শ্রী সিদ্ধলক্ষ্মী স্তোত্রম্

শ্রী সিদ্ধলক্ষ্মী স্তোত্রম্

শ্লোক 1

অস্য শ্রীসিদ্ধলক্ষ্মীস্তোত্রমন্ত্রস্য হিরণ্যগর্ভ ঋষিঃ অনুষ্টুপ্ ছন্দঃ, শ্রীমহাকালীমহালক্ষ্মীমহাসরস্বত্যো দেবতাঃ শ্রীং বীজং হ্রীং শক্তিঃ ক্লীং কীলকং মম সর্বক্লেশপীডাপরিহারার্থং সর্বদুঃখদারিদ্র্যনাশনার্থং সর্বকার্যসিদ্ধ্যর্থং শ্রীসিদ্ধিলক্ষ্মীস্তোত্র পাঠে বিনিযোগঃ ॥

ঋষ্যাদিন্যাসঃ

ওঁ হিরণ্যগর্ভ ঋষযে নমঃ শিরসি ।

অনুষ্টুপ্ছন্দসে নমো মুখে ।

শ্রীমহাকালীমহালক্ষ্মীমহাসরস্বতীদেবতাভ্যো নমো হৃদিঃ ।

শ্রীং বীজায নমো গুহ্যে ।

হ্রীং শক্তযে নমঃ পাদযোঃ ।

ক্লীং কীলকায নমো নাভৌ ।

বিনিযোগায নমঃ সর্বাঙ্গেষু ॥

করন্যাসঃ

ওঁ শ্রীং সিদ্ধলক্ষ্ম্যৈ অঙ্গুষ্ঠাভ্যাং নমঃ ।

ওঁ হ্রীং বিষ্ণুতেজসে তর্জনীভ্যাং নমঃ ।

ওঁ ক্লীং অমৃতানন্দাযৈ মধ্যমাভ্যাং নমঃ ।

ওঁ শ্রীং দৈত্যমালিন্যৈ অনামিকাভ্যাং নমঃ ।

ওঁ হ্রীং তেজঃ প্রকাশিন্যৈ কনিষ্ঠিকাভ্যাং নমঃ ।

ওঁ ক্লীং ব্রাহ্ম্যৈ বৈষ্ণব্যৈ রুদ্রাণ্যৈ করতল করপৃষ্ঠাভ্যাং নমঃ ॥

অঙ্গন্যাসঃ

ওঁ শ্রীং সিদ্ধলক্ষ্ম্যৈ হৃদযায নমঃ ।

ওঁ হ্রীং বিষ্ণুতেজসে শিরসে স্বাহা ।

ওঁ ক্লীং অমৃতানন্দাযৈ শিখাযৈ বষট্ ।

ওঁ শ্রীং দৈত্যমালিন্যৈ কবচায হুম্ ।

ওঁ হ্রীং তেজঃ প্রকাশিন্যৈ নেত্রত্রযায বৌষট্ ।

ওঁ ক্লীং ব্রাহ্ম্যৈ বৈষ্ণব্যৈ রুদ্রাণ্যৈ অস্ত্রায ফট্ ॥

ওঁ শ্রীং হ্রীং ক্লীং শ্রীং সিদ্ধলক্ষ্ম্যৈ নমঃ ইতি দিগ্বন্ধঃ ॥

অথ ধ্যানম্

ব্রাহ্মীং চ বৈষ্ণবীং ভদ্রাং ষড্ভুজাং চ চতুর্মুখীম্ ।

ত্রিনেত্রাং খড্গত্রিশূলপদ্মচক্রগদাধরাম্

শ্লোক 2

পীতাম্বরধরাং দেবীং নানালঙ্কারভূষিতাম্ ।

তেজঃপুঞ্জধরীং শ্রেষ্ঠাং ধ্যাযেদ্বালকুমারিকাম্

॥ 1 ॥

শ্লোক 3

অথ স্তোত্রম্

ওঙ্কারং লক্ষ্মীরূপং তু বিষ্ণুং বাগ্ভবমব্যযম্ ।

বিষ্ণুমানন্দমব্যক্তং হ্রীঙ্কারং বীজরূপিণীম্

॥ 2 ॥

শ্লোক 4

ক্লীং অমৃতানন্দিনীং ভদ্রাং সত্যানন্দদাযিনীম্ ।

শ্রীং দৈত্যশমনীং শক্তিং মালিনীং শত্রুমর্দিনীম্

॥ 3 ॥

শ্লোক 5

তেজঃ প্রকাশিনীং দেবীং বরদাং শুভকারিণীম্ ।

ব্রাহ্মীং চ বৈষ্ণবীং রৌদ্রীং কালিকারূপশোভিনীম্

॥ 4 ॥

শ্লোক 6

অকারে লক্ষ্মীরূপং তু উকারে বিষ্ণুমব্যযম্ ।

মকারঃ পুরুষোঽব্যক্তো দেবী প্রণব উচ্যতে

॥ 5 ॥

শ্লোক 7

সূর্যকোটিপ্রতীকাশং চন্দ্রকোটিসমপ্রভম্ ।

তন্মধ্যে নিকরং সূক্ষ্মং ব্রহ্মরুপং ব্যবস্থিতম্

॥ 6 ॥

শ্লোক 8

ওঙ্কারং পরমানন্দং সদৈব সুরসুন্দরীম্ ।

সিদ্ধলক্ষ্মী মোক্ষলক্ষ্মী আদ্যলক্ষ্মী নমোঽস্তু তে

॥ 7 ॥

শ্লোক 9

শ্রীঙ্কারং পরমং সিদ্ধং সর্ববুদ্ধিপ্রদাযকম্ ।

সৌভাগ্যাঽমৃতা কমলা সত্যলক্ষ্মী নমোঽস্তু তে

॥ 8 ॥

শ্লোক 10

হ্রীঙ্কারং পরমং শুদ্ধং পরমৈশ্বর্যদাযকম্ ।

কমলা ধনদা লক্ষ্মী ভোগলক্ষ্মী নমোঽস্তু তে

॥ 9 ॥

শ্লোক 11

ক্লীঙ্কারং কামরূপিণ্যং কামনাপরিপূর্তিদম্ ।

চপলা চঞ্চলা লক্ষ্মী কাত্যাযনী নমোঽস্তু তে

॥ 10 ॥

শ্লোক 12

শ্রীঙ্কারং সিদ্ধিরূপিণ্যং সর্বসিদ্ধিপ্রদাযকম্ ।

পদ্মাননাং জগন্মাত্রে অষ্টলক্ষ্মীং নমোঽস্তু তে

॥ 11 ॥

শ্লোক 13

সর্বমঙ্গলমাঙ্গল্যে শিবে সর্বার্থসাধিকে ।

শরণ্যে ত্র্যম্বকে গৌরি নারাযণী নমোঽস্তু তে

॥ 12 ॥

শ্লোক 14

প্রথমং ত্র্যম্বকা গৌরী দ্বিতীযং বৈষ্ণবী তথা ।

তৃতীযং কমলা প্রোক্তা চতুর্থং সুন্দরী তথা

॥ 13 ॥

শ্লোক 15

পঞ্চমং বিষ্ণুশক্তিশ্চ ষষ্ঠং কাত্যাযনী তথা ।

বারাহী সপ্তমং চৈব হ্যষ্টমং হরিবল্লভা

॥ 14 ॥

শ্লোক 16

নবমং খড্গিনী প্রোক্তা দশমং চৈব দেবিকা ।

একাদশং সিদ্ধলক্ষ্মীর্দ্বাদশং হংসবাহিনী

॥ 15 ॥

শ্লোক 17

উত্তরন্যাসঃ

ওঁ শ্রীং সিদ্ধলক্ষ্ম্যৈ হৃদযায নমঃ ।

ওঁ হ্রীং বিষ্ণুতেজসে শিরসে স্বাহা ।

ওঁ ক্লীং অমৃতানন্দাযৈ শিখাযৈ বষট্ ।

ওঁ শ্রীং দৈত্যমালিন্যৈ কবচায হুম্ ।

ওঁ হ্রীং তেজঃ প্রকাশিন্যৈ নেত্রত্রযায বৌষট্ ।

ওঁ ক্লীং ব্রাহ্ম্যৈ বৈষ্ণব্যৈ রুদ্রাণ্যৈ অস্ত্রায ফট্ ॥

ওঁ শ্রীং হ্রীং ক্লীং শ্রীং সিদ্ধলক্ষ্ম্যৈ নমঃ ইতি দিগ্বিমোকঃ ॥

অথ ফলশৃতিঃ

এতত্ স্তোত্রবরং দেব্যা যে পঠন্তি সদা নরাঃ ।

সর্বাপদ্ভ্যো বিমুচ্যন্তে নাত্র কার্যা বিচারণা

॥ 16 ॥

শ্লোক 18

একমাসং দ্বিমাসং চ ত্রিমাসং চ চতুস্থথা ।

পঞ্চমাসং চ ষণ্মাসং ত্রিকালং যঃ সদা পঠেত্

॥ 17 ॥

শ্লোক 19

ব্রাহ্মণঃ ক্লেশিতো দুঃখী দারিদ্র্যভযপীডিতঃ ।

জন্মান্তর সহস্রোত্থৈর্মুচ্যতে সর্বকিল্বষৈঃ

॥ 18 ॥

শ্লোক 20

দরিদ্রো লভতে লক্ষ্মীমপুত্রঃ পুত্রবান্ ভবেত্ ।

ধন্যো যশস্বী শত্রুঘ্নো বহ্নিচৌরভযেষু চ

॥ 19 ॥

শ্লোক 21

শাকিনী ভূত বেতাল সর্প ব্যাঘ্র নিপাতনে ।

রাজদ্বারে সভাস্থানে কারাগৃহনিবন্ধনে

॥ 20 ॥

শ্লোক 22

ঈশ্বরেণ কৃতং স্তোত্রং প্রাণিনাং হিতকারকম্ ।

স্তুবন্তু ব্রাহ্মণাঃ নিত্যং দারিদ্র্যং ন চ বাধতে

॥ 21 ॥

শ্লোক 23

সর্বপাপহরা লক্ষ্মীঃ সর্বসিদ্ধিপ্রদাযিনীম্ ।

সাধকাঃ লভতে সর্বং পঠেত্ স্তোত্রং নিরন্তরম্

॥ 22 ॥

শ্লোক 24

প্রার্থনা

যা শ্রীঃ পদ্মবনে কদম্বশিখরে রাজগৃহে কুঞ্জরে

শ্বেতে চাশ্বযুতে বৃষে চ যুগলে যজ্ঞে চ যূপস্থিতে ।

শঙ্খে দৈবকুলে নরেন্দ্রভবনে গঙ্গাতটে গোকুলে

সা শ্রীস্তিষ্ঠতু সর্বদা মম গৃহে ভূযাত্ সদা নিশ্চলা ॥

যা সা পদ্মাসনস্থা বিপুলকটিতটী পদ্মপত্রাযতাক্ষী

গম্ভীরাবর্তনাভিঃ স্তনভরনমিতা শুদ্ধবস্ত্রোত্তরীযা ।

লক্ষ্মীর্দিব্যৈর্গজেন্দ্রৈর্মণিগণখচিতৈঃ স্নাপিতা হেমকুম্ভৈঃ

নিত্যং সা পদ্মহস্তা মম বসতু গৃহে সর্বমাঙ্গল্যযুক্তা ॥

ইতি শ্রীব্রহ্মপুরাণে ঈশ্বরবিষ্ণুসংবাদে শ্রী সিদ্ধলক্ষ্মী স্তোত্রম্ ॥