Sri Rudram Laghunyasam

ශ්රී රුද්රං ලඝුන්යාසම්

ශ්ලොක 1

ඕං අථාත්මානග්ං ශිවාත්මානං ශ්රී රුද්රරූප-න්ධ්යායේත් ..

ශුද්ධස්ඵටික සඞ්කාශ-න්ත්රිනේත්ර-ම්පඤ්ච වක්ත්රකම් .

ගඞ්ගාධර-න්දශභුජං සර්වාභරණ භූෂිතම් ..

නීලග්රීවං ශශාඞ්කාඞ්ක-න්නාග යජ්ඤෝප වීතිනම් .

ව්යාඝ්ර චර්මෝත්තරීය-ඤ්ච වරේණ්යමභය ප්රදම් ..

කමණ්ඩල්-වක්ෂ සූත්රාණා-න්ධාරිණං ශූලපාණිනම් .

ජ්වලන්ත-ම්පිඞ්ගලජටා ශිඛා මුද්ද්යෝත ධාරිණම් ..

වෘෂ ස්කන්ධ සමාරූඪං උමා දේහාර්ථ ධාරිණම් .

අමෘතේනාප්ලුතං ශාන්ත-න්දිව්යභෝග සමන්විතම් ..

දිග්දේවතා සමායුක්තං සුරාසුර නමස්කෘතම් .

නිත්ය-ඤ්ච ශාශ්වතං ශුද්ධ-න්ධ්රුව-මක්ෂර-මව්යයම් .

සර්ව ව්යාපින-මීශානං රුද්රං-වෛँ විශ්වරූපිණම් .

ඒව-න්ධ්යාත්වා ද්විජ-ස්සම්ය-ක්තතෝ යජනමාරභේත් ..

අථාතෝ රුද්ර ස්නානාර්චනාභිෂේක විධිං-ව්යාँ᳚ක්ෂ්යාස්යාමඃ .

ආදිත ඒව තීර්ථේ ස්නාත්වා,

උදේත්ය ශුචිඃ ප්රයතෝ බ්රහ්මචාරී ශුක්ලවාසා දේවාභිමුඛ-ස්ස්ථිත්වා,

ආත්මනි දේවතා-ස්ස්ථාපයේත් ..

ප්රජනනේ බ්රහ්මා තිෂ්ඨතු .

පාදයෝර්විෂ්ණුස්තිෂ්ඨතු .

හස්තයෝර්​හරස්තිෂ්ඨතු .

බාහ්වෝරින්ද්රස්තිෂ්ටතු .

ජඨරේ-(අ)අග්නිස්තිෂ්ඨතු .

හෘද॑යේ ශිවස්තිෂ්ඨතු .

කණ්ඨේ වසවස්තිෂ්ඨන්තු .

වක්ත්රේ සරස්වතී තිෂ්ඨතු .

නාසිකයෝ-ර්වායුස්තිෂ්ඨතු .

නයනයෝ-ශ්චන්ද්රාදිත්යෞ තිෂ්ටේතාම් .

කර්ණයෝරශ්විනෞ තිෂ්ටේතාම් .

ලලාටේ රුද්රාස්තිෂ්ඨන්තු .

මූර්ථ්න්යාදිත්යාස්තිෂ්ඨන්තු .

ශිරසි මහාදේවස්තිෂ්ඨතු .

ශිඛායාං-වාँමදේවාස්තිෂ්ඨතු .

පෘෂ්ඨේ පිනාකී තිෂ්ඨතු .

පුරත-ශ්ශූලී තිෂ්ඨතු .

පාර්​ශ්වයෝ-ශ්ශිවාශඞ්කරෞ තිෂ්ඨේතාම් .

සර්වතෝ වායුස්තිෂ්ඨතු .

තතෝ බහි-ස්සර්වතෝ-(අ)ග්නිර්ජ්වාලාමාලා-පරිවෘතස්තිෂ්ඨතු .

සර්වේෂ්වඞ්ගේෂු සර්වා දේවතා යථාස්ථාන-න්තිෂ්ඨන්තු .

මාග්ං රක්ෂන්තු .

අ॒ග්නිර්මේ॑ වා॒චි ශ්රි॒තඃ . වාඝෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

වා॒යුර්මේ᳚ ප්රා॒ණේ ශ්රි॒තඃ . ප්රා॒ණෝ හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

සූර්යෝ॑ මේ॒ චක්ෂුෂි ශ්රි॒තඃ . චක්ෂු॒ර්​හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

ච॒න්ද්රමා॑ මේ॒ මන॑සි ශ්රි॒තඃ . මනෝ॒ හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

දිශෝ॑ මේ॒ ශ්රෝත්රේ᳚ ශ්රි॒තාඃ . ශ්රෝත්ර॒ග්ං॒ හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

ආපෝමේ॒ රේතසි ශ්රි॒තාඃ . රේතෝ හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

පෘ॒ථි॒වී මේ॒ ශරී॑රේ ශ්රි॒තා . ශරී॑ර॒ග්ං॒ හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

ඕ॒ෂ॒ධි॒ ව॒න॒ස්පතයෝ॑ මේ॒ ලෝම॑සු ශ්රි॒තාඃ . ලෝමා॑නි॒ හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

ඉන්ද්රෝ॑ මේ॒ බලේ᳚ ශ්රි॒තඃ . බල॒ග්ං॒ හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

ප॒ර්ජන්යෝ॑ මේ॒ මූ॒ර්ද්නි ශ්රි॒තඃ . මූ॒ර්ධා හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

ඊශා॑නෝ මේ॒ ම॒න්යෞ ශ්රි॒තඃ . ම॒න්යුර්​හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

ආ॒ත්මා ම॑ ආ॒ත්මනි॑ ශ්රි॒තඃ . ආ॒ත්මා හෘද॑යේ . හෘද॑ය॒-ම්මයි॑ . අ॒හම॒මෘතේ᳚ . අ॒මෘත॒-ම්බ්රහ්ම॑ණි .

පුන॑ර්ම ආ॒ත්මා පුන॒රායු॒ රාගා᳚ත් . පුනඃ॑ ප්රා॒ණඃ පුන॒රාකූ॑ත॒මාගා᳚ත් . වෛ॒ශ්වා॒න॒රෝ ර॒ශ්මිභි॑ර්වාවෘධා॒නඃ . අ॒න්තස්ති॑ෂ්ඨ॒ත්වමෘත॑ස්ය ගෝ॒පාඃ ..

අස්ය ශ්රී රුද්රාධ්යාය ප්රශ්න මහාමන්ත්රස්ය,

අඝෝර ඍෂිඃ,

අනුෂ්ටු-ප්ඡන්දඃ,

සඞ්කර්​ෂණ මූර්ති ස්වරූපෝ යෝ-(අ)සාවාදිත්යඃ පරමපුරුෂ-ස්ස ඒෂ රුද්රෝ දේවතා .

නම-ශ්ශිවායේති බීජම් .

ශිවතරායේති ශක්තිඃ .

මහාදේවායේති කීලකම් .

ශ්රී සාම්බ සදාශිව ප්රසාද සිද්ධ්යර්ථේ ජපේ විනියෝගඃ ..

ඕං අග්නිහෝත්රාත්මනේ අඞ්ගුෂ්ඨාභ්යා-න්නමඃ .

දර්​ශපූර්ණ මාසාත්මනේ තර්ජනීභ්යා-න්නමඃ .

චාතුර්මාස්යාත්මනේ මධ්යමාභ්යා-න්නමඃ .

නිරූඪ පශුබන්ධාත්මනේ අනාමිකාභ්යා-න්නමඃ .

ජ්යෝතිෂ්ටෝමාත්මනේ කනිෂ්ඨිකාභ්යා-න්නමඃ .

සර්වක්රත්වාත්මනේ කරතල කරපෘෂ්ඨාභ්යා-න්නමඃ ..

අග්නිහෝත්රාත්මනේ හෘදයාය නමඃ .

දර්​ශපූර්ණ මාසාත්මනේ ශිරසේ ස්වාහා .

චාතුර්මාස්යාත්මනේ ශිඛායෛ වෂට් .

නිරූඪ පශුබන්ධාත්මනේ කවචාය හුම් .

ජ්යෝතිෂ්ටෝමාත්මනේ නේත්රත්රයාය වෞෂට් .

සර්වක්රත්වාත්මනේ අස්ත්රායඵට් . භූර්භුවස්සුවරෝමිති දිග්බන්ධඃ ..

ධ්යානං

ආපාතාල-නභස්ස්ථලාන්ත-භුවන-බ්රහ්මාණ්ඩ-මාවිස්ඵුරත්-

ජ්යෝති-ස්ස්ඵාටික-ලිඞ්ග-මෞලි-විලසත්-පූර්ණේන්දු-වාන්තාමෘතෛඃ .

අස්තෝකාප්ලුත-මේක-මීශ-මනිශං රුද්රානු-වාකාඤ්ජපන්

ධ්යායේ-දීප්සිත-සිද්ධයේ ධ්රුවපදං-විँප්රෝ-(අ)භිෂිඤ්චේ-ච්චිවම් ..

බ්රහ්මාණ්ඩ ව්යාප්තදේහා භසිත හිමරුචා භාසමානා භුජඞ්ගෛඃ

කණ්ඨේ කාලාඃ කපර්දාඃ කලිත-ශශිකලා-ශ්චණ්ඩ කෝදණ්ඩ හස්තාඃ .

ත්ර්යක්ෂා රුද්රාක්ෂමාලාඃ ප්රකටිතවිභවා-ශ්ශාම්භවා මූර්තිභේදාඃ

රුද්රා-ශ්ශ්රීරුද්රසූක්ත-ප්රකටිතවිභවා නඃ ප්රයච්චන්තු සෞඛ්යම් ..

ඕ-ඞ්ග॒ණානා᳚-න්ත්වා ග॒ණප॑තිග්ං හවාමහේ ක॒වි-ඞ්ක॑වී॒නාමු॑ප॒මශ්ර॑වස්තමම් .

ජ්යේ॒ෂ්ඨ॒රාජ॒-ම්බ්රහ්ම॑ණා-ම්බ්රහ්මණස්පත॒ ආ නඃ॑ ශෘ॒ණ්වන්නූ॒තිභි॑ස්සීද॒ සාද॑නම් ..

මහාගණපතයේ॒ නමඃ ..

ශ-ඤ්ච॑ මේ॒ මය॑ශ්ච මේ ප්රි॒ය-ඤ්ච॑ මේ-(අ)නුකා॒මශ්ච॑ මේ॒ කාම॑ශ්ච මේ සෞමනස॒ශ්ච॑ මේ භ॒ද්ර-ඤ්ච॑ මේ॒ ශ්රේය॑ශ්ච මේ॒ වස්ය॑ශ්ච මේ॒ යශ॑ශ්ච මේ॒ භග॑ශ්ච මේ॒ ද්රවි॑ණ-ඤ්ච මේ ය॒න්තා ච॑ මේ ධ॒ර්තා ච॑ මේ॒ ක්ෂේම॑ශ්ච මේ॒ ධෘති॑ශ්ච මේ॒ විශ්ව॑-ඤ්ච මේ॒ මහ॑ශ්ච මේ සං॒​විँච්ච॑ මේ॒ ජ්ඤාත්ර॑-ඤ්ච මේ॒ සූශ්ච॑ මේ ප්ර॒සූශ්ච॑ මේ॒ සීර॑-ඤ්ච මේ ල॒යශ්ච॑ ම ඍ॒ත-ඤ්ච॑ මේ॒-(අ)මෘත॑-ඤ්ච මේ-(අ)ය॒ක්ෂ්ම-ඤ්ච॒ මේ-(අ)නා॑මයච්ච මේ ජී॒වාතු॑ශ්ච මේ දීර්ඝායු॒ත්ව-ඤ්ච॑ මේ-(අ)නමි॒ත්ර-ඤ්ච॒ මේ-(අ)භ॑ය-ඤ්ච මේ සු॒ග-ඤ්ච॑ මේ॒ ශය॑න-ඤ්ච මේ සූ॒ෂා ච॑ මේ॒ සු॒දින॑-ඤ්ච මේ ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..