Sri Radha Kripa Kataksha Stotram

ශ්රී රාධා කෘපා කටාක්ෂ ස්තෝත්රම්

ශ්ලොක 1

මුනීන්ද්ර–වෘන්ද–වන්දිතේ ත්රිලෝක–ශෝක–හාරිණි

ප්රසන්න-වක්ත්ර-පණ්කජේ නිකුඤ්ජ-භූ-විලාසිනි

ව්රජේන්ද්ර–භානු–නන්දිනි ව්රජේන්ද්ර–සූනු–සඞ්ගතේ

කදා කරිෂ්යසීහ මාං කෘපාකටාක්ෂ–භාජනම් ..1..

අශෝක–වෘක්ෂ–වල්ලරී විතාන–මණ්ඩප–ස්ථිතේ

ප්රවාලබාල–පල්ලව ප්රභාරුණාඞ්ඝ්රි–කෝමලේ .

වරාභයස්ඵුරත්කරේ ප්රභූතසම්පදාලයේ

කදා කරිෂ්යසීහ මාං කෘපාකටාක්ෂ–භාජනම් ..2..

අනඞ්ග-රණ්ග මඞ්ගල-ප්රසඞ්ග-භඞ්ගුර-භ්රුවාං

සවිභ්රමං සසම්භ්රමං දෘගන්ත–බාණපාතනෛඃ .

නිරන්තරං වශීකෘතප්රතීතනන්දනන්දනේ

කදා කරිෂ්යසීහ මාං කෘපාකටාක්ෂ–භාජනම් ..3..

තඩිත්–සුවර්ණ–චම්පක –ප්රදීප්ත–ගෞර–විග්රහේ

මුඛ–ප්රභා–පරාස්ත–කෝටි–ශාරදේන්දුමණ්ඩලේ .

විචිත්ර-චිත්ර සඤ්චරච්චකෝර-ශාව-ලෝචනේ

කදා කරිෂ්යසීහ මාං කෘපාකටාක්ෂ–භාජනම් ..4..

මදෝන්මදාති–යෞවනේ ප්රමෝද–මාන–මණ්ඩිතේ

ප්රියානුරාග–රඤ්ජිතේ කලා–විලාස – පණ්ඩිතේ .

අනන්යධන්ය–කුඤ්ජරාජ්ය–කාමකේලි–කෝවිදේ

කදා කරිෂ්යසීහ මාං කෘපාකටාක්ෂ–භාජනම් ..5..

අශේෂ–හාවභාව–ධීරහීරහාර–භූෂිතේ

ප්රභූතශාතකුම්භ–කුම්භකුම්භි–කුම්භසුස්තනි .

ප්රශස්තමන්ද–හාස්යචූර්ණ පූර්ණසෞඛ්ය –සාගරේ

කදා කරිෂ්යසීහ මාං කෘපාකටාක්ෂ–භාජනම් ..6..

මෘණාල-වාල-වල්ලරී තරඞ්ග-රඞ්ග-දෝර්ලතේ

ලතාග්ර–ලාස්ය–ලෝල–නීල–ලෝචනාවලෝකනේ .

ලලල්ලුලන්මිලන්මනෝජ්ඤ–මුග්ධ–මෝහිනාශ්රිතේ

කදා කරිෂ්යසීහ මාං කෘපාකටාක්ෂ–භාජනම් ..7..

සුවර්ණමලිකාඤ්චිත –ත්රිරේඛ–කම්බු–කණ්ඨගේ

ත්රිසූත්ර–මඞ්ගලී-ගුණ–ත්රිරත්න-දීප්ති–දීධිතේ .

සලෝල–නීලකුන්තල–ප්රසූන–ගුච්ඡ–ගුම්ඵිතේ

කදා කරිෂ්යසීහ මාං කෘපාකටාක්ෂ–භාජනම් ..8..

නිතම්බ–බිම්බ–ලම්බමාන–පුෂ්පමේඛලාගුණේ

ප්රශස්තරත්න-කිඞ්කිණී-කලාප-මධ්ය මඤ්ජුලේ .

කරීන්ද්ර–ශුණ්ඩදණ්ඩිකා–වරෝහසෞභගෝරුකේ

කදා කරිෂ්යසීහ මාං කෘපාකටාක්ෂ–භාජනම් ..9..

අනේක–මන්ත්රනාද–මඤ්ජු නූපුරාරව–ස්ඛලත්

සමාජ–රාජහංස–වංශ–නික්වණාති–ගෞරවේ .

විලෝලහේම–වල්ලරී–විඩම්බිචාරු–චඞ්ක්රමේ

කදා කරිෂ්යසීහ මාං කෘපාකටාක්ෂ–භාජනම් ..10..

අනන්ත–කෝටි–විෂ්ණුලෝක–නම්ර–පද්මජාර්චිතේ

හිමාද්රිජා–පුලෝමජා–විරිඤ්චජා-වරප්රදේ .

අපාර–සිද්ධි–ඍද්ධි–දිග්ධ–සත්පදාඞ්ගුලී-නඛේ

කදා කරිෂ්යසීහ මාං කෘපාකටාක්ෂ–භාජනම් ..11..

මඛේශ්වරි ක්රියේශ්වරි ස්වධේශ්වරි සුරේශ්වරි

ත්රිවේද–භාරතීශ්වරි ප්රමාණ–ශාසනේශ්වරි .

රමේශ්වරි ක්ෂමේශ්වරි ප්රමෝද–කානනේශ්වරි

ව්රජේශ්වරි ව්රජාධිපේ ශ්රීරාධිකේ නමෝස්තුතේ ..12..

ඉතී මමද්භුතං-ස්තවං නිශම්ය භානුනන්දිනී

කරෝතු සන්තතං ජනං කෘපාකටාක්ෂ-භාජනම් .

භවේත්තදෛව සඤ්චිත ත්රිරූප–කර්ම නාශනං

ලභේත්තදා ව්රජේන්ද්ර–සූනු–මණ්ඩල–ප්රවේශනම් ..13..

රාකායාං ච සිතාෂ්ටම්යාං දශම්යාං ච විශුද්ධධීඃ .

ඒකාදශ්යාං ත්රයෝදශ්යාං යඃ පඨේත්සාධකඃ සුධීඃ ..14..

යං යං කාමයතේ කාමං තං තමාප්නෝති සාධකඃ .

රාධාකෘපාකටාක්ෂේණ භක්තිඃස්යාත් ප්රේමලක්ෂණා ..15..

ඌරුදඝ්නේ නාභිදඝ්නේ හෘද්දඝ්නේ කණ්ඨදඝ්නකේ .

රාධාකුණ්ඩජලේ ස්ථිතා යඃ පඨේත් සාධකඃ ශතම් ..16..

තස්ය සර්වාර්ථ සිද්ධිඃ ස්යාද් වාක්සාමර්ථ්යං තථා ලභේත් .

ඓශ්වර්යං ච ලභේත් සාක්ෂාද්දෘශා පශ්යති රාධිකාම් ..17..

තේන ස තත්ක්ෂණාදේව තුෂ්ටා දත්තේ මහාවරම් .

යේන පශ්යති නේත්රාභ්යාං තත් ප්රියං ශ්යාමසුන්දරම් ..18..

නිත්යලීලා–ප්රවේශං ච දදාති ශ්රී-ව්රජාධිපඃ .

අතඃ පරතරං ප්රාර්ථ්යං වෛෂ්ණවස්ය න විද්යතේ ..19..

.. ඉති ශ්රීමදූර්ධ්වාම්නායේ ශ්රීරාධිකායාඃ කෘපාකටාක්ෂස්තෝත්රං සම්පූර්ණම් ..