ಶ್ರೀ ರಾಧಾ ಕೃಪಾ ಕಟಾಕ್ಷ ಸ್ತೋತ್ರಮ್

ಶ್ರೀ ರಾಧಾ ಕೃಪಾ ಕಟಾಕ್ಷ ಸ್ತೋತ್ರಮ್

ಶ್ಲೋಕ 1

ಮುನೀನ್ದ್ರ–ವೃನ್ದ–ವನ್ದಿತೇ ತ್ರಿಲೋಕ–ಶೋಕ–ಹಾರಿಣಿ

ಪ್ರಸನ್ನ-ವಕ್ತ್ರ-ಪಣ್ಕಜೇ ನಿಕುಞ್ಜ-ಭೂ-ವಿಲಾಸಿನಿ

ವ್ರಜೇನ್ದ್ರ–ಭಾನು–ನನ್ದಿನಿ ವ್ರಜೇನ್ದ್ರ–ಸೂನು–ಸಙ್ಗತೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

ಶ್ಲೋಕ 2

ಅಶೋಕ–ವೃಕ್ಷ–ವಲ್ಲರೀ ವಿತಾನ–ಮಣ್ಡಪ–ಸ್ಥಿತೇ

ಪ್ರವಾಲಬಾಲ–ಪಲ್ಲವ ಪ್ರಭಾರುಣಾಙ್ಘ್ರಿ–ಕೋಮಲೇ ।

ವರಾಭಯಸ್ಫುರತ್ಕರೇ ಪ್ರಭೂತಸಮ್ಪದಾಲಯೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥1॥

ಶ್ಲೋಕ 3

ಅನಙ್ಗ-ರಣ್ಗ ಮಙ್ಗಲ-ಪ್ರಸಙ್ಗ-ಭಙ್ಗುರ-ಭ್ರುವಾಂ

ಸವಿಭ್ರಮಂ ಸಸಮ್ಭ್ರಮಂ ದೃಗನ್ತ–ಬಾಣಪಾತನೈಃ ।

ನಿರನ್ತರಂ ವಶೀಕೃತಪ್ರತೀತನನ್ದನನ್ದನೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥2॥

ಶ್ಲೋಕ 4

ತಡಿತ್–ಸುವರ್ಣ–ಚಮ್ಪಕ –ಪ್ರದೀಪ್ತ–ಗೌರ–ವಿಗ್ರಹೇ

ಮುಖ–ಪ್ರಭಾ–ಪರಾಸ್ತ–ಕೋಟಿ–ಶಾರದೇನ್ದುಮಣ್ಡಲೇ ।

ವಿಚಿತ್ರ-ಚಿತ್ರ ಸಞ್ಚರಚ್ಚಕೋರ-ಶಾವ-ಲೋಚನೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥3॥

ಶ್ಲೋಕ 5

ಮದೋನ್ಮದಾತಿ–ಯೌವನೇ ಪ್ರಮೋದ–ಮಾನ–ಮಣ್ಡಿತೇ

ಪ್ರಿಯಾನುರಾಗ–ರಞ್ಜಿತೇ ಕಲಾ–ವಿಲಾಸ – ಪಣ್ಡಿತೇ ।

ಅನನ್ಯಧನ್ಯ–ಕುಞ್ಜರಾಜ್ಯ–ಕಾಮಕೇಲಿ–ಕೋವಿದೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥4॥

ಶ್ಲೋಕ 6

ಅಶೇಷ–ಹಾವಭಾವ–ಧೀರಹೀರಹಾರ–ಭೂಷಿತೇ

ಪ್ರಭೂತಶಾತಕುಮ್ಭ–ಕುಮ್ಭಕುಮ್ಭಿ–ಕುಮ್ಭಸುಸ್ತನಿ ।

ಪ್ರಶಸ್ತಮನ್ದ–ಹಾಸ್ಯಚೂರ್ಣ ಪೂರ್ಣಸೌಖ್ಯ –ಸಾಗರೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥5॥

ಶ್ಲೋಕ 7

ಮೃಣಾಲ-ವಾಲ-ವಲ್ಲರೀ ತರಙ್ಗ-ರಙ್ಗ-ದೋರ್ಲತೇ

ಲತಾಗ್ರ–ಲಾಸ್ಯ–ಲೋಲ–ನೀಲ–ಲೋಚನಾವಲೋಕನೇ ।

ಲಲಲ್ಲುಲನ್ಮಿಲನ್ಮನೋಜ್ಞ–ಮುಗ್ಧ–ಮೋಹಿನಾಶ್ರಿತೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥6॥

ಶ್ಲೋಕ 8

ಸುವರ್ಣಮಲಿಕಾಞ್ಚಿತ –ತ್ರಿರೇಖ–ಕಮ್ಬು–ಕಣ್ಠಗೇ

ತ್ರಿಸೂತ್ರ–ಮಙ್ಗಲೀ-ಗುಣ–ತ್ರಿರತ್ನ-ದೀಪ್ತಿ–ದೀಧಿತೇ ।

ಸಲೋಲ–ನೀಲಕುನ್ತಲ–ಪ್ರಸೂನ–ಗುಚ್ಛ–ಗುಮ್ಫಿತೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥7॥

ಶ್ಲೋಕ 9

ನಿತಮ್ಬ–ಬಿಮ್ಬ–ಲಮ್ಬಮಾನ–ಪುಷ್ಪಮೇಖಲಾಗುಣೇ

ಪ್ರಶಸ್ತರತ್ನ-ಕಿಙ್ಕಿಣೀ-ಕಲಾಪ-ಮಧ್ಯ ಮಞ್ಜುಲೇ ।

ಕರೀನ್ದ್ರ–ಶುಣ್ಡದಣ್ಡಿಕಾ–ವರೋಹಸೌಭಗೋರುಕೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥8॥

ಶ್ಲೋಕ 10

ಅನೇಕ–ಮನ್ತ್ರನಾದ–ಮಞ್ಜು ನೂಪುರಾರವ–ಸ್ಖಲತ್

ಸಮಾಜ–ರಾಜಹಂಸ–ವಂಶ–ನಿಕ್ವಣಾತಿ–ಗೌರವೇ ।

ವಿಲೋಲಹೇಮ–ವಲ್ಲರೀ–ವಿಡಮ್ಬಿಚಾರು–ಚಙ್ಕ್ರಮೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥9॥

ಶ್ಲೋಕ 11

ಅನನ್ತ–ಕೋಟಿ–ವಿಷ್ಣುಲೋಕ–ನಮ್ರ–ಪದ್ಮಜಾರ್ಚಿತೇ

ಹಿಮಾದ್ರಿಜಾ–ಪುಲೋಮಜಾ–ವಿರಿಞ್ಚಜಾ-ವರಪ್ರದೇ ।

ಅಪಾರ–ಸಿದ್ಧಿ–ಋದ್ಧಿ–ದಿಗ್ಧ–ಸತ್ಪದಾಙ್ಗುಲೀ-ನಖೇ

ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್

॥10॥

ಶ್ಲೋಕ 12

ಮಖೇಶ್ವರಿ ಕ್ರಿಯೇಶ್ವರಿ ಸ್ವಧೇಶ್ವರಿ ಸುರೇಶ್ವರಿ

ತ್ರಿವೇದ–ಭಾರತೀಶ್ವರಿ ಪ್ರಮಾಣ–ಶಾಸನೇಶ್ವರಿ ।

ರಮೇಶ್ವರಿ ಕ್ಷಮೇಶ್ವರಿ ಪ್ರಮೋದ–ಕಾನನೇಶ್ವರಿ

ವ್ರಜೇಶ್ವರಿ ವ್ರಜಾಧಿಪೇ ಶ್ರೀರಾಧಿಕೇ ನಮೋಸ್ತುತೇ

॥11॥

ಶ್ಲೋಕ 13

ಇತೀ ಮಮದ್ಭುತಂ-ಸ್ತವಂ ನಿಶಮ್ಯ ಭಾನುನನ್ದಿನೀ

ಕರೋತು ಸನ್ತತಂ ಜನಂ ಕೃಪಾಕಟಾಕ್ಷ-ಭಾಜನಮ್ ।

ಭವೇತ್ತದೈವ ಸಞ್ಚಿತ ತ್ರಿರೂಪ–ಕರ್ಮ ನಾಶನಂ

ಲಭೇತ್ತದಾ ವ್ರಜೇನ್ದ್ರ–ಸೂನು–ಮಣ್ಡಲ–ಪ್ರವೇಶನಮ್

॥12॥

ಶ್ಲೋಕ 14

ರಾಕಾಯಾಂ ಚ ಸಿತಾಷ್ಟಮ್ಯಾಂ ದಶಮ್ಯಾಂ ಚ ವಿಶುದ್ಧಧೀಃ ।

ಏಕಾದಶ್ಯಾಂ ತ್ರಯೋದಶ್ಯಾಂ ಯಃ ಪಠೇತ್ಸಾಧಕಃ ಸುಧೀಃ

॥13॥

ಶ್ಲೋಕ 15

ಯಂ ಯಂ ಕಾಮಯತೇ ಕಾಮಂ ತಂ ತಮಾಪ್ನೋತಿ ಸಾಧಕಃ ।

ರಾಧಾಕೃಪಾಕಟಾಕ್ಷೇಣ ಭಕ್ತಿಃಸ್ಯಾತ್ ಪ್ರೇಮಲಕ್ಷಣಾ

॥14॥

ಶ್ಲೋಕ 16

ಊರುದಘ್ನೇ ನಾಭಿದಘ್ನೇ ಹೃದ್ದಘ್ನೇ ಕಣ್ಠದಘ್ನಕೇ ।

ರಾಧಾಕುಣ್ಡಜಲೇ ಸ್ಥಿತಾ ಯಃ ಪಠೇತ್ ಸಾಧಕಃ ಶತಮ್

॥15॥

ಶ್ಲೋಕ 17

ತಸ್ಯ ಸರ್ವಾರ್ಥ ಸಿದ್ಧಿಃ ಸ್ಯಾದ್ ವಾಕ್ಸಾಮರ್ಥ್ಯಂ ತಥಾ ಲಭೇತ್ ।

ಐಶ್ವರ್ಯಂ ಚ ಲಭೇತ್ ಸಾಕ್ಷಾದ್ದೃಶಾ ಪಶ್ಯತಿ ರಾಧಿಕಾಮ್

॥16॥

ಶ್ಲೋಕ 18

ತೇನ ಸ ತತ್ಕ್ಷಣಾದೇವ ತುಷ್ಟಾ ದತ್ತೇ ಮಹಾವರಮ್ ।

ಯೇನ ಪಶ್ಯತಿ ನೇತ್ರಾಭ್ಯಾಂ ತತ್ ಪ್ರಿಯಂ ಶ್ಯಾಮಸುನ್ದರಮ್

॥17॥

ಶ್ಲೋಕ 19

ನಿತ್ಯಲೀಲಾ–ಪ್ರವೇಶಂ ಚ ದದಾತಿ ಶ್ರೀ-ವ್ರಜಾಧಿಪಃ ।

ಅತಃ ಪರತರಂ ಪ್ರಾರ್ಥ್ಯಂ ವೈಷ್ಣವಸ್ಯ ನ ವಿದ್ಯತೇ

॥18॥

ಶ್ಲೋಕ 20

॥ ಇತಿ ಶ್ರೀಮದೂರ್ಧ್ವಾಮ್ನಾಯೇ ಶ್ರೀರಾಧಿಕಾಯಾಃ ಕೃಪಾಕಟಾಕ್ಷಸ್ತೋತ್ರಂ ಸಮ್ಪೂರ್ಣಮ್ ॥