Sri Siddha Lakshmi Stotram

ଶ୍ରୀ ସିଦ୍ଧଲକ୍ଷ୍ମୀ ସ୍ତୋତ୍ରମ୍

ଶ୍ଲୋକ 1

ଅସ୍ଯ ଶ୍ରୀସିଦ୍ଧଲକ୍ଷ୍ମୀସ୍ତୋତ୍ରମନ୍ତ୍ରସ୍ଯ ହିରଣ୍ଯଗର୍ଭ ଋଷିଃ ଅନୁଷ୍ଟୁପ୍ ଛନ୍ଦଃ, ଶ୍ରୀମହାକାଲୀମହାଲକ୍ଷ୍ମୀମହାସରସ୍ଵତ୍ଯୋ ଦେଵତାଃ ଶ୍ରୀଂ ବୀଜଂ ହ୍ରୀଂ ଶକ୍ତିଃ କ୍ଲୀଂ କୀଲକଂ ମମ ସର୍ଵକ୍ଲେଶପୀଡାପରିହାରାର୍ଥଂ ସର୍ଵଦୁଃଖଦାରିଦ୍ର୍ଯନାଶନାର୍ଥଂ ସର୍ଵକାର୍ଯସିଦ୍ଧ୍ଯର୍ଥଂ ଶ୍ରୀସିଦ୍ଧିଲକ୍ଷ୍ମୀସ୍ତୋତ୍ର ପାଠେ ଵିନିଯୋଗଃ ॥

ଋଷ୍ଯାଦିନ୍ଯାସଃ

ଓଁ ହିରଣ୍ଯଗର୍ଭ ଋଷଯେ ନମଃ ଶିରସି ।

ଅନୁଷ୍ଟୁପ୍ଛନ୍ଦସେ ନମୋ ମୁଖେ ।

ଶ୍ରୀମହାକାଲୀମହାଲକ୍ଷ୍ମୀମହାସରସ୍ଵତୀଦେଵତାଭ୍ଯୋ ନମୋ ହୃଦିଃ ।

ଶ୍ରୀଂ ବୀଜାଯ ନମୋ ଗୁହ୍ଯେ ।

ହ୍ରୀଂ ଶକ୍ତଯେ ନମଃ ପାଦଯୋଃ ।

କ୍ଲୀଂ କୀଲକାଯ ନମୋ ନାଭୌ ।

ଵିନିଯୋଗାଯ ନମଃ ସର୍ଵାଙ୍ଗେଷୁ ॥

କରନ୍ଯାସଃ

ଓଁ ଶ୍ରୀଂ ସିଦ୍ଧଲକ୍ଷ୍ମ୍ଯୈ ଅଙ୍ଗୁଷ୍ଠାଭ୍ଯାଂ ନମଃ ।

ଓଁ ହ୍ରୀଂ ଵିଷ୍ଣୁତେଜସେ ତର୍ଜନୀଭ୍ଯାଂ ନମଃ ।

ଓଁ କ୍ଲୀଂ ଅମୃତାନନ୍ଦାଯୈ ମଧ୍ଯମାଭ୍ଯାଂ ନମଃ ।

ଓଁ ଶ୍ରୀଂ ଦୈତ୍ଯମାଲିନ୍ଯୈ ଅନାମିକାଭ୍ଯାଂ ନମଃ ।

ଓଁ ହ୍ରୀଂ ତେଜଃ ପ୍ରକାଶିନ୍ଯୈ କନିଷ୍ଠିକାଭ୍ଯାଂ ନମଃ ।

ଓଁ କ୍ଲୀଂ ବ୍ରାହ୍ମ୍ଯୈ ଵୈଷ୍ଣଵ୍ଯୈ ରୁଦ୍ରାଣ୍ଯୈ କରତଲ କରପୃଷ୍ଠାଭ୍ଯାଂ ନମଃ ॥

ଅଙ୍ଗନ୍ଯାସଃ

ଓଁ ଶ୍ରୀଂ ସିଦ୍ଧଲକ୍ଷ୍ମ୍ଯୈ ହୃଦଯାଯ ନମଃ ।

ଓଁ ହ୍ରୀଂ ଵିଷ୍ଣୁତେଜସେ ଶିରସେ ସ୍ଵାହା ।

ଓଁ କ୍ଲୀଂ ଅମୃତାନନ୍ଦାଯୈ ଶିଖାଯୈ ଵଷଟ୍ ।

ଓଁ ଶ୍ରୀଂ ଦୈତ୍ଯମାଲିନ୍ଯୈ କଵଚାଯ ହୁମ୍ ।

ଓଁ ହ୍ରୀଂ ତେଜଃ ପ୍ରକାଶିନ୍ଯୈ ନେତ୍ରତ୍ରଯାଯ ଵୌଷଟ୍ ।

ଓଁ କ୍ଲୀଂ ବ୍ରାହ୍ମ୍ଯୈ ଵୈଷ୍ଣଵ୍ଯୈ ରୁଦ୍ରାଣ୍ଯୈ ଅସ୍ତ୍ରାଯ ଫଟ୍ ॥

ଓଁ ଶ୍ରୀଂ ହ୍ରୀଂ କ୍ଲୀଂ ଶ୍ରୀଂ ସିଦ୍ଧଲକ୍ଷ୍ମ୍ଯୈ ନମଃ ଇତି ଦିଗ୍ବନ୍ଧଃ ॥

ଅଥ ଧ୍ଯାନମ୍

ବ୍ରାହ୍ମୀଂ ଚ ଵୈଷ୍ଣଵୀଂ ଭଦ୍ରାଂ ଷଡ୍ଭୁଜାଂ ଚ ଚତୁର୍ମୁଖୀମ୍ ।

ତ୍ରିନେତ୍ରାଂ ଖଡ୍ଗତ୍ରିଶୂଲପଦ୍ମଚକ୍ରଗଦାଧରାମ୍

ଶ୍ଲୋକ 2

ପୀତାମ୍ବରଧରାଂ ଦେଵୀଂ ନାନାଲଙ୍କାରଭୂଷିତାମ୍ ।

ତେଜଃପୁଞ୍ଜଧରୀଂ ଶ୍ରେଷ୍ଠାଂ ଧ୍ଯାଯେଦ୍ବାଲକୁମାରିକାମ୍

॥ 1 ॥

ଶ୍ଲୋକ 3

ଅଥ ସ୍ତୋତ୍ରମ୍

ଓଙ୍କାରଂ ଲକ୍ଷ୍ମୀରୂପଂ ତୁ ଵିଷ୍ଣୁଂ ଵାଗ୍ଭଵମଵ୍ଯଯମ୍ ।

ଵିଷ୍ଣୁମାନନ୍ଦମଵ୍ଯକ୍ତଂ ହ୍ରୀଙ୍କାରଂ ବୀଜରୂପିଣୀମ୍

॥ 2 ॥

ଶ୍ଲୋକ 4

କ୍ଲୀଂ ଅମୃତାନନ୍ଦିନୀଂ ଭଦ୍ରାଂ ସତ୍ଯାନନ୍ଦଦାଯିନୀମ୍ ।

ଶ୍ରୀଂ ଦୈତ୍ଯଶମନୀଂ ଶକ୍ତିଂ ମାଲିନୀଂ ଶତ୍ରୁମର୍ଦିନୀମ୍

॥ 3 ॥

ଶ୍ଲୋକ 5

ତେଜଃ ପ୍ରକାଶିନୀଂ ଦେଵୀଂ ଵରଦାଂ ଶୁଭକାରିଣୀମ୍ ।

ବ୍ରାହ୍ମୀଂ ଚ ଵୈଷ୍ଣଵୀଂ ରୌଦ୍ରୀଂ କାଲିକାରୂପଶୋଭିନୀମ୍

॥ 4 ॥

ଶ୍ଲୋକ 6

ଅକାରେ ଲକ୍ଷ୍ମୀରୂପଂ ତୁ ଉକାରେ ଵିଷ୍ଣୁମଵ୍ଯଯମ୍ ।

ମକାରଃ ପୁରୁଷୋଽଵ୍ଯକ୍ତୋ ଦେଵୀ ପ୍ରଣଵ ଉଚ୍ଯତେ

॥ 5 ॥

ଶ୍ଲୋକ 7

ସୂର୍ଯକୋଟିପ୍ରତୀକାଶଂ ଚନ୍ଦ୍ରକୋଟିସମପ୍ରଭମ୍ ।

ତନ୍ମଧ୍ଯେ ନିକରଂ ସୂକ୍ଷ୍ମଂ ବ୍ରହ୍ମରୁପଂ ଵ୍ଯଵସ୍ଥିତମ୍

॥ 6 ॥

ଶ୍ଲୋକ 8

ଓଙ୍କାରଂ ପରମାନନ୍ଦଂ ସଦୈଵ ସୁରସୁନ୍ଦରୀମ୍ ।

ସିଦ୍ଧଲକ୍ଷ୍ମୀ ମୋକ୍ଷଲକ୍ଷ୍ମୀ ଆଦ୍ଯଲକ୍ଷ୍ମୀ ନମୋଽସ୍ତୁ ତେ

॥ 7 ॥

ଶ୍ଲୋକ 9

ଶ୍ରୀଙ୍କାରଂ ପରମଂ ସିଦ୍ଧଂ ସର୍ଵବୁଦ୍ଧିପ୍ରଦାଯକମ୍ ।

ସୌଭାଗ୍ଯାଽମୃତା କମଲା ସତ୍ଯଲକ୍ଷ୍ମୀ ନମୋଽସ୍ତୁ ତେ

॥ 8 ॥

ଶ୍ଲୋକ 10

ହ୍ରୀଙ୍କାରଂ ପରମଂ ଶୁଦ୍ଧଂ ପରମୈଶ୍ଵର୍ଯଦାଯକମ୍ ।

କମଲା ଧନଦା ଲକ୍ଷ୍ମୀ ଭୋଗଲକ୍ଷ୍ମୀ ନମୋଽସ୍ତୁ ତେ

॥ 9 ॥

ଶ୍ଲୋକ 11

କ୍ଲୀଙ୍କାରଂ କାମରୂପିଣ୍ଯଂ କାମନାପରିପୂର୍ତିଦମ୍ ।

ଚପଲା ଚଞ୍ଚଲା ଲକ୍ଷ୍ମୀ କାତ୍ଯାଯନୀ ନମୋଽସ୍ତୁ ତେ

॥ 10 ॥

ଶ୍ଲୋକ 12

ଶ୍ରୀଙ୍କାରଂ ସିଦ୍ଧିରୂପିଣ୍ଯଂ ସର୍ଵସିଦ୍ଧିପ୍ରଦାଯକମ୍ ।

ପଦ୍ମାନନାଂ ଜଗନ୍ମାତ୍ରେ ଅଷ୍ଟଲକ୍ଷ୍ମୀଂ ନମୋଽସ୍ତୁ ତେ

॥ 11 ॥

ଶ୍ଲୋକ 13

ସର୍ଵମଙ୍ଗଲମାଙ୍ଗଲ୍ଯେ ଶିଵେ ସର୍ଵାର୍ଥସାଧିକେ ।

ଶରଣ୍ଯେ ତ୍ର୍ଯମ୍ବକେ ଗୌରି ନାରାଯଣୀ ନମୋଽସ୍ତୁ ତେ

॥ 12 ॥

ଶ୍ଲୋକ 14

ପ୍ରଥମଂ ତ୍ର୍ଯମ୍ବକା ଗୌରୀ ଦ୍ଵିତୀଯଂ ଵୈଷ୍ଣଵୀ ତଥା ।

ତୃତୀଯଂ କମଲା ପ୍ରୋକ୍ତା ଚତୁର୍ଥଂ ସୁନ୍ଦରୀ ତଥା

॥ 13 ॥

ଶ୍ଲୋକ 15

ପଞ୍ଚମଂ ଵିଷ୍ଣୁଶକ୍ତିଶ୍ଚ ଷଷ୍ଠଂ କାତ୍ଯାଯନୀ ତଥା ।

ଵାରାହୀ ସପ୍ତମଂ ଚୈଵ ହ୍ଯଷ୍ଟମଂ ହରିଵଲ୍ଲଭା

॥ 14 ॥

ଶ୍ଲୋକ 16

ନଵମଂ ଖଡ୍ଗିନୀ ପ୍ରୋକ୍ତା ଦଶମଂ ଚୈଵ ଦେଵିକା ।

ଏକାଦଶଂ ସିଦ୍ଧଲକ୍ଷ୍ମୀର୍ଦ୍ଵାଦଶଂ ହଂସଵାହିନୀ

॥ 15 ॥

ଶ୍ଲୋକ 17

ଉତ୍ତରନ୍ଯାସଃ

ଓଁ ଶ୍ରୀଂ ସିଦ୍ଧଲକ୍ଷ୍ମ୍ଯୈ ହୃଦଯାଯ ନମଃ ।

ଓଁ ହ୍ରୀଂ ଵିଷ୍ଣୁତେଜସେ ଶିରସେ ସ୍ଵାହା ।

ଓଁ କ୍ଲୀଂ ଅମୃତାନନ୍ଦାଯୈ ଶିଖାଯୈ ଵଷଟ୍ ।

ଓଁ ଶ୍ରୀଂ ଦୈତ୍ଯମାଲିନ୍ଯୈ କଵଚାଯ ହୁମ୍ ।

ଓଁ ହ୍ରୀଂ ତେଜଃ ପ୍ରକାଶିନ୍ଯୈ ନେତ୍ରତ୍ରଯାଯ ଵୌଷଟ୍ ।

ଓଁ କ୍ଲୀଂ ବ୍ରାହ୍ମ୍ଯୈ ଵୈଷ୍ଣଵ୍ଯୈ ରୁଦ୍ରାଣ୍ଯୈ ଅସ୍ତ୍ରାଯ ଫଟ୍ ॥

ଓଁ ଶ୍ରୀଂ ହ୍ରୀଂ କ୍ଲୀଂ ଶ୍ରୀଂ ସିଦ୍ଧଲକ୍ଷ୍ମ୍ଯୈ ନମଃ ଇତି ଦିଗ୍ଵିମୋକଃ ॥

ଅଥ ଫଲଶୃତିଃ

ଏତତ୍ ସ୍ତୋତ୍ରଵରଂ ଦେଵ୍ଯା ଯେ ପଠନ୍ତି ସଦା ନରାଃ ।

ସର୍ଵାପଦ୍ଭ୍ଯୋ ଵିମୁଚ୍ଯନ୍ତେ ନାତ୍ର କାର୍ଯା ଵିଚାରଣା

॥ 16 ॥

ଶ୍ଲୋକ 18

ଏକମାସଂ ଦ୍ଵିମାସଂ ଚ ତ୍ରିମାସଂ ଚ ଚତୁସ୍ଥଥା ।

ପଞ୍ଚମାସଂ ଚ ଷଣ୍ମାସଂ ତ୍ରିକାଲଂ ଯଃ ସଦା ପଠେତ୍

॥ 17 ॥

ଶ୍ଲୋକ 19

ବ୍ରାହ୍ମଣଃ କ୍ଲେଶିତୋ ଦୁଃଖୀ ଦାରିଦ୍ର୍ଯଭଯପୀଡିତଃ ।

ଜନ୍ମାନ୍ତର ସହସ୍ରୋତ୍ଥୈର୍ମୁଚ୍ଯତେ ସର୍ଵକିଲ୍ବଷୈଃ

॥ 18 ॥

ଶ୍ଲୋକ 20

ଦରିଦ୍ରୋ ଲଭତେ ଲକ୍ଷ୍ମୀମପୁତ୍ରଃ ପୁତ୍ରଵାନ୍ ଭଵେତ୍ ।

ଧନ୍ଯୋ ଯଶସ୍ଵୀ ଶତ୍ରୁଘ୍ନୋ ଵହ୍ନିଚୌରଭଯେଷୁ ଚ

॥ 19 ॥

ଶ୍ଲୋକ 21

ଶାକିନୀ ଭୂତ ଵେତାଲ ସର୍ପ ଵ୍ଯାଘ୍ର ନିପାତନେ ।

ରାଜଦ୍ଵାରେ ସଭାସ୍ଥାନେ କାରାଗୃହନିବନ୍ଧନେ

॥ 20 ॥

ଶ୍ଲୋକ 22

ଈଶ୍ଵରେଣ କୃତଂ ସ୍ତୋତ୍ରଂ ପ୍ରାଣିନାଂ ହିତକାରକମ୍ ।

ସ୍ତୁଵନ୍ତୁ ବ୍ରାହ୍ମଣାଃ ନିତ୍ଯଂ ଦାରିଦ୍ର୍ଯଂ ନ ଚ ବାଧତେ

॥ 21 ॥

ଶ୍ଲୋକ 23

ସର୍ଵପାପହରା ଲକ୍ଷ୍ମୀଃ ସର୍ଵସିଦ୍ଧିପ୍ରଦାଯିନୀମ୍ ।

ସାଧକାଃ ଲଭତେ ସର୍ଵଂ ପଠେତ୍ ସ୍ତୋତ୍ରଂ ନିରନ୍ତରମ୍

॥ 22 ॥

ଶ୍ଲୋକ 24

ପ୍ରାର୍ଥନା

ଯା ଶ୍ରୀଃ ପଦ୍ମଵନେ କଦମ୍ବଶିଖରେ ରାଜଗୃହେ କୁଞ୍ଜରେ

ଶ୍ଵେତେ ଚାଶ୍ଵଯୁତେ ଵୃଷେ ଚ ଯୁଗଲେ ଯଜ୍ଞେ ଚ ଯୂପସ୍ଥିତେ ।

ଶଙ୍ଖେ ଦୈଵକୁଲେ ନରେନ୍ଦ୍ରଭଵନେ ଗଙ୍ଗାତଟେ ଗୋକୁଲେ

ସା ଶ୍ରୀସ୍ତିଷ୍ଠତୁ ସର୍ଵଦା ମମ ଗୃହେ ଭୂଯାତ୍ ସଦା ନିଶ୍ଚଲା ॥

ଯା ସା ପଦ୍ମାସନସ୍ଥା ଵିପୁଲକଟିତଟୀ ପଦ୍ମପତ୍ରାଯତାକ୍ଷୀ

ଗମ୍ଭୀରାଵର୍ତନାଭିଃ ସ୍ତନଭରନମିତା ଶୁଦ୍ଧଵସ୍ତ୍ରୋତ୍ତରୀଯା ।

ଲକ୍ଷ୍ମୀର୍ଦିଵ୍ଯୈର୍ଗଜେନ୍ଦ୍ରୈର୍ମଣିଗଣଖଚିତୈଃ ସ୍ନାପିତା ହେମକୁମ୍ଭୈଃ

ନିତ୍ଯଂ ସା ପଦ୍ମହସ୍ତା ମମ ଵସତୁ ଗୃହେ ସର୍ଵମାଙ୍ଗଲ୍ଯଯୁକ୍ତା ॥

ଇତି ଶ୍ରୀବ୍ରହ୍ମପୁରାଣେ ଈଶ୍ଵରଵିଷ୍ଣୁସଂଵାଦେ ଶ୍ରୀ ସିଦ୍ଧଲକ୍ଷ୍ମୀ ସ୍ତୋତ୍ରମ୍ ॥