Sri Rudram Chamakam
Sri Rudram Chamakam
zrI rudraM - camakapraznaH
zloka 1
OM agnA॑viSNU sa॒joSa॑se॒mAva॑rdhantu vA॒-GgiraH॑ |
dyu॒mnairvAje॑bhi॒rAga॑tam |
vAja॑zca me prasa॒vazca॑ me॒
praya॑tizca me॒ prasi॑tizca me
dhI॒tizca॑ me॒ kratu॑zca me॒
svara॑zca me॒ zloka॑zca me
zrA॒vazca॑ me॒ zruti॑zca me॒
jyoti॑zca me॒ suva॑zca me
prA॒Nazca॑ me-'pA॒nazca॑ me
vyA॒nazca॒ me-'su॑zca me
ci॒tta-Jca॑ ma॒ AdhI॑ta-Jca me॒
vAkca॑ me॒ mana॑zca me॒
cakSu॑zca me॒ zrotra॑-Jca me॒
dakSa॑zca me॒ bala॑-Jca ma॒
oja॑zca me॒ saha॑zca ma॒
Ayu॑zca me ja॒rA ca॑ ma
A॒tmA ca॑ me ta॒nUzca॑ me॒
zarma॑ ca me॒ varma॑ ca॒ me-'GgA॑ni ca me॒-'sthAni॑ ca me॒
parUgM॑Si ca me॒ zarI॑rANi ca me || 1 ||
jaiSThya॑-Jca ma॒ Adhi॑patya-Jca me
ma॒nyuzca॑ me॒ bhAma॑zca॒ me-'ma॑zca॒ me-'mbha॑zca me
je॒mA ca॑ me mahi॒mA ca॑ me
vari॒mA ca॑ me prathi॒mA ca॑ me
va॒rSmA ca॑ me drAghu॒yA ca॑ me
vR॒ddha-Jca॑ me॒ vRddhi॑zca me
sa॒tya-Jca॑ me zra॒ddhA ca॑ me॒
jaga॑cca me॒ dhana॑-Jca me॒
vaza॑zca me॒ tviSi॑zca me
krI॒DA ca॑ me॒ moda॑zca me
jA॒ta-Jca॑ me jani॒SyamA॑Na-Jca me
sU॒kta-Jca॑ me sukR॒ta-Jca॑ me
vi॒tta-Jca॑ me॒ vedya॑-Jca me
bhU॒ta-Jca॑ me bhavi॒Syacca॑ me
su॒ga-Jca॑ me su॒patha॑-Jca ma
R॒ddha-Jca॑ ma॒ Rddhi॑zca me
klR॒pta-Jca॑ me॒ klRpti॑zca me
ma॒tizca॑ me suma॒tizca॑ me || 2 ||
za-Jca॑ me॒ maya॑zca me
pri॒ya-Jca॑ me-'nukA॒mazca॑ me॒ kAma॑zca me
saumana॒sazca॑ me bha॒dra-Jca॑ me॒
zreya॑zca me॒ vasya॑zca me॒
yaza॑zca me॒ bhaga॑zca me॒ dravi॑Na-Jca me
ya॒ntA ca॑ me dha॒rtA ca॑ me॒
kSema॑zca me॒ dhRti॑zca me॒
vizva॑-Jca me॒ maha॑zca me
saM॒vi~cca॑ me॒ jJAtra॑-Jca me॒
sUzca॑ me pra॒sUzca॑ me॒
sIra॑-Jca me la॒yazca॑ ma
R॒ta-Jca॑ me॒-'mRta॑-Jca me-'ya॒kSma-Jca॒ me-'nA॑mayacca me
jI॒vAtu॑zca me dIrghAyu॒tva-Jca॑ me-'nami॒tra-Jca॒ me-'bha॑ya-Jca me
su॒ga-Jca॑ me॒ zaya॑na-Jca me
sU॒SA ca॑ me su॒dina॑-Jca me || 3 ||
Urkca॑ me sU॒nRtA॑ ca me॒
paya॑zca me॒ rasa॑zca me
ghR॒ta-Jca॑ me॒ madhu॑ ca me॒
sagdhi॑zca me॒ sapI॑tizca me
kR॒Sizca॑ me॒ vRSTi॑zca me॒
jaitra॑-Jca ma॒ audbhi॑dya-Jca me
ra॒yizca॑ me॒ rAya॑zca me
pu॒STa-Jca॑ me॒ puSTi॑zca me
vi॒bhu ca॑ me pra॒bhu ca॑ me
ba॒hu ca॑ me॒ bhUya॑zca me
pU॒rNa-Jca॑ me pU॒rNata॑ra-Jca॒ me-'kSi॑tizca me॒ kUya॑vAzca॒ me-'nna॑-Jca॒ me-'kSu॑cca me
vrI॒haya॑zca me॒ yavA᳚zca me॒
mASA᳚zca me॒ tilA᳚zca me
mu॒dgAzca॑ me kha॒lvA᳚zca me
go॒dhUmA᳚zca me ma॒surA᳚zca me
pri॒yaGga॑vazca॒ me-'Na॑vazca me
zyA॒mAkA᳚zca me nI॒vArA᳚zca me || 4 ||
azmA॑ ca me॒ mRtti॑kA ca me
gi॒raya॑zca me॒ parva॑tAzca me॒
sika॑tAzca me॒ vana॒spata॑yazca me॒
hira॑Nya-Jca॒ me-'ya॑zca me॒
sIsa॑-Jca॒ me trapu॑zca me
zyA॒ma-Jca॑ me lo॒ha-Jca॑ me॒-'gnizca॑ ma॒
Apa॑zca me vI॒rudha॑zca ma॒ oSa॑dhayazca me
kRSTapa॒cya-Jca॑ me-'kRSTapa॒cya-Jca॑ me
grA॒myAzca॑ me pa॒zava॑ Ara॒NyAzca॑ ya॒jJena॑ kalpantAM
vi॒tta-Jca॑ me॒ vitti॑zca me
bhU॒ta-Jca॑ me॒ bhUti॑zca me॒
vasu॑ ca me vasa॒tizca॑ me॒
karma॑ ca me॒ zakti॑zca॒ me-'rtha॑zca ma॒
ema॑zca ma॒ iti॑zca me॒ gati॑zca me || 5 ||
a॒gnizca॑ ma॒ indra॑zca me॒
soma॑zca ma॒ indra॑zca me
savi॒tA ca॑ ma॒ indra॑zca me॒
sara॑svatI ca ma॒ indra॑zca me
pU॒SA ca॑ ma॒ indra॑zca me॒
bRha॒spati॑zca ma॒ indra॑zca me
mi॒trazca॑ ma॒ indra॑zca me॒
varu॑Nazca ma॒ indra॑zca me॒
tvaSThA॑ ca ma॒ indra॑zca me
dhA॒tA ca॑ ma॒ indra॑zca me॒
viSNu॑zca ma॒ indra॑zca me॒-'zvinau॑ ca ma॒ indra॑zca me
ma॒ruta॑zca ma॒ indra॑zca me॒
vizve॑ ca me de॒vA indra॑zca me
pRthi॒vI ca॑ ma॒ indra॑zca me॒-'ntari॑kSa-Jca ma॒ indra॑zca me॒
dyauzca॑ ma॒ indra॑zca me॒
diza॑zca ma॒ indra॑zca me
mU॒rdhA ca॑ ma॒ indra॑zca me
pra॒jApa॑tizca ma॒ indra॑zca me || 6 ||
a॒gM॒zuzca॑ me ra॒zmizca॒ me-'dA᳚bhyazca॒ me-'dhi॑patizca ma
upA॒gM॒zuzca॑ me-'ntaryA॒mazca॑ ma
aindravAya॒vazca॑ me maitrAvaru॒Nazca॑ ma
Azvi॒nazca॑ me pratipra॒sthAna॑zca me
zu॒krazca॑ me ma॒nthI ca॑ ma
Agraya॒Nazca॑ me vaizvade॒vazca॑ me
dhru॒vazca॑ me vaizvAna॒razca॑ ma
Rtugra॒hAzca॑ me-'tigrA॒hyA᳚zca ma
aindrA॒gnazca॑ me vaizvade॒vazca॑ me
marutva॒tIyA᳚zca me mAhe॒ndrazca॑ ma
Adi॒tyazca॑ me sAvi॒trazca॑ me
sArasva॒tazca॑ me pau॒SNazca॑ me
pAtnIva॒tazca॑ me hAriyoja॒nazca॑ me || 7 ||
i॒dhmazca॑ me ba॒r॒hizca॑ me॒
vedi॑zca me॒ diSNi॑yAzca me॒
sruca॑zca me cama॒sAzca॑ me॒
grAvA॑Nazca me॒ svara॑vazca ma
upara॒vAzca॑ me-'dhi॒Sava॑Ne ca me
droNakala॒zazca॑ me vAya॒vyA॑ni ca me
pUta॒bhRcca॑ ma Adhava॒nIya॑zca ma॒
AgnI᳚dhra-Jca me havi॒rdhAna॑-Jca me
gR॒hAzca॑ me॒ sada॑zca me puro॒DAzA᳚zca me
paca॒tAzca॑ me-'vabhR॒thazca॑ me svagAkA॒razca॑ me || 8 ||
a॒gnizca॑ me gha॒rmazca॑ me॒-'rkazca॑ me॒
sUrya॑zca me prA॒Nazca॑ me-'zvame॒dhazca॑ me
pRthi॒vI ca॒ me-'di॑tizca me॒ diti॑zca me॒
dyauzca॑ me॒ zakva॑rIra॒Ggula॑yo॒ diza॑zca me
ya॒jJena॑ kalpantA॒mRkca॑ me॒
sAma॑ ca me॒ stoma॑zca me॒
yaju॑zca me dI॒kSA ca॑ me॒
tapa॑zca ma R॒tuzca॑ me
vra॒ta-Jca॑ me-'horA॒trayo᳚rvR॒STyA bR॑hadrathanta॒re ca॑ me
ya॒jJena॑ kalpetAm || 9 ||
garbhA᳚zca me va॒tsAzca॑ me॒
tryavi॑zca me trya॒vIca॑ me
ditya॒vAT ca॑ me dityau॒hI ca॑ me॒
paJcA॑vizca me paJcA॒vI ca॑ me
triva॒tsazca॑ me triva॒tsA ca॑ me
turya॒vAT ca॑ me turyau॒hI ca॑ me
paSTha॒vAT ca॑ me paSThau॒hI ca॑ ma
u॒kSA ca॑ me va॒zA ca॑ ma
RSa॒bhazca॑ me ve॒hacca॑ me-'na॒DvAJca॑ me
dhe॒nuzca॑ ma॒ Ayu॑rya॒jJena॑ kalpatAM
prA॒No ya॒jJena॑ kalpatAmapA॒no ya॒jJena॑ kalpatAM
vyA॒no ya॒jJena॑ kalpatAM॒
cakSu॑rya॒jJena॑ kalpatA॒g॒ zrotraM॑-ya~॒jJena॑ kalpatAM॒
mano॑ ya॒jJena॑ kalpatAM॒
vAgya॒jJena॑ kalpatAmA॒tmA ya॒jJena॑ kalpatAM
ya॒jJo ya॒jJena॑ kalpatAm || 10 ||
ekA॑ ca me ti॒srazca॑ me॒
paJca॑ ca me sa॒pta ca॑ me॒
nava॑ ca ma॒ ekA॑daza ca me॒
trayo॑daza ca me॒ paJca॑daza ca me
sa॒ptada॑za ca me॒ nava॑daza ca ma॒
eka॑vigMzatizca me॒ trayo॑vigMzatizca me॒
paJca॑vigMzatizca me sa॒ptavigM॑zatizca me॒
nava॑vigMzatizca ma॒ eka॑trigMzacca me॒
traya॑strigMzacca me॒ cata॑srazca me॒-'STau ca॑ me॒
dvAda॑za ca me॒ SoDa॑za ca me
vigMza॒tizca॑ me॒ catu॑rvigMzatizca me॒-'STAvigM॑zatizca me॒
dvAtrigM॑zacca me॒ SaT-trigM॑zacca me
catvAri॒gM॒zacca॑ me॒ catu॑zcatvArigMzacca me॒-'STAca॑tvArigMzacca me॒
vAja॑zca prasa॒vazcA॑pi॒jazca॒
kratu॑zca॒ suva॑zca mU॒rdhA ca॒
vyazni॑yazcAntyAya॒nazcAntya॑zca
bhauva॒nazca॒ bhuva॑na॒zcAdhi॑patizca || 11 ||
OM iDA॑ deva॒hU-rmanu॑ryajJa॒nI-rbRha॒spati॑rukthAma॒dAni॑
zagMsiSa॒dvizve॑ de॒vA-ssU᳚kta॒vAcaH॒ pRthi॑vimAta॒rmA
mA॑ higMsI॒rmadhu॑ maniSye॒ madhu॑ janiSye॒
madhu॑ vakSyAmi॒ madhu॑ vadiSyAmi॒
madhu॑matI-nde॒vebhyo॒ vAca॒mudyAsagMzuzrUSe॒NyA᳚m
manu॒Sye᳚bhya॒staM
mA॑ de॒vA a॑vantu zo॒bhAyai॑ pi॒taro-'nu॑madantu ||
OM zAnti॒-zzAnti॒-zzAntiH॑ ||