শ্রী রাধা কৃপা কটাক্ষ স্তোত্রম্

শ্রী রাধা কৃপা কটাক্ষ স্তোত্রম্

শ্লোক 1

মুনীন্দ্র–বৃন্দ–বন্দিতে ত্রিলোক–শোক–হারিণি

প্রসন্ন-বক্ত্র-পণ্কজে নিকুঞ্জ-ভূ-বিলাসিনি

ব্রজেন্দ্র–ভানু–নন্দিনি ব্রজেন্দ্র–সূনু–সঙ্গতে

কদা করিষ্যসীহ মাং কৃপাকটাক্ষ–ভাজনম্

শ্লোক 2

অশোক–বৃক্ষ–বল্লরী বিতান–মণ্ডপ–স্থিতে

প্রবালবাল–পল্লব প্রভারুণাঙ্ঘ্রি–কোমলে ।

বরাভযস্ফুরত্করে প্রভূতসম্পদালযে

কদা করিষ্যসীহ মাং কৃপাকটাক্ষ–ভাজনম্

॥1॥

শ্লোক 3

অনঙ্গ-রণ্গ মঙ্গল-প্রসঙ্গ-ভঙ্গুর-ভ্রুবাং

সবিভ্রমং সসম্ভ্রমং দৃগন্ত–বাণপাতনৈঃ ।

নিরন্তরং বশীকৃতপ্রতীতনন্দনন্দনে

কদা করিষ্যসীহ মাং কৃপাকটাক্ষ–ভাজনম্

॥2॥

শ্লোক 4

তডিত্–সুবর্ণ–চম্পক –প্রদীপ্ত–গৌর–বিগ্রহে

মুখ–প্রভা–পরাস্ত–কোটি–শারদেন্দুমণ্ডলে ।

বিচিত্র-চিত্র সঞ্চরচ্চকোর-শাব-লোচনে

কদা করিষ্যসীহ মাং কৃপাকটাক্ষ–ভাজনম্

॥3॥

শ্লোক 5

মদোন্মদাতি–যৌবনে প্রমোদ–মান–মণ্ডিতে

প্রিযানুরাগ–রঞ্জিতে কলা–বিলাস – পণ্ডিতে ।

অনন্যধন্য–কুঞ্জরাজ্য–কামকেলি–কোবিদে

কদা করিষ্যসীহ মাং কৃপাকটাক্ষ–ভাজনম্

॥4॥

শ্লোক 6

অশেষ–হাবভাব–ধীরহীরহার–ভূষিতে

প্রভূতশাতকুম্ভ–কুম্ভকুম্ভি–কুম্ভসুস্তনি ।

প্রশস্তমন্দ–হাস্যচূর্ণ পূর্ণসৌখ্য –সাগরে

কদা করিষ্যসীহ মাং কৃপাকটাক্ষ–ভাজনম্

॥5॥

শ্লোক 7

মৃণাল-বাল-বল্লরী তরঙ্গ-রঙ্গ-দোর্লতে

লতাগ্র–লাস্য–লোল–নীল–লোচনাবলোকনে ।

ললল্লুলন্মিলন্মনোজ্ঞ–মুগ্ধ–মোহিনাশ্রিতে

কদা করিষ্যসীহ মাং কৃপাকটাক্ষ–ভাজনম্

॥6॥

শ্লোক 8

সুবর্ণমলিকাঞ্চিত –ত্রিরেখ–কম্বু–কণ্ঠগে

ত্রিসূত্র–মঙ্গলী-গুণ–ত্রিরত্ন-দীপ্তি–দীধিতে ।

সলোল–নীলকুন্তল–প্রসূন–গুচ্ছ–গুম্ফিতে

কদা করিষ্যসীহ মাং কৃপাকটাক্ষ–ভাজনম্

॥7॥

শ্লোক 9

নিতম্ব–বিম্ব–লম্বমান–পুষ্পমেখলাগুণে

প্রশস্তরত্ন-কিঙ্কিণী-কলাপ-মধ্য মঞ্জুলে ।

করীন্দ্র–শুণ্ডদণ্ডিকা–বরোহসৌভগোরুকে

কদা করিষ্যসীহ মাং কৃপাকটাক্ষ–ভাজনম্

॥8॥

শ্লোক 10

অনেক–মন্ত্রনাদ–মঞ্জু নূপুরারব–স্খলত্

সমাজ–রাজহংস–বংশ–নিক্বণাতি–গৌরবে ।

বিলোলহেম–বল্লরী–বিডম্বিচারু–চঙ্ক্রমে

কদা করিষ্যসীহ মাং কৃপাকটাক্ষ–ভাজনম্

॥9॥

শ্লোক 11

অনন্ত–কোটি–বিষ্ণুলোক–নম্র–পদ্মজার্চিতে

হিমাদ্রিজা–পুলোমজা–বিরিঞ্চজা-বরপ্রদে ।

অপার–সিদ্ধি–ঋদ্ধি–দিগ্ধ–সত্পদাঙ্গুলী-নখে

কদা করিষ্যসীহ মাং কৃপাকটাক্ষ–ভাজনম্

॥10॥

শ্লোক 12

মখেশ্বরি ক্রিযেশ্বরি স্বধেশ্বরি সুরেশ্বরি

ত্রিবেদ–ভারতীশ্বরি প্রমাণ–শাসনেশ্বরি ।

রমেশ্বরি ক্ষমেশ্বরি প্রমোদ–কাননেশ্বরি

ব্রজেশ্বরি ব্রজাধিপে শ্রীরাধিকে নমোস্তুতে

॥11॥

শ্লোক 13

ইতী মমদ্ভুতং-স্তবং নিশম্য ভানুনন্দিনী

করোতু সন্ততং জনং কৃপাকটাক্ষ-ভাজনম্ ।

ভবেত্তদৈব সঞ্চিত ত্রিরূপ–কর্ম নাশনং

লভেত্তদা ব্রজেন্দ্র–সূনু–মণ্ডল–প্রবেশনম্

॥12॥

শ্লোক 14

রাকাযাং চ সিতাষ্টম্যাং দশম্যাং চ বিশুদ্ধধীঃ ।

একাদশ্যাং ত্রযোদশ্যাং যঃ পঠেত্সাধকঃ সুধীঃ

॥13॥

শ্লোক 15

যং যং কামযতে কামং তং তমাপ্নোতি সাধকঃ ।

রাধাকৃপাকটাক্ষেণ ভক্তিঃস্যাত্ প্রেমলক্ষণা

॥14॥

শ্লোক 16

ঊরুদঘ্নে নাভিদঘ্নে হৃদ্দঘ্নে কণ্ঠদঘ্নকে ।

রাধাকুণ্ডজলে স্থিতা যঃ পঠেত্ সাধকঃ শতম্

॥15॥

শ্লোক 17

তস্য সর্বার্থ সিদ্ধিঃ স্যাদ্ বাক্সামর্থ্যং তথা লভেত্ ।

ঐশ্বর্যং চ লভেত্ সাক্ষাদ্দৃশা পশ্যতি রাধিকাম্

॥16॥

শ্লোক 18

তেন স তত্ক্ষণাদেব তুষ্টা দত্তে মহাবরম্ ।

যেন পশ্যতি নেত্রাভ্যাং তত্ প্রিযং শ্যামসুন্দরম্

॥17॥

শ্লোক 19

নিত্যলীলা–প্রবেশং চ দদাতি শ্রী-ব্রজাধিপঃ ।

অতঃ পরতরং প্রার্থ্যং বৈষ্ণবস্য ন বিদ্যতে

॥18॥

শ্লোক 20

॥ ইতি শ্রীমদূর্ধ্বাম্নাযে শ্রীরাধিকাযাঃ কৃপাকটাক্ষস্তোত্রং সম্পূর্ণম্ ॥