Sri Rama Apaduddharaka Stotram
Sri Rama Apaduddharaka Stotram
zrI rAma ApaduddhAraka stotram
zloka 1
ApadAmapahartAraM dAtAraM sarvasampadAm |
lokAbhirAmaM zrIrAmaM bhUyo bhUyo namAmyaham ||
namaH kodaNDahastAya sandhIkRtazarAya ca |
daNDitAkhiladaityAya rAmAyApannivAriNe || 1 ||
ApannajanarakSaikadIkSAyAmitatejase |
namo'stu viSNave tubhyaM rAmAyApannivAriNe || 2 ||
padAmbhojarajassparzapavitramuniyoSite |
namo'stu sItApataye rAmAyApannivAriNe || 3 ||
dAnavendramahAmattagajapaJcAsyarUpiNe |
namo'stu raghunAthAya rAmAyApannivAriNe || 4 ||
mahijAkucasaMlagnakuGkumAruNavakSase |
namaH kalyANarUpAya rAmAyApannivAriNe || 5 ||
padmasambhava bhUteza munisaMstutakIrtaye |
namo mArtANDavaMzyAya rAmAyApannivAriNe || 6 ||
haratyArtiM ca lokAnAM yo vA madhuniSUdanaH |
namo'stu haraye tubhyaM rAmAyApannivAriNe || 7 ||
tApakAraNasaMsAragajasiMhasvarUpiNe |
namo vedAntavedyAya rAmAyApannivAriNe || 8 ||
raGgattaraGgajaladhigarvahRccharadhAriNe |
namaH pratAparUpAya rAmAyApannivAriNe || 9 ||
dAropahitacandrAvataMsadhyAtasvamUrtaye |
namaH satyasvarUpAya rAmAyApannivAriNe || 10 ||
tArAnAyakasaGkAzavadanAya mahaujase |
namo'stu tATakAhantre rAmAyApannivAriNe || 11 ||
ramyasAnulasaccitrakUTAzramavihAriNe |
namaH saumitrisevyAya rAmAyApannivAriNe || 12 ||
sarvadevahitAsakta dazAnanavinAzine |
namo'stu duHkhadhvaMsAya rAmAyApannivAriNe || 13 ||
ratnasAnunivAsaika vandyapAdAmbujAya ca |
namastrailokyanAthAya rAmAyApannivAriNe || 14 ||
saMsArabandhamokSaikahetudhAmaprakAzine |
namaH kaluSasaMhartre rAmAyApannivAriNe || 15 ||
pavanAzuga saGkSipta mArIcAdi surAraye |
namo makhaparitrAtre rAmAyApannivAriNe || 16 ||
dAmbhiketarabhaktaughamahadAnandadAyine |
namaH kamalanetrAya rAmAyApannivAriNe || 17 ||
lokatrayodvegakara kumbhakarNazirazchide |
namo nIradadehAya rAmAyApannivAriNe || 18 ||
kAkAsuraikanayanaharallIlAstradhAriNe |
namo bhaktaikavedyAya rAmAyApannivAriNe || 19 ||
bhikSurUpasamAkrAnta balisarvaikasampade |
namo vAmanarUpAya rAmAyApannivAriNe || 20 ||
rAjIvanetrasuspanda rucirAGgasurociSe |
namaH kaivalyanidhaye rAmAyApannivAriNe || 21 ||
mandamArutasaMvIta mandAradrumavAsine |
namaH pallavapAdAya rAmAyApannivAriNe || 22 ||
zrIkaNThacApadalanadhurINabalabAhave |
namaH sItAnuSaktAya rAmAyApannivAriNe || 23 ||
rAjarAjasuhRdyoSArcita maGgalamUrtaye |
nama ikSvAkuvaMzyAya rAmAyApannivAriNe || 24 ||
maJjulAdarzaviprekSaNotsukaikavilAsine |
namaH pAlitabhaktAya rAmAyApannivAriNe || 25 ||
bhUribhUdhara kodaNDamUrti dhyeyasvarUpiNe |
namo'stu tejonidhaye rAmAyApannivAriNe || 26 ||
yogIndrahRtsarojAtamadhupAya mahAtmane |
namo rAjAdhirAjAya rAmAyApannivAriNe || 27 ||
bhUvarAhasvarUpAya namo bhUripradAyine |
namo hiraNyagarbhAya rAmAyApannivAriNe || 28 ||
yoSAJjalivinirmukta lAjAJcitavapuSmate |
namaH saundaryanidhaye rAmAyApannivAriNe || 29 ||
nakhakoTivinirbhinnadaityAdhipativakSase |
namo nRsiMharUpAya rAmAyApannivAriNe || 30 ||
mAyAmAnuSadehAya vedoddharaNahetave |
namo'stu matsyarUpAya rAmAyApannivAriNe || 31 ||
mitizUnya mahAdivyamahimne mAnitAtmane |
namo brahmasvarUpAya rAmAyApannivAriNe || 32 ||
ahaGkAretarajana svAntasaudhavihAriNe |
namo'stu citsvarUpAya rAmAyApannivAriNe || 33 ||
sItAlakSmaNasaMzobhipArzvAya paramAtmane |
namaH paTTAbhiSiktAya rAmAyApannivAriNe || 34 ||
agrataH pRSThatazcaiva pArzvatazca mahAbalau |
AkarNapUrNadhanvAnau rakSetAM rAmalakSmaNau || 35 ||
sannaddhaH kavacI khaDgI cApabANadharo yuvA |
tiSThanmamAgrato nityaM rAmaH pAtu salakSmaNaH || 36 ||
ApadAmapahartAraM dAtAraM sarvasampadAm |
lokAbhirAmaM zrIrAmaM bhUyo bhUyo namAmyaham ||
phalazruti
imaM stavaM bhagavataH paThedyaH prItamAnasaH |
prabhAte vA pradoSe vA rAmasya paramAtmanaH || 1 ||
sa tu tIrtvA bhavAmbodhimApadassakalAnapi |
rAmasAyujyamApnoti devadevaprasAdataH || 2 ||
kArAgRhAdibAdhAsu samprApte bahusaGkaTe |
ApannivArakastotraM paThedyastu yathAvidhiH || 3 ||
saMyojyAnuSTubhaM mantramanuzlokaM smaranvibhum |
saptAhAtsarvabAdhAbhyo mucyate nAtra saMzayaH || 4 ||
dvAtriMzadvArajapataH pratyahaM tu dRDhavrataH |
vaizAkhe bhAnumAlokya pratyahaM zatasaGkhyayA || 5 ||
dhanavAn dhanadaprakhyassa bhavennAtra saMzayaH |
bahunAtra kimuktena yaM yaM kAmayate naraH || 6 ||
taM taM kAmamavApnoti stotreNAnena mAnavaH |
yantrapUjAvidhAnena japahomAditarpaNaiH || 7 ||
yastu kurvIta sahasA sarvAnkAmAnavApnuyAt |
iha loke sukhI bhUtvA pare mukto bhaviSyati || 8 ||