Sri Rudra Kavacham

ශ්රී රුද්ර කවචම්

ඕං අස්ය ශ්රී රුද්ර කවචස්තෝත්ර මහාමන්ත්රස්ය දූර්වාසෘෂිඃ අනුෂ්ඨුප් ඡන්දඃ ත්ර්යම්බක රුද්රෝ දේවතා හ්රාං බීජං ශ්රීං ශක්තිඃ හ්රීං කීලකං මම මනසෝ(අ)භීෂ්ටසිද්ධ්යර්ථේ ජපේ විනියෝගඃ .

හ්රාමිත්යාදි ෂඩ්බීජෛඃ ෂඩඞ්ගන්යාසඃ ..

ධ්යානම් .

ශාන්තං පද්මාසනස්ථං ශශිධරමකුටං පඤ්චවක්ත්රං ත්රිනේත්රං

ශූලං වජ්රං ච ඛඩ්ගං පරශුමභයදං දක්ෂභාගේ වහන්තම් .

නාගං පාශං ච ඝණ්ටාං ප්රලය හුතවහං සාඞ්කුශං වාමභාගේ

නානාලඞ්කාරයුක්තං ස්ඵටිකමණිනිභං පාර්වතීශං නමාමි ..

දූර්වාස උවාච .

ප්රණම්ය ශිරසා දේවං ස්වයම්භුං පරමේශ්වරම් .

ඒකං සර්වගතං දේවං සර්වදේවමයං විභුම් .. 1 ..

රුද්ර වර්ම ප්රවක්ෂ්යාමි අඞ්ග ප්රාණස්ය රක්ෂයේ .

අහෝරාත්රමයං දේවං රක්ෂාර්ථං නිර්මිතං පුරා .. 2 ..

රුද්රෝ මේ චාග්රතඃ පාතු පාතු පාර්ශ්වෞ හරස්තථා .

ශිරෝ මේ ඊශ්වරඃ පාතු ලලාටං නීලලෝහිතඃ .. 3 ..

නේත්රයෝස්ත්ර්යම්බකඃ පාතු මුඛං පාතු මහේශ්වරඃ .

කර්ණයෝඃ පාතු මේ ශම්භුඃ නාසිකායාං සදාශිවඃ .. 4 ..

වාගීශඃ පාතු මේ ජිහ්වාං ඕෂ්ඨෞ පාත්වම්බිකාපතිඃ .

ශ්රීකණ්ඨඃ පාතු මේ ග්රීවාං බාහූංශ්චෛව පිනාකධෘත් .. 5 ..

හෘදයං මේ මහාදේවඃ ඊශ්වරෝව්යාත් ස්තනාන්තරම් .

නාභිං කටිං ච වක්ෂශ්ච පාතු සර්වං උමාපතිඃ .. 6 ..

බාහුමධ්යාන්තරං චෛව සූක්ෂ්මරූපඃ සදාශිවඃ .

ස්වරං රක්ෂතු සර්වේශෝ ගාත්රාණි ච යථා ක්රමම් .. 7 ..

වජ්රශක්තිධරං චෛව පාශාඞ්කුශධරං තථා .

ගණ්ඩශූලධරං නිත්යං රක්ෂතු ත්රිදශේශ්වරඃ .. 8 ..

ප්රස්ථානේෂු පදේ චෛව වෘක්ෂමූලේ නදීතටේ .

සන්ධ්යායාං රාජභවනේ විරූපාක්ෂස්තු පාතු මාම් .. 9 ..

ශීතෝෂ්ණාදථ කාලේෂු තුහි න ද්රුමකණ්ටකේ .

නිර්මනුෂ්යේ(අ)සමේ මාර්ගේ ත්රාහි මාං වෘෂභධ්වජ .. 10 ..

ඉත්යේතද්රුද්රකවචං පවිත්රං පාපනාශනම් .

මහාදේවප්රසාදේන දූර්වාසෝ මුනිකල්පිතම් .. 11 ..

මමාඛ්යාතං සමාසේන න භයං වින්දති ක්වචිත් .

ප්රාප්නෝති පරමාරෝග්යං පුණ්යමායුෂ්යවර්ධනම් .. 12 ..

විද්යාර්ථී ලභතේ විද්යාං ධනාර්ථී ලභතේ ධනම් .

කන්යාර්ථී ලභතේ කන්යාං න භයං වින්දතේ ක්වචිත් .. 13 ..

අපුත්රෝ ලභතේ පුත්රං මෝක්ෂාර්ථී මෝක්ෂමාප්නුයාත් .

ත්රාහි ත්රාහි මහාදේව ත්රාහි ත්රාහි ත්රයීමය .. 14 ..

ත්රාහි මාං පාර්වතීනාථ ත්රාහි මාං ත්රිපුරන්තක .

පාශං ඛට්වාඞ්ග දිව්යාස්ත්රං ත්රිශූලං රුද්රමේව ච .. 15 ..

නමස්කරෝමි දේවේශ ත්රාහි මාං ජගදීශ්වර .

ශත්රුමධ්යේ සභාමධ්යේ ග්රාමමධ්යේ ගෘහාන්තරේ .. 16 ..

ගමනාගමනේ චෛව ත්රාහි මාං භක්තවත්සල .

ත්වං චිත්තං ත්වං මානසං ච ත්වං බුද්ධිස්ත්වං පරායණම් .. 17 ..

කර්මණා මනසා චෛව ත්වං බුද්ධිශ්ච යථා සදා .

ජ්වරභයං ඡින්දි සර්වජ්වරභයං ඡින්දි ග්රහභයං ඡින්දි .. 18 ..

සර්වශත්රූන්නිවර්ත්යාපි සර්වව්යාධිනිවාරණම් .

රුද්රලෝකං ස ගච්ඡති රුද්රලෝකං සගච්ඡත්යෝන්නම ඉති .. 19 ..

ඉති ස්කන්දපුරාණේ දූර්වාස ප්රෝක්තං ශ්රී රුද්රකවචම් ..