Sri Rudra Kavacham

shrI rudra kavacham

shloka 1

OM asya shrI rudra kavachastotra mahAmantrasya dUrvAsRRiShiH anuShThup ChandaH tryambaka rudro devatA hrAM bIjaM shrIM shaktiH hrIM kIlakaM mama manaso.abhIShTasiddhyarthe jape viniyogaH |

hrAmityAdi ShaDbIjaiH ShaDa~NganyAsaH ||

dhyAnam |

shAntaM padmAsanasthaM shashidharamakuTaM pa~nchavaktraM trinetraM

shUlaM vajraM cha khaDgaM parashumabhayadaM dakShabhAge vahantam |

nAgaM pAshaM cha ghaNTAM pralaya hutavahaM sA~NkushaM vAmabhAge

nAnAla~NkArayuktaM sphaTikamaNinibhaM pArvatIshaM namAmi ||

dUrvAsa uvAcha |

praNamya shirasA devaM svayambhuM parameshvaram |

ekaM sarvagataM devaM sarvadevamayaM vibhum || 1 ||

rudra varma pravakShyAmi a~Nga prANasya rakShaye |

ahorAtramayaM devaM rakShArthaM nirmitaM purA || 2 ||

rudro me chAgrataH pAtu pAtu pArshvau harastathA |

shiro me IshvaraH pAtu lalATaM nIlalohitaH || 3 ||

netrayostryambakaH pAtu mukhaM pAtu maheshvaraH |

karNayoH pAtu me shambhuH nAsikAyAM sadAshivaH || 4 ||

vAgIshaH pAtu me jihvAM oShThau pAtvambikApatiH |

shrIkaNThaH pAtu me grIvAM bAhUMshchaiva pinAkadhRRit || 5 ||

hRRidayaM me mahAdevaH IshvarovyAt stanAntaram |

nAbhiM kaTiM cha vakShashcha pAtu sarvaM umApatiH || 6 ||

bAhumadhyAntaraM chaiva sUkShmarUpaH sadAshivaH |

svaraM rakShatu sarvesho gAtrANi cha yathA kramam || 7 ||

vajrashaktidharaM chaiva pAshA~NkushadharaM tathA |

gaNDashUladharaM nityaM rakShatu tridasheshvaraH || 8 ||

prasthAneShu pade chaiva vRRikShamUle nadItaTe |

sandhyAyAM rAjabhavane virUpAkShastu pAtu mAm || 9 ||

shItoShNAdatha kAleShu tuhi na drumakaNTake |

nirmanuShye.asame mArge trAhi mAM vRRiShabhadhvaja || 10 ||

ityetadrudrakavachaM pavitraM pApanAshanam |

mahAdevaprasAdena dUrvAso munikalpitam || 11 ||

mamAkhyAtaM samAsena na bhayaM vindati kvachit |

prApnoti paramArogyaM puNyamAyuShyavardhanam || 12 ||

vidyArthI labhate vidyAM dhanArthI labhate dhanam |

kanyArthI labhate kanyAM na bhayaM vindate kvachit || 13 ||

aputro labhate putraM mokShArthI mokShamApnuyAt |

trAhi trAhi mahAdeva trAhi trAhi trayImaya || 14 ||

trAhi mAM pArvatInAtha trAhi mAM tripurantaka |

pAshaM khaTvA~Nga divyAstraM trishUlaM rudrameva cha || 15 ||

namaskaromi devesha trAhi mAM jagadIshvara |

shatrumadhye sabhAmadhye grAmamadhye gRRihAntare || 16 ||

gamanAgamane chaiva trAhi mAM bhaktavatsala |

tvaM chittaM tvaM mAnasaM cha tvaM buddhistvaM parAyaNam || 17 ||

karmaNA manasA chaiva tvaM buddhishcha yathA sadA |

jvarabhayaM Chindi sarvajvarabhayaM Chindi grahabhayaM Chindi || 18 ||

sarvashatrUnnivartyApi sarvavyAdhinivAraNam |

rudralokaM sa gachChati rudralokaM sagachChatyonnama iti || 19 ||

iti skandapurANe dUrvAsa proktaM shrI rudrakavacham ||