Sri Raja Rajeswarai Ashtakam

zrI rAja rAjezvarI aSTakam

zloka 1

ambA zAmbhavi candramaulirabalA'parNA umA pArvatI

kAlI haimavatI zivA trinayanI kAtyAyanI bhairavI

sAvitrI navayauvanA zubhakarI sAmrAjyalakSmIpradA

cidrUpI paradevatA bhagavatI zrIrAjarAjezvarI || 1 ||

ambA mohini devatA tribhuvanI AnandasandAyinI

vANI pallavapANi veNumuralIgAnapriyA lolinI

kalyANI uDurAjabimbavadanA dhUmrAkSasaMhAriNI

cidrUpI paradevatA bhagavatI zrIrAjarAjezvarI || 2 ||

ambA nUpuraratnakaGkaNadharI keyUrahArAvalI

jAtIcampakavaijayantilaharI graiveyakairAjitA

vINAveNuvinodamaNDitakarA vIrAsanesaMsthitA

cidrUpI paradevatA bhagavatI zrIrAjarAjezvarI || 3 ||

ambA raudriNi bhadrakAlI bagalA jvAlAmukhI vaiSNavI

brahmANI tripurAntakI suranutA dedIpyamAnojjvalA

cAmuNDA zritarakSapoSajananI dAkSAyaNI pallavI

cidrUpI paradevatA bhagavatI zrIrAjarAjezvarI || 4 ||

ambA zUla dhanuH kuzAGkuzadharI ardhendubimbAdharI

vArAhI madhukaiTabhaprazamanI vANIramAsevitA

malladyAsuramUkadaityamathanI mAhezvarI ambikA

cidrUpI paradevatA bhagavatI zrIrAjarAjezvarI || 5 ||

ambA sRSTavinAzapAlanakarI AryA visaMzobhitA

gAyatrI praNavAkSarAmRtarasaH pUrNAnusandhIkRtA

oGkArI vinutAsutArcitapadA uddaNDadaityApahA

cidrUpI paradevatA bhagavatI zrIrAjarAjezvarI || 6 ||

ambA zAzvata AgamAdivinutA AryA mahAdevatA

yA brahmAdipipIlikAntajananI yA vai jaganmohinI

yA paJcapraNavAdirephajananI yA citkalAmAlinI

cidrUpI paradevatA bhagavatI zrIrAjarAjezvarI || 7 ||

ambApAlita bhaktarAjadanizaM ambASTakaM yaH paThet

ambAlokakaTAkSavIkSa lalitaM caizvaryamavyAhatam

ambA pAvanamantrarAjapaThanAdante ca mokSapradA

cidrUpI paradevatA bhagavatI zrIrAjarAjezvarI || 8 ||