Sri Panchayudha Stotram

shrI pa~nchAyudha stotram

shloka 1

sphuratsahasrArashikhAtitIvraM

sudarshanaM bhAskarakoTitulyam |

suradviShAM prANavinAshi viShNoH

chakraM sadA.ahaM sharaNaM prapadye || 1 ||

viShNormukhotthAnilapUritasya

yasya dhvanirdAnavadarpahantA |

taM pA~nchajanyaM shashikoTishubhraM

sha~NkhaM sadA.ahaM sharaNaM prapadye || 2 ||

hiraNmayIM merusamAnasArAM

kaumodakIM daityakulaikahantrIm |

vaikuNThavAmAgrakarAgramRRiShTAM

gadAM sadA.ahaM sharaNaM prapadye || 3 ||

yajjyAninAdashravaNAtsurANAM

chetAMsi nirmuktabhayAni sadyaH |

bhavanti daityAshanibANavarShaiH

shAr~NgaM sadA.ahaM sharaNaM prapadye || 4 ||

rakSho.asurANAM kaThinograkaNTha-

-chChedakSharat{}kShoNita digdhasAram |

taM nandakaM nAma hareH pradIptaM

khaDgaM sadA.ahaM sharaNaM prapadye || 5 ||

imaM hareH pa~nchamahAyudhAnAM

stavaM paThedyo.anudinaM prabhAte |

samasta duHkhAni bhayAni sadyaH

pApAni nashyanti sukhAni santi || 6 ||

vane raNe shatru jalAgnimadhye

yadRRichChayApatsu mahAbhayeShu |

paThetvidaM stotramanAkulAtmA

sukhIbhavettatkRRita sarvarakShaH || 7 ||

sachakrashaNkhaM sagadAsishArNgaM

pItAmbaraM kaustubha-vatsa-chihnam | [kaustubha-vatsa-lA~nChitam]

shriyA sametojjvala shobhitA~NgaM

viShNuM sadA.ahaM sharaNaM prapadye ||

jale rakShatu vArAhaH sthale rakShatu vAmanaH |

aTavyAM nArasiMhashcha sarvataH pAtu keshavaH ||

iti pa~nchAyudha stotram ||