Sri Rama Ashtottara Sata Naama Stotram

zrI rAmASTottara zatanAma stotram

zloka 1

zrIrAmo rAmabhadrazca rAmacandrazca zAzvataH |

rAjIvalocanaH zrImAnrAjendro raghupuGgavaH || 1 ||

jAnakIvallabho jaitro jitAmitro janArdanaH |

vizvAmitrapriyo dAntaH zaraNatrANatatparaH || 2 ||

vAlipramathano vAgmI satyavAksatyavikramaH |

satyavrato vratadharaH sadAhanumadAzritaH || 3 ||

kausaleyaH kharadhvaMsI virAdhavadhapaNDitaH |

vibhISaNaparitrAtA harakodaNDakhaNDanaH || 4 ||

saptatAlaprabhettA ca dazagrIvaziroharaH |

jAmadagnyamahAdarpadalanastATakAntakaH || 5 ||

vedAntasAro vedAtmA bhavarogasya bheSajam |

dUSaNatrizirohantA trimUrtistriguNAtmakaH || 6 ||

trivikramastrilokAtmA puNyacAritrakIrtanaH |

trilokarakSako dhanvI daNDakAraNyakartanaH || 7 ||

ahalyAzApazamanaH pitRbhakto varapradaH |

jitendriyo jitakrodho jitAmitro jagadguruH || 8 ||

RkSavAnarasaGghAtI citrakUTasamAzrayaH |

jayantatrANavaradaH sumitrAputrasevitaH || 9 ||

sarvadevAdidevazca mRtavAnarajIvanaH |

mAyAmArIcahantA ca mahAdevo mahAbhujaH || 10 ||

sarvadevastutaH saumyo brahmaNyo munisaMstutaH |

mahAyogI mahodAraH sugrIvepsitarAjyadaH || 11 ||

sarvapuNyAdhikaphalaH smRtasarvAghanAzanaH |

AdipuruSaH paramapuruSo mahApUruSa eva ca || 12 ||

puNyodayo dayAsAraH purANapuruSottamaH |

smitavaktro mitAbhASI pUrvabhASI ca rAghavaH || 13 ||

anantaguNagambhIro dhIrodAttaguNottamaH |

mAyAmAnuSacAritro mahAdevAdipUjitaH || 14 ||

setukRjjitavArAziH sarvatIrthamayo hariH |

zyAmAGgaH sundaraH zUraH pItavAsA dhanurdharaH || 15 ||

sarvayajJAdhipo yajvA jarAmaraNavarjitaH |

zivaliGgapratiSThAtA sarvAvaguNavarjitaH || 16 ||

paramAtmA paraM brahma saccidAnandavigrahaH |

paraJjyotiH parandhAma parAkAzaH parAtparaH || 17 ||

parezaH pAragaH pAraH sarvadevAtmakaH paraH ||

evaM zrIrAmacandrasya nAmnAmaSTottaraM zatam

iti zrI rAmASTottara zatanAmastotraM sampUrNam