શ્રી રાધા કૃપા કટાક્ષ સ્તોત્રમ્

શ્રી રાધા કૃપા કટાક્ષ સ્તોત્રમ્

શ્લોક 1

મુનીન્દ્ર–વૃન્દ–વન્દિતે ત્રિલોક–શોક–હારિણિ

પ્રસન્ન-વક્ત્ર-પણ્કજે નિકુઞ્જ-ભૂ-વિલાસિનિ

વ્રજેન્દ્ર–ભાનુ–નન્દિનિ વ્રજેન્દ્ર–સૂનુ–સઙ્ગતે

કદા કરિષ્યસીહ માં કૃપાકટાક્ષ–ભાજનમ્

શ્લોક 2

અશોક–વૃક્ષ–વલ્લરી વિતાન–મણ્ડપ–સ્થિતે

પ્રવાલબાલ–પલ્લવ પ્રભારુણાઙ્ઘ્રિ–કોમલે ।

વરાભયસ્ફુરત્કરે પ્રભૂતસમ્પદાલયે

કદા કરિષ્યસીહ માં કૃપાકટાક્ષ–ભાજનમ્

॥1॥

શ્લોક 3

અનઙ્ગ-રણ્ગ મઙ્ગલ-પ્રસઙ્ગ-ભઙ્ગુર-ભ્રુવાં

સવિભ્રમં સસમ્ભ્રમં દૃગન્ત–બાણપાતનૈઃ ।

નિરન્તરં વશીકૃતપ્રતીતનન્દનન્દને

કદા કરિષ્યસીહ માં કૃપાકટાક્ષ–ભાજનમ્

॥2॥

શ્લોક 4

તડિત્–સુવર્ણ–ચમ્પક –પ્રદીપ્ત–ગૌર–વિગ્રહે

મુખ–પ્રભા–પરાસ્ત–કોટિ–શારદેન્દુમણ્ડલે ।

વિચિત્ર-ચિત્ર સઞ્ચરચ્ચકોર-શાવ-લોચને

કદા કરિષ્યસીહ માં કૃપાકટાક્ષ–ભાજનમ્

॥3॥

શ્લોક 5

મદોન્મદાતિ–યૌવને પ્રમોદ–માન–મણ્ડિતે

પ્રિયાનુરાગ–રઞ્જિતે કલા–વિલાસ – પણ્ડિતે ।

અનન્યધન્ય–કુઞ્જરાજ્ય–કામકેલિ–કોવિદે

કદા કરિષ્યસીહ માં કૃપાકટાક્ષ–ભાજનમ્

॥4॥

શ્લોક 6

અશેષ–હાવભાવ–ધીરહીરહાર–ભૂષિતે

પ્રભૂતશાતકુમ્ભ–કુમ્ભકુમ્ભિ–કુમ્ભસુસ્તનિ ।

પ્રશસ્તમન્દ–હાસ્યચૂર્ણ પૂર્ણસૌખ્ય –સાગરે

કદા કરિષ્યસીહ માં કૃપાકટાક્ષ–ભાજનમ્

॥5॥

શ્લોક 7

મૃણાલ-વાલ-વલ્લરી તરઙ્ગ-રઙ્ગ-દોર્લતે

લતાગ્ર–લાસ્ય–લોલ–નીલ–લોચનાવલોકને ।

લલલ્લુલન્મિલન્મનોજ્ઞ–મુગ્ધ–મોહિનાશ્રિતે

કદા કરિષ્યસીહ માં કૃપાકટાક્ષ–ભાજનમ્

॥6॥

શ્લોક 8

સુવર્ણમલિકાઞ્ચિત –ત્રિરેખ–કમ્બુ–કણ્ઠગે

ત્રિસૂત્ર–મઙ્ગલી-ગુણ–ત્રિરત્ન-દીપ્તિ–દીધિતે ।

સલોલ–નીલકુન્તલ–પ્રસૂન–ગુચ્છ–ગુમ્ફિતે

કદા કરિષ્યસીહ માં કૃપાકટાક્ષ–ભાજનમ્

॥7॥

શ્લોક 9

નિતમ્બ–બિમ્બ–લમ્બમાન–પુષ્પમેખલાગુણે

પ્રશસ્તરત્ન-કિઙ્કિણી-કલાપ-મધ્ય મઞ્જુલે ।

કરીન્દ્ર–શુણ્ડદણ્ડિકા–વરોહસૌભગોરુકે

કદા કરિષ્યસીહ માં કૃપાકટાક્ષ–ભાજનમ્

॥8॥

શ્લોક 10

અનેક–મન્ત્રનાદ–મઞ્જુ નૂપુરારવ–સ્ખલત્

સમાજ–રાજહંસ–વંશ–નિક્વણાતિ–ગૌરવે ।

વિલોલહેમ–વલ્લરી–વિડમ્બિચારુ–ચઙ્ક્રમે

કદા કરિષ્યસીહ માં કૃપાકટાક્ષ–ભાજનમ્

॥9॥

શ્લોક 11

અનન્ત–કોટિ–વિષ્ણુલોક–નમ્ર–પદ્મજાર્ચિતે

હિમાદ્રિજા–પુલોમજા–વિરિઞ્ચજા-વરપ્રદે ।

અપાર–સિદ્ધિ–ઋદ્ધિ–દિગ્ધ–સત્પદાઙ્ગુલી-નખે

કદા કરિષ્યસીહ માં કૃપાકટાક્ષ–ભાજનમ્

॥10॥

શ્લોક 12

મખેશ્વરિ ક્રિયેશ્વરિ સ્વધેશ્વરિ સુરેશ્વરિ

ત્રિવેદ–ભારતીશ્વરિ પ્રમાણ–શાસનેશ્વરિ ।

રમેશ્વરિ ક્ષમેશ્વરિ પ્રમોદ–કાનનેશ્વરિ

વ્રજેશ્વરિ વ્રજાધિપે શ્રીરાધિકે નમોસ્તુતે

॥11॥

શ્લોક 13

ઇતી મમદ્ભુતં-સ્તવં નિશમ્ય ભાનુનન્દિની

કરોતુ સન્તતં જનં કૃપાકટાક્ષ-ભાજનમ્ ।

ભવેત્તદૈવ સઞ્ચિત ત્રિરૂપ–કર્મ નાશનં

લભેત્તદા વ્રજેન્દ્ર–સૂનુ–મણ્ડલ–પ્રવેશનમ્

॥12॥

શ્લોક 14

રાકાયાં ચ સિતાષ્ટમ્યાં દશમ્યાં ચ વિશુદ્ધધીઃ ।

એકાદશ્યાં ત્રયોદશ્યાં યઃ પઠેત્સાધકઃ સુધીઃ

॥13॥

શ્લોક 15

યં યં કામયતે કામં તં તમાપ્નોતિ સાધકઃ ।

રાધાકૃપાકટાક્ષેણ ભક્તિઃસ્યાત્ પ્રેમલક્ષણા

॥14॥

શ્લોક 16

ઊરુદઘ્ને નાભિદઘ્ને હૃદ્દઘ્ને કણ્ઠદઘ્નકે ।

રાધાકુણ્ડજલે સ્થિતા યઃ પઠેત્ સાધકઃ શતમ્

॥15॥

શ્લોક 17

તસ્ય સર્વાર્થ સિદ્ધિઃ સ્યાદ્ વાક્સામર્થ્યં તથા લભેત્ ।

ઐશ્વર્યં ચ લભેત્ સાક્ષાદ્દૃશા પશ્યતિ રાધિકામ્

॥16॥

શ્લોક 18

તેન સ તત્ક્ષણાદેવ તુષ્ટા દત્તે મહાવરમ્ ।

યેન પશ્યતિ નેત્રાભ્યાં તત્ પ્રિયં શ્યામસુન્દરમ્

॥17॥

શ્લોક 19

નિત્યલીલા–પ્રવેશં ચ દદાતિ શ્રી-વ્રજાધિપઃ ।

અતઃ પરતરં પ્રાર્થ્યં વૈષ્ણવસ્ય ન વિદ્યતે

॥18॥

શ્લોક 20

॥ ઇતિ શ્રીમદૂર્ધ્વામ્નાયે શ્રીરાધિકાયાઃ કૃપાકટાક્ષસ્તોત્રં સમ્પૂર્ણમ્ ॥