Sri Shashti Devi Stotram

ශ්රී ෂෂ්ඨී දේවී ස්තෝත්රම්

ශ්ලොක 1

ධ්යානම්

ශ්රීමන්මාතරමම්බිකාං විධිමනෝජාතාං සදාභීෂ්ටදාං

ස්කන්දේෂ්ටාං ච ජගත්ප්රසූං විජයදාං සත්පුත්ර සෞභාග්යදාම් .

සද්රත්නාභරණාන්විතාං සකරුණාං ශුභ්රාං ශුභාං සුප්රභාං

ෂෂ්ඨාංශාං ප්රකෘතේඃ පරං භගවතීං ශ්රීදේවසේනාං භජේ .. 1 ..

ෂෂ්ඨාංශාං ප්රකෘතේඃ ශුද්ධාං සුප්රතිෂ්ඨාං ච සුව්රතාං

සුපුත්රදාං ච ශුභදාං දයාරූපාං ජගත්ප්රසූම් .

ශ්වේතචම්පකවර්ණාභාං රක්තභූෂණභූෂිතාං

පවිත්රරූපාං පරමං දේවසේනා පරාං භජේ .. 2 ..

ස්තෝත්රම්

නමෝ දේව්යෛ මහාදේව්යෛ සිද්ධ්යෛ ශාන්ත්යෛ නමෝ නමඃ .

ශුභායෛ දේවසේනායෛ ෂෂ්ඨීදේව්යෛ නමෝ නමඃ .. 1 ..

වරදායෛ පුත්රදායෛ ධනදායෛ නමෝ නමඃ .

සුඛදායෛ මෝක්ෂදායෛ ෂෂ්ඨීදේව්යෛ නමෝ නමඃ .. 2 ..

සෘෂ්ට්යෛ ෂෂ්ඨාංශරූපායෛ සිද්ධායෛ ච නමෝ නමඃ .

මායායෛ සිද්ධයෝගින්යෛ ෂෂ්ඨීදේව්යෛ නමෝ නමඃ .. 3 ..

සාරායෛ ශාරදායෛ ච පරාදේව්යෛ නමෝ නමඃ .

බාලාධිෂ්ටාතෘදේව්යෛ ච ෂෂ්ඨීදේව්යෛ නමෝ නමඃ .. 4 ..

කල්යාණදායෛ කල්යාණ්යෛ ඵලදායෛ ච කර්මණාම් .

ප්රත්යක්ෂායෛ සර්වභක්තානාං ෂෂ්ඨීදේව්යෛ නමෝ නමඃ .. 5 ..

පූජ්යායෛ ස්කන්දකාන්තායෛ සර්වේෂාං සර්වකර්මසු .

දේවරක්ෂණකාරිණ්යෛ ෂෂ්ඨීදේව්යෛ නමෝ නමඃ .. 6 ..

ශුද්ධසත්ත්වස්වරූපායෛ වන්දිතායෛ නෘණාං සදා .

හිංසාක්රෝධවර්ජිතායෛ ෂෂ්ඨීදේව්යෛ නමෝ නමඃ .. 7 ..

ධනං දේහි ප්රියාං දේහි පුත්රං දේහි සුරේශ්වරි .

මානං දේහි ජයං දේහි ද්විෂෝ ජහි මහේශ්වරි .. 8 ..

ධර්මං දේහි යශෝ දේහි ෂෂ්ඨීදේවී නමෝ නමඃ .

දේහි භූමිං ප්රජාං දේහි විද්යාං දේහි සුපූජිතේ .

කල්යාණං ච ජයං දේහි ෂෂ්ඨීදේව්යෛ නමෝ නමඃ .. 9 ..

ඵලශෘති

ඉති දේවීං ච සංස්තුත්ය ලභේත්පුත්රං ප්රියව්රතම් .

යශශ්විනං ච රාජේන්ද්රං ෂෂ්ඨීදේවි ප්රසාදතඃ .. 10 ..

ෂෂ්ඨීස්තෝත්රමිදං බ්රහ්මාන් යඃ ශෘණෝති තු වත්සරම් .

අපුත්රෝ ලභතේ පුත්රං වරං සුචිර ජීවනම් .. 11 ..

වර්ෂමේකං ච යා භක්ත්යා සංස්තුත්යේදං ශෘණෝති ච .

සර්වපාපාද්විනිර්මුක්තා මහාවන්ධ්යා ප්රසූයතේ .. 12 ..

වීරං පුත්රං ච ගුණිනං විද්යාවන්තං යශස්විනම් .

සුචිරායුෂ්යවන්තං ච සූතේ දේවි ප්රසාදතඃ .. 13 ..

කාකවන්ධ්යා ච යා නාරී මෘතවත්සා ච යා භවේත් .

වර්ෂං ශෘත්වා ලභේත්පුත්රං ෂෂ්ඨීදේවි ප්රසාදතඃ .. 14 ..

රෝගයුක්තේ ච බාලේ ච පිතාමාතා ශෘණෝති චේත් .

මාසේන මුච්යතේ රෝගාන් ෂෂ්ඨීදේවි ප්රසාදතඃ .. 15 ..

ජය දේවි ජගන්මාතඃ ජගදානන්දකාරිණි .

ප්රසීද මම කල්යාණි නමස්තේ ෂෂ්ඨීදේවතේ .. 16 ..

ඉති ශ්රී ෂෂ්ඨීදේවි ස්තෝත්රම් .