Sri Shashti Devi Stotram

zrI SaSThI devI stotram

zloka 1

dhyAnam

zrImanmAtaramambikAM vidhimanojAtAM sadAbhISTadAM

skandeSTAM ca jagatprasUM vijayadAM satputra saubhAgyadAm |

sadratnAbharaNAnvitAM sakaruNAM zubhrAM zubhAM suprabhAM

SaSThAMzAM prakRteH paraM bhagavatIM zrIdevasenAM bhaje || 1 ||

SaSThAMzAM prakRteH zuddhAM supratiSThAM ca suvratAM

suputradAM ca zubhadAM dayArUpAM jagatprasUm |

zvetacampakavarNAbhAM raktabhUSaNabhUSitAM

pavitrarUpAM paramaM devasenA parAM bhaje || 2 ||

stotram

namo devyai mahAdevyai siddhyai zAntyai namo namaH |

zubhAyai devasenAyai SaSThIdevyai namo namaH || 1 ||

varadAyai putradAyai dhanadAyai namo namaH |

sukhadAyai mokSadAyai SaSThIdevyai namo namaH || 2 ||

sRSTyai SaSThAMzarUpAyai siddhAyai ca namo namaH |

mAyAyai siddhayoginyai SaSThIdevyai namo namaH || 3 ||

sArAyai zAradAyai ca parAdevyai namo namaH |

bAlAdhiSTAtRdevyai ca SaSThIdevyai namo namaH || 4 ||

kalyANadAyai kalyANyai phaladAyai ca karmaNAm |

pratyakSAyai sarvabhaktAnAM SaSThIdevyai namo namaH || 5 ||

pUjyAyai skandakAntAyai sarveSAM sarvakarmasu |

devarakSaNakAriNyai SaSThIdevyai namo namaH || 6 ||

zuddhasattvasvarUpAyai vanditAyai nRNAM sadA |

hiMsAkrodhavarjitAyai SaSThIdevyai namo namaH || 7 ||

dhanaM dehi priyAM dehi putraM dehi surezvari |

mAnaM dehi jayaM dehi dviSo jahi mahezvari || 8 ||

dharmaM dehi yazo dehi SaSThIdevI namo namaH |

dehi bhUmiM prajAM dehi vidyAM dehi supUjite |

kalyANaM ca jayaM dehi SaSThIdevyai namo namaH || 9 ||

phalazRti

iti devIM ca saMstutya labhetputraM priyavratam |

yazazvinaM ca rAjendraM SaSThIdevi prasAdataH || 10 ||

SaSThIstotramidaM brahmAn yaH zRNoti tu vatsaram |

aputro labhate putraM varaM sucira jIvanam || 11 ||

varSamekaM ca yA bhaktyA saMstutyedaM zRNoti ca |

sarvapApAdvinirmuktA mahAvandhyA prasUyate || 12 ||

vIraM putraM ca guNinaM vidyAvantaM yazasvinam |

sucirAyuSyavantaM ca sUte devi prasAdataH || 13 ||

kAkavandhyA ca yA nArI mRtavatsA ca yA bhavet |

varSaM zRtvA labhetputraM SaSThIdevi prasAdataH || 14 ||

rogayukte ca bAle ca pitAmAtA zRNoti cet |

mAsena mucyate rogAn SaSThIdevi prasAdataH || 15 ||

jaya devi jaganmAtaH jagadAnandakAriNi |

prasIda mama kalyANi namaste SaSThIdevate || 16 ||

iti zrI SaSThIdevi stotram |