Sri Sankaracharya Varyam

shrI sha~NkarAchArya varyam

shloka 1

|| shrIsha~NkarAchAryastavaH ||

shrIsha~NkarAchAryavaryaM sarvalokaikavandyaM bhaje deshikendram

dharmaprachAre.atidakShaM yogigovindapAdAptasanyAsadIkSham |

durvAdigarvApanodaM padmapAdAdishiShyAlisaMsevyapAdam ||1||

(shrIsha~NkarAchAryavaryaM)

shaNkAdridambholilIlaM kiNkarAsheShashiShyAli santrANashIlam |

bAlArkanIkAshachelaM bodhitAsheShavedAnta gUDhArthajAlam ||2||

(shrIsha~NkarAchAryavaryaM)

rudrAkShamAlAvibhUShaM chandramaulIshvarArAdhanAvAptatoSham |

vidrAvitAsheShadoShaM bhadrapUgapradaM bhaktalokasya nityam ||3||

(shrIsha~NkarAchAryavaryaM)

pApATavIchitrabhAnuM j~nAnadIpena hArdaM tamo vArayantam |

dvaipAyanaprItibhAjaM sarvatApApahAmoghabodhapradaM tam ||4||

(shrIsha~NkarAchAryavaryaM)

rAjAdhirAjAbhipUjyaM ramyashRRi~NgAdrivAsaikalolaM yatIDyam |

rAkendusaNkAshavaktraM ratnagarbhebhavaktrANghripUjAnuraktam ||5||

(shrIsha~NkarAchAryavaryaM)

shrIbhAratItIrthagItaM sha~NkarAryastavaM yaH paThedbhaktiyuktaH |

so.avApnuyAtsarvamiShTaM sha~NkarAchAryavaryaprasAdena tUrNam ||6||

(shrIsha~NkarAchAryavaryaM)