శ్రీ సిద్ధలక్ష్మీ స్తోత్రమ్

శ్రీ సిద్ధలక్ష్మీ స్తోత్రమ్

శ్లోక 1

అస్య శ్రీసిద్ధలక్ష్మీస్తోత్రమన్త్రస్య హిరణ్యగర్భ ఋషిః అనుష్టుప్ ఛన్దః, శ్రీమహాకాలీమహాలక్ష్మీమహాసరస్వత్యో దేవతాః శ్రీం బీజం హ్రీం శక్తిః క్లీం కీలకం మమ సర్వక్లేశపీడాపరిహారార్థం సర్వదుఃఖదారిద్ర్యనాశనార్థం సర్వకార్యసిద్ధ్యర్థం శ్రీసిద్ధిలక్ష్మీస్తోత్ర పాఠే వినియోగః ॥

ఋష్యాదిన్యాసః

ఓం హిరణ్యగర్భ ఋషయే నమః శిరసి ।

అనుష్టుప్ఛన్దసే నమో ముఖే ।

శ్రీమహాకాలీమహాలక్ష్మీమహాసరస్వతీదేవతాభ్యో నమో హృదిః ।

శ్రీం బీజాయ నమో గుహ్యే ।

హ్రీం శక్తయే నమః పాదయోః ।

క్లీం కీలకాయ నమో నాభౌ ।

వినియోగాయ నమః సర్వాఙ్గేషు ॥

కరన్యాసః

ఓం శ్రీం సిద్ధలక్ష్మ్యై అఙ్గుష్ఠాభ్యాం నమః ।

ఓం హ్రీం విష్ణుతేజసే తర్జనీభ్యాం నమః ।

ఓం క్లీం అమృతానన్దాయై మధ్యమాభ్యాం నమః ।

ఓం శ్రీం దైత్యమాలిన్యై అనామికాభ్యాం నమః ।

ఓం హ్రీం తేజః ప్రకాశిన్యై కనిష్ఠికాభ్యాం నమః ।

ఓం క్లీం బ్రాహ్మ్యై వైష్ణవ్యై రుద్రాణ్యై కరతల కరపృష్ఠాభ్యాం నమః ॥

అఙ్గన్యాసః

ఓం శ్రీం సిద్ధలక్ష్మ్యై హృదయాయ నమః ।

ఓం హ్రీం విష్ణుతేజసే శిరసే స్వాహా ।

ఓం క్లీం అమృతానన్దాయై శిఖాయై వషట్ ।

ఓం శ్రీం దైత్యమాలిన్యై కవచాయ హుమ్ ।

ఓం హ్రీం తేజః ప్రకాశిన్యై నేత్రత్రయాయ వౌషట్ ।

ఓం క్లీం బ్రాహ్మ్యై వైష్ణవ్యై రుద్రాణ్యై అస్త్రాయ ఫట్ ॥

ఓం శ్రీం హ్రీం క్లీం శ్రీం సిద్ధలక్ష్మ్యై నమః ఇతి దిగ్బన్ధః ॥

అథ ధ్యానమ్

బ్రాహ్మీం చ వైష్ణవీం భద్రాం షడ్భుజాం చ చతుర్ముఖీమ్ ।

త్రినేత్రాం ఖడ్గత్రిశూలపద్మచక్రగదాధరామ్

శ్లోక 2

పీతామ్బరధరాం దేవీం నానాలఙ్కారభూషితామ్ ।

తేజఃపుఞ్జధరీం శ్రేష్ఠాం ధ్యాయేద్బాలకుమారికామ్

॥ 1 ॥

శ్లోక 3

అథ స్తోత్రమ్

ఓఙ్కారం లక్ష్మీరూపం తు విష్ణుం వాగ్భవమవ్యయమ్ ।

విష్ణుమానన్దమవ్యక్తం హ్రీఙ్కారం బీజరూపిణీమ్

॥ 2 ॥

శ్లోక 4

క్లీం అమృతానన్దినీం భద్రాం సత్యానన్దదాయినీమ్ ।

శ్రీం దైత్యశమనీం శక్తిం మాలినీం శత్రుమర్దినీమ్

॥ 3 ॥

శ్లోక 5

తేజః ప్రకాశినీం దేవీం వరదాం శుభకారిణీమ్ ।

బ్రాహ్మీం చ వైష్ణవీం రౌద్రీం కాలికారూపశోభినీమ్

॥ 4 ॥

శ్లోక 6

అకారే లక్ష్మీరూపం తు ఉకారే విష్ణుమవ్యయమ్ ।

మకారః పురుషోఽవ్యక్తో దేవీ ప్రణవ ఉచ్యతే

॥ 5 ॥

శ్లోక 7

సూర్యకోటిప్రతీకాశం చన్ద్రకోటిసమప్రభమ్ ।

తన్మధ్యే నికరం సూక్ష్మం బ్రహ్మరుపం వ్యవస్థితమ్

॥ 6 ॥

శ్లోక 8

ఓఙ్కారం పరమానన్దం సదైవ సురసున్దరీమ్ ।

సిద్ధలక్ష్మీ మోక్షలక్ష్మీ ఆద్యలక్ష్మీ నమోఽస్తు తే

॥ 7 ॥

శ్లోక 9

శ్రీఙ్కారం పరమం సిద్ధం సర్వబుద్ధిప్రదాయకమ్ ।

సౌభాగ్యాఽమృతా కమలా సత్యలక్ష్మీ నమోఽస్తు తే

॥ 8 ॥

శ్లోక 10

హ్రీఙ్కారం పరమం శుద్ధం పరమైశ్వర్యదాయకమ్ ।

కమలా ధనదా లక్ష్మీ భోగలక్ష్మీ నమోఽస్తు తే

॥ 9 ॥

శ్లోక 11

క్లీఙ్కారం కామరూపిణ్యం కామనాపరిపూర్తిదమ్ ।

చపలా చఞ్చలా లక్ష్మీ కాత్యాయనీ నమోఽస్తు తే

॥ 10 ॥

శ్లోక 12

శ్రీఙ్కారం సిద్ధిరూపిణ్యం సర్వసిద్ధిప్రదాయకమ్ ।

పద్మాననాం జగన్మాత్రే అష్టలక్ష్మీం నమోఽస్తు తే

॥ 11 ॥

శ్లోక 13

సర్వమఙ్గలమాఙ్గల్యే శివే సర్వార్థసాధికే ।

శరణ్యే త్ర్యమ్బకే గౌరి నారాయణీ నమోఽస్తు తే

॥ 12 ॥

శ్లోక 14

ప్రథమం త్ర్యమ్బకా గౌరీ ద్వితీయం వైష్ణవీ తథా ।

తృతీయం కమలా ప్రోక్తా చతుర్థం సున్దరీ తథా

॥ 13 ॥

శ్లోక 15

పఞ్చమం విష్ణుశక్తిశ్చ షష్ఠం కాత్యాయనీ తథా ।

వారాహీ సప్తమం చైవ హ్యష్టమం హరివల్లభా

॥ 14 ॥

శ్లోక 16

నవమం ఖడ్గినీ ప్రోక్తా దశమం చైవ దేవికా ।

ఏకాదశం సిద్ధలక్ష్మీర్ద్వాదశం హంసవాహినీ

॥ 15 ॥

శ్లోక 17

ఉత్తరన్యాసః

ఓం శ్రీం సిద్ధలక్ష్మ్యై హృదయాయ నమః ।

ఓం హ్రీం విష్ణుతేజసే శిరసే స్వాహా ।

ఓం క్లీం అమృతానన్దాయై శిఖాయై వషట్ ।

ఓం శ్రీం దైత్యమాలిన్యై కవచాయ హుమ్ ।

ఓం హ్రీం తేజః ప్రకాశిన్యై నేత్రత్రయాయ వౌషట్ ।

ఓం క్లీం బ్రాహ్మ్యై వైష్ణవ్యై రుద్రాణ్యై అస్త్రాయ ఫట్ ॥

ఓం శ్రీం హ్రీం క్లీం శ్రీం సిద్ధలక్ష్మ్యై నమః ఇతి దిగ్విమోకః ॥

అథ ఫలశృతిః

ఏతత్ స్తోత్రవరం దేవ్యా యే పఠన్తి సదా నరాః ।

సర్వాపద్భ్యో విముచ్యన్తే నాత్ర కార్యా విచారణా

॥ 16 ॥

శ్లోక 18

ఏకమాసం ద్విమాసం చ త్రిమాసం చ చతుస్థథా ।

పఞ్చమాసం చ షణ్మాసం త్రికాలం యః సదా పఠేత్

॥ 17 ॥

శ్లోక 19

బ్రాహ్మణః క్లేశితో దుఃఖీ దారిద్ర్యభయపీడితః ।

జన్మాన్తర సహస్రోత్థైర్ముచ్యతే సర్వకిల్బషైః

॥ 18 ॥

శ్లోక 20

దరిద్రో లభతే లక్ష్మీమపుత్రః పుత్రవాన్ భవేత్ ।

ధన్యో యశస్వీ శత్రుఘ్నో వహ్నిచౌరభయేషు చ

॥ 19 ॥

శ్లోక 21

శాకినీ భూత వేతాల సర్ప వ్యాఘ్ర నిపాతనే ।

రాజద్వారే సభాస్థానే కారాగృహనిబన్ధనే

॥ 20 ॥

శ్లోక 22

ఈశ్వరేణ కృతం స్తోత్రం ప్రాణినాం హితకారకమ్ ।

స్తువన్తు బ్రాహ్మణాః నిత్యం దారిద్ర్యం న చ బాధతే

॥ 21 ॥

శ్లోక 23

సర్వపాపహరా లక్ష్మీః సర్వసిద్ధిప్రదాయినీమ్ ।

సాధకాః లభతే సర్వం పఠేత్ స్తోత్రం నిరన్తరమ్

॥ 22 ॥

శ్లోక 24

ప్రార్థనా

యా శ్రీః పద్మవనే కదమ్బశిఖరే రాజగృహే కుఞ్జరే

శ్వేతే చాశ్వయుతే వృషే చ యుగలే యజ్ఞే చ యూపస్థితే ।

శఙ్ఖే దైవకులే నరేన్ద్రభవనే గఙ్గాతటే గోకులే

సా శ్రీస్తిష్ఠతు సర్వదా మమ గృహే భూయాత్ సదా నిశ్చలా ॥

యా సా పద్మాసనస్థా విపులకటితటీ పద్మపత్రాయతాక్షీ

గమ్భీరావర్తనాభిః స్తనభరనమితా శుద్ధవస్త్రోత్తరీయా ।

లక్ష్మీర్దివ్యైర్గజేన్ద్రైర్మణిగణఖచితైః స్నాపితా హేమకుమ్భైః

నిత్యం సా పద్మహస్తా మమ వసతు గృహే సర్వమాఙ్గల్యయుక్తా ॥

ఇతి శ్రీబ్రహ్మపురాణే ఈశ్వరవిష్ణుసంవాదే శ్రీ సిద్ధలక్ష్మీ స్తోత్రమ్ ॥