శ్రీ రాధా కృపా కటాక్ష స్తోత్రమ్

శ్రీ రాధా కృపా కటాక్ష స్తోత్రమ్

శ్లోక 1

మునీన్ద్ర–వృన్ద–వన్దితే త్రిలోక–శోక–హారిణి

ప్రసన్న-వక్త్ర-పణ్కజే నికుఞ్జ-భూ-విలాసిని

వ్రజేన్ద్ర–భాను–నన్దిని వ్రజేన్ద్ర–సూను–సఙ్గతే

కదా కరిష్యసీహ మాం కృపాకటాక్ష–భాజనమ్

శ్లోక 2

అశోక–వృక్ష–వల్లరీ వితాన–మణ్డప–స్థితే

ప్రవాలబాల–పల్లవ ప్రభారుణాఙ్ఘ్రి–కోమలే ।

వరాభయస్ఫురత్కరే ప్రభూతసమ్పదాలయే

కదా కరిష్యసీహ మాం కృపాకటాక్ష–భాజనమ్

॥1॥

శ్లోక 3

అనఙ్గ-రణ్గ మఙ్గల-ప్రసఙ్గ-భఙ్గుర-భ్రువాం

సవిభ్రమం ససమ్భ్రమం దృగన్త–బాణపాతనైః ।

నిరన్తరం వశీకృతప్రతీతనన్దనన్దనే

కదా కరిష్యసీహ మాం కృపాకటాక్ష–భాజనమ్

॥2॥

శ్లోక 4

తడిత్–సువర్ణ–చమ్పక –ప్రదీప్త–గౌర–విగ్రహే

ముఖ–ప్రభా–పరాస్త–కోటి–శారదేన్దుమణ్డలే ।

విచిత్ర-చిత్ర సఞ్చరచ్చకోర-శావ-లోచనే

కదా కరిష్యసీహ మాం కృపాకటాక్ష–భాజనమ్

॥3॥

శ్లోక 5

మదోన్మదాతి–యౌవనే ప్రమోద–మాన–మణ్డితే

ప్రియానురాగ–రఞ్జితే కలా–విలాస – పణ్డితే ।

అనన్యధన్య–కుఞ్జరాజ్య–కామకేలి–కోవిదే

కదా కరిష్యసీహ మాం కృపాకటాక్ష–భాజనమ్

॥4॥

శ్లోక 6

అశేష–హావభావ–ధీరహీరహార–భూషితే

ప్రభూతశాతకుమ్భ–కుమ్భకుమ్భి–కుమ్భసుస్తని ।

ప్రశస్తమన్ద–హాస్యచూర్ణ పూర్ణసౌఖ్య –సాగరే

కదా కరిష్యసీహ మాం కృపాకటాక్ష–భాజనమ్

॥5॥

శ్లోక 7

మృణాల-వాల-వల్లరీ తరఙ్గ-రఙ్గ-దోర్లతే

లతాగ్ర–లాస్య–లోల–నీల–లోచనావలోకనే ।

లలల్లులన్మిలన్మనోజ్ఞ–ముగ్ధ–మోహినాశ్రితే

కదా కరిష్యసీహ మాం కృపాకటాక్ష–భాజనమ్

॥6॥

శ్లోక 8

సువర్ణమలికాఞ్చిత –త్రిరేఖ–కమ్బు–కణ్ఠగే

త్రిసూత్ర–మఙ్గలీ-గుణ–త్రిరత్న-దీప్తి–దీధితే ।

సలోల–నీలకున్తల–ప్రసూన–గుచ్ఛ–గుమ్ఫితే

కదా కరిష్యసీహ మాం కృపాకటాక్ష–భాజనమ్

॥7॥

శ్లోక 9

నితమ్బ–బిమ్బ–లమ్బమాన–పుష్పమేఖలాగుణే

ప్రశస్తరత్న-కిఙ్కిణీ-కలాప-మధ్య మఞ్జులే ।

కరీన్ద్ర–శుణ్డదణ్డికా–వరోహసౌభగోరుకే

కదా కరిష్యసీహ మాం కృపాకటాక్ష–భాజనమ్

॥8॥

శ్లోక 10

అనేక–మన్త్రనాద–మఞ్జు నూపురారవ–స్ఖలత్

సమాజ–రాజహంస–వంశ–నిక్వణాతి–గౌరవే ।

విలోలహేమ–వల్లరీ–విడమ్బిచారు–చఙ్క్రమే

కదా కరిష్యసీహ మాం కృపాకటాక్ష–భాజనమ్

॥9॥

శ్లోక 11

అనన్త–కోటి–విష్ణులోక–నమ్ర–పద్మజార్చితే

హిమాద్రిజా–పులోమజా–విరిఞ్చజా-వరప్రదే ।

అపార–సిద్ధి–ఋద్ధి–దిగ్ధ–సత్పదాఙ్గులీ-నఖే

కదా కరిష్యసీహ మాం కృపాకటాక్ష–భాజనమ్

॥10॥

శ్లోక 12

మఖేశ్వరి క్రియేశ్వరి స్వధేశ్వరి సురేశ్వరి

త్రివేద–భారతీశ్వరి ప్రమాణ–శాసనేశ్వరి ।

రమేశ్వరి క్షమేశ్వరి ప్రమోద–కాననేశ్వరి

వ్రజేశ్వరి వ్రజాధిపే శ్రీరాధికే నమోస్తుతే

॥11॥

శ్లోక 13

ఇతీ మమద్భుతం-స్తవం నిశమ్య భానునన్దినీ

కరోతు సన్తతం జనం కృపాకటాక్ష-భాజనమ్ ।

భవేత్తదైవ సఞ్చిత త్రిరూప–కర్మ నాశనం

లభేత్తదా వ్రజేన్ద్ర–సూను–మణ్డల–ప్రవేశనమ్

॥12॥

శ్లోక 14

రాకాయాం చ సితాష్టమ్యాం దశమ్యాం చ విశుద్ధధీః ।

ఏకాదశ్యాం త్రయోదశ్యాం యః పఠేత్సాధకః సుధీః

॥13॥

శ్లోక 15

యం యం కామయతే కామం తం తమాప్నోతి సాధకః ।

రాధాకృపాకటాక్షేణ భక్తిఃస్యాత్ ప్రేమలక్షణా

॥14॥

శ్లోక 16

ఊరుదఘ్నే నాభిదఘ్నే హృద్దఘ్నే కణ్ఠదఘ్నకే ।

రాధాకుణ్డజలే స్థితా యః పఠేత్ సాధకః శతమ్

॥15॥

శ్లోక 17

తస్య సర్వార్థ సిద్ధిః స్యాద్ వాక్సామర్థ్యం తథా లభేత్ ।

ఐశ్వర్యం చ లభేత్ సాక్షాద్దృశా పశ్యతి రాధికామ్

॥16॥

శ్లోక 18

తేన స తత్క్షణాదేవ తుష్టా దత్తే మహావరమ్ ।

యేన పశ్యతి నేత్రాభ్యాం తత్ ప్రియం శ్యామసున్దరమ్

॥17॥

శ్లోక 19

నిత్యలీలా–ప్రవేశం చ దదాతి శ్రీ-వ్రజాధిపః ।

అతః పరతరం ప్రార్థ్యం వైష్ణవస్య న విద్యతే

॥18॥

శ్లోక 20

॥ ఇతి శ్రీమదూర్ధ్వామ్నాయే శ్రీరాధికాయాః కృపాకటాక్షస్తోత్రం సమ్పూర్ణమ్ ॥