Sri Panchayudha Stotram

ශ්රී පඤ්චායුධ ස්තෝත්රම්

ශ්ලොක 1

ස්ඵුරත්සහස්රාරශිඛාතිතීව්රං

සුදර්ශනං භාස්කරකෝටිතුල්යම් .

සුරද්විෂාං ප්රාණවිනාශි විෂ්ණෝඃ

චක්රං සදා(අ)හං ශරණං ප්රපද්යේ .. 1 ..

විෂ්ණෝර්මුඛෝත්ථානිලපූරිතස්ය

යස්ය ධ්වනිර්දානවදර්පහන්තා .

තං පාඤ්චජන්යං ශශිකෝටිශුභ්රං

ශඞ්ඛං සදා(අ)හං ශරණං ප්රපද්යේ .. 2 ..

හිරණ්මයීං මේරුසමානසාරාං

කෞමෝදකීං දෛත්යකුලෛකහන්ත්රීම් .

වෛකුණ්ඨවාමාග්රකරාග්රමෘෂ්ටාං

ගදාං සදා(අ)හං ශරණං ප්රපද්යේ .. 3 ..

යජ්ජ්යානිනාදශ්රවණාත්සුරාණාං

චේතාංසි නිර්මුක්තභයානි සද්යඃ .

භවන්ති දෛත්යාශනිබාණවර්ෂෛඃ

ශාර්ඞ්ගං සදා(අ)හං ශරණං ප්රපද්යේ .. 4 ..

රක්ෂෝ(අ)සුරාණාං කඨිනෝග්රකණ්ඨ-

-ච්ඡේදක්ෂරත්‍ක්ෂෝණිත දිග්ධසාරම් .

තං නන්දකං නාම හරේඃ ප්රදීප්තං

ඛඩ්ගං සදා(අ)හං ශරණං ප්රපද්යේ .. 5 ..

ඉමං හරේඃ පඤ්චමහායුධානාං

ස්තවං පඨේද්යෝ(අ)නුදිනං ප්රභාතේ .

සමස්ත දුඃඛානි භයානි සද්යඃ

පාපානි නශ්යන්ති සුඛානි සන්ති .. 6 ..

වනේ රණේ ශත්රු ජලාග්නිමධ්යේ

යදෘච්ඡයාපත්සු මහාභයේෂු .

පඨේත්විදං ස්තෝත්රමනාකුලාත්මා

සුඛීභවේත්තත්කෘත සර්වරක්ෂඃ .. 7 ..

සචක්රශඞ්ඛං සගදාසිශාර්ඞ්ගං

පීතාම්බරං කෞස්තුභ-වත්ස-චිහ්නම් . [කෞස්තුභ-වත්ස-ලාඤ්ඡිතම්]

ශ්රියා සමේතෝජ්ජ්වල ශෝභිතාඞ්ගං

විෂ්ණුං සදා(අ)හං ශරණං ප්රපද්යේ ..

ජලේ රක්ෂතු වාරාහඃ ස්ථලේ රක්ෂතු වාමනඃ .

අටව්යාං නාරසිංහශ්ච සර්වතඃ පාතු කේශවඃ ..

ඉති පඤ්චායුධ ස්තෝත්රම් ..