ശ്രീ രാധാ കൃപാ കടാക്ഷ സ്തോത്രമ്

ശ്രീ രാധാ കൃപാ കടാക്ഷ സ്തോത്രമ്

ശ്ലോക 1

മുനീന്ദ്ര–വൃന്ദ–വന്ദിതേ ത്രിലോക–ശോക–ഹാരിണി

പ്രസന്ന-വക്ത്ര-പണ്കജേ നികുഞ്ജ-ഭൂ-വിലാസിനി

വ്രജേന്ദ്ര–ഭാനു–നന്ദിനി വ്രജേന്ദ്ര–സൂനു–സങ്ഗതേ

കദാ കരിഷ്യസീഹ മാം കൃപാകടാക്ഷ–ഭാജനമ്

ശ്ലോക 2

അശോക–വൃക്ഷ–വല്ലരീ വിതാന–മണ്ഡപ–സ്ഥിതേ

പ്രവാലബാല–പല്ലവ പ്രഭാരുണാങ്ഘ്രി–കോമലേ ।

വരാഭയസ്ഫുരത്കരേ പ്രഭൂതസമ്പദാലയേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥1॥

ശ്ലോക 3

അനങ്ഗ-രണ്ഗ മങ്ഗല-പ്രസങ്ഗ-ഭങ്ഗുര-ഭ്രുവാം

സവിഭ്രമം സസമ്ഭ്രമം ദൃഗന്ത–ബാണപാതനൈഃ ।

നിരന്തരം വശീകൃതപ്രതീതനന്ദനന്ദനേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥2॥

ശ്ലോക 4

തഡിത്–സുവര്ണ–ചമ്പക –പ്രദീപ്ത–ഗൌര–വിഗ്രഹേ

മുഖ–പ്രഭാ–പരാസ്ത–കോടി–ശാരദേന്ദുമണ്ഡലേ ।

വിചിത്ര-ചിത്ര സഞ്ചരച്ചകോര-ശാവ-ലോചനേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥3॥

ശ്ലോക 5

മദോന്മദാതി–യൌവനേ പ്രമോദ–മാന–മണ്ഡിതേ

പ്രിയാനുരാഗ–രഞ്ജിതേ കലാ–വിലാസ – പണ്ഡിതേ ।

അനന്യധന്യ–കുഞ്ജരാജ്യ–കാമകേലി–കോവിദേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥4॥

ശ്ലോക 6

അശേഷ–ഹാവഭാവ–ധീരഹീരഹാര–ഭൂഷിതേ

പ്രഭൂതശാതകുമ്ഭ–കുമ്ഭകുമ്ഭി–കുമ്ഭസുസ്തനി ।

പ്രശസ്തമന്ദ–ഹാസ്യചൂര്ണ പൂര്ണസൌഖ്യ –സാഗരേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥5॥

ശ്ലോക 7

മൃണാല-വാല-വല്ലരീ തരങ്ഗ-രങ്ഗ-ദോര്ലതേ

ലതാഗ്ര–ലാസ്യ–ലോല–നീല–ലോചനാവലോകനേ ।

ലലല്ലുലന്മിലന്മനോജ്ഞ–മുഗ്ധ–മോഹിനാശ്രിതേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥6॥

ശ്ലോക 8

സുവര്ണമലികാഞ്ചിത –ത്രിരേഖ–കമ്ബു–കണ്ഠഗേ

ത്രിസൂത്ര–മങ്ഗലീ-ഗുണ–ത്രിരത്ന-ദീപ്തി–ദീധിതേ ।

സലോല–നീലകുന്തല–പ്രസൂന–ഗുച്ഛ–ഗുമ്ഫിതേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥7॥

ശ്ലോക 9

നിതമ്ബ–ബിമ്ബ–ലമ്ബമാന–പുഷ്പമേഖലാഗുണേ

പ്രശസ്തരത്ന-കിങ്കിണീ-കലാപ-മധ്യ മഞ്ജുലേ ।

കരീന്ദ്ര–ശുണ്ഡദണ്ഡികാ–വരോഹസൌഭഗോരുകേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥8॥

ശ്ലോക 10

അനേക–മന്ത്രനാദ–മഞ്ജു നൂപുരാരവ–സ്ഖലത്

സമാജ–രാജഹംസ–വംശ–നിക്വണാതി–ഗൌരവേ ।

വിലോലഹേമ–വല്ലരീ–വിഡമ്ബിചാരു–ചങ്ക്രമേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥9॥

ശ്ലോക 11

അനന്ത–കോടി–വിഷ്ണുലോക–നമ്ര–പദ്മജാര്ചിതേ

ഹിമാദ്രിജാ–പുലോമജാ–വിരിഞ്ചജാ-വരപ്രദേ ।

അപാര–സിദ്ധി–ഋദ്ധി–ദിഗ്ധ–സത്പദാങ്ഗുലീ-നഖേ

കദാ കരിഷ്യസീഹ മാം കൃപാകടാക്ഷ–ഭാജനമ്

॥10॥

ശ്ലോക 12

മഖേശ്വരി ക്രിയേശ്വരി സ്വധേശ്വരി സുരേശ്വരി

ത്രിവേദ–ഭാരതീശ്വരി പ്രമാണ–ശാസനേശ്വരി ।

രമേശ്വരി ക്ഷമേശ്വരി പ്രമോദ–കാനനേശ്വരി

വ്രജേശ്വരി വ്രജാധിപേ ശ്രീരാധികേ നമോസ്തുതേ

॥11॥

ശ്ലോക 13

ഇതീ മമദ്ഭുതം-സ്തവം നിശമ്യ ഭാനുനന്ദിനീ

കരോതു സന്തതം ജനം കൃപാകടാക്ഷ-ഭാജനമ് ।

ഭവേത്തദൈവ സഞ്ചിത ത്രിരൂപ–കര്മ നാശനം

ലഭേത്തദാ വ്രജേന്ദ്ര–സൂനു–മണ്ഡല–പ്രവേശനമ്

॥12॥

ശ്ലോക 14

രാകായാം ച സിതാഷ്ടമ്യാം ദശമ്യാം ച വിശുദ്ധധീഃ ।

ഏകാദശ്യാം ത്രയോദശ്യാം യഃ പഠേത്സാധകഃ സുധീഃ

॥13॥

ശ്ലോക 15

യം യം കാമയതേ കാമം തം തമാപ്നോതി സാധകഃ ।

രാധാകൃപാകടാക്ഷേണ ഭക്തിഃസ്യാത് പ്രേമലക്ഷണാ

॥14॥

ശ്ലോക 16

ഊരുദഘ്നേ നാഭിദഘ്നേ ഹൃദ്ദഘ്നേ കണ്ഠദഘ്നകേ ।

രാധാകുണ്ഡജലേ സ്ഥിതാ യഃ പഠേത് സാധകഃ ശതമ്

॥15॥

ശ്ലോക 17

തസ്യ സര്വാര്ഥ സിദ്ധിഃ സ്യാദ് വാക്സാമര്ഥ്യം തഥാ ലഭേത് ।

ഐശ്വര്യം ച ലഭേത് സാക്ഷാദ്ദൃശാ പശ്യതി രാധികാമ്

॥16॥

ശ്ലോക 18

തേന സ തത്ക്ഷണാദേവ തുഷ്ടാ ദത്തേ മഹാവരമ് ।

യേന പശ്യതി നേത്രാഭ്യാം തത് പ്രിയം ശ്യാമസുന്ദരമ്

॥17॥

ശ്ലോക 19

നിത്യലീലാ–പ്രവേശം ച ദദാതി ശ്രീ-വ്രജാധിപഃ ।

അതഃ പരതരം പ്രാര്ഥ്യം വൈഷ്ണവസ്യ ന വിദ്യതേ

॥18॥

ശ്ലോക 20

॥ ഇതി ശ്രീമദൂര്ധ്വാമ്നായേ ശ്രീരാധികായാഃ കൃപാകടാക്ഷസ്തോത്രം സമ്പൂര്ണമ് ॥