শ্রী রুদ্রং নমকম্

শ্রী রুদ্রং নমকম্

শ্লোক 1

কৃষ্ণ যজুর্বেদীয তৈত্তিরীয সংহিতা

চতুর্থং-বৈঁশ্বদেব-ঙ্কাণ্ড-ম্পঞ্চমঃ প্রপাঠকঃ

ও-ন্নমো ভগবতে॑ রুদ্রা॒য ॥

নম॑স্তে রুদ্র ম॒ন্যব॑ উ॒তোত॒ ইষ॑বে॒ নমঃ॑ ।

নম॑স্তে অস্তু॒ ধন্ব॑নে বা॒হুভ্যা॑মু॒ত তে॒ নমঃ॑ ॥

যা ত॒ ইষুঃ॑ শি॒বত॑মা শি॒ব-ম্ব॒ভূব॑ তে॒ ধনুঃ॑ ।

শি॒বা শ॑র॒ব্যা॑ যা তব॒ তযা॑ নো রুদ্র মৃডয ।

যা তে॑ রুদ্র শি॒বা ত॒নূরঘো॒রা-ঽপা॑পকাশিনী ।

তযা॑ নস্ত॒নুবা॒ শন্ত॑মযা॒ গিরি॑শন্তা॒ভিচা॑কশীহি ॥

যামিষু॑-ঙ্গিরিশন্ত॒ হস্তে॒ বিভ॒র্​ষ্যস্ত॑বে ।

শি॒বা-ঙ্গি॑রিত্র॒ তা-ঙ্কু॑রু॒ মা হিগ্ং॑সীঃ॒ পুরু॑ষ॒-ঞ্জগ॑ত্॥

শি॒বেন॒ বচ॑সা ত্বা॒ গিরি॒শাচ্ছা॑ বদামসি ।

যথা॑ ন॒-স্সর্ব॒মিজ্জগ॑দয॒ক্ষ্মগ্ং সু॒মনা॒ অস॑ত্ ॥

অধ্য॑বোচদধিব॒ক্তা প্র॑থ॒মো দৈব্যো॑ ভি॒ষক্ ।

অহীগ্॑শ্চ॒ সর্বা᳚ঞ্জ॒ম্ভয॒ন্-থ্সর্বা᳚শ্চ যাতুধা॒ন্যঃ॑ ॥

অ॒সৌ যস্তা॒ম্রো অ॑রু॒ণ উ॒ত ব॒ভ্রুস্সু॑ম॒ঙ্গলঃ॑ ।

যে চে॒মাগ্ং রু॒দ্রা অ॒ভিতো॑ দি॒ক্ষু শ্রি॒তা-স্স॑হস্র॒শো-ঽবৈ॑ষা॒গ্ং॒ হেড॑ ঈমহে ॥

অ॒সৌ যো॑-ঽব॒সর্প॑তি॒ নীল॑গ্রীবো॒ বিলো॑হিতঃ ।

উ॒তৈন॑-ঙ্গো॒পা অ॑দৃশ॒ন্নদৃ॑শন্নুদহা॒র্যঃ॑ ।

উ॒তৈনং॒-বিঁশ্বা॑ ভূ॒তানি॒ স দৃ॒ষ্টো মৃ॑ডযাতি নঃ ॥

নমো॑ অস্তু॒ নীল॑গ্রীবায সহস্রা॒ক্ষায॑ মী॒ঢুষে᳚ ।

অথো॒ যে অ॑স্য॒ সত্বা॑নো॒-ঽহ-ন্তেভ্যো॑-ঽকর॒ন্নমঃ॑ ॥

প্রমু॑ঞ্চ॒ ধন্ব॑ন॒স্ত্বমু॒ভযো॒রার্ত্নি॑ যো॒র্জ্যাম্ ।

যাশ্চ॑ তে॒ হস্ত॒ ইষ॑বঃ॒ পরা॒ তা ভ॑গবো বপ ॥

অ॒ব॒তত্য॒ ধনু॒স্ত্বগ্ং সহ॑স্রাক্ষ॒ শতে॑ষুধে ।

নি॒শীর্য॑ শ॒ল্যানা॒-ম্মুখা॑ শি॒বো নঃ॑ সু॒মনা॑ ভব ॥

বিজ্য॒-ন্ধনুঃ॑ কপ॒র্দিনো॒ বিশ॑ল্যো॒ বাণ॑বাগ্ং উ॒ত ।

অনে॑শন্ন॒স্যেষ॑ব আ॒ভুর॑স্য নিষ॒ঙ্গথিঃ॑ ॥

যা তে॑ হে॒তির্মী॑ডুষ্টম॒ হস্তে॑ ব॒ভূব॑ তে॒ ধনুঃ॑ ।

তযা॒-ঽস্মান্, বি॒শ্বত॒স্ত্বম॑য॒ক্ষ্মযা॒ পরি॑ব্ভুজ ॥

নম॑স্তে অ॒স্ত্বাযু॑ধা॒যানা॑ততায ধৃ॒ষ্ণবে᳚ ।

উ॒ভাভ্যা॑মু॒ত তে॒ নমো॑ বা॒হুভ্যা॒-ন্তব॒ ধন্ব॑নে ॥

পরি॑ তে॒ ধন্ব॑নো হে॒তির॒স্মান্ বৃ॑ণক্তু বি॒শ্বতঃ॑ ।

অথো॒ য ই॑ষু॒ধিস্তবা॒রে অ॒স্মন্নিধে॑হি॒ তম্

শ্লোক 2

শ্রী শম্ভ॑বে॒ নমঃ॑ ॥

নম॑স্তে অস্তু ভগবন্-বিশ্বেশ্ব॒রায॑ মহাদে॒বায॑ ত্র্যম্ব॒কায॑ ত্রিপুরান্ত॒কায॑ ত্রিকাগ্নিকা॒লায॑ কালাগ্নিরু॒দ্রায॑ নীলক॒ণ্ঠায॑ মৃত্যুঞ্জ॒যায॑ সর্বেশ্ব॒রায॑ সদাশি॒বায॑ [শঙ্ক॒রায॑] শ্রীম-ন্মহাদে॒বায॒ নমঃ॑ ।

নমো॒ হির॑ণ্য বাহবে সেনা॒ন্যে॑ দি॒শা-ঞ্চ॒ পত॑যে॒ নমো॒

নমো॑ বৃ॒ক্ষেভ্যো॒ হরি॑কেশেভ্যঃ পশূ॒না-ম্পত॑যে॒ নমো॒

নমঃ॑ স॒স্পিঞ্জ॑রায॒ ত্বিষী॑মতে পথী॒না-ম্পত॑যে॒ নমো॒

নমো॑ বভ্লু॒শায॑ বিব্যা॒ধিনে-ঽন্না॑না॒-ম্পত॑যে॒ নমো॒

নমো॒ হরি॑কেশাযোপবী॒তিনে॑ পু॒ষ্টানা॒-ম্পত॑যে॒ নমো॒

নমো॑ ভ॒বস্য॑ হে॒ত্যৈ জগ॑তা॒-ম্পত॑যে॒ নমো॒

নমো॑ রু॒দ্রাযা॑ততা॒বিনে॒ ক্ষেত্রা॑ণা॒-ম্পত॑যে॒ নমো॒

নম॑স্সূ॒তাযাহ॑ন্ত্যায॒ বনা॑না॒-ম্পত॑যে॒ নমো॒

নমো॒ রোহি॑তায স্থ॒পত॑যে বৃ॒ক্ষাণা॒-ম্পত॑যে॒ নমো॒

নমো॑ ম॒ন্ত্রিণে॑ বাণি॒জায॒ কক্ষা॑ণা॒-ম্পত॑যে॒ নমো॒

নমো॑ ভুব॒ন্তযে॑ বারিবস্কৃ॒তা-যৌষ॑ধীনা॒-ম্পত॑যে॒ নমো॒

নম॑ উ॒চ্চৈর্ঘো॑ষাযাক্র॒ন্দয॑তে পত্তী॒না-ম্পত॑যে॒ নমো॒

নমঃ॑ কৃত্স্নবী॒তায॒ ধাব॑তে॒ সত্ত্ব॑না॒-ম্পত॑যে॒ নমঃ॑

॥ 1 ॥

শ্লোক 3

নম॒-স্সহ॑মানায নিব্যা॒ধিন॑ আব্যা॒ধিনী॑না॒-ম্পত॑যে॒ নমো॒

নমঃ॑ ককু॒ভায॑ নিষ॒ঙ্গিণে᳚ স্তে॒নানা॒-ম্পত॑যে॒ নমো॒

নমো॑ নিষ॒ঙ্গিণ॑ ইষুধি॒মতে॒ তস্ক॑রাণা॒-ম্পত॑যে॒ নমো॒

নমো॒ বঞ্চ॑তে পরি॒বঞ্চ॑তে স্তাযূ॒না-ম্পত॑যে॒ নমো॒

নমো॑ নিচে॒রবে॑ পরিচ॒রাযার॑ণ্যানা॒-ম্পত॑যে॒ নমো॒

নমঃ॑ সৃকা॒বিভ্যো॒ জিঘাগ্ং॑সদ্ভ্যো মুষ্ণ॒তা-ম্পত॑যে॒ নমো॒

নমো॑-ঽসি॒মদ্ভ্যো॒ নক্ত॒ঞ্চর॑দ্ভ্যঃ প্রকৃ॒ন্তানা॒-ম্পত॑যে॒ নমো॒

নম॑ উষ্ণী॒ষিণে॑ গিরিচ॒রায॑ কুলু॒ঞ্চানা॒-ম্পত॑যে॒ নমো॒

নম॒ ইষু॑মদ্ভ্যো ধন্বা॒বিভ্য॑শ্চ বো॒ নমো॒

নম॑ আতন্-বা॒নেভ্যঃ॑ প্রতি॒দধা॑নেভ্যশ্চ বো॒ নমো॒

নম॑ আ॒যচ্ছ॑দ্ভ্যো বিসৃ॒জদ্ভ্য॑শ্চ বো॒ নমো॒

নমো-ঽস্য॑দ্ভ্যো॒ বিদ্য॑দ্ভ্যশ্চ বো॒ নমো॒

নম॒ আসী॑নেভ্য॒-শ্শযা॑নেভ্যশ্চ বো॒ নমো॒

নমঃ॑ স্ব॒পদ্ভ্যো॒ জাগ্র॑দ্ভ্যশ্চ বো॒ নমো॒

নম॒স্তিষ্ঠ॑দ্ভ্যো॒ ধাব॑দ্ভ্যশ্চ বো॒ নমো॒

নমঃ॑ স॒ভাভ্যঃ॑ স॒ভাপ॑তিভ্যশ্চ বো॒ নমো॒

নমো॒ অশ্বে॒ভ্যো-ঽশ্ব॑পতিভ্যশ্চ বো॒ নমঃ॑

॥ 2 ॥

শ্লোক 4

নম॑ আব্যা॒ধিনী᳚ভ্যো বি॒বিধ্য॑ন্তীভ্যশ্চ বো॒ নমো॒

নম॒ উগ॑ণাভ্যস্তৃগ্ং-হ॒তীভ্য॑শ্চ বো॒ নমো॒

নমো॑ গৃ॒ত্সেভ্যো॑ গৃ॒ত্সপ॑তিভ্যশ্চ বো॒ নমো॒

নমো॒ ব্রাতে᳚ভ্যো॒ ব্রাত॑পতিভ্যশ্চ বো॒ নমো॒

নমো॑ গ॒ণেভ্যো॑ গ॒ণপ॑তিভ্যশ্চ বো॒ নমো॒

নমো॒ বিরূ॑পেভ্যো বি॒শ্বরূ॑পেভ্যশ্চ বো॒ নমো॒

নমো॑ মহ॒দ্ভ্যঃ॑, ক্ষুল্ল॒কেভ্য॑শ্চ বো॒ নমো॒

নমো॑ র॒থিভ্যো॑-ঽর॒থেভ্য॑শ্চ বো॒ নমো॒

নমো॒ রথে᳚ভ্যো॒ রথ॑পতিভ্যশ্চ বো॒ নমো॒

নম॒-স্সেনা᳚ভ্য-স্সেনা॒নিভ্য॑শ্চ বো॒ নমো॒

নমঃ॑, ক্ষ॒ত্তৃভ্যঃ॑ সঙ্গ্রহী॒তৃভ্য॑শ্চ বো॒ নমো॒

নম॒স্তক্ষ॑ভ্যো রথকা॒রেভ্য॑শ্চ বো॒ নমো॒

নমঃ॒ কুলা॑লেভ্যঃ ক॒র্মারে᳚ভ্যশ্চ বো॒ নমো॒

নমঃ॑ পু॒ঞ্জিষ্টে᳚ভ্যো নিষা॒দেভ্য॑শ্চ বো॒ নমো॒

নম॑ ইষু॒কৃদ্ভ্যো॑ ধন্ব॒কৃদ্ভ্য॑শ্চ বো॒ নমো॒

নমো॑ মৃগ॒যুভ্যঃ॑ শ্ব॒নিভ্য॑শ্চ বো॒ নমো॒

নম॒-শ্শ্বভ্য॒-শ্শ্বপ॑তিভ্যশ্চ বো॒ নমঃ॑

॥ 3 ॥

শ্লোক 5

নমো॑ ভ॒বায॑ চ রু॒দ্রায॑ চ॒

নমঃ॑ শ॒র্বায॑ চ পশু॒পত॑যে চ॒

নমো॒ নীল॑গ্রীবায চ শিতি॒কণ্ঠা॑য চ॒

নমঃ॑ কপ॒র্দিনে॑ চ॒ ব্যু॑প্তকেশায চ॒

নমঃ॑ সহস্রা॒ক্ষায॑ চ শ॒তধ॑ন্বনে চ॒

নমো॑ গিরি॒শায॑ চ শিপিবি॒ষ্টায॑ চ॒

নমো॑ মী॒ঢুষ্ট॑মায॒ চেষু॑মতে চ॒

নমো᳚ হ্র॒স্বায॑ চ বাম॒নায॑ চ॒

নমো॑ বৃহ॒তে চ॒ বর্​ষী॑যসে চ॒

নমো॑ বৃ॒দ্ধায॑ চ সং॒​বৃঁধ্ব॑নে চ॒

নমো॒ অগ্রি॑যায চ প্রথ॒মায॑ চ॒

নম॑ আ॒শবে॑ চাজি॒রায॑ চ॒

নম॒-শ্শীঘ্রি॑যায চ॒ শীভ্যা॑য চ॒

নম॑ ঊ॒র্ম্যা॑য চাবস্ব॒ন্যা॑য চ॒

নমঃ॑ স্রোত॒স্যা॑য চ॒ দ্বীপ্যা॑য চ

॥ 4 ॥

শ্লোক 6

নমো᳚ জ্যে॒ষ্ঠায॑ চ কনি॒ষ্ঠায॑ চ॒

নমঃ॑ পূর্ব॒জায॑ চাপর॒জায॑ চ॒

নমো॑ মধ্য॒মায॑ চাপগ॒ল্ভায॑ চ॒

নমো॑ জঘ॒ন্যা॑য চ॒ বুধ্নি॑যায চ॒

নমঃ॑ সো॒ভ্যা॑য চ প্রতিস॒র্যা॑য চ॒

নমো॒ যাম্যা॑য চ॒ ক্ষেম্যা॑য চ॒

নম॑ উর্ব॒র্যা॑য চ॒ খল্যা॑য চ॒

নম॒-শ্শ্লোক্যা॑য চা-ঽবসা॒ন্যা॑য চ॒

নমো॒ বন্যা॑য চ॒ কক্ষ্যা॑য চ॒

নমঃ॑ শ্র॒বায॑ চ প্রতিশ্র॒বায॑ চ॒

নম॑ আ॒শুষে॑ণায চা॒শুর॑থায চ॒

নম॒-শ্শূরা॑য চাবভিন্দ॒তে চ॒

নমো॑ ব॒র্মিণে॑ চ বরূ॒থিনে॑ চ॒

নমো॑ বি॒ল্মিনে॑ চ কব॒চিনে॑ চ॒

নমঃ॑ শ্রু॒তায॑ চ শ্রুতসে॒নায॑ চ

॥ 5 ॥

শ্লোক 7

নমো॑ দুন্দু॒ভ্যা॑য চাহন॒ন্যা॑য চ॒

নমো॑ ধৃ॒ষ্ণবে॑ চ প্রমৃ॒শায॑ চ॒

নমো॑ দূ॒তায॑ চ॒ প্রহি॑তায চ॒

নমো॑ নিষ॒ঙ্গিণে॑ চেষুধি॒মতে॑ চ॒

নম॑স্তী॒ক্ষ্ণেষ॑বে চাযু॒ধিনে॑ চ॒

নমঃ॑ স্বাযু॒ধায॑ চ সু॒ধন্ব॑নে চ॒

নম॒-স্স্রুত্যা॑য চ॒ পথ্যা॑য চ॒

নমঃ॑ কা॒ট্যা॑য চ নী॒প্যা॑য চ॒

নম॒-স্সূদ্যা॑য চ সর॒স্যা॑য চ॒

নমো॑ না॒দ্যায॑ চ বৈশ॒ন্তায॑ চ॒

নমঃ॒ কূপ্যা॑য চাব॒ট্যা॑য চ॒

নমো॒ বর্​ষ্যা॑য চাব॒র্​ষ্যায॑ চ॒

নমো॑ মে॒ঘ্যা॑য চ বিদ্যু॒ত্যা॑য চ॒

নম ঈ॒ধ্রিযা॑য চাত॒প্যা॑য চ॒

নমো॒ বাত্যা॑য চ॒ রেষ্মি॑যায চ॒

নমো॑ বাস্ত॒ব্যা॑য চ বাস্তু॒পায॑ চ

॥ 6 ॥

শ্লোক 8

নম॒-স্সোমা॑য চ রু॒দ্রায॑ চ॒

নম॑স্তা॒ম্রায॑ চারু॒ণায॑ চ॒

নমঃ॑ শ॒ঙ্গায॑ চ পশু॒পত॑যে চ॒

নম॑ উ॒গ্রায॑ চ ভী॒মায॑ চ॒

নমো॑ অগ্রেব॒ধায॑ চ দূরেব॒ধায॑ চ॒

নমো॑ হ॒ন্ত্রে চ॒ হনী॑যসে চ॒

নমো॑ বৃ॒ক্ষেভ্যো॒ হরি॑কেশেভ্যো॒

নম॑স্তা॒রায॒

নম॑শ্শ॒ম্ভবে॑ চ মযো॒ভবে॑ চ॒

নমঃ॑ শঙ্ক॒রায॑ চ মযস্ক॒রায॑ চ॒

নমঃ॑ শি॒বায॑ চ শি॒বত॑রায চ॒

নম॒স্তীর্থ্যা॑য চ॒ কূল্যা॑য চ॒

নমঃ॑ পা॒র্যা॑য চাবা॒র্যা॑য চ॒

নমঃ॑ প্র॒তর॑ণায চো॒ত্তর॑ণায চ॒

নম॑ আতা॒র্যা॑য চালা॒দ্যা॑য চ॒

নম॒-শ্শষ্প্যা॑য চ॒ ফেন্যা॑য চ॒

নমঃ॑ সিক॒ত্যা॑য চ প্রবা॒হ্যা॑য চ

॥ 7 ॥

শ্লোক 9

নম॑ ইরি॒ণ্যা॑য চ প্রপ॒থ্যা॑য চ॒

নমঃ॑ কিগ্ংশি॒লায॑ চ॒ ক্ষয॑ণায চ॒

নমঃ॑ কপ॒র্দিনে॑ চ পুল॒স্তযে॑ চ॒

নমো॒ গোষ্ঠ্যা॑য চ॒ গৃহ্যা॑য চ॒

নম॒স্তল্প্যা॑য চ॒ গেহ্যা॑য চ॒

নমঃ॑ কা॒ট্যা॑য চ গহ্বরে॒ষ্ঠায॑ চ॒

নমো᳚ হ্রদ॒য্যা॑য চ নিবে॒ষ্প্যা॑য চ॒

নমঃ॑ পাগ্ং স॒ব্যা॑য চ রজ॒স্যা॑য চ॒

নম॒-শ্শুষ্ক্যা॑য চ হরি॒ত্যা॑য চ॒

নমো॒ লোপ্যা॑য চোল॒প্যা॑য চ॒

নম॑ ঊ॒র্ব্যা॑য চ সূ॒র্ম্যা॑য চ॒

নমঃ॑ প॒র্ণ্যা॑য চ পর্ণশ॒দ্যা॑য চ॒

নমো॑-ঽপগু॒রমা॑ণায চাভিঘ্ন॒তে চ॒

নম॑ আখ্খিদ॒তে চ॑ প্রখ্খিদ॒তে চ॒

নমো॑ বঃ কিরি॒কেভ্যো॑ দে॒বানা॒গ্॒ম্॒ হৃদ॑যেভ্যো॒

নমো॑ বিক্ষীণ॒কেভ্যো॒ নমো॑ বিচিন্ব॒ত্কেভ্যো॒

নম॑ আনির্ হ॒তেভ্যো॒ নম॑ আমীব॒ত্কেভ্যঃ॑

॥ 8 ॥

শ্লোক 10

দ্রাপে॒ অন্ধ॑সস্পতে॒ দরি॑দ্র॒ন্নীল॑লোহিত ।

এ॒ষা-ম্পুরু॑ষাণামে॒ষা-ম্প॑শূ॒না-ম্মা ভের্মা-ঽরো॒ মো এ॑ষা॒-ঙ্কিঞ্চ॒নাম॑মত্ ।

যা তে॑ রুদ্র শি॒বা ত॒নূ-শ্শি॒বা বি॒শ্বাহ॑ভেষজী ।

শি॒বা রু॒দ্রস্য॑ ভেষ॒জী তযা॑ নো মৃড জী॒বসে᳚ ॥

ই॒মাগ্ং রু॒দ্রায॑ ত॒বসে॑ কপ॒র্দিনে᳚ ক্ষ॒যদ্বী॑রায॒ প্রভ॑রামহে ম॒তিম্ ।

যথা॑ ন॒শ্শমস॑দ্দ্বি॒পদে॒ চতু॑ষ্পদে॒ বিশ্ব॑-ম্পু॒ষ্ট-ঙ্গ্রামে॑ অ॒স্মিন্ননা॑তুরম্ ।

মৃ॒ডা নো॑ রুদ্রো॒ত নো॒ ময॑স্কৃধি ক্ষ॒যদ্বী॑রায॒ নম॑সা বিধেম তে ।

যচ্ছ-ঞ্চ॒ যোশ্চ॒ মনু॑রায॒জে পি॒তা তদ॑শ্যাম॒ তব॑ রুদ্র॒ প্রণী॑তৌ ।

মা নো॑ ম॒হান্ত॑মু॒ত মা নো॑ অর্ভ॒ক-ম্মা ন॒ উক্ষ॑ন্তমু॒ত মা ন॑ উক্ষি॒তম্ ।

মা নো॑-ঽবধীঃ পি॒তর॒-ম্মোত মা॒তর॑-ম্প্রি॒যা মা ন॑স্ত॒নুবো॑ রুদ্র রীরিষঃ ।

মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ ।

বী॒রান্মা নো॑ রুদ্র ভামি॒তো-ঽব॑ধীর্​হ॒বিষ্মং॑তো॒ নম॑সা বিধেম তে ।

আ॒রাত্তে॑ গো॒ঘ্ন উ॒ত পূ॑রুষ॒ঘ্নে ক্ষ॒যদ্বী॑রায সু॒ম্নম॒স্মে তে॑ অস্তু ।

রক্ষা॑ চ নো॒ অধি॑ চ দেব ব্রূ॒হ্যধা॑ চ ন॒-শ্শর্ম॑ যচ্ছ দ্বি॒বর্​হাঃ᳚ ।

স্তু॒হি শ্রু॒ত-ঙ্গ॑র্ত॒সদং॒-যুঁবা॑ন-ম্মৃ॒গন্ন ভী॒মমু॑পহ॒ত্নুমু॒গ্রম্ ।

মৃ॒ডা জ॑রি॒ত্রে রু॑দ্র॒ স্তবা॑নো অ॒ন্যন্তে॑ অ॒স্মন্নিব॑পন্তু॒ সেনাঃ᳚ ।

পরি॑ণো রু॒দ্রস্য॑ হে॒তির্বৃ॑ণক্তু॒ পরি॑ ত্বে॒ষস্য॑ দুর্ম॒তি র॑ঘা॒যোঃ ।

অব॑ স্থি॒রা ম॒ঘব॑দ্ভ্য-স্তনুষ্ব॒ মীঢ্ব॑স্তো॒কায॒ তন॑যায মৃডয ।

মীঢু॑ষ্টম॒ শিব॑তম শি॒বো নঃ॑ সু॒মনা॑ ভব ।

প॒র॒মে বৃ॒ক্ষ আযু॑ধন্নি॒ধায॒ কৃত্তিং॒-বঁসা॑ন॒ আচ॑র॒ পিনা॑ক॒-ম্বিভ্র॒দাগ॑হি ।

বিকি॑রিদ॒ বিলো॑হিত॒ নম॑স্তে অস্তু ভগবঃ ।

যাস্তে॑ স॒হস্রগ্ং॑ হে॒তযো॒ন্যম॒স্মন্নিব॑পন্তু॒ তাঃ ।

স॒হস্রা॑ণি সহস্র॒ধা বা॑হু॒বোস্তব॑ হে॒তযঃ॑ ।

তাসা॒মীশা॑নো ভগবঃ পরা॒চীনা॒ মুখা॑ কৃধি

॥ 9 ॥

শ্লোক 11

স॒হস্রা॑ণি সহস্র॒শো যে রু॒দ্রা অধি॒ ভূম্যা᳚ম্ ।

তেষাগ্ং॑ সহস্রযোজ॒নে-ঽব॒ধন্বা॑নি তন্মসি ।

অ॒স্মিন্ম॑হ॒ত্য॑র্ণ॒বে᳚-ঽন্তরি॑ক্ষে ভ॒বা অধি॑ ।

নীল॑গ্রীবা-শ্শিতি॒কণ্ঠা᳚-শ্শ॒র্বা অ॒ধঃ, ক্ষ॑মাচ॒রাঃ ।

নীল॑গ্রীবা-শ্শিতি॒কণ্ঠা॒ দিবগ্ং॑ রু॒দ্রা উপ॑শ্রিতাঃ ।

যে বৃ॒ক্ষেষু॑ স॒স্পিঞ্জ॑রা॒ নীল॑গ্রীবা॒ বিলো॑হিতাঃ ।

যে ভূ॒তানা॒মধি॑পতযো বিশি॒খাসঃ॑ কপ॒র্দিনঃ॑ ।

যে অন্নে॑ষু বি॒বিধ্য॑ন্তি॒ পাত্রে॑ষু॒ পিব॑তো॒ জনান্॑ ।

যে প॒থা-ম্প॑থি॒রক্ষ॑য ঐলবৃ॒দা॑ য॒ব্যুধঃ॑ ।

যে তী॒র্থানি॑ প্র॒চর॑ন্তি সৃ॒কাব॑ন্তো নিষ॒ঙ্গিণঃ॑ ।

য এ॒তাব॑ন্তশ্চ॒ ভূযাগ্ং॑সশ্চ॒ দিশো॑ রু॒দ্রা বি॑তস্থি॒রে ।

তেষাগ্ং॑ সহস্রযোজ॒নে-ঽব॒ধন্বা॑নি তন্মসি ।

নমো॑ রু॒ধ্রেভ্যো॒ যে পৃ॑থি॒ব্যাং-যেঁ᳚-ঽন্তরি॑ক্ষে॒ যে দি॒বি যেষা॒মন্নং॒-বাঁতো॑ ব॒র্​ষ॒মিষ॑ব॒স্তেভ্যো॒ দশ॒ প্রাচী॒র্দশ॑ দক্ষি॒ণা দশ॑ প্র॒তীচী॒-র্দশো-দী॑চী॒-র্দশো॒র্ধ্বাস্তেভ্যো॒ নম॒স্তে নো॑ মৃডযন্তু॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি

॥ 10 ॥

শ্লোক 12

ত্র্য॑ম্বকং-যঁজামহে সুগ॒ন্ধি-ম্পু॑ষ্টি॒বর্ধ॑নম্ ।

উ॒র্বা॒রু॒কমি॑ব॒ বন্ধ॑নান্মৃ॒ত্যোর্মু॑ক্ষীয॒ মা-ঽমৃতা᳚ত্ ।

যো রু॒দ্রো অ॒গ্নৌ যো অ॒প্সু য ওষ॑ধীষু॒ যো রু॒দ্রো বিশ্বা॒ ভুব॑না বি॒বেশ॒ তস্মৈ॑ রু॒দ্রায॒ নমো॑ অস্তু ।

তমু॑ ষ্টুহি॒ য-স্স্বি॒ষুস্সু॒ধন্বা॒ যো বিশ্ব॑স্য॒ ক্ষয॑তি ভেষ॒জস্য॑ ।

যক্ষ্বা᳚ম॒হে সৌ᳚মন॒সায॑ রু॒দ্র-ন্নমো᳚ভির্দে॒বমসু॑র-ন্দুবস্য ।

অ॒য-ম্মে॒ হস্তো॒ ভগ॑বান॒য-ম্মে॒ ভগ॑বত্তরঃ ।

অ॒য-ম্মে᳚ বি॒শ্বভে᳚ষজো॒-ঽযগ্ং শি॒বাভি॑মর্​শনঃ ।

যে তে॑ স॒হস্র॑ম॒যুত॒-ম্পাশা॒ মৃত্যো॒ মর্ত্যা॑য॒ হন্ত॑বে ।

তান্ য॒জ্ঞস্য॑ মা॒যযা॒ সর্বা॒নব॑ যজামহে ।

মৃ॒ত্যবে॒ স্বাহা॑ মৃ॒ত্যবে॒ স্বাহা᳚ ।

ও-ন্নমো ভগবতে রুদ্রায বিষ্ণবে মৃত্যু॑র্মে পা॒হি ॥

প্রাণানা-ঙ্গ্রন্থিরসি রুদ্রো মা॑ বিশা॒ন্তকঃ ।

তেনান্নেনা᳚প্যায॒স্ব ॥

নমো রুদ্রায বিষ্ণবে মৃত্যু॑র্মে পা॒হি ॥

সদাশি॒বোম্ ।

ওঁ শান্তি॒-শ্শান্তি॒-শ্শান্তিঃ॑ ।