ಶ್ರೀ ರಾಜ ರಾಜೇಶ್ವರೀ ಅಷ್ಟಕಮ್

ಶ್ರೀ ರಾಜ ರಾಜೇಶ್ವರೀ ಅಷ್ಟಕಮ್

ಶ್ಲೋಕ 1

ಅಮ್ಬಾ ಶಾಮ್ಭವಿ ಚನ್ದ್ರಮೌಲಿರಬಲಾಽಪರ್ಣಾ ಉಮಾ ಪಾರ್ವತೀ

ಕಾಲೀ ಹೈಮವತೀ ಶಿವಾ ತ್ರಿನಯನೀ ಕಾತ್ಯಾಯನೀ ಭೈರವೀ

ಸಾವಿತ್ರೀ ನವಯೌವನಾ ಶುಭಕರೀ ಸಾಮ್ರಾಜ್ಯಲಕ್ಷ್ಮೀಪ್ರದಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

ಶ್ಲೋಕ 2

ಅಮ್ಬಾ ಮೋಹಿನಿ ದೇವತಾ ತ್ರಿಭುವನೀ ಆನನ್ದಸನ್ದಾಯಿನೀ

ವಾಣೀ ಪಲ್ಲವಪಾಣಿ ವೇಣುಮುರಲೀಗಾನಪ್ರಿಯಾ ಲೋಲಿನೀ

ಕಲ್ಯಾಣೀ ಉಡುರಾಜಬಿಮ್ಬವದನಾ ಧೂಮ್ರಾಕ್ಷಸಂಹಾರಿಣೀ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

॥ 1 ॥

ಶ್ಲೋಕ 3

ಅಮ್ಬಾ ನೂಪುರರತ್ನಕಙ್ಕಣಧರೀ ಕೇಯೂರಹಾರಾವಲೀ

ಜಾತೀಚಮ್ಪಕವೈಜಯನ್ತಿಲಹರೀ ಗ್ರೈವೇಯಕೈರಾಜಿತಾ

ವೀಣಾವೇಣುವಿನೋದಮಣ್ಡಿತಕರಾ ವೀರಾಸನೇಸಂಸ್ಥಿತಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

॥ 2 ॥

ಶ್ಲೋಕ 4

ಅಮ್ಬಾ ರೌದ್ರಿಣಿ ಭದ್ರಕಾಲೀ ಬಗಲಾ ಜ್ವಾಲಾಮುಖೀ ವೈಷ್ಣವೀ

ಬ್ರಹ್ಮಾಣೀ ತ್ರಿಪುರಾನ್ತಕೀ ಸುರನುತಾ ದೇದೀಪ್ಯಮಾನೋಜ್ಜ್ವಲಾ

ಚಾಮುಣ್ಡಾ ಶ್ರಿತರಕ್ಷಪೋಷಜನನೀ ದಾಕ್ಷಾಯಣೀ ಪಲ್ಲವೀ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

॥ 3 ॥

ಶ್ಲೋಕ 5

ಅಮ್ಬಾ ಶೂಲ ಧನುಃ ಕುಶಾಙ್ಕುಶಧರೀ ಅರ್ಧೇನ್ದುಬಿಮ್ಬಾಧರೀ

ವಾರಾಹೀ ಮಧುಕೈಟಭಪ್ರಶಮನೀ ವಾಣೀರಮಾಸೇವಿತಾ

ಮಲ್ಲದ್ಯಾಸುರಮೂಕದೈತ್ಯಮಥನೀ ಮಾಹೇಶ್ವರೀ ಅಮ್ಬಿಕಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

॥ 4 ॥

ಶ್ಲೋಕ 6

ಅಮ್ಬಾ ಸೃಷ್ಟವಿನಾಶಪಾಲನಕರೀ ಆರ್ಯಾ ವಿಸಂಶೋಭಿತಾ

ಗಾಯತ್ರೀ ಪ್ರಣವಾಕ್ಷರಾಮೃತರಸಃ ಪೂರ್ಣಾನುಸನ್ಧೀಕೃತಾ

ಓಙ್ಕಾರೀ ವಿನುತಾಸುತಾರ್ಚಿತಪದಾ ಉದ್ದಣ್ಡದೈತ್ಯಾಪಹಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

॥ 5 ॥

ಶ್ಲೋಕ 7

ಅಮ್ಬಾ ಶಾಶ್ವತ ಆಗಮಾದಿವಿನುತಾ ಆರ್ಯಾ ಮಹಾದೇವತಾ

ಯಾ ಬ್ರಹ್ಮಾದಿಪಿಪೀಲಿಕಾನ್ತಜನನೀ ಯಾ ವೈ ಜಗನ್ಮೋಹಿನೀ

ಯಾ ಪಞ್ಚಪ್ರಣವಾದಿರೇಫಜನನೀ ಯಾ ಚಿತ್ಕಲಾಮಾಲಿನೀ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

॥ 6 ॥

ಶ್ಲೋಕ 8

ಅಮ್ಬಾಪಾಲಿತ ಭಕ್ತರಾಜದನಿಶಂ ಅಮ್ಬಾಷ್ಟಕಂ ಯಃ ಪಠೇತ್

ಅಮ್ಬಾಲೋಕಕಟಾಕ್ಷವೀಕ್ಷ ಲಲಿತಂ ಚೈಶ್ವರ್ಯಮವ್ಯಾಹತಮ್

ಅಮ್ಬಾ ಪಾವನಮನ್ತ್ರರಾಜಪಠನಾದನ್ತೇ ಚ ಮೋಕ್ಷಪ್ರದಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ

॥ 7 ॥

ಶ್ಲೋಕ 9