Sri Panchayudha Stotram

zrI paJcAyudha stotram

zloka 1

sphuratsahasrArazikhAtitIvraM

sudarzanaM bhAskarakoTitulyam |

suradviSAM prANavinAzi viSNoH

cakraM sadA'haM zaraNaM prapadye || 1 ||

viSNormukhotthAnilapUritasya

yasya dhvanirdAnavadarpahantA |

taM pAJcajanyaM zazikoTizubhraM

zaGkhaM sadA'haM zaraNaM prapadye || 2 ||

hiraNmayIM merusamAnasArAM

kaumodakIM daityakulaikahantrIm |

vaikuNThavAmAgrakarAgramRSTAM

gadAM sadA'haM zaraNaM prapadye || 3 ||

yajjyAninAdazravaNAtsurANAM

cetAMsi nirmuktabhayAni sadyaH |

bhavanti daityAzanibANavarSaiH

zArGgaM sadA'haM zaraNaM prapadye || 4 ||

rakSo'surANAM kaThinograkaNTha-

-cchedakSarat‍kSoNita digdhasAram |

taM nandakaM nAma hareH pradIptaM

khaDgaM sadA'haM zaraNaM prapadye || 5 ||

imaM hareH paJcamahAyudhAnAM

stavaM paThedyo'nudinaM prabhAte |

samasta duHkhAni bhayAni sadyaH

pApAni nazyanti sukhAni santi || 6 ||

vane raNe zatru jalAgnimadhye

yadRcchayApatsu mahAbhayeSu |

paThetvidaM stotramanAkulAtmA

sukhIbhavettatkRta sarvarakSaH || 7 ||

sacakrazaGkhaM sagadAsizArGgaM

pItAmbaraM kaustubha-vatsa-cihnam | [kaustubha-vatsa-lAJchitam]

zriyA sametojjvala zobhitAGgaM

viSNuM sadA'haM zaraNaM prapadye ||

jale rakSatu vArAhaH sthale rakSatu vAmanaH |

aTavyAM nArasiMhazca sarvataH pAtu kezavaH ||

iti paJcAyudha stotram ||