Sri Rama Ashtottara Sata Naama Stotram

shrI rAmAShTottara shatanAma stotram

shloka 1

shrIrAmo rAmabhadrashcha rAmachandrashcha shAshvataH |

rAjIvalochanaH shrImAnrAjendro raghupu~NgavaH || 1 ||

jAnakIvallabho jaitro jitAmitro janArdanaH |

vishvAmitrapriyo dAntaH sharaNatrANatatparaH || 2 ||

vAlipramathano vAgmI satyavAksatyavikramaH |

satyavrato vratadharaH sadAhanumadAshritaH || 3 ||

kausaleyaH kharadhvaMsI virAdhavadhapaNDitaH |

vibhIShaNaparitrAtA harakodaNDakhaNDanaH || 4 ||

saptatAlaprabhettA cha dashagrIvashiroharaH |

jAmadagnyamahAdarpadalanastATakAntakaH || 5 ||

vedAntasAro vedAtmA bhavarogasya bheShajam |

dUShaNatrishirohantA trimUrtistriguNAtmakaH || 6 ||

trivikramastrilokAtmA puNyachAritrakIrtanaH |

trilokarakShako dhanvI daNDakAraNyakartanaH || 7 ||

ahalyAshApashamanaH pitRRibhakto varapradaH |

jitendriyo jitakrodho jitAmitro jagadguruH || 8 ||

RRikShavAnarasa~NghAtI chitrakUTasamAshrayaH |

jayantatrANavaradaH sumitrAputrasevitaH || 9 ||

sarvadevAdidevashcha mRRitavAnarajIvanaH |

mAyAmArIchahantA cha mahAdevo mahAbhujaH || 10 ||

sarvadevastutaH saumyo brahmaNyo munisaMstutaH |

mahAyogI mahodAraH sugrIvepsitarAjyadaH || 11 ||

sarvapuNyAdhikaphalaH smRRitasarvAghanAshanaH |

AdipuruShaH paramapuruSho mahApUruSha eva cha || 12 ||

puNyodayo dayAsAraH purANapuruShottamaH |

smitavaktro mitAbhAShI pUrvabhAShI cha rAghavaH || 13 ||

anantaguNagambhIro dhIrodAttaguNottamaH |

mAyAmAnuShachAritro mahAdevAdipUjitaH || 14 ||

setukRRijjitavArAshiH sarvatIrthamayo hariH |

shyAmA~NgaH sundaraH shUraH pItavAsA dhanurdharaH || 15 ||

sarvayaj~nAdhipo yajvA jarAmaraNavarjitaH |

shivali~NgapratiShThAtA sarvAvaguNavarjitaH || 16 ||

paramAtmA paraM brahma sachchidAnandavigrahaH |

para~njyotiH parandhAma parAkAshaH parAtparaH || 17 ||

pareshaH pAragaH pAraH sarvadevAtmakaH paraH ||

evaM shrIrAmachandrasya nAmnAmaShTottaraM shatam

iti shrI rAmAShTottara shatanAmastotraM sampUrNam