෂට් .

ඕං ක්ලීං බ්රාහ්ම්යෛ වෛෂ්ණව්යෛ රුද්රාණ්යෛ අස්ත්රාය ඵට් ..

ඕං ශ්රීං හ්රීං ක්ලීං ශ්රීං සිද්ධලක්ෂ්ම්යෛ නමඃ ඉති දිග්බන්ධඃ ..

අථ ධ්යානම්

බ්රාහ්මීං ච වෛෂ්ණවීං භද්රාං ෂඩ්භුජාං ච චතුර්මුඛීම් .

ත්රිනේත්රාං ඛඩ්ගත්රිශූලපද්මචක්රගදාධරාම් .. 1 ..

පීතාම්බරධරාං දේවීං නානාලඞ්කාරභූෂිතාම් .

තේජඃපුඤ්ජධරීං ශ්රේෂ්ඨාං ධ්යායේද්බාලකුමාරිකාම් .. 2 ..

අථ ස්තෝත්රම්

ඕඞ්කාරං ලක්ෂ්මීරූපං තු විෂ්ණුං වාග්භවමව්යයම් .

විෂ්ණුමානන්දමව්යක්තං හ්රීඞ්කාරං බීජරූපිණීම් .. 3 ..

ක්ලීං අමෘතානන්දිනීං භද්රාං සත්යානන්දදායිනීම් .

ශ්රීං දෛත්යශමනීං ශක්තිං මාලිනීං ශත්රුමර්දිනීම් .. 4 ..

තේජඃ ප්රකාශිනීං දේවීං වරදාං ශුභකාරිණීම් .

බ්රාහ්මීං ච වෛෂ්ණවීං රෞද්රීං කාලිකාරූපශෝභිනීම් .. 5 ..

අකාරේ ලක්ෂ්මීරූපං තු උකාරේ විෂ්ණුමව්යයම් .

මකාරඃ පුරුෂෝ(අ)ව්යක්තෝ දේවී ප්රණව උච්යතේ .. 6 ..

සූර්යකෝටිප්රතීකාශං චන්ද්රකෝටිසමප්රභම් .

තන්මධ්යේ නිකරං සූක්ෂ්මං බ්රහ්මරුපං ව්යවස්ථිතම් .. 7 ..

ඕඞ්කාරං පරමානන්දං සදෛව සුරසුන්දරීම් .

සිද්ධලක්ෂ්මී මෝක්ෂලක්ෂ්මී ආද්යලක්ෂ්මී නමෝ(අ)ස්තු තේ .. 8 ..

ශ්රීඞ්කාරං පරමං සිද්ධං සර්වබුද්ධිප්රදායකම් .

සෞභාග්යා(අ)මෘතා කමලා සත්යලක්ෂ්මී නමෝ(අ)ස්තු තේ .. 9 ..

හ්රීඞ්කාරං පරමං ශුද්ධං පරමෛශ්වර්යදායකම් .

කමලා ධනදා ලක්ෂ්මී භෝගලක්ෂ්මී නමෝ(අ)ස්තු තේ .. 10 ..

ක්ලීඞ්කාරං කාමරූපිණ්යං කාමනාපරිපූර්තිදම් .

චපලා චඤ්චලා ලක්ෂ්මී කාත්යායනී නමෝ(අ)ස්තු තේ .. 11 ..

ශ්රීඞ්කාරං සිද්ධිරූපිණ්යං සර්වසිද්ධිප්රදායකම් .

පද්මානනාං ජගන්මාත්රේ අෂ්ටලක්ෂ්මීං නමෝ(අ)ස්තු තේ .. 12 ..

සර්වමඞ්ගලමාඞ්ගල්යේ ශිවේ සර්වාර්ථසාධිකේ .

ශරණ්යේ ත්ර්යම්බකේ ගෞරි නාරායණී නමෝ(අ)ස්තු තේ .. 13 ..

ප්රථමං ත්ර්යම්බකා ගෞරී ද්විතීයං වෛෂ්ණවී තථා .

තෘතීයං කමලා ප්රෝක්තා චතුර්ථං සුන්දරී තථා .. 14 ..

පඤ්චමං විෂ්ණුශක්තිශ්ච ෂෂ්ඨං කාත්යායනී තථා .

වාරාහී සප්තමං චෛව හ්යෂ්ටමං හරිවල්ලභා .. 15 ..

නවමං ඛඩ්ගිනී ප්රෝක්තා දශමං චෛව දේවිකා .

ඒකාදශං සිද්ධලක්ෂ්මීර්ද්වාදශං හංසවාහිනී .. 16 ..

උත්තරන්යාසඃ

ඕං ශ්රීං සිද්ධලක්ෂ්ම්යෛ හෘදයාය නමඃ .

ඕං හ්රීං විෂ්ණුතේජසේ ශිරසේ ස්වාහා .

ඕං ක්ලීං අමෘතානන්දායෛ ශිඛායෛ වෂට් .

ඕං ශ්රීං දෛත්යමාලින්යෛ කවචාය හුම් .

ඕං හ්රීං තේජඃ ප්රකාශින්යෛ නේත්රත්රයාය වෞෂට් .

ඕං ක්ලීං බ්රාහ්ම්යෛ වෛෂ්ණව්යෛ රුද්රාණ්යෛ අස්ත්රාය ඵට් ..

ඕං ශ්රීං හ්රීං ක්ලීං ශ්රීං සිද්ධලක්ෂ්ම්යෛ නමඃ ඉති දිග්විමෝකඃ ..

අථ ඵලශෘතිඃ

ඒතත් ස්තෝත්රවරං දේව්යා යේ පඨන්ති සදා නරාඃ .

සර්වාපද්භ්යෝ විමුච්යන්තේ නාත්ර කාර්යා විචාරණා .. 17 ..

ඒකමාසං ද්විමාසං ච ත්රිමාසං ච චතුස්ථථා .

පඤ්චමාසං ච ෂණ්මාසං ත්රිකාලං යඃ සදා පඨේත් .. 18 ..

බ්රාහ්මණඃ ක්ලේශිතෝ දුඃඛී දාරිද්ර්යභයපීඩිතඃ .

ජන්මාන්තර සහස්රෝත්ථෛර්මුච්යතේ සර්වකිල්බෂෛඃ .. 19 ..

දරිද්රෝ ලභතේ ලක්ෂ්මීමපුත්රඃ පුත්රවාන් භවේත් .

ධන්යෝ යශස්වී ශත්රුඝ්නෝ වහ්නිචෞරභයේෂු ච .. 20 ..

ශාකිනී භූත වේතාල සර්ප ව්යාඝ්ර නිපාතනේ .

රාජද්වාරේ සභාස්ථානේ කාරාගෘහනිබන්ධනේ .. 21 ..

ඊශ්වරේණ කෘතං ස්තෝත්රං ප්රාණිනාං හිතකාරකම් .

ස්තුවන්තු බ්රාහ්මණාඃ නිත්යං දාරිද්ර්යං න ච බාධතේ .. 22 ..

සර්වපාපහරා ලක්ෂ්මීඃ සර්වසිද්ධිප්රදායිනීම් .

සාධකාඃ ලභතේ සර්වං පඨේත් ස්තෝත්රං නිරන්තරම් .. 23 ..

ප්රාර්ථනා

යා ශ්රීඃ පද්මවනේ කදම්බශිඛරේ රාජගෘහේ කුඤ්ජරේ

ශ්වේතේ චාශ්වයුතේ වෘෂේ ච යුගලේ යජ්ඤේ ච යූපස්ථිතේ .

ශඞ්ඛේ දෛවකුලේ නරේන්ද්රභවනේ ගඞ්ගාතටේ ගෝකුලේ

සා ශ්රීස්තිෂ්ඨතු සර්වදා මම ගෘහේ භූයාත් සදා නිශ්චලා ..

යා සා පද්මාසනස්ථා විපුලකටිතටී පද්මපත්රායතාක්ෂී

ගම්භීරාවර්තනාභිඃ ස්තනභරනමිතා ශුද්ධවස්ත්රෝත්තරීයා .

ලක්ෂ්මීර්දිව්යෛර්ගජේන්ද්රෛර්මණිගණඛචිතෛඃ ස්නාපිතා හේමකුම්භෛඃ

නිත්යං සා පද්මහස්තා මම වසතු ගෘහේ සර්වමාඞ්ගල්යයුක්තා ..

ඉති ශ්රීබ්රහ්මපුරාණේ ඊශ්වරවිෂ්ණුසංවාදේ ශ්රී සිද්ධලක්ෂ්මී ස්තෝත්රම් ..