Sri Sankaracharya Varyam

zrI zaGkarAcArya varyam

zloka 1

|| zrIzaGkarAcAryastavaH ||

zrIzaGkarAcAryavaryaM sarvalokaikavandyaM bhaje dezikendram

dharmapracAre'tidakSaM yogigovindapAdAptasanyAsadIkSam |

durvAdigarvApanodaM padmapAdAdiziSyAlisaMsevyapAdam ||1||

(zrIzaGkarAcAryavaryaM)

zaGkAdridambholilIlaM kiGkarAzeSaziSyAli santrANazIlam |

bAlArkanIkAzacelaM bodhitAzeSavedAnta gUDhArthajAlam ||2||

(zrIzaGkarAcAryavaryaM)

rudrAkSamAlAvibhUSaM candramaulIzvarArAdhanAvAptatoSam |

vidrAvitAzeSadoSaM bhadrapUgapradaM bhaktalokasya nityam ||3||

(zrIzaGkarAcAryavaryaM)

pApATavIcitrabhAnuM jJAnadIpena hArdaM tamo vArayantam |

dvaipAyanaprItibhAjaM sarvatApApahAmoghabodhapradaM tam ||4||

(zrIzaGkarAcAryavaryaM)

rAjAdhirAjAbhipUjyaM ramyazRGgAdrivAsaikalolaM yatIDyam |

rAkendusaGkAzavaktraM ratnagarbhebhavaktrAGghripUjAnuraktam ||5||

(zrIzaGkarAcAryavaryaM)

zrIbhAratItIrthagItaM zaGkarAryastavaM yaH paThedbhaktiyuktaH |

so'vApnuyAtsarvamiSTaM zaGkarAcAryavaryaprasAdena tUrNam ||6||

(zrIzaGkarAcAryavaryaM)