Sri Raja Rajeswarai Ashtakam

shrI rAja rAjeshvarI aShTakam

shloka 1

ambA shAmbhavi chandramaulirabalA.aparNA umA pArvatI

kAlI haimavatI shivA trinayanI kAtyAyanI bhairavI

sAvitrI navayauvanA shubhakarI sAmrAjyalakShmIpradA

chidrUpI paradevatA bhagavatI shrIrAjarAjeshvarI || 1 ||

ambA mohini devatA tribhuvanI AnandasandAyinI

vANI pallavapANi veNumuralIgAnapriyA lolinI

kalyANI uDurAjabimbavadanA dhUmrAkShasaMhAriNI

chidrUpI paradevatA bhagavatI shrIrAjarAjeshvarI || 2 ||

ambA nUpuraratnaka~NkaNadharI keyUrahArAvalI

jAtIchampakavaijayantilaharI graiveyakairAjitA

vINAveNuvinodamaNDitakarA vIrAsanesaMsthitA

chidrUpI paradevatA bhagavatI shrIrAjarAjeshvarI || 3 ||

ambA raudriNi bhadrakAlI bagalA jvAlAmukhI vaiShNavI

brahmANI tripurAntakI suranutA dedIpyamAnojjvalA

chAmuNDA shritarakShapoShajananI dAkShAyaNI pallavI

chidrUpI paradevatA bhagavatI shrIrAjarAjeshvarI || 4 ||

ambA shUla dhanuH kushA~NkushadharI ardhendubimbAdharI

vArAhI madhukaiTabhaprashamanI vANIramAsevitA

malladyAsuramUkadaityamathanI mAheshvarI ambikA

chidrUpI paradevatA bhagavatI shrIrAjarAjeshvarI || 5 ||

ambA sRRiShTavinAshapAlanakarI AryA visaMshobhitA

gAyatrI praNavAkSharAmRRitarasaH pUrNAnusandhIkRRitA

o~NkArI vinutAsutArchitapadA uddaNDadaityApahA

chidrUpI paradevatA bhagavatI shrIrAjarAjeshvarI || 6 ||

ambA shAshvata AgamAdivinutA AryA mahAdevatA

yA brahmAdipipIlikAntajananI yA vai jaganmohinI

yA pa~nchapraNavAdirephajananI yA chitkalAmAlinI

chidrUpI paradevatA bhagavatI shrIrAjarAjeshvarI || 7 ||

ambApAlita bhaktarAjadanishaM ambAShTakaM yaH paThet

ambAlokakaTAkShavIkSha lalitaM chaishvaryamavyAhatam

ambA pAvanamantrarAjapaThanAdante cha mokShapradA

chidrUpI paradevatA bhagavatI shrIrAjarAjeshvarI || 8 ||